水戶日本料理

營業中

休息中

本身今晚諗住去食元氣，頂知打開app拎飛時，嘩！成80張枱點等啊？我即刻開openrice 睇下仲有咩日本餐廳，見到呢個水戶日本料理開咗唔係好耐，評價都唔錯，就去食下啦！7點幾份到去仲有一張雙人枱，好野唔洗等位角切魚生飯，好大碗呢，魚生都算多，除咗有魚生外，甜蛋都好好味，成碗飯好香魚油味，正牛肉鍋，原來裡面有粉絲架，唔洗怕唔飽！牛肉好香，黎到時半生熟唔會煮到熟晒韌晒！赤貝壽司好大份啊，貝類十分鮮甜天婦羅炸蝦手券，黎到時仲熱架，唔會預先炸到隻蝦乾晒凍晒，好有誠意火灸醬燒三文魚壽司，魚油香口，大塊！我呢個三文魚控仲嗌咗三文魚小卷，一樣鮮味邆鹽燒醋鯖魚，嘩呢條燒得好好味，成晚食得最開心係呢條，魚肉好嫩點醋食好香口！鹽燒雞翼串，好抵食有四隻！正啊以後黎水戶食日本野夠晒喇！

粉嶺呢頭真係比較少去通常都只係返大陸經過女友話呢到有間日本野唔錯又黎開呢頭就一於一試==============================午市定食有主食有蒸蛋有前菜有味增湯先50蚊左右都幾抵食喎薄燒安格斯牛肉定食牛肉燒得好香咬落去都有好多肉汁最鍾意佢表層有少少脆脆地好香口前菜係好爽口既青瓜日式蒸蛋都有蛋香而且幾嫩入面都幾足料有冬菇同埋嗚門卷味增湯就遜色少少啦有少少酒味，即係可能放耐左或者存放空間太暖另外叫多左客餃子餡料既味道都唔錯但外皮略嫌煎得唔夠正宗日式餃子應只煎底皮佢依家似港式炸餃子多ｄ但總結黎講都係唔錯既

前幾日經過見到依間新嘅日本餐廳，見到好多人食，即刻好想試下，等位時間大約5分鐘，好快入到去，環境不錯，唔會坐到好迫。藍鰭吞拿魚中腩壽司：鮮味十足，入口即溶，好滿足。三文魚腩刺身，好肥厚，好新鮮。炸軟殼蟹手卷：軟殼蟹剛剛炸起，完全無油膱味；紫菜好脆口，唔會腍晒，好食。土佐豆腐：外脆好香口，𥚃面豆腐熱辣辣好滑。鹽燒牛舌串：燒得剛剛好，鎖住肉汁好juicy，好惹味。鹽燒雞軟骨串：無油膱味，爽口，好夠味。海鮮燒餅：好多海鮮料，而且唔會好多粉醬，煎到好乾身，好香口。全部都好食，價錢合理，服務好，加茶加得好密，之後一定會再食。

今日約左朋友去左粉嶺一間較早前新開的日本餐廳，日式裝潢簡單舒服，坐位就夠曬闊落。落單點左三文魚親籽丼，角切魚生丼，天婦羅蝦卷，燒茄子，鹽燒三文魚頭。先講兩個丼飯，份量都幾多，飯溫控制不俗，刺身夠厚又新鮮，幾十蚊價錢絕對超值。天婦羅蝦卷一份有六件，炸得夠脆身，每件都大大舊，好滿足。另外想講餐廳選用的醬油同芥苿質數都比一般連鎖日式餐廳高，呢樣要加分。最後上菜的是燒物－燒茄子同鹽燒三文魚頭。 先講茄子，三十幾蚊咁大份， 真係好抵食，燒得幾香，不過如果調味多小小味道會更佳。 對比之下，鹽燒三文魚頭做得比較好，魚油好香，配合特有醬汁，食落去好開胃但唔油膩，抵讚！總括食物餐廳質數同服務質數都幾高分，價錢又相宜，有時間一定會再去。

