正宗上海生煎皇 (已結業)

從小到大我對上海食品都非常着迷，無論是酸辣湯，小籠包，生煎包或各式上海粉麵飯類都無一不愛。可是很多時礙於不想到上海館子花費太多所以不會經常吃，但自從質素高而且價廉物美的<正宗上海生煎皇>開業後便變成了我經常開餐的好選擇<正宗上海生煎皇>位於登龍街的分店最近新開業，作為頭號粉絲的我當然要來支持一下啦！相信很多人都知道這店是由一位前香港歌手在上海正宗學師後回港創立。經過多年的努力已經發展到有多間分店，而且更由起初的立食小店變成現在有座位可供顧客好好享受食物的小店子店內沒有花巧的裝修，只是簡單掛了一些食品的照片。當然亦有多位歌手明星來捧場的照片呢其實雖然是小店，但其實食品的選擇也不少。只要在點心紙上剔好心儀的食物後再交給店員便可以安坐等吃先介紹這裏的招牌菜生煎包。生煎包有兩面，一邊是金黃色較乾爽的，令一邊則比較柔潤。這個size的生煎包不可能整個放進口，而且內裏也有熱辣辣的鮮湯汁，所以吃生煎包也有四步曲喔咬開煎得清脆而且厚度適中的表皮後，內裏有香濃的鮮湯汁，把湯汁喝光後嘴巴有點黏黏的感覺，大概是因為有着豬皮的骨膠原吧！內裏的小肉團軟滑得來不失彈牙口感，而且調味

話說係IG 同Facebook , 甚至雑誌都見到佢個brand, 就好奇去試下銅鑼灣新店。攻煮本身都鐘意食上海滬菜，又再抱多少少希望..... 點知....Okay 食物細碟唔緊要,如果係有質素的話。必叫的生煎包上碟了, 咬落去之際....咦?! d皮厚到咁, 肉汁不多湯又小，味道麻麻口感更差......好啦，煎包唔得試下雞絲粉皮。咦?雞絲呢?! 只有堆肉碎加係一堆厚粉皮上...個麻醬徐係okay, 但成個希望幻滅哂。最失望既係蔥油拌麵。唔夠乾身麪唔夠爽口,而且汁極多。最怪異的是......食落去同上海粗炒一樣味!! 我同朋友都好混淆 , 媽......好亂呀!!重有碟油泡茄子， 較其他食物好,只係油左少少。但如果有涼拌就更好。由於對銅鑼灣店好失望，未必會去其他分店。

兩週前的星期五晚，照樣教完書去醫肚。知道呢間店子响銅鑼灣剛開了分店，決定慕名一試。可能係已經夜晚十點，加上仍係試業階段，店內唔多人，亦唔駛排隊。店長招呼好有禮貌，有熱誠。坐低之後叫咗碗嫩雞煨麵，加一籠小籠包。煨麵大大碗，好入味。全無雞皮。小籠包皮薄多汁，咬落去d肉汁好鮮甜。再嚟外賣四個生煎包回家同內子分享，可以用皮脆多汁來形容。總結一個字: 正

未夠12點就去到，唔駛等位，坐低一陣就開始多人。食物款式唔算好多，我地叫左四喜烤夫，生煎包4隻，炸排骨菜飯。好入味既四喜烤夫，每一件都入晒味，仲有雲耳，紅棗，冬菇。兩個人當小食，份量岩岩好。黎到冇理由唔食生煎包，有2件同4件揀。包皮算滑，唔會太厚，而且煎得脆口。包內肉汁豐富，所以要小心咬開後，啜晒入面既湯汁，先再慢慢食。炸排骨一般，味道偏甜，唔夠脆口。但菜飯幾好味，飯一粒粒，唔會太黏口。而且菜既比例都好多，每一啖都有菜。店內座位都算寬敞，唔會好迫，唯一不足係冷氣唔夠，一路食，一路流汗。

第一，一入黎，落單時同我地講無汽水無豆漿，大熱天時如果無呢啲野係咪應該等位個時講聲比我地知，等我地唔洗咁辛苦等左咁耐位入到黎無野飲。第二，叫左個雞絲粉皮，$31，點知黎到得豆潤咁細碟，啲粉皮碎濕濕，夾都夾唔起，唔係無錢比，但收得$31，係咪應該唔會咁細碟呢，又唔係特別好食，一啲都唔抵！唔會再幫襯第二次！我地一共叫左3樣野，生煎包，嫩雞燴麵，同埋雞絲粉皮，除左生煎包之外，兩樣野都好難食！但生煎包亦都係不過不失，唔係特別好食！開左分店，野食質素愈黎愈差！好失望！

