每日

營業中

休息中

呢間素食自助餐真係一試再試，亦可好多人都返轉頭再食，所以真係一定要提前訂枱最鍾意佢嘅前菜同甜品，香蕉拔絲無得輸，次次一拎出嚟，轉眼就無哂，好彩我都眼明手快攞到兩舊

平時都會揾下素食自助餐，甘岩同舊同事喺尖沙咀聚餐，所以見到呢間素食，就決定食呢間。講真，款式唔多，而且都一般不過值得一提嘅係，有雪糕！我之前食過幾間都無，今次食左2杯雪糕見係豆腐味，所以首選係佢，而且都見好多人食呢款味既雪糕，不過我就覺得一般般，質地好杰撻撻，唔係好識欣賞之後再去揀另一款味既沖繩海鹽，顏色好靚，不過我無影低相，味道唔錯值得一食。講真，$170既晚餐就真心唔抵食，如果午餐$80就接受到既

聽人講過每日素食buffet質素好，趁新年放假就慕名而來，果然係不錯地方唔算話好大，個整整齊齊，款式都算多選擇因為係食第一輪，所以所有食物都好新鮮先食沙律，健康有益比較特別既係反沙芋，出面好少有得食睇落真係超似咕嚕肉，但其實核桃，不過都幾好味，食多幾粒補腦個人最鍾意既炒涼瓜，清清地好好味，我食左2轉好驚喜居然有薑醋，啲蛋細細隻，不過好入味又入哂色以下係我拎既糕點款式，當中我覺得紅棗糕同薑汁糕最好味，軟糯軟糯而班蘭蛋糕同芝蔴卷味道比較淡任食唔洗加一，個人認為好抵食

1. 晚市未夠90分鐘就趕人走，張單寫明入座時間都可以老作話夠鐘；2. 帶位及收銀安排混亂，員工態度囂張；4. 嘢食選擇多，但好多嘢都唔係熱，只可以講係溫，比起以前都少咗好多菜式；5. 雖然係自助式餐廳，唔要求服務，但都唔想睇惡劣員工面色食嘢，情願揀第間；食過幾次 由支持變到極度討厭以後唔會再嚟呢間劣食！

好多長輩朋友推介每日素食，經常訂枱都好full,早幾日預約今日中午過來試試，坐位也很舒適，服務態度也一般，食物款式很多，肯定夠飽，首先試熱食，味道平淡，食材一般，腸粉做的賣相特別差，糯米飯皂水味很濃，甜品是我最愛的，但蕃薯糖水不放羌也不甜，班蘭蛋糕全没班蘭味，楊枝甘露用罐头桃做，超级難食，湯類有胡椒湯和葛湯，也是味道一般，食完這頓在想是不是今天換了大廚呢？因為看評語全都是好評，但真心覺得味道太差了！

香港的素食自助餐我大部分都吃過了，就差尖沙咀這一家，剛好這天在尖沙咀有工作，正好過去吃午餐。到達的時候開外一堆人還以為沒座位，後來發現很多人來等吃下午茶，餐廳入面大概八成滿左右，拿食物的時候很熱鬧。每日蔬食自助餐的菜式有純素也有部分含蛋奶和五辛，小牌子上面有說明。我覺得菜式種類算豐富，其中有部分很特別，食物以家常菜式為主，味道偏清淡未算出色，飲品和糖水甜品最為吸引。餐廳位於山林道，由尖沙咀或佐敦地鐵站行過去都方便，由彌敦道轉上去行一分鐘就見，完全唔難搵。餐廳外面有張木椅，我一點多到達時已經有人坐在那邊，但入面又有位喎，原來大家在等下午茶時間平廿蚊。自助餐分三個時段，限時75至90分鐘，視乎不同時段，平日與假日的收費也有不同。午餐 時間：11:40 - 15:00 價格HK$88/平日、HK$108/假日 下午茶 時間：14:30 - 16:00 價格HK$68/平日、HK$88/假日 晚餐 時間：18:00 - 22:00 價格HK$138/平日、HK$158/假日進餐廳的時候要等店員帶位入座，吃完要自己將餐具放到回收處，最後拿著收據去櫃台付錢。自助餐桌呈「T」字型，熱盤約有十款，另

