歷山餐廳

營業中

休息中

平時無寫食評，但今次真係要特登開個account寫出嚟警惕所有人千祈唔好中伏。首先，我哋係through KKDay 用85折book咗4位，事先已付費。安排入座時reception竟然話我哋有2位未比錢，後來要check多次先安排到入座。坐低咗無耐已經上tea set，但遲遲未有人落drinks。 舉手叫咗個女侍應過嚟，問有咩嘢飲佢答唔到。後來佢問完返嚟話我哋知，有奶茶咖啡檸茶檸水，問佢仲有咩揀話得呢啲，唔講以為去咗茶餐廳。後來再問多2個侍應，先知都有”西茶”揀 - Earl Grey或”英早”。然後突然再上多一碟鹹點 - 慢燒和牛粒伴日式山葵及豉油粉 + 大廚送嘅肥牛肉卷。 粒牛係凍嘅、韌嘅、兩邊煎到好乾。 條肉卷係送嘅，所以只好講句多謝。最底層嘅鹹點:- 煙三文魚奶油麵包伴魚子醬及金葉: 三文魚好乾、魚子醬無味、個包好硬- 鮮焗鮑魚酥伴松露醬: 睇返個menu先知原來有松露醬。你以為個酥係普通酥皮？ 其實佢只係一小塊捲起左嘅脆腐皮- 紅酒凍鵝肝配自家製窩夫 : 乜原來有紅酒，我淨係見到上面有粒紅莓... 鵝肝正常，窩夫好似擺咗好耐，腍嘅英式鬆餅 配 自家制英式奶油及果醬- 個sc

3佰幾蚊的Lunch Buffet，嚴重中伏!!!! 從未吃過如此差的自助餐，我所坐的是貴賓廳，只是臨時放枱做catering的一個地方，所有安排都不是一般自助餐的格局。12:30pm去到放海鮮的位置沒有海鮮，熱葷位沒有熱葷。煮喇沙的麵檔位居然用普通打邊爐的gas爐，連沒有了火也不知道，很擔心我前面的客人吃了沒煮熟的喇沙有沒有肚痛。甜品也不想說了，芝士可能比其他人攞晒，見到。最好食的便是haagendaz杯裝雪糕。總括而言，差到無可再差，貼錢買難受，嬲爆!!!

見北角有間新酒店開左，想襯無咁多人諗住試下，點知食到一肚火牛肉生蠔鴨肝都好多人排隊，每次排隊都15至20分鐘，建議請多d,廚師生蠔d肉又薄，差過好多三至四百蚊既buffet ,完全唔值得排隊啲海鮮無都唔refill，好多空左都hea響度淨係食到頭round ，完全feel到唔想refill d野食燒牛肉要等成半個鐘有刺身紙點刺身 但刺身質素同平價放題一樣85折都600 蚊 去食放題都無咁嬲都係咁既質素 真心如果無改善唔會想再去

歷山酒店由原來本年七月開張，因各種原因延遲至12月開張。11月知道可以網上訂購自助餐，立即訂咗第一個星期日中午。食過之後，整體用「好差」去形容。先講訂枱，網上比咗錢之後，喺11月下旬已有員工致電confirm。當日員工話知道我哋有長者，會安排我哋去大啲嘅Grand Ballroom，我仲唔該佢。喺食之前幾日，再有員工再致電double confirm，表現好細心。可惜，當天reception就比咗我哋坐Cafe A嗰邊，枱細、椅窄。完全同原來安排好唔同。（枱細、椅窄係因為我之後行去grand ballroom發現有比較）雖然家人說不要計較，但有如此安排係酒店F&B同事之間溝通不足。第二樣係食物，講真餐中午真係唔知食咗啲乜，係因為無一樣令人覺得出色有印象。反而有印象嘅係熱盤全部都凍嘅，係廚房嘅低級錯誤，無理由啲廚師無一個去睇啲嘢熟唔熟。反而grand ballroom啲嘢食係有水蒸氣。第三樣係設計，自助餐區個個煲都高身，個煲蓋未開已差不多頂到個玻璃架。（你如果有食過會知我講咩）。可能要搵日升起個玻璃架高少少。唔係今日見到有報紙話個buffet有9大指控，又話要更換廚師團隊，我都無諗住寫編