星期六瞓醒都差唔多12點，於是去粉嶺中心搵野食，其實粉嶺真係開左好多食肆，最後去左呢間水戶食日本野，餐廳位置比較靜，啱晒我。油甘魚刺身，一共有5片，5片都係厚切啖啖肉好正。水戶魚生丼，魚生丼賣相吸引，刺身厚切新鮮，有三文魚、油甘魚、八爪魚、劍魚腩、吞拿魚、帶子、甜蝦、蟹子、蟹柳絲、甜蛋同子薑，刺身好豐富好足料，刺身下面係飯同大量既青瓜絲。吞拿魚手卷，兩大片吞拿魚刺身好厚身好足料。蔥吞拿魚蓉手卷，吞拿魚蓉同蔥一齊食好夾，口感唔錯。蟹子軟殼蟹手卷，軟殼蟹大大件熱辣辣，蟹子都唔少，夾埋一齊幾好食。鰻魚壽司，無諗過鰻魚咁大件，通常喺出面食件鰻魚會同舊飯一樣size，點知呢度既鰻魚係大過舊飯，而且件鰻魚好厚肉。海鮮燒餅，燒餅好厚身，面頭鋪滿鰹魚碎同沙律醬，上檯時已切好四件所以食得好方便。整體黎講，幾適合同朋友食飯聚會，因為呢度唔會好嘈，價錢亦親民大眾化；食物方面，最欣賞呢度全部刺身都係厚切，好滿足; 環境方面，店內幾寛敞，座位唔會好密密麻麻，坐得都幾舒服，而且感覺幾乾淨;服務方面，侍應加茶加得好密亦都好主動收碟，同埋無想趕你走既感覺。

星期六放假日子最愛訓到自然醒！想找個舒服又不會趕人更不是快餐店，於是跑到粉嶺中心的《水戶日式料理》環境很柔和，有酒吧檯 也有4人梳化位全都是單點 - 有刺身 、壽司、拉麵、鍋物，最後都係決定藍鯨吞拿魚刺身 HKD 78 （3件）很吸引！ 很多同款不同級數的藍鯨吞拿魚！ 這個刺色澤紅潤、沒有筋、仲要係厚切！ 牛肉鍋 HKD 62 起衫還擔心份量是否足夠！ 原來鍋底裡藏了大量幼身（偏身）粉絲，口感很不錯，還把湯精華吸收了！ 牛肉份量也足夠— 點點脂肪，也有爽娃娃菜

唔講唔知呢個位開左日本野，今日同事講開話想食就黎試下先，星期六中午黎食個午餐，原來沒有午市套餐，但散點的餐牌也不貴，價錢挺合理啦。坐低後，店員很快便送上熱茶，而且refill得很勤蔥吞拿魚蓉丼（$72）自己點了吞拿魚蓉丼，大大碗賣相不錯呢。魚蓉雖說不上十分肥美，但綿滑沒腥味，收貨有餘了。除了魚蓉，配料還有蟹柳，甜蛋，生薑，蔥等，較有趣是有幾片炸春卷皮同天婦羅粉漿？幾香口，增加一下口感吧。鰻魚飯（$72）同事點了鰻魚飯，用便當盒盛載，閃亮亮的鰻魚下放著蛋絲及黃瓜片，賣相吸引。鰻魚幾好味，雖然較瘦，但個鰻魚汁正。三文魚燒餅（$38）仲點左至愛的燒餅，燒餅醬同沙律醬都下得夠多，餅也煎得乾身香口，厚厚的粉漿很飽肚，正好飽好飽，食飽飽又係時候回去開工了～

