段純貞牛肉麵XChatime (如心廣場一期)

營業中

休息中

同哥哥品嚐台灣過江龍✨段純貞牛肉麵😍好少同哥哥一齊食台灣菜😋！而家近近地都可以係荃灣如心廣場食到喇😍！係台灣好出名既段純貞牛肉麵吖！我揀咗最地道既原味牛肉麵😋麵條揀左配手工麵！麵條比較闊身！食落好有咬口！湯底好香濃既牛肉味😍牛肉有三件大大舊✨食落好入味而且軟嫩！唔會好難咬亦都唔會癡牙😁哥哥就揀左燉濃湯雞麵😋麵條揀左配細麵！超級驚喜！因為有勁大隻既大雞髀🍗 哥哥見到已經超級興奮！大雞髀食落去肉質非常嫩滑，濃雞湯底味道香甜！哥哥都飲咗大半碗湯😆😆小食揀左鹽酥雞😋份量勁大碟！上枱嘅時候仲係熱辣辣🔥炸得外脆內軟！食落好Juicy！飲品哥哥揀咗荔枝乳酸！我就揀咗台灣特產珍珠奶茶🧋飲埋杯嘢飲就完美一餐喇😍

愈來愈多台灣美食在香港開分店一解思鄉情懷 真的好想去台灣旅行段純貞也不例外 一口氣開了兩家店每次經過總有長長的人龍 很好吃的樣子今日終於提起決心去吃🤓攻略：平日下午.三寶麵🍜餐牌寫住「來店必吃」當然要試一下三寶是指腱心 牛筋 牛肚🐮牛魔王大愛選用了美國牛肉 全部都很大塊 軟腍入味當中最驚艷的 一定係牛筋和腱心 推薦湯底濃郁 帶點藥材香氣同時又容易入口大概是我在香港吃過最好吃的牛肉麵了！配搭手工麵的煙韌 有點像刀削麵的闊身版.燉濃湯雞麵🐔這是餐牌上另一款推薦菜 網上食評不多心中好奇牛肉麵店竟然有出色的雞麵？出乎意料的好吃 跟上海嫩雞煨麵不同湯頭清甜不油膩 陣陣雞香 結果不小心喝光喝完也沒有口渴的感覺 應該是無味精雞髀肉質嫩滑🍗一口就能撕開的程度選了細麵 麵條非常順滑 吸湯能力十足p.s.這家的酸菜不咸 反而酸酸甜甜 好開胃.滷水拼盤🍢分別有牛肚 牛𦟌 滷蛋 豆干 鮮菌與牛肉麵相比 滷水味唔算突出較淡但口感就爽一些 特別是鮮菌 非常特別.冷泡凍頂烏龍茶🥃好喜歡它用玻璃樽裝住 賣相幾靚茶味清新 淡淡茉莉花香 台灣的茶飲真不錯.冬瓜薏仁檸檬特飲🍋檸檬的酸和冬瓜茶的甜配搭得剛好喝起來清爽不甜膩

太想念台灣的美食 無得飛 唯有係香港止止癮係香港台灣的食店 可以說的 出名的不多 其中新開的段純貞係台灣 原來已經有好多間而香港只係剛剛起步裝潢都好有台灣的感覺 連服務都似台灣的啊~~招牌紅腱心牛肉麵 HK$80濃濃既牛肉湯底 +大大舊既腱心肉 三片 配細麵三寶麵 HK$92濃濃既牛肉湯底 + 牛肚 + 腱心肉 + 牛筋滑細麵三寶都炆得好入味 都好嫩口 而且都好多汁湯底都有少少微辣 即使唔食得辣既 都可接受到 每碗麵都配上一碟酸菜當食完濃濃既牛肉湯麵再食一口酸菜 可以清一清口腔既濃味 唔錯既配合鹽酥雞 HK$48台灣名物 必食的 價格相宜 而且CP值高 金橘蜂蜜綠茶 HK$28好香既綠茶味 唔太甜 份量亦都多 所以呢個價錢都好合理荔枝乳酸飲料 HK$28比想像中好飲 因為印象中呢類既飲品都好甜 但又有驚喜