一早係Klook 購買左歷山酒店High Tea,諗住同朋友慶祝生日。上網見酒店新開同價錢都算抵，每人一個甜品架。官網所顯示的相片都幾吸引，所以就決定一試。一坐低就見枱面好似無抹過枱一樣，成張枱都係餅碎，仲有樣用過既牙纖🤮即刻搵職位黎了解，佢地就馬上幫我地換左枱，感覺好番少少。好快就上晒兩架甜品盤，我地由下食到上，條三文魚多士，件多士一啲都唔脆，好似放左好耐感覺，淋晒。鮑魚，得個1/4隻同佢官網睇有一隻完全唔同，感覺似罐頭鮑魚個種。中層提子鬆餅，我從未食過咁難食既鬆餅，講衰啲KFC都好食過佢。用刀切都好難，又凍又硬。上層甜品，個紫色啫喱朱古力慕士，個慕士一啲都唔滑似粒狀餬仔咁，外皮啫喱一啲味都無。個抹茶泡夫一啲味都無🤮個海綿蛋糕，都係硬🤦🏻‍♀️🤦🏻‍♀️成餐感覺一啲都唔良好，個裝修好土豪。野食又差🤦🏻‍♀️🤦🏻‍♀️應該唔會再有下次了。

早前被網上一連串排山倒海嘅網絡宣傳吸引，歷山餐廳自家宣傳影片、各大媒體的文字，短片推介，看後無不令人食指大動於eshop繳付全費預訂更有85折早鳥優惠，真係手快有手慢無，趁著兩姊妹生日，逐拍板訂咗3/12維多利亞宮廷式聖誕盛典美饌自助晚餐，用餐時間為晚上6:30-10:30，成人85折後：成人$596.6 長者$511.1 小童$482.62/12歷山酒店終於正式開幕3/12我和家人成為歷山餐廳的坐上客期待期待晚上約5時50分抵達非常吸睛嘅Cafe A接待處，奇妙的晚上亦即將開始在沒有事前通知下被安排到宴會廳，向職員表明要坐歷山餐廳，獲得回覆是已安排好坐位。Ok!咁即係唔會改!再向職員了解兩邊食物是否一樣？職員回覆：一樣。記住佢話一樣㗎！在宴會廳坐了一會，諗住出去打吓咭，真係差d俾張長到拖晒地嘅枱布陰親攪到PK大約6時15分看見全場只有一位太太在取食物，便詢問職員A:未夠鐘點解會有人取食物？職員A往太太方向望一望：有冇人俾碟你？我：乜要人俾碟嘅咩？佢VIP嚟？擾攘咗一輪後職員B出現，我再問一次：自助餐未開始點解會有位太太取食物？職員B望一望位太太後：開始咗啦！我：未夠6:30就開始？冇

北角歷山酒店的歷山餐廳 裝修維多利亞宮庭式 可打卡映相 午市$3?? 晚市$5？？ 龍蝦 生蠔 長腳蟹 鵝肝晚市先有 質數壹般 供應緩慢 食後給人有伏的感覺 很多地方有代老闆的改善 如在宴會廰擺宴景觀都好 晚宴菜式價錢質素有代賞試。中午 有蝦 青口 蚌 刺身有三文魚 紅蝦 魷魚 等 熱食有牛扒 雞 鴨 炸魚 菜 抄飯 抄麵 .另㗎啡 茶等 冇果汁或飲品供應 可能要另叫 甜品有旦糕 雪糕 可惜雪糕有不夠凍 有少少溶的感覺 剌身中紅蝦和三文魚都可以 但不見拖羅和喜寧魚沙津有芝士也有但品種不多 結論有代改進出品或價錢

1. The hotel got lots of golden colour decoration, which seem to follow the style of Versailles’ Hall of Mirrors. 2. Tables are very closed to each other. Not good to be under Covid situation.3. Small table, not much space for spare plates. 4. Slow refill (abalone, lamb chop & lobster) & got long queue (duck liver & oyster). More staff/training in opening oyster & cutting beef required.5. Lids are heavy, difficult to take food. Use glass lids so that can see food clearly. Food labels disappeared

