民華餐廳

營業中

休息中

早幾日夜晚同朋友打完波，打完波都有D肚餓，一行幾個人就決定搵反間茶記食下個宵夜。 十一點幾黎到民華，雖然好大間，但仲係坐滿人！真係好誇張，不過好彩等左一陣就有位了。 民華其實好多都好出名，點心係，常餐都係，而且我覺得民華既蕃茄牛肉通係比較出色既，所以我就叫左個常餐，43蚊。 蕃茄牛肉通個湯底好有蕃茄味，而且仲有一粒粒蕃茄係入面，都幾足料，而且通粉唔會太淋，size 幾好，因為我覺得太大粒既通粒反而無咁好食。常餐仲有炒蛋、餐肉同埋多士。 雖然天氣熱，但我仍然點熱奶茶，因為依度既熱奶茶都好飲。

民華ge鮮油多係一絕，包同牛油係一樣大細，每一啖都有牛油同包融合，我係佢支持者點心同豬軟骨飯so far都ok，豬軟骨好淋，汁底比較甜，春蛋燒賣亦係我最愛之一奶茶亦可以只係蕃茄湯通粉就不敢恭維了…

行到攰 入去見唔洗等位就食左個tea 叫左地道出名既西多加杯凍奶茶 杯野飲茶味好夠 不過有少少偏甜西多就等左十分鐘 應該係即炸 好好食 加埋糖漿同練奶 味道岩岩好 見入面仲有點心食同盅頭飯食 都好似幾好 佢地話係新鮮 有機會都想下次試下

今日黎到好耐無黎既民華食午餐,前排黎既時候見到好多大陸人,我本身好怕同人逼所以無黎一排,今日咁岩係金魚街買完金魚,見到無咩人就過黎懷念下佢既味道😌因為今日食個late lunch,坐低已經係3點有多,原來常餐過左3點會特價,咁唔叫唔得啦😂叫左鮮茄叉燒通同埋餐肉炒蛋多士,我好鍾意食呢到個茄底,除左係因為佢個湯咁濃之外,佢仲有少少大粒,細粒既番茄茸係到,好有咬口😆通粉吸晒d汁食好正,厚多士大大大件,配埋凍飲成個餐都係$40,超級抵😆😆

很久前在食評投訴這餐廳D服務人員唔得，現在再次光臨這餐廳，發現餐廳服務人負更換了，年輕人工作及反應快，禮貌地服待客人。令本人對這餐廳點讚，特此表揚。祝業務蒸蒸日上

我對茶餐廳基本上都無咩特別要求，覺得只係一個是但食，食飽就走嘅地方。但係旺角呢間民華餐廳令我覺得原來茶餐廳都可以有水準。鮮茄叉燒通粉，蕃茄湯好濃，而且叉燒一d都唔韌👍🏻 餐肉炒蛋+牛油多士，之前有朋友教我可以係多士上面加砂糖，個感覺變左好似donuts咁🥨而且侍應禮貌好好，值得讚！

你間餐廳我食咗好多次啦哈哈，喺附近返工，所以就成日都過嚟食！雖然太子花園街呢一邊有好多唔同餐廳嘅選擇，但係我每次同同事食lunch 10次有八次都會嚟文華餐廳呢度食嘢！就係貪佢簡簡單單同埋味道好！今次我特登要為佢介紹嘅就係呢一個，番茄湯底叉燒通心粉！真心覺得佢唔錯！叉燒一d都唔肥！重點係佢個蕃茄湯底真係好好飲❤️唔會太酸亦都唔會太甜，因為我本身好怕番茄嗰種酸嘅味道，而有好多地方嘅蕃茄湯底都整得唔係咁好食，所以我每次過嚟食嘅時候我都會飲晒佢所有湯✌🏻

早餐去咗食民華餐廳✌🏻 好耐冇食啦，所以坐底都諗咗好耐食乜好旺角呢間民華好大，好多位置，所以完全唔洗等，但要搭枱就好迫下，因為卡位的話坐4個人會坐得好辛苦我叫咗叉燒通粉，配多士滑蛋餐肉✌🏻 叫埋熱檸茶等咗大概5分鐘，就有得食啦叉燒好好味，唔似放咗好耐~ 唔會好 “銀”呢間通粉煮得好 “林”身👍🏻 至於多士方面，都好大件，好厚感覺好抵👍🏻 炒蛋好滑身整體來講，都算唔錯嘅早餐選擇，加上佢速度好快，啱晒啲趕住返工或趕時間又要食早餐嘅人

早晨又要飽肚又要快又要食得舒服，我通常都去民華餐廳佢既早餐質素好穩定我叫咗叉燒蕃茄通粉，多士蕃茄加腸仔，多士仲要一定要加煉奶 蕃茄湯湯味好濃烈，感覺好足料！至於叉燒都算幾好，唔會太硬，又唔會太肥 通粉係招牌，所以都唔錯！滑蛋方面份量好多！我冇偷工減料，多士加連奶係無敵好食，本身有牛油，仲係烘底，所以食落去外脆內軟，就咁叫多士一份食都好值，性價比好高😍環境方面，旺角呢間好寬敞，雖然要搭枱，但係都好多位，唔會太迫！服務方面，都好快捷，唔會等太耐