上次個朋友帶我黎食 今次我帶另一個朋友黎食，好鍾意可以狂食菜，好健康既感覺。中午12:40黎到，店員叫我地等到1點，不過等左5分鐘已經帶左我地入座，好好彩。今次重點推介：＃ 切片蘋果脆脆 ＃ 9/10分好好味好清新 但其實好香濃，多重口感，而且有花生醬，好正。好多食物種類，有我至愛紅菜頭，西蘭花，Kale，炸豆腐，避風塘粟米，反沙芋，個味菜胡椒湯都係勁正！唔講咁多啦，去相！食左成4碟野同2碗湯，飽到呢，好滿足！ 都係每人88蚊咋。。。。。

又係平日夜晚食飯出街食飯既日子 ～有食開素食自助餐 呢間暫時係最高分就算係平日 都要Book左位穩陣d 假日就唔洗講啦早到左都半full 環境乾淨 用既都係環保餐具🔽冷盤同熱盤都有唔同選擇 甜品都有幾多選擇 記住要試佢哋嘅自家雪糕 我幾鍾意佢哋嘅嘢飲 又凍又熱又有湯 總括嚟講 嘢食都幾有創意 睇落細細地但係其實選擇好多 90分鐘一定夠食 環境都算舒服唔會太嘈可以傾到計 暫時來講係覺得最好食嘅素食自助餐 不過記住要早啲book位 ～

差唔多試晒上網search到嘅新派素食buffet（除左觀塘新開個間未試），每日嘅菜式，無論係味道、賣相、種類定獨特性，都叫數一數二個人認為最好味係椒鹽豆腐，外脆內軟，外層脆皮調得好夠味、厚薄適中，入面嘅豆腐似係百福水豆腐個種超級軟嘅質地呢度仲有幾款係其他buffet好少見而又好好味嘅野，包括係花生蘋果脆脆、合桃咕嚕肉、反沙芋頭建議來到一定要拎舊試試 不過最可惜係呢度用餐時間較短，真係exactly 75分鐘就會俾人叫走，所以都食得幾急

很少能夠找到專門食齋菜的自助餐廳 ，無論頭盤 、熱葷、 湯、甜品 、都很全面 ，感覺上食品都幾健康，菜式比較大路，選擇很多，添了大概兩個round 就已經很飽了。 前菜有我喜愛的白苦瓜 白苦瓜，在自助餐裏不常見，所以我都食了很多。座位就比較狹窄，如不要求精緻食品，這個是一個很好的選擇。

健康由每日🌞一素食做起🥬素食buffet 真系出眾，款式超多，味道好好色，有好多特色配搭，fusion 菜甘。應該有幾樣野要「記得」「記得」記得要訂位，分頭圍18:00用餐90分鐘下一圍19:30。好爆滿架記得做過有公德心既食客，食完要換碟同餐具都係自己先分類再處置。最後記住試暈甘多款餸，真系好有特色，特別有個香煎拔絲🍌鮮蘋果花生Tart🍎「必試」環境衛生舒適，好岩大家帶屋企長老試一下另類buffet ，唔洗下下海鮮🦞刺身！ 餐廳重有推出午市buffet，價錢更加超值！ 主要系自助，所以服務好難評，但收銀都好有禮物

Fatbrown 成日都好想食素食，但係又覺得好唔抵，閒閒地出去食素都要兩舊水，成日諗諗吓覺得食菜食兩舊水真係幾貴，所以都放棄左難得今日朋友搵左呢間自助素食，晏晝一個人都係$108，唔使+1<lunch buffet $108>依間每日素食非常之多人，最好book定位先黎，如果唔係會無位咖食物嘅款式同平時出去食buffet都差唔多，頭盤、熱食、甜品每樣都大概有七八種，試吓試下都幾飽㗎Fatbrown 最鍾意反沙芋，平時出街好難食到，搬到 lunch buffet 居然有，Fatbrown 掃左勁多舊，秋風起系食芋頭的好時侯，粒粒都起沙，好正另外想讚下右下角個粒雜菜炸物，炸得黎唔肥膩，口感有層次煉奶南瓜同綠茶餅Fatbrown 首推，南瓜炆到好淋，落左煉奶入口即溶，甜甜地食完又唔會有罪惡感綠茶餅有淡淡綠茶餅，鬆化得黎唔會乾，一塊切做四小份，少食多滋味