又到星期三，每逢星期三都係去登龍街搵食好機會😂 今次去了上星期剛開幕的上海生煎皇！我們二人，6:10左右入座，已有一半滿座。因為不太餓的關係，只點了3樣野食。第一樣是雞絲粉皮！我俩也是愛粉皮之人！但。。。。。。。。為什麼會是日式胡麻醬？？？？我的傳統的花生醬在哪？而且偏細碟。第2樣點了糖醋骨菜飯糖醋味道做得不錯，但肉太乾，而且菜的比例不夠多最後當然是壓軸出場的生煎包小小的生煎包，皮薄，多汁，肉又鮮味！超級好食！！！食完想再食多個！不過生煎包要等，一批批咁煎。食完頭2道菜，等多5分鐘就有包食！好可愛的插圖！記得要跟住做！因為個包真係好熱！d湯係滾架！埋單$96。 價錢上ok la。不過不失！

叫咗兩樣嘢外賣. 皮蛋豆腐, 口水雞. 皮蛋豆腐, $30, 應該1/3 件豆腐 同一隻皮蛋都冇. 啲汁好甜, 冇乜其他嘅味道. 口水雞, $49得7件, 但係有兩舊止係得皮同骨, 其他全部係雞胸. 的汁好似豆板醬咁, 完全唔係口水雞嘅味道. 另外,見到佢哋將放生煎包嘅紙, 無包住咁放晒係鋪頭外邊嘅行人路, 好似唔係咁衛生....餐牌口水雞嘅價錢係打錯咗. 但店員都好好人, 有改返. 大家埋單嘅時候可以留意返. 我都知銅鑼灣的舖租好貴, 但係啲食物都唔使分量少到咁. 豆腐同皮旦呢啲都係平價食材, 買$30, double而家呢個份量都唔過份. $49 只係有5件食得,size同切雞一樣大細嘅雞胸, 仲要都唔係口水雞嘅味, 求期淋啲辣油上面, 真係有啲唔合理. 如下次再想食啲涼菜,去對面街譚仔叫啲小食好過.可能生煎包好味啲啦, 但見到佢咁樣放啲紙, 都唔會再去lu.

一行六人去食飯, 真係從來都未試過出街食野, 所有野都食唔晒, 餓住個肚走, 唔係因為太大份到食唔晒, 係樣樣都咁難食, 難食到完全唔想放落口1. 五香牛展: 冇五香味, 牛展冇牛展個種獨有既味道, 仲要係用點小籠包個種醋黎浸牛展, 真係特別2. 雞絲粉皮: 雞唔係雞絲, 個樣係打邊爐食個種豬肉薄片黎, 再將佢切粒, 跟住openrice既相, 有d人會有青瓜, 有d就冇, 我地咁岩就係冇, 亦都從來未食過冇青瓜既雞絲粉皮, 究竟係點先會有青瓜呢, 唔通係睇彩數既?! 最重要個醬汁, 佢竟然就咁用出面街買, 勁稀既芝麻醬就算, 連花生醬都唔落3. 嫰雞燴麵: 我真係從來未食過嫰雞燴麵既湯底係綠色既, 今次就真係第一次, 睇到眼都凸埋, 仲要d雞都係同雞絲粉皮個種一樣, 未食過係咁既雞, 仲要d菜細粒到同菜蓉冇分別, 同埋成個湯好稀, 冇味4. 生煎包: 完全冇特別, order個陣叫左一份兩粒同一份4粒, 兩粒個份一早出左, 4粒個份就漏order5. 小籠包: 味道正常6. 青瓜海蜑: 完全冇味, 難食, 成碟野個底都係水7. 紅油抄手: 紅油炒手冇紅油, 完全唔辣, 反而係有麻醬

琴日黎到銅鑼灣呢間新開嘅正宗上海生煎王，冇去過其他分店，今次係第一次幫襯，發現性價比高，上菜速度好快，雖然坐得迫啲，但食物真心好味！先黎碟雞絲拌麵，好開胃，識食一定係撈埋下面呢碟前菜食！因為我唔太喜歡食皮蛋，本身對呢個皮蛋豆腐唔抱有期望，仲要餐牌話係辣嘅點知.....一黎只係好少辣，二黎少少辣汁撈埋皮蛋同豆腐係出奇地夾！仲要加埋上面嘅蔥粒，令人一試愛上，我誠意推薦！相反，我好喜歡食嘅年糕就唔夠味，睇啲色水就估到，菜、肉同冬菇都夠嘅但食一次我就覺得夠。原本係四隻嘅小籠包黎唔切影就被食去左一隻。啲湯熱辣辣，皮薄，呢個好味！壓軸出場嘅係必食嘅...生煎包！ 如果要比較，本人平時會揀小籠包。但今次嘅生煎包放低左一陣都仲係好辣口，仲要入面嘅肉大大份，一咬可以飲埋汁同湯，賣相未必好靚，但味道值一百分

