每日

營業中

休息中

我本來喜歡食多菜，不過認為每種食物營養都要吸收下，因為我身體差所以唔會特別話要專登食素！今日朋友話要食，我又唔抗拒嘅試下囉！抱住試嘅心態,期望唔大！最後比我相像中好！唔好介意我影得樣衰，先睇相，已經有好多款，我只係試左一半，你想像下有幾多選擇！有沙律，炸物，涼拌，咸甜點，生果，中式小炒，湯，粉麵飯，飲品，雪糕，都唔知有有數漏～太多，而每種種類都有好多款架！味道唔曳架，你我以要求佢煮得幾特別，味道好又唔係漏就得啦，最推介個餃子，好似食緊肉，重點係要點埋旁邊專用醬油，十足紅油抄手，呢味成日要refill。太快飽，最幾連雪糕都食唔落！飲品方面比較差，羅漢果茶唔refill,其他又怪味，我最後只飲熱茶

之前行過山林道時見到有間食店大排長龍，番去search 先知原來就係"每日", 係素食buffet. 係某閒日夜晚book 左位同friend 去試試。由於book 左位既關係好快已經可以入座，但要好strict 咁係90分鐘內食完離開。價錢方面，星期一至四$138一位，算係幾抵。之前都食過佐敦另一間既素食buffet, 相比之下，"每日" 既裝修靚d, 文青d, 野食方面較多素食甜品，所以對女仔黎講好似更加吸引。貪心既我地當然每樣都試了點，仲要留肚食甜品。呢度既甜品種類幾多，賣相吸引，食落味道都唔錯。總括而言呢度既環境幾好，食物質素不俗，閒日黎更加幾抵，如果下次再想食素食自助餐呢間都會係我首選。

一直都好想試下素自助餐, 但有唔少間嘅地點都比較遠, 終於比我發現度呢間係尖沙咀嘅素餐廳！星期日一眼望落去都full晒 得返最後2個位, 立即就入座！不過呢個位就近廚房, 而且係bar枱所2個人都要對住牆食！由前菜, salad, 湯, 飲品, 主菜, 飯, 麵, 甜品 樣樣都有！估唔到個蘋果片係幾好食！好清新, 一啲都唔會令你更加飽！炸豆腐都好香口！舊舊都炸到好靚好好食！淨係食前菜都可以飽啦！主菜都有好多款唔同食物, 素版嘅魚香茄子就比較油, 反沙芋好好食！好多款食物都唔錯！就算無肉都好好食！最特別同最多人推薦就係核桃咕嚕肉, 而家就好鐘意食咕嚕肉所以呢個係一定要試既！估咕到炒完之後都仲好脆！都幾似好脆嘅咕嚕肉！核桃又有營養！可以食多幾粒！食得呢度我已經好飽, 甜品都無咩點食！仲有沙律都無食到！想試下素食但又怕品好食嘅朋友可以試下！

我都食過九龍多間素食自助餐，每日是值得推介比大家要食，前後去過4次，每次都有新野。服務是由於自助及自行收物品，所以先比3星。推介食品反沙芋（一定要食），咕嚕肉午餐$88位，嘩超值到總結我會比4.5分

同呢位朋友太耐無見，所以想搵個地方坐耐少少，但又食得健康的地方。諗咗一輪，不如去食素食自助餐，鑑於我身邊太多食肉獸，好少人會陪我食素，難得今次有人陪，點都要食間好野。一去到鋪頭門口，全部都係人，我問有無位，都要等，原來大把人訂咗枱，無諗過咁誇張囉。幸好二人枱唔洗等好耐，好快有得入去食。款式都多，而且有標明係邊類素食，呢樣真係好好，唔怕食錯野。今次好失策，淨係掛住食，唔記影相，下次一定要再去食同影靚相。

山林道食肆連綿，大部分也是浪漫西餐廳，但這間人頭湧湧的竟然是食素食文青系優雅裝修，地方也算闊落食物多元化，而且味道好好，是高質素自助餐 其實素自助餐五六年前也食過另一間，不過那間自從開了幾間分店後，質素有點下降感覺。反而這間令人驚喜，由前菜正餐甜品沙律飲品一應俱全而且精美，味道好 讚我自己鍾意的包括：餃子：飽肚又清新蘿蔔糕：好味！蘋果片：製作很特別又美味的前菜炸豆腐：香口又好食任飲水果茶/橙汁/熱飲，太正當然其他湯、飯、麵、小菜都好好食。自己去慢慢試啦

素食自助餐，款式多，有熟食，糕點，湯，飲品，沙律....食物味道也很好，而且環境都好。我覺得最好味是反沙炒芋頭。吃完要自己收拾碗碟，這樣做，自己就唔會浪費太多食物。

每日平時人山人海去過嘅朋友都知，原來佢哋營業時間至晚上1030，9 點去到無咁多人，靜啲，坐得舒服啲。入座前服務員話我只係得1.5小時用膳時間，好窩心，講真，一個人食飯45分鐘己經好盡，點會要個半鐘咁耐。😂😂雖然遲去，但食物選擇充足，可以慢慢食，最愛胡椒素蘿蔔湯，胡椒味濃，暖胃驅風。晚飯有豆腐雪糕及三種唔同口味，成份係植脂奶，算係無蛋奶素，味道ok 嘅！ 如果可以自家製就最好。埋單時，主持人提我佢哋注重健康，無用素肉嘅，又係喎。放工夜，想找素，又想靜靜哋食飯，推薦呢度 😊😊😊

