民聲冰室 (已結業)

某天路過東大街見到某店大排人龍，細望原來大坑民聲剛開業。 心想新店較四正比舊店環境舒適，應該一切比舊勝一籌，心裡期待一試。 今天星期六5：30到達筲箕灣，從東大街走了一趟，想看看有什麼新選擇，最後再看見民聲，即刻決定一試。大門閉上，貼上六時晚市的字句，推門試問可有預訂或登記ticket, 店員說星期六沒有預訂，六時才可進去。玻璃大門外貼滿明星、藝人的合照，可能名星效應吧，很快已很多人被相片吸引而留步及等候。店員看到我一家五時三十五分已在外面等待，故著我們在門外的chair休息，六時到便讓我進去。到五時五十分，門外已有十幾人了，各人都有所疑惑應怎樣排隊，試推門去問，答案是： 外面等，六時開始！眾人一直等一直從外面透過玻璃門看進去，見到店內都店員都是坐著或傾談，大家看到大鐘已到六時，滿以為可以進去，大家都各守住有利位置，希望一開門就馬上入去位！但可借過了八分鐘後才開門，還好他們記得我們是最早的等候者，讓我們先進去！坦白講，應該可以用其他更好方式去處理食客輪候的安排，好讓食客安心。 選擇了4人卡位，安頓後打開餐牌，二話不說點了圖片介紹的口水雞、咸蛋蒸內餅、八味羊架、金銀蛋莧菜。 口水雞

間餐廳唔係開左好耐，幫襯過幾次評如如下:鹹蛋蒸肉餅 48元，相對其他食品，最平最好食，肉餅特色係以火山狀上碟，既高且大，肉質鬆軟， 入口有鬆化感，味道亦佳。 口水雞 69元 雞肉嫩滑有彈性，雞有雞味，配菜幾豐富，冇一般食肆咁辣，幾岩我口胃。干炒牛河 58元 食材份量同味道只係好過收三十幾元的茶記小小，鑊氣唔多夠，牛肉尚算可口 但係有陣怪怪的糖味，食落個感覺好隔離，好似上碟後沈落去咁。羔蟹蒸水蛋 59元 所謂羔蟹，只係街市賣幾蚊隻既水蟹，的蟹羔硬掘掘，簿簿一層癡係蟹蓋內 水蛋亦都唔滑，膠膠地，口感麻麻，成六十蚊，實在過份。總評語 : 鹹蛋蒸肉餅，口水雞值得翻尋味。

上次見佢岩岩開人頭湧湧，今日同媽媽行過見無咩人就入去食個TEA，點知中伏。入到去有個伙計放低餐牌，見佢個奶油朱跟茶都係20蚊，平過太興就整個食吓，媽媽就食西多士加凍檸水，睇佢個名叫冰室，諗住杯茶OK，點知一黎杯熱奶茶係暖，兩啖就可以飲哂仲要無茶味，媽媽件西多都OK，但係隻奶油朱就好差，D牛油完全唔溶，個包都脆不過就係凍，食過佢地ga奶油朱，可以有一段時間唔再食，因為好"濟"呀

老實講,第一次試食依間,係咪新開係咁?唔駛等位,以為好彩,人到去坐低無人比Menu,要叫人比,唔緊要啦咁,得1個A4咁大午餐Menu,大約十一二樣野,D野0黎到,咁刀叉都無,要問,食左一陣有人問有無下午茶,有伙記睇一睇個最大個o個(我想),佢至話有,有無攪錯,合有幾枱人都講原來有下午茶(P.S 我入坐時3點幾),咁樣商業手法........唔係坐低就要全部Menu都有咩(包括已到時間下午茶),老實講午餐都唔係好平,$40幾一個,凍飲加$4,唔係食唔起,(不過真係唔好食),有枱客講牛扒有味要換添...我唔會再去...