歷山餐廳

Cafe A
47
7
18
港鐵炮台山站B出口, 步行約2分鐘 繼續閱讀
電話號碼
38932868
營業時間
今日營業
12:00 - 14:30
15:00 - 17:00
18:30 - 22:00
星期一至五
12:00 - 14:30
15:00 - 17:00
18:30 - 22:00
星期六至日
11:30 - 14:30
15:00 - 17:00
18:30 - 22:00
公眾假期
11:30 - 14:30
15:00 - 17:00
18:30 - 22:00
付款方式
Visa Master 現金
座位數目
108
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
賞訂座積分
加一服務費
前往餐廳網站
http://www.hotelalexandrahk.com/en/dining/cafe
有關餐廳
歷山餐廳的維多利亞宮廷式設計風格,以璀璨耀目的水晶吊燈及搪瓷雲石地台營造奢華雅緻的唯美空間,並由我們的厨師團隊呈獻特色自助餐及多樣化的單點菜單,爲您帶來各國佳餚及時令美食,以及視覺及味覺上的雙重體驗。

餐廳告示
果漾瑰寶下午茶套餐
2021-05-24
於酒店瑰麗奪目的華麗場景,感受令人煥然一新的精品下午茶套餐。 選用上乘食材的鹹點及以熱帶水果入饌的甜品,加上冰涼的Häagen-Dazs 青檸摩奇多雪菓,再配上熱騰騰的即磨咖啡或Tea WG的精選茶茗,為您送上清新愉快的味覺享受。 鹹點 鴨肝慕絲奶油多士配魚子醬 煙三文魚玫瑰配酸忌廉多士 香煎帶子伴川汁 鮑魚野菌忌廉酥皮盒 脆炸馬鈴薯蝦卷 吞拿魚芝士牛角包 甜點 鮮鳳梨蓉意式奶凍 鮮芒果慕絲雲呢拿雪芳蛋糕 紅桑莓果凍荔枝慕絲蛋糕 60%可可黑朱古力芝士蛋糕 Häagen-Dazs 青檸摩奇多雪菓 英式牛油提子鬆餅配果醬及英式奶油 每份下午茶套餐贈送一杯店選紅葡萄酒/白葡萄酒/氣泡酒 自選Tea WG茗茶 或 即磨咖啡: 皇后茉莉綠茶 – 清新淡香的茉莉花香綠茶,呈現高貴優雅的馥郁風味。 蝴蝶夫人綠茶 – 以精選綠茶配搭南方水果風味,適合除倦養神,清香高貴的綠茶。 洋甘菊茶 (不含咖啡因及茶氨酸) – 富金黃色澤的洋甘菊茶,帶來蜂蜜般的甜美享受。 法式伯爵紅茶 – 融入佛手柑及法國矢車菊的香氣,層次豐富的香濃形紅茶。 英式早餐紅茶 – 由風味濃厚的阿薩姆、錫蘭、及肯尼亞茶葉組合而成的傳統紅茶。 卡布奇諾咖啡 拿鐵咖啡 美式咖啡 於酒店eShop ; 致電(852)3893 2868 ; 電郵至:Fnb@hotelalexandrahk.com 或親臨歷山餐廳訂購可享8折優惠(星期一至星期五);85折優惠(星期六,日,公眾假期及節慶日)  價錢: 星期一至星期五 (公眾假期及節慶日除外) 原價HK$268 | 優惠價 HK$214 星期六,日,公眾假期及節慶日 原價HK$268 | 優惠價 HK$228 時間:14:30 - 17:00(星期一至星期五; 公眾假期及節慶日除外): 15:00 - 17:00 (星期六,日,公眾假期及節慶日) 地點:大堂樓層 歷山餐廳 聯繫我們的餐飲團隊 請聯絡我們,訂座或了解更多詳情。 電話: (852) 3893 2868 電郵: fnb@hotelalexandrahk.com 條款及細則 以上價格須另收加一服務費(按原價計算)。折扣優惠不適用於指定日子。小童價格適用於4至11嵗之顧客。優惠不可與其他折扣、優惠或優惠券同時使用 優惠不可兌換現金或其他產品及服務。優惠數量有限, 先到先得。如有任何爭議,歷山酒店將保留最終決定權 詳情
有關獎賞計劃
食評 (81)
等級4 2021-04-21
5667 瀏覽