員工態度十分之差，我地原本開開心心黎比錢食飯，但帶位員工不但黑面，而且態度十分惡劣！！如果等位無飛既話，系咪可以友善咁講，而吾系一句達埋黎「無飛！岀去等！」以後都吾會再黎呢間！！

walk in去食，話屋企人未到就黑口黑面，態度好差，比錢買難受咁，野食中規中矩，不過不失，係職員態度真係要注意下，不過價錢都可以，今次食午餐88蚊，75分鐘，如果平日去食下午茶會平20。

近年開左好多間素食的自助形式餐廳，大同小異都係出去拎想食的野，食完自己收拾番餐具。今日試左這間位於尖沙咀的每日，環境佈置比較文青，岩年青人。素食款式都幾多，比較鍾意炸香蕉，糕點，皮蛋，花生蘋果好特別，蛋餅都幾好食！覺得這間的素食款式多，顏色多，味道多，但無非常出色的推介。甜品多選擇，有雪糕。飲品有果汁，比起只有涼茶的其他素食餐廳多一點選擇。不過雪糕有點失望，海鹽雪糕色素太重了，吃著感覺很不好，豆腐味比較正常。另外覺得餐廳隔音做得不夠好，有點嘈。

上次walk in，無位，要等比較耐，肚餓就無食。今次特別提前訂位，終於有位試試。同阿媽一齊去，都唔少人，但坐得唔算迫。餐廳裝修同設計走簡約風，氣氛啱曬放假hea下。食物唔錯，好多款式，湯、沙律、甜品、熱盤、涼菜...咁多款我唔一一介紹，你哋自己睇相都估到有好多種類，我除左胡椒味菜湯，幾乎款款都食曬。有啲食物好味得嚟又特別值得推介，好似椒鹽粟米（惹味），花生脆蘋果（口感好清脆）、紫薯球（好綿）、椒鹽豆腐（外貌內軟滑）、炸雲吞（暫時食過炸得最鬆脆嘅餐廳）、薑汁糕（好有薑辣味），另外，阿媽特別推介一啲香菇食物，話入味又炆得腍。店員服務態度幾好，不停refill食物，中間疑似有個女客想強行闖入walk in坐落人地個空位度（個人應該出左去拎食物），個店員都好有禮貌，解釋暫時未有位，請佢等等。雖然要自己執食具，但其實ikea都一樣，一分鐘都唔使一個人就執完。

#每日 #素食自助餐 🍽最近越來越多人食素，而呢間素食自助餐令小編覺得好驚喜，因呢間自助餐選擇豐富之外，好多都有創意，最緊要好多都好好味！例如用合桃尼整咕嚕肉，花生脆蘋果等，食落一d都唔奇怪，系一間新派既素食餐廳🏠另外，有自家製煲既湯，飲落好濃味之餘，一d味精都無👍最後甜品要推薦雪糕🍦，3款雪糕都好正🤤 包括海鹽、玄米茶同豆腐味🤤🤤🤤呢d味道平時真系比較少見👀另外，雪糕比較硬身～大家想食就要早少少拎出尼解凍❄️-價錢：$138/1位（星期一至四） $168（星期五至日及公眾假期）好味指數：9.2/10抵食程度：9/10回頭度： 9.2/10————————————————————————📍地點：尖沙咀山林道10-12號山林閣地舖📞電話：25702266⏰營業時間：星期一至星期日12:00-22:00#美食 #foodie#尖沙咀美食 #素食自助餐 #素食 #食齋 #buffet #tsimshatsuifood #tsimshatsui #hongkong #food #foodssss___

我鐘意食素係因為身體健康又可以為環保出一分力所以間唔中都有條癮去食素食buffet 仲要一個人享受寧靜，"翠綠"時光今日黎到每日素食雖然係星期3 lunch但依然好多人被安排到最入面長枱其實冷氣都幾唔夠唔緊要"心靜自然涼"~~~~首先食啲頭盤頭一兩件野已經感受到每樣item都有認真去做調味好似涼菜咁青瓜爽脆少少辣加埋微酸非常開胃直頭收$48碟我都會買唔好睇呢片蘋果加少少麥片好似好hea好求其一食落口包你feel到地有heart!正常黎講蘋果要泡鹽水先唔會咁易變黃但我擺入口完全唔覺得有咸味蘋果亦白雪雪好新鮮而面頭既脆脆都好有心思有濃郁蜂蜜味麥味又好出眾甜入心頭但個避風塘粟米太濃味令本身個甜味無曬亦都幾口渴沙律bar都幾多野揀但係用黎"不"柚子醋既spoon太細啦要"不"好鬼多下咦!居然有薑醋咁過癮!?好香wo"不"一碗試下!香就香不過有少少失望個薑醋無咩薑味而且隻蛋好硬用spoon大力"顏"左6，7下都整唔開最後索性成隻蛋擺落口咬桂花糕都一般般唔太香桂花味。。。最後飲兩碗流質野飲完準備返工啦一:赤小豆粉葛湯二:海帶綠豆沙兩者都好味既比較鮮但偏淡如果湯加返多啲鹽糖水加返多啲糖就perfec

又去左食素估唔到山林道開左間素食自助餐入面環境好舒服入到去發現都好多選擇尼間比較多多國素食例如有素既pizza,壽司🍣呀真係喜出望外食素一段時間有時發現都未必度度都有素餐單尼度有素pizza都好開心尼間既標示都幾清楚菜牌上都會寫明係純素、蛋素、奶蛋素、含五辛⋯等食各類素食人士參考，都好細心食物味道唔錯種類都多西式甜品沙拉都比較多飲品果汁糖水都有個素湯又係好好飲食素尼段時間無食過雪糕好開心尼度有豆腐雪糕用豆腐做👍🏻👍🏻👍🏻👍🏻好開心👍🏻可惜我胃口無咁大食唔落如果唔係食多杯滿足呀👍🏻