段純貞牛肉麵XChatime (如心廣場一期)

營業中

休息中

好掛住台灣嘅牛肉麵牙😢。*段純貞*黎自台灣。香港係台灣以外嘅第一間店。麵🈶️兩款。手工麵/細麵自己揀。招牌紅燒腱心牛肉麵～湯底係用大量牛骨熬煮。味道濃濃的。喝一口。滿滿台灣嘅味道🥰。腱心牛肉有豐富膠質。口感黏黏好鬼正😋。手工麵口感彈牙。浸耐咗食都唔會淋bear bear 👍🏻。份量仲好多。食極都有。超滿足😝。滷水拼盤～有五款食物。包括牛肚。牛𦟌。滷蛋。豆干同鮮菌。牛𦟌好淋牙。又夠入味🤩。冷泡凍頂烏龍茶～烏龍茶香而不澀口。解膩一流😆。

聽同事講如心廣塲開咗間台灣過江龍，牛肉麵好好食，今日中午終於可以去試我最鍾意食嘅牛肉麵，大約五分鐘就入到，之後見到門外已經有大約6、7人排隊等位，即刻order佢哋招聘紅燒腱心牛肉麵(粗麵)同滷水拼盤先，大約等十分鐘就有得食，牛肉麵放在桌上熱辣辣，非常吸引，湯底濃郁而麵非常有質感，因為粗麵可以浸更多汁，腱心牛肉好淋，再試埋滷水拼盤(份量可以2個人share)，成碗湯差不多飲晒，好好味，最後order 埋冷泡凍頂烏龍茶，茶味淡淡好清新，好滿足的一個下午！🥰😆.員工服務非常貼心，值得一讚！

星期日1點幾去到 排隊排到2邊都有人等下就4點幾再去 點知都係勁多人等位所以放棄左 等6點後外賣食想外賣嘅時候 企左一陣都無staff理 明明類似水吧位有兩個人到order嘅時候 應該係經理收錢解釋得好清楚手工麵同細麵嘅分別 咁就各樣叫一碗試下拎完外賣再行去食嘅地方都要10分鐘好surprise食嘅時候仲係好熱 外賣盒都係高質Keep到溫度 同埋拎上手唔會覺得好熱兩款牛肉都係食過嘅台灣餐廳中最好食有咬口 又唔會過肥過瘦對得住個價錢而麵方面 細麵就正正常常手工麵就有d似刀削麵 係有d厚最後食唔晒d手工麵另外仲嗌左雞湯抄手 湯好飲😋抄手都唔錯 皮同餡料都好平均野飲方面就有少少失望香芋珍珠奶茶個味好似人工味道 芋頭純正嘅味無乜香橙乳酸飲料就唔似成日飲到個隻乳酸 但有果粒橙 好似橙汁咁都好飲嘅總括黎講 都值得排隊一試嘅牛肉麵 只係自己唔係好鍾意排隊 飲料就可以下次試下其他

呢間人氣牛肉麵店，日日都排隊，今日叫朋友早啲去排隊試吓！大概前面有12個人左右但係其實等咗15分鐘到就入得，可能因為食麵嘅關係，大家都好快食完就走不過佢中午都冇set lunch或者任何套餐，一坐低打開OpenRice，見到10個差評，個心真係驚一驚。心諗排咁耐，會唔會試伏！坐低5分鐘都唔夠，碗麵就已經拎上嚟，第一個係三寶面，要咗幼麵，個牛展心好食，個牛肚就好普通，個牛筋就太林！個湯係黑色超濃味，反而己有台灣味道，又未至於好鹹，但都係鹹㗎啦！第二個係蕃茄半筋半肉面，個牛展心都係超好食，牛筋林到一坺嘢咁，個面有一個燉蕃茄，都幾得意，個蕃茄同個湯都超酸，但係正正係我最鍾意嘅嘢不過手工麵係似扁面嗰啲，佢整得太厚，唔夠幼好食！最後仲叫咗個杞子龍眼薑茶，好難飲好甜，龍眼同杞子都有怪味，唔靚，唔建議飲嘢，但係兩個面係好食嘅，唯一就係覺得佢貴少少，不過都OK嘅！

