民華餐廳

營業中

休息中

路經金魚街見到有此新餐廳,被門口的餐牌吸引了視線脚步便跟著走了入來.這店是集合了近年受歡迎食物於一身,麻辣米線、點心盅頭飯、蕃茄湯底、豬膶、炒滑蛋厚多士等等.兩個人便正好每款試一點.區內少有裝修得花心思的餐廳各式其式梗有一款有興趣,一網打盡!蕃茄豬膶通粉----味道頗天然沒有特別的整色整水,豬膶灼得爽脆!通粉再硬身一點會更佳.餐肉炒蛋配多士----餐肉煎得夠香,炒蛋尚算滑溜,即烘的厚身多士夠熱夠脆.山竹牛肉及燒賣----做法很像早期兼賣點心的粥店一樣,早已用小碟載著蒸好放在大蒸櫃內保溫而不是即叫即蒸.因長期加熱故兩款的肉質也是比正常的淋,味道是好吃談不上但放得入口那種.煎蛋牛肉飯----牛肉餅味道不錯!有彈性得來牛肉成份頗高,飯粒挺身有咬口,惜蛋不是即煎吃起來是冰凍的.麻辣雞翼----煎得表面夠脆內裡不算嫩滑,辣味只來自表面的調味料.凍奶茶----茶味略淡但己比隔離左右的好.三心兩意吃個簡餐,每樣也想試一點來個大雜燴的話,這裡是個不錯的選擇.

是日3點，經過金魚街，見原本大型金魚店嘅鋪頭轉左做餐廳，見到門口menu啲食物幾吸引，碰巧肚餓就入內試試。當日不太多人，一個人坐了整張卡位，不過坐位不太濶落，經店員介紹就點了個常餐，（跟澳牛的午餐配搭差不多）等了3分鐘，先來個炒蛋餐肉多士，先吃一口多士，正！超好味，外脆內軟，再吃炒蛋，跟澳牛風格完全不同，有蛋香而不油，炒蛋上還有些蛋白，看似刻意未攪混，吃入口都好滑，餐肉都煎得幾脆，味道就沒有甚麽好談吧，再來過番茄豬膶通粉，個湯好味，還有粒粒茄肉，豬膶煮得很爽口很好味，再喝杯奶茶，有茶味又夠滑，不算最好但都唔馬虎，埋單$30，旺角來講都算合理。見對面張枱個蒸排骨飯好似幾好味，不過今天額滿，下次再來試吧！

之前都聽過朋友話旺角開左間新野,仲話幾好食添, 所以就去左試下, 可能係星期六所以要等位啦, 不過, 好快5分鐘都唔洗就有位喇, 唔知係咪新開, 覺得好光鮮, 好乾淨,一坐低我即刻order 左個朋友之前推介既排骨盅頭飯同一碟燒賣, 雖然order 呢d 好似好普通甘, 但既然係朋友介紹就試下啦. 嘩! 原來個飯都唔細架, 真係就甘食一個飯都已經好飽, d 排骨唔錯, 好有飯香味, 而碟燒賣好好好大粒, 我要咬3口先食得哂, 唔同一般係酒樓食得細細粒, 一啖就冇左,甘計法係旺角黎講算係平喇, 睇黎下次都可以再黎試埋其他既野食.

自已噚晚行旺角,見到有間食館新開，個外貌同內籠都裝修得幾grant、幾靚，出面擺咗幾個餐牌燈箱。這個位置正正前身係"海底世界"賣魚鋪嗰到，以前我最鐘意同d friend閒時冇咩特別嘢做去睇佢地一大缸一大缸既咸水魚...係成條街最大規模、最靚嘅咸水魚店。入到去睇真d發現佢地竟然有雲南米線…. 。外表咁西餐廳都有咁中式既食物！睇過d嗰menu，仲有盅頭飯食、点心、茶餐等食物…但冇鋸扒喎?…我個人覺得都幾有諗頭，以豪華裝修去包裝平民食物…. 係MK仲可保留平民價錢;)我叫咗個麻辣米線，有小、中、大辣，我揀咗個小辣，仕應話都幾辣，我更係唔搏，費事叫嗰中辣我頂唔住。叫了單一個餸--牛肉，樓面話個底已跟韭菜、芽菜、腐皮，$23低。一食落, 真係幾正, 啲牛肉有牛香幾有質感卻唔韌，並非行貨。佢個湯底不單只有麻的香味, 而真係令我嘴脣及條脷麻麻的，很過隱！讚!!清湯及酸辣未知水準, 但睇嚟麻辣已比譚仔出色。下次一定要試試佢個酸辣，再下定斷。

行行下街見到有間餐廳新開,第一眼望入去就覺得好整潔,好靚,感覺應該都唔錯,之後入左去坐低叫左2個餐食,鮮茄通粉,火腿炒蛋+多士,再+$4叫左杯熱鮮奶,等一樣黎到就係個通粉,一食落口只得一種感覺,就係好"酸",食左2啖我就已經無再食了...之後就食炒蛋多士,炒蛋都算幾好,但個多士不太好,食落口不但不脆,而是"腍"又係食左2啖就無再食了,熬鮮奶...係一d都唔熱,輕輕的暖暖地=.=",望一望男友,原來佢都係一樣,碟碟都食左小小就算,1個餐$30,2個餐咁就$60...本人覺得真係唔值!有樣野值得讚,就係放餐具ge櫃桶好整齊!