當媒體鋪天蓋地宣傳歷山酒店的宮廷式的裝修和聖誕主題的自助餐。宣傳的畫面使人充滿了對食物和環境的幻想，但只限於幻想。首先，坐位安排已經出錯。原本預約時要求坐歷山宴會廳，但去到被安排坐歷山餐廳。雖然最後順利坐回宴會廳，但是這些疏忽很難在一間有酒店水平的餐廳被諒解。一段座位風波後，另一場的風波又再起。開始一個小時後（用餐時間總共2個半小時），食物開始出現短缺。事實上食物並不是補充得慢，而是無補充，包括甜點都是。大家只能夠開始轉攻飲品。飲品只提供茶和咖啡。可是，最搞笑是無茶包，咖啡機短暫故障，自助餐員工無補充茶杯，代表你想飲杯飲品都難。你的選擇只有枱面上的水。在以上的一大篇幅，我從會無提及過食物質素和種類，大家已經可想而知⋯⋯無言。睇相好過我講。係我食過最少種類的自助餐。如果你抱着來一個攝影場地多過一間自助餐餐廳，你會更開心。正如主題所講食環境，食物真係可以放埋一邊。

酒店及餐廳嘅環境，新淨、華麗、美觀🌟，可惜編排坐位嘅擠迫度，真的比坊間嘅普通餐廳還較差，難以想像喺酒店食自助餐竟然好像食旅行團餐般。幸好整體尚算整潔。食物供應嘅種類及質素，跟推廣短片中嘅真係差天共地，不但選擇少，熱食唔熱，部份食品更由頭到尾都冇refill ，已分別向超過3位看似較高級嘅職員反映，但都沒太大改善，當中只有部份食品有更換過。Pizza其後甚至連切件都冇切就擺出唻。刺身只得4種選擇，要填紙落柯打。燒牛肉啲血水多到最後浸滿塊切板。咖哩燴牛尾及咖哩牛腩算係全場較為好食嘅嘢。甜品選擇同樣少，蛋糕質素算較好一點，曲奇就認真麻麻。雪糕只有一種味道選擇，反而另一邊ball room嗰邊有多一種，而且仲有Pancake及Waffle，餐廳呢邊則冇。咁樣嘅安排未免唔太好，畢竟比咗相同價錢，座位係由酒店指定編排，卻令客人享用唔到相同嘅食品。客人排隊等待入座嘅位置窄小，職員由餐廳送遞嘢食到另一邊ballroom時，全冇蓋遮掩，穿插於許多人與人之間，難免唔係咁衛生。整體食物及飲品嘅供應、質素，均真的有極大嘅進步空間。平心而論，真係辛苦哂所有酒店職員，確實非常感受到佢哋好似好缺乏人手，但全都仍保持

有幸第一天開的自助餐，抱着興奮又開心嘅心情盡早放工諗住可以大吃一場！雖然最後我遲到，我的朋友早到，send咗幅相過嚟俾我睇當時嘅環境，當堂有啲失落因為唔知係咪疫情嘅關係，佢哋原本食自助餐嘅地方擺放得好似食團體飯嘅地方一樣！睇介紹片說好的100款食物，好似唔見咗一半！唔知係咪因為做得一輪自助餐，佢哋會refill 食物的速度好慢，而且有啲等極都唔refill.不說太多，冇圖冇真相，都冇心機影，自己睇

維多利亞宮廷式聖誕盛典下午茶套餐歷山酒店*環境 * 啲枱排得好迫， 好似坐food court 咁 二人枱，係細過茶餐廳二人枱，仲有promotion 餐牌+咖啡砂糖盒放左兩個set + 2set茶壺+茶杯 ，加多隻碟都驚會跌落地下定位係$300/位既下午茶新開有八折，但真係唔係呢個水平既質素啲水晶燈係幾靚， promote d 食物相， 真係圖片只供參考， 實物差太遠⋯⋯期望越大，失望越大甜點🍽桂花鮮奶凍*奶凍正常味， 但係面頭個桂花凍 食落去係粉狀感覺*🍽抹茶岩石泡芙*冇抺茶味*🍽特濃布朗尼杏仁棒棒糖*外表係brownie一入口, 我唔知自己食緊咩，另有朋友話似蓮蓉味， 但都覺得韓國嗰款 整暖佢好食過呢個*🍽花綴香草白朱古力蛋糕*個花係糖霜，裝飾用唔好食正常。我哋三份入面，個蛋糕有兩份係圓形，一份係正方形，🙄造型唔standard 俾人感覺係個邊邊位 cut 唔到圓形 都照俾客*🍽自家製奶油霜紅茶蛋糕*個奶油霜 入口有啲膠膠地既感覺，又冇咩甜味，真係唔好食， 我朋友大啖咁試，一入口想吐。下面個蛋糕 冇茶味都唔緊要，仲要texture好似放左幾日既西餅（$12 /3件嗰款）咁硬，

