民華餐廳

營業中

休息中

一早揸車路經金魚街,我見呢間店裝修乾浄新潮豪華,心諗D野唔好食都可以座得舒服D啦~~~天氣凍凍地就叫隻懦米雞食吓,點知出乎意料食食吓居然有隻奄春蛋~~~? 腦海一幕幕小時候跟爸爸媽媽歎早茶的境况浮現~~~超好味....在閙市中心居然可以俾我揾到有奄春蛋嘅懐舊懦米雞......內裡足料豐富~~~懦米軟熟...粒粒有輕微彈力...相信在包扎前懦米有經過隔水蒸之古方處理方式~~~~連飮品三十元有找~~~市中心,,,車泊門口~~~必試~~~

一個月前吃大腕豬膶蕃茄通，店家留給我的感覺很一般，豬膶切得太薄，煮得變到有點老，而湯底有點過酸。但今次我仍叫大碗通，材料再加入牛肉，我個人很喜歡豬膶，比多次機會佢，我要咗個雙併大碗通。豬膶+牛肉蕃茄通，今次豬膶真的有明顯進歩，切得夠厚了，牛肉剛好，並且茄通底有好多茄粒，沒有偏酸，很開胃，真材料！值得比個好佢，希望佢哋繼續努力！

近年香港好興食早餐, 炒蛋多士變成了潮流食物,不過澳洲牛牛無蕃茄湯, 民華就一次過滿足香港人鐘意食炒蛋多士同蕃茄湯的願望啦=)以一間茶餐廳黎講, 民華都叫有好多野食買...點心, 麵包, 茶餐廳食品同盅飯黎到就梗係先吃招牌食品啦!!炒蛋夠香又滑而且好有蛋味, 顏色較黃多士係厚多士而且又軟又香牛油味.... (有好多牛油架)蕃茄通粉,有牛肉同豬潤2款而且都比好多呀!!!! 最重要係個蕃茄湯真係做得好好...!! 夠晒濃郁又有蕃茄粒, 味道一d 都唔artificial...!!! $30 蚊一個餐就食到飽飽而且又好味...!!因為太肚餓所以再叫左一個鵪鶉蛋燒賣...有3粒, 正正常常味道民華可算是太子飯堂之選呢=)

昨日賣完iPhone，今天又收到DHL於是又要到先達賣機，原本打算到九龍城食，但唔識搭車，太太又想食點心，誤打誤撞見到民華有點心食，而且裝修很新很乾淨。點了一份常餐，蕃茄豬潤通配厚切多士、炒蛋、午餐肉、檸檬茶，再點了燒賣及牛肉球。豬潤很新鮮好爽口好乾淨，厚切多士抵食夾大件，炒蛋好滑，午餐肉就。。。認真麻麻，但整體真係好好味。燒賣、牛肉比茶樓好少少。最後，太太忍唔住再點小茴香雞翼，太太讚不絕口！

約左個朋友出旺角睇相機, 出發前上下Open RIce睇下有咩好地方食Tea, 搵到呢間好似唔錯wor, go go go下午三點左右到, 都幾多人等緊, 好彩人流快, 唔係等左好耐就有位, 大家都預計到, 一間人氣咁旺的茶餐廳, 點會唔使搭檯 (都預左), 我地兩個大男人被安排坐在一邊的卡位, 都好逼好窄, 食野時同我個朋友頂來頂去, 哈哈!! 侍應數目明顯唔夠, 坐底左好耐先有人執檯, 又要叫左好耐, 先有人同我地落單...餐廳提供的食品種類不多, 我地叫左兩個茶餐----->蛋炒得好滑好香, 好有蛋味 (而家在茶餐廳食炒蛋, 都係無蛋味), 午餐肉同火腿係有煎過, 好香口, 個厚多士一流, 烘得好脆, 又夠熱, 牛油溶入晒塊多士度, 好正!湯底茄味好濃, 似足屋企煲的蕃茄薯仔湯 (無用大量茄膏), my cup of tea, 真係用左好多蕃茄!!!! 用料都好足夠, 牛肉又煮得剛剛好, 不過豬潤就煮到過晒火, 實晒, 同埋, 兩碗麵黎到時都唔係好熱, 可能係放到凍左先上到檯 我覺得呢個湯底配通粉應該會好食d, 下次要試試...另外, 餐廳亦都供應幾款點心, 下次都要試