唔講其他，先講服務，我會比全5分！加茶加得好密，態度亦幾好。 同屋企人食完之後行咗出門口大約100米，店員衝出嚟叫跟住我哋：「小姐~ 小姐~」，再雙手奉上手機。 原來屋企人留低左手機，店員即刻追出嚟俾返我哋，太感激！ 餐廳喺粉嶺中心，地點比較靜，入座時唔係太多人。 但估唔到食食吓就多左好多客人，都好多街坊支持喎。 店內環境幾寛敞，坐得舒服。野食價錢都好大眾化，水準中上。三文魚腩壽司$20 火炙醬燒三文魚壽司$22用木架上枱，感覺高檔啲，味道亦唔錯。牛油果軟殼蟹卷$64好多蟹籽，軟殼蟹亦都夠脆，但牛油果就較為硬身。清酒煮蜆$52酒味唔算濃，但幾清甜。 蜆有好多隻，每隻都開口，新鮮。鹽燒雞翼串$34雞皮燒到好香脆，雞肉仍然保持多汁。鹽燒三文魚腹鰭$38呢個我好鍾意食，每次都係必點，魚皮薄而脆，魚油超級豐富。金菇牛肉卷$42有好多洋蔥墊底，我就唔係咁鍾意，但屋企人就話好好食。

平時好少機會入粉嶺，今次一場入到嚟就試下粉嶺的水戶日本料理。第一眼望到餐廳門口的裝修很有日本風格，入到店內餐廳裝修簡約整潔， 店員態度親切， 還看見餐牌上有很多選擇，刺身， 天婦羅，拉麵，烏冬，燒餅，燒物，串燒，小食，丼，壽司，軍艦，卷物，真是應有盡有！ 在花多眼亂的情況下我點了牛油果軟殼蟹卷 $64，水戶魚生丼 $98，豬軟骨拉麵 $58，海鮮燒餅 $46。豬軟骨拉麵 ~ 價錢很抵吃，份量亦都很多，有半隻半熟雞蛋，豬軟骨很入味，配菜有粟米粒和紫菜， 還有拉麵的質地煙韌。牛油果軟殼蟹卷 ~ 賣相很美，軟殼蟹入口卜卜脆，配有新鮮的牛油果，食落不會油膩！水戶魚生丼 ~ 刺身厚切新鮮，三文魚，魷魚，帶子，甜蝦，蟹子，足料的丼。海鮮燒餅 ~ 上枱的時候香噴噴，燒餅做得很好，厚身得黎餅底鬆軟， 廚師還很細心地幫燒餅切開四片，讓我們容易食用。整體來說水戶日本料理算是平民化日本菜，雖然價錢親民但是質素幾好，喜歡吃日本菜的朋友可以來這裏試下！

冇黎幾個月粉嶺中心，泊好車一出行出黎就見到有新餐廳日本料理，而且門口都多人排隊，但等左一陣好快就入得去啦。餐廳除左壽司，刺身都有拉麵、燒餅、丼飯、串燒，炸物、料理、鍋物，都好多選擇。餐廳座位枱與枱之間都比較逼，另一邊有卡位，應該坐得舒服一點。枝豆-好大碗甜蝦刺身-每次有都會必點，大大隻，非常新鮮，蝦身帶有濃厚的甜味，正八爪魚壽司-八爪魚厚切，肉質爽脆，以個價錢都好抵食，因為係厚切北奇貝壽司-肉厚而柔軟，味道爽甜海鮮燒餅-大大份，餡料好多，有大大隻蝦係入面，廚師好貼心，一早已切開四件，方便夾黎食，讚

附近只有爭鮮，想吃日本菜要去聯和墟，這麼遠實在沒興趣。在這裡上班好一段日子，自從三哥摺了，一直很少過來這邊，原來有一家裝修挺有日本風的日本餐廳！有卡座有bar枱，光猛衛生。同事吃過午飯，說很不錯，那麼晚餐也就試一試吧！三文魚親子飯，賣相精緻，同區難尋！除了主角三文魚和三文魚子，還有蟹柳絲和甜蛋兩件。$68算是市價了，反正我一直沒覺得粉嶺的物價和市區有甚麼大分別。紋路還真是太美了～也很久沒吃過美味的三文魚！水戶的魚生真的很不錯，同事同樣是推介這裡的魚生片，感覺是新鮮和衛生的。同事的蔥吞拿魚蓉飯，也是我心水之選，只是免得大家點一模一樣的飯所以點了別的（笑）中間有幾片炸春卷皮，將它打碎後混在飯中，有增添口感。這樣吃倒是第一次見，但自覺這幾片春卷皮跟吞拿魚蓉不太夾。點了一客玉子燒，和丼飯類同，不過上面加了麻醬而且是即叫即燒，暖暖的當然比丼飯中冷冷的好吃得多。一客$32有8件，真心喜出望外。雖然這蛋卷是交來貨，但自己在家燒不到這麼美味呢。說戒口戒煎炸食物最後還是敵不過美食（汗）雜錦天婦羅，不但賣相美，炸得亦不錯，可見炸醬不厚，而且最驚喜的是蝦非常大隻和新鮮！如此靚蝦，用來炸我們紛紛覺得有點可惜（