友人睇到呢間新開張酒店個buffet好似樣樣都有得食款式幾齊，環境宮庭式有幾靚幾有新鮮感，而且網上買定飛又有優惠，所以就決定你試吓，咁啱之前一日政府收緊咗變成二人一枱都有啲擔心，果然去到除咗餐廳buffet廳之外另外仲要開多三個宴會廳先至夠坐。buffet廳同宴會廳兩邊嘅嘢食係一樣嘅，但係宴會廳呢邊個setting就完全唔掂，即開生蠔嗰個位冇過濾水沖洗生蠔，只係用一兜死水嚟洗生蠔，感覺上全部污糟野都洗落去嗰盆水嗰度好唔衛生，食咗一轉之後冇信心再排第二次，而生蠔嘅味道係OK新鮮嘅。另外，個燒牛肉生到d血水多到流晒落去個砧板度切肉嗰個職員抹都抹唔切好似水咁流出嚟，好血腥，我唔敢食。鵝肝只係用個Gas爐上面一個煎pan仔嚟煎，每轉出嘅唔多，而且唔知點解總有啲係留咗比人哋所以最多都係供應到頭四個排隊嘅人有啲人排左幾轉都攞唔到，程序上好有問題囉。仲有，芒果拿破崙個千層皮又苦又有益味，我吐都吐唔切，從未食過咁難食嘅芒果拿破崙，另外朋友食一個啫喱係Axe洗潔精味,又係經典野，即整格仔餅燶到有苦澀味，我仲以為係朱古力味嚟，omg無樣掂嘅自助餐。

一向是北角海逸君绰酒店自助餐常客，因為環境，食物和服務質素都很好。知道同集團的歷山酒店餐廳Cafe A試業，推出聖誕自助餐，還有85折(每位$367 )今天帶老婆去試lunch buffet ，结果出事。自助餐座位安排於另一边宴會廳, 似是臨時加的埸地，食物放在臨時的長枱上。各種食物種類很少，凍海鲜只有青口，凍蝦和很細少的蝢，質素欠佳，刺身填纸，三文，八爪，甜蝦，都是低質欠新鲜，切牛扒一款，好靱，熱盤經典，春卷，星洲米，炒钣，炒菜，己經是最好的了，有一個很迷你的麵檔，甜品是少量慕絲杯和蛋糕，其他也不多提了，質素之低從未見過，可憐今天客人真不少，想都是慕名試新五星酒店buffet 而來，見到他們都面露不满神情，有些客人即場填投訴信，期望酒店認真好好檢討改善。同一價錢，我以後還是回北角海逸君绰吧，今天是浪費了一天休假和700多買了教訓。

之前睇新假期介紹跟住係佢地個E-shop度買左午餐自助餐點知真係好差去之前問左冇代客泊車去到有但個阿叔態度好差又叫我地唔可以停架車係一個位叫我地揸去第二個位咁我地揸去第二個位佢又叫我地停低然後問佢咁可以泊邊佢又話幫我地泊到我地入到去架車都未泊，連車門都未關入到去真係好小野食好搞笑，有人可以切西冷比客；但唔可以切刺生比客刺生要寫紙，得4款:三文魚、鯛魚、八爪魚、甜蝦一台2個人，寫一張紙，每人得一件質素好一般然後全部熟食都係下欄野鴨、雞、薯仔、西蘭花、牛仔骨、炒飯無樣好食甜品，淨係雪糕好食，係哈根大師其仔甜品，賣相唔靚都唔好食生果，4樣，菠蘿、火龍果、蜜瓜、西瓜冷盤，得蝦、蜆$3xx一個人，唔值影相位都無乜，其實都唔值得去