昨日賣完iPhone，今天又收到DHL於是又要到先達賣機，原本打算到九龍城食，但唔識搭車，太太又想食點心，誤打誤撞見到民華有點心食，而且裝修很新很乾淨。點了一份常餐，蕃茄豬潤通配厚切多士、炒蛋、午餐肉、檸檬茶，再點了燒賣及牛肉球。豬潤很新鮮好爽口好乾淨，厚切多士抵食夾大件，炒蛋好滑，午餐肉就。。。認真麻麻，但整體真係好好味。燒賣、牛肉比茶樓好少少。最後，太太忍唔住再點小茴香雞翼，太太讚不絕口！

這夜想吃點港式炒蛋多士，突然記起旺角這間民華的炒蛋多士也有不錯的評語，於是便去試試。原來這茶餐廳比我想像中光猛企理，而座位算是逼的。當時已約10時，但也差不多坐滿了。原來這裡除了茶餐外，還有米線，點心，蒸飯等等，食物種類真算多元化。而茶餐，也有多種選擇，我就點了炒蛋多士，餐肉，蕃茄湯牛肉通粉，和熱奶茶。炒蛋炒得很滑，有蛋香，而厚多士新鮮香脆，好吃！餐肉煎過，但過鹹，肉質太多粉，下次不會再點。蕃茄湯底算濃，鮮蕃茄粒數量算多，配起通粉吃，味道不錯。牛肉稍為煮得老了一點。奶茶正！茶香又滑，有水準。很豐富又滿意的一餐，才$32！值得推介

難得今天可以早一些放工去太子看牙醫, 我又怎會放過機會嘆一個下午茶呢? 反正還有時間給我慢慢嘆 今天我又是去民華, 但不是文華, 因為一直都想試試這家很久了, 一直都沒這個衝動 但今天我有這個衝動了, 要爆了, 一於殺入去!門面除了三文治, 粉麵外, 這裡還有一些中式快餐及點心提供呢! 但原來這裡是沒有下午茶餐提供的, 茶記竟然連下午餐都沒有? 算~ 那還是要吃的, 反正肚子又不是太餓, 於是點了一份鮮油多及熱奶茶.牆上有溫馨提示 阿姐姐在我拍照時還提我快點吃, 不然多士會不好吃呢.奶茶先到, 茶味夠, 奶味剛好, 兩者是有交流的, 不錯, 但當然不及後面的文華啦.鮮油多, 不錯~ 是厚多士來的, 看上去麵包也有很多氣孔, 應該頗為軟熟. 但好像欠了點什麼? 請繼續看.那我就就地取材,放了砂糖放上在鮮油上. 嗯~~正啊! 不錯~ 是鮮油砂多! 麵包外脆內軟, 結合砂糖跟鮮油, 美味無比!埋單, 下次再玩過

今天老公接我下班 嘻XD 去試試蕃茄通粉知道公司附近有間餐廳的蕃茄通粉很有名呢=]我點了” 蕃茄豬潤通” 湯頭簡直是濃濃的蕃茄湯配上剛剛熟的豬肝, 味道竟然很配很搭!!腿蛋厚多 也是妙!! 蛋很滑, 配上火腿 跟厚多一起吃口感好豐富 軟軟的 滑滑的 好好吃的三文治但是老公點的過橋米線就很普通, 沒有什麼特別之處!!

這家是友人帶我來的, 他知道我愛吃茶記!!!第一次吃, WONDERFUL呀! 點了常餐, 一切滿意: 茄牛通湯頭蕃茄味濃, 炒蛋香滑, 牛油多士鬆脆, 還有那杯朱古力! 由頭飲到落尾都好濃味呀!!!!!!一吃難忘!第二次食過返尋味丫嘛, 還帶另一個友人來吃, 一樣滋味!2次埋單都係$32+2(凍飲), 於我來說其實並不抵食, 不過還可以啦!第三次, 是晚市的關係嗎? 遇上一個態度惡劣的阿姐!跟上2次點一模一樣的東西, 餐飲繼續凍朱古力, 但這次, 竟說要加$4,我說, 2星期前來都只是加$2而已, 不如你幫我問下先啦, 然後她黑面走左去。2分鐘後, 她隨手丟下帳單, 咦$32+4? 我話你唔係幫我問下架咩?她說, 就係加$4!!! 我話, 咁我改柯華田算了! 塊面黑到呢~~~~~~~!!!!不知是否心情影響胃口, 全餐味道SO SO......但可以證實這杯柯華田跟上2次加$2的那杯"朱古力"真的是不同的。我是太堅持了吧, 我只是不明白為什麼這次變成了加$4囉。而態度又咁差囉!(明明上次果個大哥都有同我地講笑呀)最後竟然是不歡而散。