今日計劃遊走元荃古道，由荃灣港安醫院行山到深井，在出發前當然要填肚子先。在多國美食中，我最喜歡是台灣，因為大部分都很適合亞洲人的口味，尤其是香港人。在網上看到有台灣過江龍牛肉麵在香港開分店，身為牛肉麵的忠實食客當然不能錯過。位置：在荃灣其中一個大型的商場內，近西鐵站，挺方便的，但被中央的柱遮蔽了其門口，不熟悉商場環境的人可能會錯過了。不過門口外總有人在排隊，我們也不例外，大概用了十五分鐘。環境：外圍是玻璃牆，陽光或商場燈光直射而入，顯得明亮自然，在門口位置是吧台和收銀台，中間的牆面上有其招牌和木造的門窗，客人使用的桌椅亦是木製，就算是隔板亦配合餐廳設計。午市：招牌紅燒腱心牛肉麵(配手工麵) $80+桂圓蜂蜜薑母茶 $28(凍)首先是湯底色澤呈深啡色，聞起來香氣濃郁，喝起來一股中藥味，但不濃可接受。切至厚身的牛腱心肉滷得軟腍，油脂呈花紋狀且肉香醇厚，吃來起完全不韌且帶醬香，肉香強過牛展。手工麵彈牙煙韌且掛湯強，我個人喜歡手工麵多於幼麵。薑母茶不會過甜，因為有冰沖淡了，薑味不會辣喉嚨，剛剛好。麻辣蒜味腱心半筋半肉幼麵($84)+冬瓜薏米檸檬特飲$30(凍)這是朋友點叫，因為她喜歡辣，而這道

優點1. 食物質素整體不錯2. 店員服務很好3. 座位寬敞，用餐環境理想4. 價錢合理缺點1. 牛肉面和小食的味道都略為偏淡。我向店員請教後，明白這是因為為了貼近香港人的口味而設計出較淡的味道。雖然如此，我覺得如果可以將味道調濃一點會更好。

.台灣人氣牛肉麵過江龍🇹🇼到底幾時先有得去旅行，好掛住台灣啲嘢食啊🥺「段純貞」係荃灣開咗第一間分店，即刻試吓質素點先！.✨ 招牌紅燒腱心牛肉麵麵條可以選擇幼麵/ 手工麵👧🏻小編比較鍾意後者，Q彈又有咬口，浸耐左都冇發漲有4件腱心，口感軟腍，厚切大大件，非常有咬口湯底好出色，惹味濃郁，又唔會太辣😋.✨ 麻辣蒜味腱心半筋半肉牛肉麵呢碗嘅湯底都幾獨特，食到辣嘅建議試下😍蒜味幾香，亦都有淡淡嘅麻辣味有2件牛𦟌、2件牛筋；牛筋都幾出色，同樣燜到好入味😝.✨ 鹽酥雞以$48黎講，呢碟鹽酥雞份量非常多，每件都大大舊，好滿足可惜炸衣略嫌太厚，唔夠酥脆，調味方面都比較淡.✨ 柚子蜂蜜綠茶✨ 香橙乳酸飲料兩杯飲品都唔錯，下次想試下香芋珍珠奶茶🥰.招牌紅燒腱心牛肉麵 $80麻辣蒜味腱心半筋半肉牛肉麵 $84鹽酥雞 $48柚子蜂蜜綠茶 $26香橙乳酸飲料 $28———不專業評分💯食物指數 🍴: 💛💛💛💛🤍環境指數 ⛱: 💛💛💛💛🤍抵食指數 🤑: 💛💛💛💛🤍推薦指數 👾: 💛💛💛💛🤍———📍段純貞牛肉麵 Duan Chun Zhen荃灣楊屋道8號如心廣場1期1樓105-107號舖