成日聽友人講段純貞，原來係一間台式餐廳。有日經過就入去試吓係咪真係咁正！我同友人分別點咗一個紅燒腱心牛肉麵同三寶麵share食。紅燒腱心牛肉麵 - 超級軟熟嘅牛腱心，一啲都唔韌，仲要好入味，入口即溶咁滯，好好食。呢個手工麵好有彈性，而且掛湯力強，令麵條充滿湯汁，好驚喜。三寶麵 - 三寶分別係牛肚、牛筋同腱心，份量都好多。細麵好滑，吸哂湯汁好惹味。另外點咗個滷水拼盤，有牛肚、牛𦟌、滷蛋、豆干同雞髀菇，好抵食！滷蛋好香好正！豆干點醋食仲惹味。冷泡茶好夠凍，好飲！

今日經過如心廣場見到新開一間牛肉麵，眼見大排長龍，但人流去得快，決定排隊試吓。大概等咗15分鐘就有位。叫咗一個燉蕃茄半筋半肉面，濃湯雞麵，豚肉餃子，香芋珍珠奶茶燉蕃茄牛肉湯很濃味，初初食唔算好大蕃茄味，慢慢食落就出味。牛腩牛筋味道合理，唔「韌」。濃湯雞麵個湯唔算話十分出色，但比一隻全脾，雞髀好林好滑。豚肉餃子唔太肥膩，不錯啦。飲品也是合理，正常。反而值得一讚係員工有禮，眼見佢哋有幾個比較年長嘅員工，證明呢間舖頭唔介意年紀只要肯做都會請，侍應都好落力又醒目，仲會同你講幾句閒話，感覺親切。

無得去台灣所以唯有去食台灣野見到條隊幾長但其實都係等咗20分鐘左右但見門口寫住用餐時間4️⃣5️⃣分鐘🤫我見入面坐位真係幾少吓大約十張左右？好彩夠時間食哂😂嗌咗推介嘅3寶麵 紅燒湯底 好食佢既牛腩好似比得一舊😂牛筋都係一舊 唔淋 係爽嘅口感牛肚有3塊 但係係好食既金錢肚湯底非常濃郁好香另外都試咗麻辣蒜味湯底不過無影相好香蒜味而且都好辣吓🤣推介試吓不過食完都有啲口渴有dd鹹🤣想嗌多啲小食嘅不過好似無咩岩食😂個豆腐都好食不過唔鍾意咗咁多豆😂

⁑📌段純貞荃灣楊屋道8號如心廣場一期1樓105-107號舖•自從段純貞係香港開咗分店，我就留意咗佢好耐😛不過聽到有啲comments話佢嘅牛肉麵比較普通，所以我就試咗佢其他嘅招牌菜🥳•燉濃湯雞麵💰84呢個有驚喜🤩 首先係個湯頭真係好濃好鮮甜而且唔鹹🍜飲完都唔會口渴，應該冇乜味精。其次係隻雞髀🍗大大隻，唔算好肥，雞味亦都冇俾濃郁嘅湯底掩蓋😋如果挑剔啲嘅話，我認為雞肉可以再嫩滑啲。至於麵呢，可以選擇手工麵或隻細麵，我就揀咗前者，麵嘅質地好彈牙，形狀好似肥版刀削麵😂亦都有翻一定嘅厚度，所以唔會一咬就斷，非常滿足😚💡有實驗精神嘅我試咗將啲雞肉點少少紅油抄手嘅汁嚟食，即刻變咗口水雞🤪🎏推薦指數: 9.5/10•紅油抄手💰48佢個醬汁好足料，有海量嘅大豆芽，少少花生芝麻同埋蔥，非常惹味🤤食第一隻抄手嘅時候，入口首先食到醋嘅酸味，跟住唔食得辣嘅我就係時候接受制裁🤡由於個醬汁真係好辣，我已經冇辦法食真抄手嘅味道。不過每當啲辣味有減退，慢慢就會食到佢香料同埋抄手餡料嘅味道😆我相信有好多人同我一樣怕辣但係偏偏辣嘅食物好惹味，會越食越上癮🤓💡唔食得辣嘅朋友要考慮清楚先好叫，而食得辣嘅就唔好錯過呢個挑戰自己嘅