呢間上年年尾先開業嘅歷山酒店,裝修以宮廷風,好華麗feel,好啱打卡📸!雖然呢間酒店開業初期嘅評價麻麻,但都過左多幾個月,一於等我來打下卡兼試試有冇伏啦🤪!今次帶埋媽咪來食semi-buffet lunch,每人就可以揀一個主菜,而前菜、沙律、湯、甜品、水果就可以自取任食!前菜同沙選擇都幾多。仲有刺身同海鮮凍盤,如大蝦🦐、青口、螺🐚等!另外每人仲有🦪焗蠔拼盤一份,一份有三款煮法嘅焗蠔,包括莧菜忌廉汁焗蠔、煙肉洋蔥焗蠔、三色芝士焗蠔,三款都整得好惹味,特別鐘意煙肉洋蔥果款,好香口,連我本身麻麻地愛食蠔都覺得正😂👍🏻而主菜就有十款可選,中式西式都有,我就揀左扒三文魚扒配檸檬忌廉汁,三文魚扒皮脆肉嫩,配上檸檬忌廉汁好清新!而媽咪就揀左炭燒肉眼扒配紅酒汁,肉眼扒啖啖肉汁,仲有陣陣炭燒香味,配合埋紅酒汁令牛味更提升🤓!食完主菜,又點少得甜品呢!自助區都有多款蛋糕西餅,水果 ,仲有中式糖水,推介必試芒果拿破崙,拿破崙好香脆芒果又甜!整體質素都不錯,平時下午去,人流唔算太多,坐得都舒適,重點宮廷風裝修好靚,食飽飽都可以去影下相呀! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-22
6734 瀏覽
晚上這家酒店自助餐打八折, 有生蠔松葉蟹腳凍蝦鵝肝任吃,又送芝士龍蝦一隻。二話不說馬上來試試。晚餐港元574,個人認為比同級酒店的自助餐稍為遜色。松葉蟹腳和凍蝦不算很新鮮,雖然味道還可以,但松葉蟹腳和凍蝦有點雪藏的味道。東風螺和青口還算可以。另外生蠔即開即食比較新鮮有海水味,不過體積有點小。但整體海鮮還是可以的。魚生有三文魚吞拿魚帶子象拔蚌和鯛魚等,種類雖多 但還是不太新鮮,廚師切得也比較少片。熟食種類還可以,但沒有太多想吃的食物。都是一般的三文魚扒清蒸班蒸雞牛肉丸等食物。比較特別喜愛的是他們有海蜇和巴拿馬火腿配蜜瓜。一般自助餐比較少提供這兩類食物。不過他們的芝士龍蝦和鵝肝特別好吃。芝士龍蝦味道十分好,不過龍蝦稍為細小。鵝肝很厚而且很滑溜,煎得十分香口。特別要為他們的甜品點讚。比同類型酒店級數都做得更好。芒果拿破崙和藍莓芝士蛋糕个人特別喜愛。特別是拿破崙蛋糕做得很有水準。這裡的裝修無話可說實在金碧輝煌,而且服務絕對滿分,和國內的五星酒店服務級數一樣。整體來說還是可以再來的。 繼續閱讀
(以上食評乃用戶個人意見 , 並不代表OpenRice之觀點。)
年尾時趕趕急急搬屋,差唔多成個月都淨係pack箱拆箱執屋,忙到懷疑人生,終於叫settle down左,就想出去食下好野平衡下心情。早前見到有好多朋友去咗依間酒店打卡,覺得勁靚呀,一向少出城嘅我即刻search下喺邊度,原來係喺北角新開無耐嘅 歷山酒店。見佢嘅環境好靚所以就被吸引咗黎喇,不過睇開業早期既食評啲人都話麻麻哋,但環境咁靚一試無妨啦;Book咗佢嘅「維多利亞臻味下午茶套餐」平日好難約其他朋友,二人限聚下就揾 阿囡陪我黎啦!由地鐵站直達酒店只需5分鐘,位處住宅毗鄰,隱密寧靜,一踏入酒店已如置身維多利亞時代,瑰麗又有氣派,打卡位超多,單是靚景已經值了!下午茶Set包括6款鹹點、5款鹹點、英式鬆餅、咖啡/茶,另每位送紅/白酒或汽泡酒一杯,$268/位價位都算親民。#煙肉洋蔥蛋酥配原隻鮑魚,夠晒矜貴,酥餅夠鬆化,味道配搭好好,鮑魚當然成為QB囊中物😎#煙三文魚芝士忌廉三文治,鬆軟又夠fresh#香煎虎蝦配車厘茄 - 虎蝦夠晒夾彈鮮味#巴馬火腿芝士牛角包 - 烘焗得香脆鬆化,鹹香惹味。仲有 #鵝肝是配黑松露醬夾餅 及 #蟹肉沙律酪梨醬配牛油軟包。甜品有#法式可麗餅配鮮芒果忌廉凍餅、#藍莓芝士蛋糕、#法式焦糖燉蛋、#榛子朱古力蛋糕、#意式雜莓奶凍。囡囡喜歡焦糖燉蛋,又滑又香甜;我就鐘情榛子朱古力蛋糕,香濃美味。依度用上Tea WG既茶,我點左Geisha Blossom Tea, 綠茶加入水果風味,都幾清甜,氣味獨特; 小朋友就可以揀果汁。整體食物水準都唔錯,絕對稱得上好睇又好食,親身試完可完美平反,一點伏味也沒有。環境無得彈,處處都係打卡位,酒店好新淨、餐廳寬敞,枱與枱距離遠,食得安心,真係好值得黎當一天淑女! 繼續閱讀