今日去了荃灣，如心廣場一期的"段純貞"這一間是朋友介紹的一去到！嘩好多人排隊！我們等了15分鐘左右！一入到去好有古風中式的裝飾！我們點了這一間出名的牛三寶！我們點了牛三寶～幼麵牛腩，牛筋，牛肚～牛腩十分淋滑入味！牛肉肉香濃郁！牛肚好爽口彈牙！麻辣蒜味腱心半筋半肉～手工麵腱心肉好像是牛展！牛筋爽口彈牙，滿滿的骨膠原！好豐盈...又入味又滑滑🤤🤤🤤滷水拼盤有牛肚，牛腩，豆腐，雞脾菇...味道不錯！滷水好有入味～👍🏻

還記得兩年多前去台北吃過一間超有水準的牛肉麵，他的名字叫「段純貞」。同行朋友是在地台北人在新竹工作，她跟我說這家麵家起源於新竹，不論任何時候都人龍長長，想不到2020年12月這家出色的麵家，在荃灣如心商場一期開設了首家香港店，終於在香港也可以吃到了。必食推薦「三寶麵（腱心牛肉、牛肚、牛筋」配細麵，一碗有齊三款配料，睷心牛肉經滷製，相當入味，肉質厚身嫩腍，牛肚有五花香，牛筋超滑溜，充滿骨膠原。「招牌紅燒腱心牛肉麵」配手工麵，腱心牛肉份量十足，湯頭濃郁有四川麻辣感，手工麵煙韌彈牙，味道跟我當時在台灣吃到的一樣，超正。另一款私房小食「香麻醬涼拌豆腐」，有大量芽菜，豆腐香滑，淋上麻辣醬汁，味道也不錯。「冷泡凍頂烏龍茶」，用玻璃瓶盛載，有茶香很清爽，可作解辣及油膩。「桂圓蜂蜜薑母茶」這茶非常滋潤養身，桂圓及蜂蜜香甜，薑味勁重，味道十足。

聽人講如心開咗一間台灣麵店，日日都排晒長龍，今日見有時間於是我都排一排，試一試佢最出名嘅牛肉麵💓💓🤗我叫左一碗三寶麵，$88蚊超級大碗，好足料。如果你想試都到唔同部位嘅話，超級推介呢款！三寶包括牛腱、牛筋、牛肚🤪🤪一試牛腱，真係超級無敵軟化😂😂阿婆裝左假牙都無問題，軟到不得了，仲要大大嚿，包你飽。跟住牛筋，吸哂啲汁味，好入味😍😍😍😍食食吓仲係個底搵到超多塊牛肚😂😂朋友話我好似尋寶咁開心，連唔食牛嘅朋友睇見我都食得好滋味😂朋友就叫咗一碗燉濃湯雞麵😬😬😬朋友話本身好飽，但係佢個湯底好濃郁，面都好彈牙爽口，令佢不知不覺食晒成碗😂😂加上大大隻雞比，超級抵食😂😂😙😙想試佢唔同款嘅可以一個叫牛，一個叫雞麵👍🏻👍🏻你都台灣店舖，當然唔少得叫一個小食鹽酥雞啦！鹽酥雞炸到外脆內軟😍😍又超抵食，幾十蚊有咁大舊同咁多舊🤗🤗真心可以媲美小食店炸到嗰啲咁香口💓💓我哋兩個又叫咗兩杯香橙乳酸飲品，都係好有水準，係鮮橙汁啊！😙😙😙🎉🎉總括來講，呢間我一定會encho🎉🎉