聽講左呢間過江龍牛肉麵一段時間，😍今日決定黎試試佢😍😍😍 見佢寫湯底係用牛骨熬數小時再靜置一晚，所以我諗湯底應該好濃郁麻辣蒜味腱心半筋半肉面配細麵$88平時都經常食牛肉麵 今日就試下呢一款麻辣蒜味味既半筋半肉麵❤️ 🥩🍜首先牛肉嘅份量算多 每一夠牛肉都非常之入味而且軟林 最值得一題嘅就係佢嘅麻辣蒜味湯底 辣度十足🔥🔥 鍾意食辣嘅朋友一定要叫呢一碗😈😈燉湯雞麵配$84叫咗一款濃味嘅 就叫返一碗清淡啲既🐥🍜 湯底呈奶白色 看似非常清淡 但係我一試個湯底😯 湯底非常之濃郁 雞味十足 雞腿肉亦有醃製過 所以食落雞肉嫩滑 而且味道十足鹽酥雞$48鹽酥雞即叫即炸 入口非常之酥脆 而且炸粉唔會太厚 🤩🤩 如果可以濃味少少就更好冷泡凍頂烏龍茶$30雖然看似非常之清澈 但茶味非常之濃郁荔枝乳酸飲料$28有荔枝肉 配上乳酸 頓時開胃🥰😍

1⃣️麻辣蒜味腱心牛肉麵（$84）每碗麵都可以揀細麵或者手工麵，呢款就揀左手工麵。手工麵每條都唔同厚薄，食落去煙韌有咬口。腱心牛肉每隻牛淨係可以整到五碗牛肉麵，係黎呢度必試既！牛肉都幾厚，食落肉質唔會好韌，不過我個人覺得有少少鞋，唔知係咁啱我果舊瘦啲定點la。另外每碗麵都會有一細碟酸菜，加埋碗麵到食味道更佳。  麻辣蒜味既湯底食得出啲花椒味🌶️成個湯底既味道好濃厚，重口味人士啱曬，同埋佢既辣度都幾辣下，越食感覺個喉嚨越嗆，係唔錯既不過個人覺得太濃太鹹，反而蓋過左佢既牛肉湯味。  2⃣️紅燒腱心半筋半肉牛肉麵（$88）半筋半肉可以食到滑啲淋啲既牛筋，同時可以食到牛肉味重啲既牛腱心。紅燒既湯底唔算辣，但係都係偏鹹，感覺食完之後會好頸渴。就咁講個湯底係真係好香濃既，不過對我黎講都係太鹹，反而牛肉味冇咁出。  3⃣️原味牛肉麵（$84）冇諗過呢個反而最好食😳原味牛肉味冇紅燒同埋麻辣既咁重口味，反而更加食得出牛肉湯既香味。佢呢度既湯底係每日用新鮮牛骨加左唔同既中藥材同埋香料燉左好多個鐘製成既，味道好香濃。原味牛肉麵既湯底先最食得出佢湯底既出色😋  另外呢款揀左細麵，細麵好掛湯，而且唔會煮得太淋，同個牛肉麵一齊

是次晚餐試了比較冷門的濃湯雞麵，頗不錯，但滷水拼盤則未夠濃味，凍頂烏龍用茶壺上挺有心思。由於上次食過牛肉麵不大驚喜，因此本次點了比較少人食的燉濃湯雞麵、滷水拼盤及凍頂烏龍茶。先來滷水拼盤，份量不俗，但對比起上次牛肉麵湯底的標準，這滷水味道則顯得較淡，香料味未夠突出，但屬可接受範圍，喜歡淡口的人士應該滿意。不久後上燉濃湯雞麵，雞湯味的確很濃，好喝，希望是真的用雞去熬製，亦有幸得到雞髀的部份，肉質鮮嫩滑身，不錯不錯。一般台式餐廳的珍珠奶茶都是伏 (可能是手搖飲品店做得太好的緣故)，因此避險而點了熱的凍頂烏龍，賣相不錯，用透明茶壺可見心思，讓人感到值回票價，茶味香濃，不俗，唯建議可於茶壺內放置茶葉，感覺更佳。另關於坐位安排，由於本次我是靠玻璃坐的，被外面排隊的食客不停觀望，稍嫌有礙食欲，是為扣分位。整體好評，不過不失，未算是十分吸引的台式餐廳，雖然排隊人數不少，可見其受歡迎程度，但對我而言排半小時隊等候食這雞麵或牛肉麵則有點兒不值得。

