正斗粥麵專家 (景光街)

營業中

休息中

粳係試試雲吞麵先啦...啲麵落得太多麻油，食落好似食出前一叮咁，而且食到一半就淋哂,湯底ｏｋ啦,不過無衝動飲哂...咁即係無麥奀咁好啦...啲雲吞就...霉既!!!!!!!豬手麵... 豬手唔係豬手,係腳...啲味又唔濃...是但一間釗記都好過佢...個魚皮反而好得,好爽好新鮮不過啲炒野睇落好正咁,下次去試試先!

去完養和睇醫生, 已差不多五點.連Lunch都未食, 但又無乜胃口,只想食粥,到此店來, 看餐\牌,有粥粉麵飯及小菜, 看了幾個食物價錢.都幾貴,如牛肉腸粉$40,薑葱撈麵$38,一碗雲吞麵都三十幾四十,比酒店還要貴, 我只order咗一碗白粥, 不是因為貴而不吃其他東西,而是真的無胃口,白粥雖然甚麼都無,但都算幾香幾棉.算ok啦, 但$20嘅白粥都幾貴...服務好一般.

尋日我同媽咪去開養和,咪去試佢囉,點知一入去就叫我搭台(明明有三張卡位),我心唸可能我唔係熟客,算啦,照坐,一睇餐牌價錢同麥奀記差唔多,心唸(唔係掛,人地幾十年招牌喎)後尾聽個經理講,佢老闆係銅鑼灣仲有一間,間有幾十年,間關哩間咩事呀,李生如果賣雲吞麵又賣幾百萬一碗呀!我同媽咪叫雲吞麵,炸醬撈麵,鮑魚雞粥,油菜,炸兩雲吞麵:麵淋晒,而且等好耐,最後一樣到,雲吞麵都係咁,同街d一樣,我吃唔出有咩特別炸醬撈麵:麵又係淋,炸醬凍,麵就暖暖地,超難食鮑魚雞粥:罐頭鮑魚,雞就新鮮,ok la粥底唔錯油菜:冇特別,如果油菜都難食死好過la炸兩:食得出係新鮮炸,不過d皮村晒,之後又搵第塊皮再包埋單237元連加一,我唔比貼士,個女經理就口黑面黑,走番收銀細細聲話吃唔起唔好吃啦,我一個月人工六萬幾,我吃唔起?懶得同d冇修養人吵,費事教精佢,以後都唔會再去ps:到我走都仲有一張卡位未有人坐

周日晚球隊在跑馬地草場加課，連天大雨，一班老坑個個踢到泥鴨樣子的，好耐未試過這樣狼狽。沖過涼，換過衫，總還覺得同身泥的。大家各有節目，我跟另一位波友走過跑馬地吃點東西再算。選這裡，純因為想坐得舒適一點，同不知何解，想吃碗粥。十時有多，仍有不少客人，還好可以坐在中間的一張圓檯。只簡單的要了碗豬潤粥，加碗雲吞麵。見廚房兩個師傅，一個煮麵一個負責粥類。雲吞麵黃澄澄的有油香，麵在上雲吞在底，如果加埋隻沉底匙羹，賣相是滿分的合規格。麵沒有鹼水味，爽口又彈牙，吃了兩口左右吃完，份量剛剛好。雲吞麵有大小之分，我當然要小的，太大的就不是「細蓉」了。雲吞小散尾，豬肉及蝦肉的份量都剛剛好，調味亦不錯，有水準。湯底有蝦子香味，當然亦有「師傅」在幫忙。這碗麵，收28蚊，都算收得起；豬潤粥都幾綿滑，艋不錯，但吃落有點點的味精踪影。豬潤不大塊，吃落爽脆，雖然比靠得住稍差，也已吃得過，收36蚊一碗，又好像貴了一點。同事還要了隻裏蒸粽，好大隻又多料，都吃得過。侍應服務也不錯。當然要便宜對面就有，想坐得舒服及吃得精緻一點，來這裡都可以。

上個禮拜五，我們一家四口去食，叫了兩個雲吞麵，一個炸醬面，一個牛腩麵，一碟油菜，一個豬?腸和一個炸綾魚球。麵的湯底不夠濃，麵食OK，若"yim"麵身不夠彈口！油菜o吾得，無光澤，苦！炸綾魚球，o吾鬆！失敗！Anyways, 越食越失望！其實很久以前來過，也不覺得好，這一次，真的死心！

Been to this restaurant for several times. It is a very good restaurant for the food they serve. I just somehow find it to be a bit expensive.If you really want to have a fail-safe Chinese noodle shop for your western friends this would be it. Be prepared however to wait at peak hours and spend considerably more for its food, cleanliness and attentive service.

本來打波的日子，被人拉左去睇戲，為免千夫所指，睇完戲都係要join番班賊。一條車龍咁直搗入去。無他…成10部車無咩地方係可以揀的。食左半個我最大反應的炸醬麵，真係越敏感越時食，好在只係半個。其他的，仲有豬手麵，但就唔淋，油菜細碟，相信係同天氣有關。

有即蒸點心,四式腸粉,南北杏焞雪梨,及第粥,雲吞麵點可以想像可以一次過享用?想起都十分回味!!放假當天尊登走去跑馬地行下,當然順道食一餐啦.一間懷舊的店子,播著鄧麗君的小曲.三數枱客人散落的坐著,看了看餐牌就每一類食品也試一試.雲吞麵($24)麵質非常彈牙,沒有梘水味,湯底十分香濃.四式腸粉分別有蝦,牛肉,义燒及冬菇雞絲,腸粉非常滑,豉油十分清甜.我比較鐘意蝦腸,蝦肉大大隻.原先是想吃白灼腰潤的,但$70真的太貴了,結果就要了及第粥.不但試到腰潤,仲可以試豬肚同肉丸,而且平一半,哈哈!粥底非常綿,腰潤亦十分嫩滑,好新鮮.點心就試了鮮竹卷,熱乎乎的,散滿蝦子.好味!到甜品時間,要了南北杏焞雪梨同桑記生蛋茶.雪梨淡香,一點酸味都沒有!!用了近$200,肉痛但真係好好味!

一行三人,叫左個牛腩麵,牛腩唔算太腍,但係d味好夠,同埋d汁比出面濃好多,雲吞麵就一般,腸粉要成40幾蚊碟呀好似,得三條短短的...有d覺得太唔值囉!

今日自己一個行到去依度, 食番上次好鍾意o既滑蛋蝦仁炒河, 但好似無上次咁好食, 無咩味~ 埋單$88~ ($80加一)

本來想去蓮園, 但男友嫌蓮園個老闆娘太寸, 所以提議o黎依間~腰粥- 略嫌un o左d, 同粥底唔夠綿~炸兩- 我o地掛住食粥, 放到凍晒先食, 但都幾脆~ 滑蛋蝦仁炒河- 開頭我估會好多油同無咩味, 但又唔多油, 仲幾好味~ 蝦仁仲好大隻好爽甜o添~ 正~~~芥蘭- 選擇要腩汁~ 菜好新鮮好甜, 唔老, 無渣~ 唔錯~又真喎, 依度service好過蓮園好多倍喎~~ 裝修仲好過蓮園~ 唔怪得男友o黎依間啦~

我去了蔡蘭飲食坊那間,叫了一個水鮫撈麵,48元。送上臺時，不是很熱，但麵還未弄開還有皂水味。水餃是很細隻，沒有餡。我老婆叫了個雲吞麵，24元。可接受。但以這個價錢，不值。