粉嶺中心多左不同餐廳，而且近排有一間新餐廳進駐，仲要係日本料理，我的至愛呀。12點開門，人唔多，但好快陸陸續續滿座啦，都好多人黎排隊食，係粉嶺名都同粉嶺中心黎講以間日本料理算唔錯，唔係連鎖式，終於多一個選擇，唔駛黎黎去去個幾間餐廳。海鮮燒餅（$46）嘩，估唔到咁大分，而且燒餅好厚，餅底鬆軟，入面好足料，雖然厚，但唔會煎到濃晒，鰹魚碎亦好大方，鋪滿了成個燒餅。汁燒牛粒串（$38）牛粒串肉質軟腍，燒得剛剛好，而且還加了少許鹽調味，牛味更濃玉子小卷（$18）包得唔夠實，一夾就散

粉嶺食日本野好食 諗都無諗過果日見茶餐廳咁多人 轉個身望下 又見到間日本野 咁就堅擔粗粗入去食啦餐牌都無睇 真心博一博佢有d玻璃卡位 不過俾人留左位 咁就由佢餐牌 印象都係刺身 壽司 串燒 天婦羅 飯 麵 小食 咁都正常啦我同女朋食唔多 又唔食生野 點左鰻魚炒飯 牛油果軟殻蟹圈 海鮮燒餅個人覺得 燒餅唔係大量耶菜 唔係最正不過我女人就好buy 因佢話個味好味另外 咁多木魚碎係面 郁郁下 又幾好睇我個人覺得 竟然係日本食店食到「有鑊氣」炒飯又真係好驚喜 要贊下個師傅 應該係中式師傅黎我覺得好食囉 不過呢 鰻魚份量就少左d牛油果軟殻蟹圈...正常 無咩特別但好多台都有叫 咁就照叫

自從新開嗰陣時幫襯過，之後都冇嚟過。今次就要再試下睇下佢地有冇進步先。今次都係食晏時間嚟，唔使等位，直接入得。之前新開張只有散叫，兒家有午市套餐，相對平d。我叫咗壽司定食，今次好過上次。10件壽司，有沙律、前菜、湯，$62❨未加一❩。沙律比想像中好，前菜係青瓜，湯係普通嘅麵豉湯，壽司賣相比上次好，食落普普通通，起碼d魚生食落冇｢根｣。同事叫咗鰻魚飯定食，佢話都ok。總括今次嚟食，算係同價錢成正比，所以今次我比ok﹐是進步了。

一行幾人坐喺卡位，一坐落就唔對路，patpat位好窄，坐得唔太舒服。再坐多陣坐最入面既我開始對腳好痕！食餐飯俾蚊咬左六七啖！！勁辛苦！至於食物方面完全無驚喜，壽司飯超細粒！唔係人地日式手握壽司嗰種細舊飯，係「為左唔俾你食飽」嗰種細舊飯！因為佢握得好核突！鰻魚唔係入口鬆軟油份夠嗰種，係平價彈口嗰隻！失望！雞泡魚干真係乾到爆！拉麵更加垃圾！豬骨湯底一定係人造啦，面質都差，出前一丁都好食過佢！最正常係南瓜蕃薯天婦羅。唔會再黎！況且價錢唔係特別平，食物質素唔得，我食元氣，甚至爭鮮好過！難得粉嶺有間外觀內部都正常少少既日本野，但做得差.....