我想食素已經好幾次，但身邊朋友又冇咩興趣。Hubby放假問我想食咩，我即刻提議食素。若兩個人去傳統素食餐廳，一碟正常size嘅餸對我哋兩個人嚟講，可能叫三碟已經太多；所以想食多款但又不會浪費，最好都係食自助餐。上open rice睇食評，決定去呢間試下。午餐限時75分鐘，每人$88，冇加一。飲品有熱嘅羅漢果水丶凍嘅橙汁及桂圓水果茶。食物大致分前菜丶湯丶熱葷丶炸物丶主食丶甜品等。個人認為做得特別出色有：1. 花生脆蘋果 — 蘋果片清爽丶花生醬和脆脆香口2. 羅漢齋 — 材料多丶夠入味但唔咸，尤其係烤麩3. 豉椒涼瓜 — 涼瓜靚丶入口甘4. 炆蓮藕 —蓮藕靚丶多蓮藕絲5. 紹菜芋絲魚腐 — 各材料入哂味6. 咕嚕合桃 — 合桃香脆、酸甜度適中開胃7. 香蕉糕 — 香蕉味濃丶少甜健康較為失望的有糯米飯丶蘿蔔糕及反砂芋。其實仲有好多嘢未食，雖然冇食早餐，但都唔能夠一次食太多。整體都唔錯，但難找朋友陪，短期內未必可再嚟。

早前在山林道發現了這家吃素的餐廳，每次周末經過都是坐滿了人必須排隊，這個重陽假期終於在不用排隊的情況下來品嚐了這家「每日」蔬食自助餐。這Vegan主題自助餐午餐$108，晚餐$168而且免加一，價格相當相宜。食品總類來說也不少，由沙律bar、前菜、湯、餸菜、飯麵，到甜品、糖水及生果，應有盡有，而且味道也不錯。我特別喜歡前菜中的花生脆蘋果、粟米紫芋球、蘑菇芝士釀蕃茄，除了蒸矮瓜、絲瓜、炒菜、炒飯等家常小菜，其中煎藕餅、椒鹽豆腐都很好吃。甜品亦有驚喜，有紅棗糕、班蘭蛋糕、黑芝麻糕及楊枝甘露等。餐廳也走環保路線，餐具都是以環保物料製造，吃完需要自己把餐具歸還回收處，然後拿單據到cashier 付款，將人手減到最少。如果平時怕吃素吃不飽，相信這裡一定能滿足你。百幾蚊吃個自助餐，也非常抵食，難怪這餐廳生意一直不錯，推薦給喜歡吃素的朋友。

最近迷上食素食。 依間近近地，就試一下。依間店係山林道 完全係一間好日系感覺既素食店 感覺好舒服依間素食自助餐限定時間90分鐘 價錢方面都唔算貴 同一般素食自助餐價錢差不多 但係依間食物款式比我以往食既多 賣相都相當新式及吸引 一位大約係$168 睇單發現係冇收加一的 唔知係咪我睇錯今次我選擇左食晚餐時間 可能時間已經比較夜 所以人流並唔多 熱食大概有10款以上 都有沙律吧 甜品吧 同埋前菜區 食物款式比我想像中多好多最推介係椒鹽薯仔 唔會好咸 口感都好特別 還有就是牛油果醬包 味道湯有1款 今次去胡椒湯 由於上次去另一間既時候飲過個味太難頂 今次就冇飲 同埋仲有粉葛湯，清清地 唔會太重味精味 好有住家菜味道。另外有飲品 有2款凍飲 以及2款熱飲 不過要重點推薦既係佢既飲品 ：桂圓水果茶 。味道口感不錯 不會太甜 除左熱食 湯 點少得甜品。甜品係我食過既素食店（雖然唔算多）入面最多 岩哂中意食甜品既人呢 推薦的就是楊枝甘露 超多西米 又品會太甜 到最不枉此行既一樣食品了-雪糕 位置唔明顯 係甜品區旁邊既牆角 最估唔到係有沖繩海鹽味既雪糕 雪糕都係好岩素食既人食 味道超級好 如題 點解我