聽聞喺台灣都要排兩個鐘依家過江龍嚟香港 仲要喺荃灣然後阿媽竟然提出去食 咁當然要去試了 ~(￣▽￣)~🤍麻辣蒜味腱心半筋半肉麵($84)蒜味好出 湯底係極度濃郁 濃到明顯好多味精嗰種 要餸住個酸菜中和翻食到尾都幾辣下 但齋辣 唔夠香為咗試曬兩種麵 阿媽揀咗手工麵 咁我呢個焗住揀細麵個問題係 因為呢個湯太濃味 唔適合啲太掛湯嘅味 否則會啖啖都好似飲湯咁 太鹹但偏偏呢個細麵係十分掛湯 軟硬度就適中嘅牛肉牛筋好似分別有三嚿 兩樣都好入味牛腱心唔錯 但牛筋煮到好稔 自己鍾意有咬口嘅多啲🤍紅燒腱心半筋半肉麵($84)湯底由藥材同牛骨熬製 飲落比起上面嗰個清試咗一啖手工麵 係比較煙韌有咬口 麵粉味幾香如果兩碗麵嘅麵底交換 咁會perfect啲wuwu😢🤍鹽酥雞($48)極度唔推薦 真係唔洗嗌先唔講個size大到好似雞球咁肉質其實ok 都唔會炸到好乾但亦都稱唔上鎖到好多肉汁🥲最難食係表面嘅粉 鹽酥 鹽呢你會食到成口厚粉 但個粉係冇味🤍桂圓杞子薑母茶($28)/整體6.9/10 喺香港算係幾好食嘅牛肉麵 但食完係十級口渴加上鹽酥雞整到咁 冇辦法唔大扣分🥲再加上喺荃灣嚟講 定價稍高lol比我揀no.1都

想台灣了幾時先可以去旅行？去唔到唯有食住台灣味先去到見到有人排緊隊，應該好好食叫咗個麻辣蒜味腱心半筋半肉麵一食勁香嘅蒜香味，配上少少嘅麻辣味，勁香本身自己食唔到好多肉，所以要半筋半肉麵我叫左手工麵，好好食，而且牛肉唔肥，份量絕不少叫多咗個鹽酥雞，同平時食嘅有啲唔同，最鍾意佢旁邊嘅葉，都好好食，我係個個鍾意食伴碟嘅奇怪人桂圓杞子薑母茶（熱），人大個咗健康左，成日飲埋啲樣養生野，又熱野，入面有好多桂圓同埋杞子👍👍👍

三寶手工麵湯底有肉香味, 但稍鹹。牛肚夠腍，但只有一塊草肚一塊金錢肚。牛根十分入味。牛腩夠大塊，有口感。手工麵掛到湯，但不太合廣東人口味。醬炒椰菜塊塊都有醬，炒得好均勻。但較油。椰子雪芭十足椰子味，椰子塊亦夠脆。但黃色糖漿只係為左賣相更好，但筆者認為不加更好。

食物質素及價錢相符，合理，員工態度良好，境衛生方面還好。當日除咗點左主打牛肉麵以外，另外都點左一個濃湯雞麵，出奇地不是主打但味道更加好。但建議要配細面，因為雞湯的味道較清淡。

而家夜晚無得堂食，成日都要買外賣返屋企食，都吾知買咩好，真係頭痕。今日發現了這一間叫段純貞的餐廳，外觀裝修得好靚，所以就決定食呢一間。一入到餐廳，店員就推介有什麼好選擇，服務非常好。好快外賣已經攞得，快啲返屋企開餐先😂我叫了招牌紅燒腱心牛肉麵，麻辣蒜味腱心半筋半肉麵，重有鹽酥雞。飲品方面我要了桂圓蜂蜜薑母茶及香橙乳酸飲料。回家一打開外賣，發現餐廳都幾細心，佢地會分湯，麵就吾會浸到淋晒。麻辣蒜味腱心半筋半肉，辣度十足，牛肉筋位爽口，肉質鬆軟，加上麻辣湯，醒神開胃👍🏻麵可以選擇手工麵或細麵，手工麵比較寬，一來比較韌，有口感，二來可以吸收更多湯，令味道更濃郁。招牌紅燒腱心牛肉麵，內裏只有牛肉，但口感味道，都非常好，牛肉吸收埋上湯，味道更濃。這個麵我選擇了細麵，每一條麵線都爽口，沒有太韌的感覺。但我比較喜歡手工麵，因為可以吸收更多湯，味道更濃。鹽酥雞，暖暖的，雞肉又鬆軟，加上調味鹽，好似去了台灣掃街食小食的感覺，十分推介食這個小食。