每次去旺角做野,到食飯時間就好想食民華,民華既常餐係我長期至愛,真係食極都唔厭！叉燒通,炒蛋腸仔！我覺得個精髓係佢個多士,因為我唔鍾意食d太濃既,黑晒果d唔ok,少少脆就可以,仲要因為佢夠熱,所以d牛油未到台就已經溶左,上餐果下再再刀塗2下岩岩好,今次仲加埋煉奶,想食甜啲哈哈😂至於個主菜,我以前食開豬潤,但有次賣晒叫左叉燒,覺得佢d叉燒食落都算林,但又有咬口,所以有時間唔中都會食下👍🏻再配一杯熱檸茶,調番啲茶味嘅苦澀,又係一個開心下午茶😌

心血來潮去好耐冇去嘅民華餐廳食lunch旺角呢間係超級大，唔怕冇位不過成日都好多人要搭枱我自己一個去食，叫咗最出名嘅系列！火腿米粉加炒蛋腸仔😂😂 其實係因為唔想食通粉又唔想食公仔麵，所以叫咗米粉，第一次咁嘅配搭！米粉都算唔錯，最好食係炒滑蛋！係整到食落好滑！至於多士，就係成份餐最正既重點！我覺得如果係快餐來講，佢嘅多士真係搵唔到第二個地方咁好食仲要一定一定要叫加煉奶因為煉奶加牛油多士簡直係完美嘅味道，會食完一份想再叫過大家不妨可以試吓！

這間港式茶餐廳食物款式多，有即叫即蒸的傳統點 心、盅頭飯、魚蛋米線、菠蘿包等，全都是港人至 愛。座位坐得尚算舒服😌滋味常餐鮮茄叉燒通粉🍜+煎雙蛋🍳（荷包蛋）+即烘牛油多士🍞本來想吃豬膶通粉，賣曬了，所以唯有試吓其他，揀咗叉燒！但係湯底依然係鮮茄🍅酸甜開胃，濃郁茄香，通粉爽口，但很快吸湯，叉燒略鹹。煎雞蛋有少少流心蛋漿，滿足到我既蛋癮，雙蛋口感充實，很香口。多士即叫即烘，滿滿牛油，外脆內軟，好味熱咖啡☕️香味濃郁，夠熱！整間餐服務員人數多，點餐的效率很快。

今日偽風水師傅上身，吹吹為何旺角的民華餐廳我常常過門而不入。首先其名字太親民不夠響亮;位置不在街口，地利位置不太理想;餐廳門口没有賣香噴噴的新鮮出爐麵包，未能以香味去吸引人。嘩，原來做生意很不容易，除了食物質素，還有很多很多事情要兼顧。今天我們忽然想起它的「滋味常餐」，走去幫襯它。叫了餐肉炒蛋牛油多士，多士脆，蛋夠滑，午餐肉肉質麻麻。鮮牛肉通粉，鮮牛肉不夠「林」，但通粉夠彈牙。Iced lemon tea正常。吃飽了，不知下次會何時再來了。

我又黎到呢到食野喇，本身都諗住寫過唔再寫.....但我第一次遇上要用刀食嘅牛腩，我真係感到新奇刺激！入到黎，想食咖哩幾日喇，見到有咖哩吉列豬同咖哩牛筋腩飯，諗住唔好咁熱氣食吉列豬，就叫左牛筋腩囉！個飯黎到，賣相幾好，咖哩味亦唔錯！隻蛋又太陽，最鍾意啜黃！牛筋夠稔，但太漏！牛腩份量少過牛筋，而牛筋又幾大舊...太漏喇.....食淨牛筋！重點黎喇！到牛腩，都有一兩塊腩係細舊嘅....好似尾指咁大咁....而最大嗰舊係有四五歲bb嘅拳頭咁大，仲要係好實好硬嘅肉佔大比例，我對住👆🏻佢真係無從入手！用叉拮住佢咬又咬唔入，唯有叫阿姐拎把餐刀黎，阿姐都好錯愕！結果用刀都好難切，一分6後都係食唔到...掉左一半....成碟飯真係食飯、蛋、兩舊薯仔、一兩舊小筋腩同咖哩汁落肚咋......浪費晒！

凌晨黎到旺角搵野食，當時已經係一點幾，附近有幾間仍然開鋪既餐廳，最後就簡左呢一間茶餐廳。睇左一陣，最後決定Order滋味常餐，呢度last order係去到凌晨3點，不過好多野食已經無得點，賣清左，但常餐仍然可以點。大約十分鐘左右，食物黎到，我點左一個叉燒通粉配餐肉炒蛋，烘牛油多士，份量大大份，而且夠熱，味道唔錯。 而環境都很舒服，可以好好享受食物。職員亦都好友善，食完唔會趕人走。人均消費太約40幾蚊左右，對於凌晨食野，差唔多啦。