又黎簡短heahea食評，呢篇咁短既食評我都拖左成兩個禮拜咁上下，其他就......是日要去太子附近做野，係附近想搵D野食，記得新開左一間茶餐廳，就又黎試下啦。入到去的確裝修幾光鮮，燈火通明，服務都幾好，即刻有人安排我地坐卡位。兩個人分別叫左一個常餐，加一個盅頭飯，哈，因為好肚餓。常餐可選火腿/餐肉配炒蛋煎蛋等，我就要左餐肉炒蛋再加牛油多士。牛油多士都幾厚，咬落亦鬆軟好吃，而且夠熱配上牛油都幾香的~ 炒蛋一般，無咩蛋汁，但都有蛋香的，可以啦。另外仲配個通粉，我就揀左蕃茄豬膶通，呢個幾好食喎~ 蕃茄味湯底夠濃味，味道又唔會太酸食落好開胃，豬膶切得細細塊，咬落都幾粉嫩的~ 唯一唔鍾意d通粉好似硬左少少，但整體都幾好食的。最後仲有個盅頭飯，都有幾多款選擇，最後揀左咸魚蒸肉餅，唔好睇佢細細盅，佢個底幾深都幾多大盅的~ 而且材料好足，幾多咸魚所以個飯好香，加埋肉餅都算鬆軟好味又唔會太肥，佢d飯仲幾有米香添~ 覺得唔差喎~整體都唔錯，價錢一般啦，唔係話好貴，都可以食下的。

第一次來這間新開嘅餐廳@ 6:00pm。問侍應有咩推介。佢問我食唔食得辣，我話小小。佢就推介我食濃湯米線。個侍應提我有小小小辣味，話係冬天推介喎。話係比我呢d食得小小小辣嘅人食。近曰都食咗好多肉，我揀咗4種配料，有豆卜、粟米、木耳、金菇。食素！ :-P價錢：$34. 係旺角都好合理。來到米線，食落幾有魚湯feel，肉味都很濃，感覺有熬了10多個鐘。d餸都幾新鮮，我最喜歡木耳，好爽口，有電視仲話可預防癌症:-0 豆卜好有豆味，滲埋d湯好正。米線just make。唔會淋淋咁，份量亦都唔少，今晚唔使食消夜都得。

自己好鍾意食辣,見到間餐廳又有得食雲南米線,就心郁郁試下我午飯時間去但都唔使等位,仲要有得坐卡位呢間餐廳真係唔錯無論係個酸辣湯底定麻辣中辣湯底都做得唔錯酸辣o個個d酸味唔會喧賓奪主,搶哂d辣味但麻辣中辣o個個d辣就同譚仔個大辣差唔多不過因為我自己好鍾意食辣就覺得更加好味喇不得不提是佢個碗既設計超特別至於米線呢,就比譚仔少d,牛丸就無咩特別

吃過了碗車仔麵後，見肚子尚有一點空檔，就不如又找點東西吃吧，人在旺角太子交界，吃的選擇很多，但又不是間間都吸引，本想去吃陳記來一碗燒鵝瀨的，但是日又不太想吃鵝那麼油，最後走着走着，來到了一所外表光鮮的店子，是一所茶餐廳來的，除了有一般茶記食物之外，又有蒸點心、蒸飯、米線及就連茴香孜然燒雞翼都有得吃。店內的環境雖光鮮，但就有點迫，看來都是快吃快閃好了，看看餐牌，蕃茄粉真的挺為吸引，可是一碗都要上廿三元左右，但原來在餐牌隔旁的常餐，就已包括了一個細號的蕃茄粉，另外包多士、炒蛋、火腿及一杯飲品，所以立時點了常餐，另外也很想試一試店家的點心，但是日真的吃不下那麼多，最後唯有點了本人愛吃，而又沒什麼肉吃不飽的鳳爪吧。先來的是豉汁蒸鳳爪，豆豉的數目少之有少，吃起來果然豆豉香味不濃，吃起來鳳爪真的是不香而過甜，而鳳爪都是標準的炸過後再蒸，可能店家是蒸得過久了，吃起來很是軟腍，沒有了咬口，筋位都不是太有口感，反之底下的腐竹真的很是軟腍又吸味，好吃過鳳爪了。之後就來一碟炒蛋火腿多士，看其賣相真的有幾分像澳牛及北海道牧場的常餐，店家的炒蛋是故意的沒有攪勻來炒的，吃起來仍算幾滑，不過有部份的位置是硬身了一點