第三次食，第一次堂食，麵條依然係非常好。今次試蕃茄湯，咸味夠，但酸味太勁，又有啲好似茄汁嘅味，有待改善。雞絲拌麵問道香濃，係佢地好食嘅麵食之一，香到我唔記得影相已經食左先。但係全餐最好食嘅竟然係醬炒清菜，醬香濃又爽脆好好味。十分推介。鹵味拼盤賣相好，但係杏鮑菇居然係酸嘅，話左比經理聽，經理無攞走拼盤，但係話會處理下，不過一排都未見佢翻嚟，又無話係取消定換過新嘅，以為佢唔想處理，過一排之後佢就攞左一份新嘅杏鮑菇出嚟係正常嘅。我諗以後要注意下啲菇類食材嘅保鮮。整體而言，其實並唔錯，不過都有待進步

依間台灣過江龍段純貞係台灣有十幾間分店，有一定名氣。上星期見到人介紹完之後就走左去試下菜😉 係openrice睇到好似有唔少review都話呢間店鋪價錢偏貴, 對味道既評價又幾兩極化🤣 但係自己親身試完覺得整體唔錯, 幾like佢地既麵條、湯底同牛三寶😍！-1⃣三寶麵💰92（👅: 8/10）依度既湯底唔同市面上偏向台灣古早味風格既湯，而係四川風味既台式牛肉麵，更濃郁，帶點微辣！用上自家煉製既牛油、牛骨、蔥、薑、蒜、豆瓣醬共23種香料及中藥材去熬制，食落油而不膩。三寶麵可以同時試勻牛腱心、牛肚及牛筋，各2件。牛腱心頗嫩滑，但略兼做唔到有平時牛展既feel，唔夠jelly。牛肚及牛筋都好軟腍，亦好入味。刀切手工麵就好特別，又粗又闊，好Q 彈，頗有麵粉香，掛湯能力亦好強。2⃣麻辣蒜味腱心半筋半肉牛肉麵 💰88（👅: 7.8/10）麻辣蒜味有一種川式風味，辣加油相當惹味，而且索哂係湯麵入麵，食既時候都幾過癮！3⃣滷水拼盤💰78（👅: 7.3/10）有牛肚、牛𦟌、滷蛋、豆干同鮮菌。呢個拼盤岩哂心大心細既我，一次過試哂4款滷水！幾中意豆干既香。4️⃣珍珠奶茶💰28（👅: 6.8/10）正常發揮，都幾多珍珠。

因為住附近，近期見到出左新野，又去左試乾伴麵，以前去台港超中意食，行過見到就入去食啦，一入去盾就叫左個青花椒香手撕雞乾伴麵，一埋花生碎，口感極佳，加埋雞絲同溏心蛋，好夾！超有台灣風吹阿！有似去左台灣食野咁，仲叫左個黑豚肉餃子，食完就覺得皮簿，但入面d肉都幾好味既，但又唔算好有特色，醋都幾酸，應該唔係人人都岩食咁酸，所以不過不過不失，杯野飲都幾好既，都係細杯左小小，抹茶珍珠奶茶，都幾重抹茶味，都好味阿、諗諗下好耐無去台灣啦，幾時可以再去！

人氣台灣麵分店於此區不設訂座，但人龍消化得頗快，上菜速度迅速，值得花點耐性等待。來店必點的「三寶麵」，當中包含鍵心、牛肚和牛筋 ，肉質軟腍，色味俱佳，$92，搭配的手工麵麵質粗而厚，略賺牛肉汁未能完全掛在麵條上，可幾試試細麵。「新鮮豚肉窩貼」$48，皮薄餡多，是牛肉以外的好選擇。「胚芽珍珠奶茶 」$28，茶底香濃，一進店就充斥著茶味，個人覺得不錯。

果日星期日大約晚上6:30咁上下去到門口, 都有條短人龍, 大約排左15分鐘到入座🤔裝修方面乾淨俐落, 簡潔舒適☺️🍜 ɴᴏᴏᴅʟᴇs· 招牌紅燒腱心牛肉麵(w/幼麵) $84﹟食落個湯底冇想像中咁濃郁, 但都有淡淡的藥材味, 面頭好似有啲辣椒油但係食落辣味不太突出🤔啲牛腱心份量都足夠, 入口軟腍入味, 而個幼麵就偏淋身一點🙂🍜 ɴᴏᴏᴅʟᴇs· 燉蕃茄腱心半筋半肉麵 (w/手工麵)$89﹟依款蕃茄味很淡, 不太濃稠😅而半筋半肉腱心唔太夠軟腍...有啲韌tim🙈個手工麵亦不太有韌性, 食落有點實粉既感覺😳