水戶日本料理

營業中

休息中

今日約左朋友去左粉嶺一間較早前新開的日本餐廳，日式裝潢簡單舒服，坐位就夠曬闊落。落單點左三文魚親籽丼，角切魚生丼，天婦羅蝦卷，燒茄子，鹽燒三文魚頭。先講兩個丼飯，份量都幾多，飯溫控制不俗，刺身夠厚又新鮮，幾十蚊價錢絕對超值。天婦羅蝦卷一份有六件，炸得夠脆身，每件都大大舊，好滿足。另外想講餐廳選用的醬油同芥苿質數都比一般連鎖日式餐廳高，呢樣要加分。最後上菜的是燒物－燒茄子同鹽燒三文魚頭。 先講茄子，三十幾蚊咁大份， 真係好抵食，燒得幾香，不過如果調味多小小味道會更佳。 對比之下，鹽燒三文魚頭做得比較好，魚油好香，配合特有醬汁，食落去好開胃但唔油膩，抵讚！總括食物餐廳質數同服務質數都幾高分，價錢又相宜，有時間一定會再去。