今日出旺角睇行山背包, 出發前上openrice睇過有咩好野食, 揀左呢間係太子既民華餐廳, 見食評話佢d常餐ok, 就黎試下啦見十月食評話$30, 點知宜家已經加左$2, $32一個常餐又好似唔係咁值喎呢到仲有中式飯同點心食, 不過我地冇試到凍好立克, 好夠味, 正呀烘底牛油厚多士配上香滑炒蛋, 炒蛋濕濕的, 仲有蛋汁伴著, 好味道!!!番茄湯通粉, 不過不失, 又唔見特別好味總括黎講, 都係一間茶餐廳貨式, 係厚多士同炒蛋比較特出, 環境坐位迫夾, 唔算坐得好舒服!

本來打算行街看金魚而已......點知中途竟然肚餓...原因係比經過的呢間餐廳吸引...入到去見到人山人海...座位空間狹窄但仲係爆滿...好辛苦先搵到2人位...一坐好已經要落單...好彩入去前已經想好...來到當然要試蕃茄通粉...一搭牛一搭豬潤...再跟餐肉蛋多士和餐肉蛋三文治...還有一杯華田一杯熱朱...每人也是大約30$...怕唔飽再加了燒賣加底...通粉先上份量跟正常茶餐廳的一樣...但蕃茄湯底什有特色而且很香更好味...牛肉豬潤味道可以...但不算上等貨色...反觀餐肉蛋份量非常大碟...而多士跟麵包也是厚底...多士當然香...但牛油麵包卻更帶出牛油味~~炒蛋也來得滑...建議配上麵包一起吃....至於飲品跟平常的差不多吧~

價錢分兩個時段收費-----早餐: 7am至11am ($26), 常餐: 早上11am至mid-night12:30($30)。食左好多次….抵讚既係烘多士同埋炒滑蛋仲係維持到高水準。炒蛋---炒得香滑，有蛋汁Juicy~厚多士外層微焦, 烘得鬆脆。蕃茄通粉----湯底味道比較酸但不算杰， 味道亦唔太濃唔太鮮，不是我喜歡的坑通，味道一般而已。叉燒通粉----普普通通，味道賣相尚可。總結: 如題。

服務態度唔好食物質素差了，包括份量少左，價錢又唔係平過人星期六下午時間服務員既服務差差差坐位細，坐得唔舒服，好迫，食得好辛苦(擺明就學星爺套食神一樣)講真.....食野都係想食得開心，坐得舒服但佢一樣都做唔到，怪知人流少左，生意差左....

這間民華餐廳, 曾經是Openrice的人氣食店, 不少食家盛讚它的常餐, 所以每次經過時都是大排長龍. 今次難得發現店外人龍不長, 於是決定一試. 一個人吃飯最大的好處是等位不會太久, 今次大約等了十分鐘便被安排坐位, 而且還是一個二人坐位! 所以坐得很舒服, 比起其他人要擠在一起地坐, 我的那個位無疑是好得多. 一心想試這裡的常餐, 所以立即點了個牛油多士, 餐肉炒蛋鮮茄牛肉通粉, 同埋熱鴛鴦. 等了一會食物便送上. 餐肉煎過, 表面油亮亮的, 吃起來比較油膩, 而且較薄身; 味道由於煎過的關係, 入口尚算香脆.炒蛋的顏色比較淡黃, 炒得香滑, 但可惜欠缺蛋香味, 與“澳牛”相比的話, 還是比較遜色.多士比平常的厚切, 外層微焦, 烘得鬆脆, 美中不足的是牛油塗得太少, 不夠覆蓋整塊多士, 所以牛油香味不足, 如果多一點的話就更香更好. 蕃茄牛肉通粉的湯底味道比較酸但不算杰, 可能與下了不少茄糕有關, 湯中雖然也有些番茄肉, 但鮮茄味不足, 比起星座冰室的鮮茄湯底相去甚遠; 牛肉片味道就像干炒牛河的牛肉般, 肉身鬆而不韌, 但卻沒有牛肉的原味和質感, 不是我喜愛的那種味道,