(以上食評乃用戶個人意見 , 並不代表OpenRice之觀點。)
相信好多人都知歷山餐廳喺12月開張嘅時候風頭一時無兩,不過最後比各大平台彈到冇眼睇🙈。草根喺餐廳開咗張3個月後去試一試,睇吓究竟食物質素有冇改善到🤫。當日星期日12點去到餐廳仲有部份位置係空嘅。所有人都坐喺餐廳,應該冇坐喺宴會廳嘅安排。.整體嚟講,當日嘅體驗冇12月大家講到嘅情況咁差,可以話質素係比$3-400嘅buffet高,但整體食物選擇較少👉🏻👈🏻,尤其係海鮮類缺乏。計返收$428一個佢又唔算貴🤔。服務方面值得讚👍🏻,態度好好,主動收碟,又會問客人食物有冇問題,另外refill速度都好快,亦都冇出現要排隊嘅情況。睇嚟餐廳面對大家嘅批評都有落過功夫去改善過😌。.海鮮部份真係好少,只有海蝦🦐、青口同海螺,睇落唔吸引我哋都冇食到。不過即開生蠔就幾好🦪,味道鮮甜只係比較細隻。.日式刺身選擇同樣唔多,有三文魚、鯛魚、魷魚、螺片同蟹柳,草根冇全部試晒。三文魚肥美但比較淡味,螺片就有少腥,刺身呢一part完全Miss咗都唔會可惜😭。.冷盤煙三文魚、parmaham都叫有齊,🧀芝士有三款但都係唔但都唔算好出色。西式款式唔多突出,有驚喜係竟然提供Egg Benedict,流心嘅水波蛋配上充滿牛油香脆身嘅麵包🧈,好食😋。另外Pizza脆身唔死實🍕,即切肉類有美國頂級牛扒🥩同紐西蘭羊架🐏,前者不過不失,羊架軟嫰得嚟夠肥美,可以encore。.中菜中香煎帶子同黑椒牛柳呢兩款最出色❤️香軟又好食。其餘睇落唔算特別,我哋就冇特別去試。.甜品方面選擇唔算好多,但我哋揀咗幾款嚟食味道都幾唔錯,Tiramisu好食😋咖啡味好重☕️;朱古力蛋糕都唔錯🍫。不過馬卡龍真係唔使試,感覺似餅乾,冇咗中間煙靭嘅部份食落只有糖味。另外Haggendazz有4款口味都喺任食😍,可以食返夠本🍨。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-08
4305 瀏覽
最近最Hit既下午茶熱點一定係環境華麗到好似去咗凡爾賽宮咁嘅歷山餐廳。由酒店正門去歷山餐廳一定會經過呢個華麗長走廊,酒店職員話呢個係必影嘅打卡位!皇后式享受呢個豐富既「維多利亞臻味下午茶套餐」,仲要包一杯酒精飲品,每位只係$268堅係性價比超高!🤩女生去Tea...好多時都為咗同個tea set打卡令到食嘅時候咸點凍哂🤫但係食物上枱嘅時候酒店職員溫馨提示我哋喺經典嘅打區已經預設咗一set真下午茶俾大家做影相道具,所以叫我哋趁熱食😋(大家記得去呢個位影相打卡啦)哇!第一次可以即刻品嚐完精緻嘅下午茶再慢慢影相😝要大大力讚一下歷山酒店真係好貼心❤️🍤鹹點非常美味又大件✨ 鵝肝慕絲及黑松露醬配窩夫好鬆脆又充滿鹹香😋✨ 蟹肉沙律酪梨醬慕絲配牛油脆多士,蟹肉豐富,口感清新又有層次!✨煙肉洋蔥蛋酥配鮑魚貴氣十足,一口既size可以好優雅咁食晒。✨香煎虎蝦配車厘茄酸酸甜甜好開胃,蝦肉仲好彈牙添!✨巴馬火腿奶酪牛角包好鬆脆,芝士厚切、巴馬火腿充滿鹹香,好滿足呀!✨煙三文魚香蔥忌廉芝士三文治,雙層夠晒飽肚!🍰甜點都好精緻✨法式可麗餅配新鮮芒果及精製忌廉✨藍莓芝士蛋糕✨法式焦糖燉蛋✨榛子朱古力蛋糕✨意式雜莓奶凍✨英式牛油鬆餅配英式奶油及草莓果醬甜嘅程度係可以接受,個人最鍾意意式奶凍同埋焦糖燉蛋🤩二種嘅食物方面真係大件夾抵食,難怪現場見到好多女生都帶咗男伴嚟食😋☕️呢度所選用嘅茶全部都係Tea WG,我揀咗我最鍾意嘅伯爵茶💕嘆完個靚Tea再同靚女朋友傾吓計,再一齊去搵靚打卡位影下靚相,心情都變得特別靚💕 而家去togetda預訂歷山酒店維多利亞臻味下午茶套餐可享至抵優惠快啲約埋閨蜜一齊去啦🥰 繼續閱讀
(以上食評乃用戶個人意見 , 並不代表OpenRice之觀點。)