30
7
12
電話號碼
28383922
開飯介紹
主打雲吞麵、粥、乾炒牛河等，吸引不少遊客慕名而來。
繼續閱讀
營業時間
今日營業
11:30 - 23:30
星期一至五
11:30 - 23:30
星期六
11:00 - 23:30
星期日
09:30 - 23:30
公眾假期
09:30 - 23:30
以上資料只供參考, 請與餐廳確認詳情
食家推介
3個人叫左一個中湯，一碟豉油王炒麵（又濕又冇味），魚香茄子炆米（都係冇味）， 叉燒煎蛋飯，蘿蔔糕加多一碟炸兩(全部都係一般貨式)， 相信大排檔或者是旦一間茶餐廳都一定好食過佢，總共食左724蚊，但係質素極差，服務亦一般，真係冇下次👎👎👎
繼續閱讀
以前正斗係其中一間最鍾意去嘅粥麵店，今日見打風，於是叫外賣。總共叫咗兩個粥，一個炸両，蘿蔔糕，爽脆魚皮，牛腩撈麵。一打開盒魚皮先嚇咗一跳，裡面大嘅只有六片，咁就收咗我$90，貴唔重要，最慘係難食，重要呢味原本係凍食嘅魚皮，因為擺咗喺兩碗粥中間變咗熱食。重有就係個炸両，裏面條油炸鬼都唔知係唔係琴日賣剩嘅，味道怪怪兼硬晒，豉油咸到飛起，有怪味。艇仔粥味道還可以，但配料之中嘅瘦肉有怪味，應該係唔新鮮所致。又一間以後唔會去嘅老店。
繼續閱讀
今日去開跑馬地搵個friend順便食個晏，見到呢間正斗榮獲2023年米芝蓮推介，仲要係連續十五年喎，就試下佢有幾巴閉。兩個人叫咗碗大雲吞麵、乾炒牛河、炸兩同桑寄生蛋茶，好飽好滿足。雲吞麵：雲吞在哪？原來在最底，每粒大小一致，剛好一啖一粒，蝦味極鮮。因為太好味，成粒擺落口，完全無咬開過睇下入面有咩料。而麵質都算彈牙，無鹼水味，實在難得。乾炒牛河：食乾炒牛河最怕佢太油，但正斗呢碟望落少少油，但食落無油膩感。同埋無舊牛肉都好滑有牛味，正~炸兩：喜出望外，可能上星期食過炸兩，有比較有傷害，正斗個炸兩係超級好味！！！個樣似係啱啱炸起，好脆，皮唔厚，個豉油要讚，一倒出嚟已經聞到嗰種鮮味，令到成個炸兩提升咗。桑寄生蛋茶：連款經典糖水唔係度度都有得食，正斗呢碗微甜得嚟又有茶嘅回甘味，水準非常高。總括嚟講，正斗都幾高質呀，成日見啲食評話服務態度差，又唔多覺喎，我話冷氣太凍姐姐都幫我換位，仲唔晒自己酙茶，以食雲吞麵嚟講係一個好好嘅體驗。
繼續閱讀
今日中午食左碗大蓉，雲吞麵。午飯時間多數都唔需要等位，返左一個上午個人都又攰又餓。當香噴噴嘅雲吞麵送上的時候，真係令人流口水。雲吞在底，麵在面。先試一試湯，湯是雲吞麵的靈魂，這湯有豐富的鮮味和香氣，但不太濃烈，味道有淡淡蝦的鮮味。再試一試雲吞，雲吞皮夠薄，餡料有口感，食到蝦肉的爽彈，味道有輕輕的甜味，同鮮味。一口一粒，十分滿足。之後是麵。有彈性。具韌力，同雲吞一同進食，口感亦有所提升。一碗簡單熱辣辣的雲吞麵，應該能係我太肚餓先會有咁豐富的感受。
繼續閱讀
好耐冇去正斗食，今日去左但係食到一肚氣.服務態度差到不得了，問乜都唔應！只有兩三台客，但係冷氣開到好似冰箱一樣.問佢可唔可以上細啲，佢當聽唔到！今時今日咁嘅服務態度，叫人點繼續幫襯！
繼續閱讀