前幾天自己一個人到銅鑼灣工作，中午時分到登龍街找好吃的。我也有一段時間沒去登龍街，上一次去的時候是晚餐去吃沾麵。一拐進去走了幾家店就看到門口有點人潮的上海生煎王。上海菜正是我的口味。我感覺我一個人應該不要等很久，就進去找位置看看，真的馬上可以坐下。看一看餐牌，50元以內有套餐，有麵有包或涼菜等等，選擇還挺多。我當然要試一下我最喜歡的擔擔麵和生煎包。擔擔麵是微辣，湯濃郁，麵掛湯汁香口，只是麵有點淋生煎包上台熱辣辣，咬開入面有豐富湯汁，包皮厚溥適中，包底煎成脆口，味道還不錯。可以按餐面教授的方法吃生煎包。店內人流多，不過上菜快，店面細細，適合快吃的人，有些客人點外帶。這次結帳還有9折

今日去了銅鑼灣行街，午飯時間經過見到呢間中式鋪頭坐滿了人，好似幾好味所以就決定去試下。呢個係佢地的餐牌，有A同B兩樣，每項選一。點了食之後就留意下四周，每張枱都貼咗食生煎包的教學，幾有趣。在小籠包側面咬開一小口，略微吹涼一些。由於小籠包中含有大量湯水，所以吃起來務必要小心。食落去味道幾香，加上多多醋，好味然而，呢個韭菜豬肉水餃湯麵的湯太淡味而且麪質太淋，冇乜味道，完全唔推介。上海炒年糕做得幾入味，搭埋椰菜肉絲一齊食味道不錯。年糕咬落去幾有口感，唔會話食落去淋個隻。小籠包一咬落去幾多汁，而且皮都幾薄，沾埋醋一齊食幾好。總體來說出餐有少少慢，但嘢食除左個麪整體都做得不錯嘅。價格亦不算貴。

因為新店有九折的關係，我們三人行飯腳就決定試試看，門口在lunch的繁忙時段有點混亂，亂了一陣才攞到號碼飛，再等了一陣才有位。坐下了才發覺原來此店就是前明星所開的。食到半路中途，老闆也出來幫忙招呼客人，可能因為是新店，員工又九成是年青人，有他坐陣，年青人們較為有條有理。首先要講，生煎包的確是好味，皮薄、底脆、肉汁真的多到爆出來（所以一定要小心吃），但午市套餐內的主食：如麵食、菜飯就比較失色。麵條較粉，無論是粗炒的麵還是冷麵用的幼麵均普通。菜飯的飯是好味的，但炸排骨感覺像一舊义燒，味道普通的那種，午餐其實幾抵食，包飲品，但今天幫襯最慘的是：壞了冷氣，四部冷氣感覺只得一、兩部能運作，實在是食客慘，員工更慘。我們已決定下次再來時要先入內測試冷氣機的好壞才坐下😆

上星期先同同事來食lunch，令我回味！襯佢試業而家仲有9折，就再來食多幾轉先。今次同男朋友食，仲要晚餐，想食小食多過食飯，就叫左呢4款小籠包係必叫既，因為上次都覺得好正，生煎包係聽同事講話好食，而2樣比較之下，我係中意食小籠包多d，生煎包個底會厚身d，硬左d。冷麵又係食過返尋味，所以再叫，今次比上次食Lunch set，多左唔少配料。個鳳爪，今次第一次試，味道都唔錯，無辣味，但甜甜地都好岩中意食甜既我會再幫襯！

淨係睇個topic 以為講緊d生煎包熱辣辣好正😂其實係講緊個舖頭熱到嘔囉🔥🔥呢間係新開業，連召牌都仲未拆唔知係咪因為咁所以冇冷氣？好！講返野食先！去片🎬生煎包：都好熱，咬開好多湯，但味道一般，皮底厚左d，煎到好硬😑四喜烤夫：好大舊，有d位唔夠入味😔嫩雞燴麵：我幾鍾意呢個😋，清清地，都幾大碗厚切炸豬排：正😍 食落好似叉燒咁酸辣湯：呢個係最差味道唔夠，得個酸字枱面有教你點食生煎包唔好辣親💕但最後都係辣親左😂整體環境都幾差，位好窄，又熱價錢亦唔算好平所以應該都唔會再有下次😞

今日遲咗食晏，去新開呢間買個外賣試試。有A+B配搭送飲品的套餐，銅鑼灣區來比較價錢算合理。點咗麻醬冷麵同兩個生煎包，加冷荳漿都係$49，OK啦！生煎包真心好味，爆汁，要小心燙咀！唯獨是服務好慢... 外賣都要等20分鐘+，見到有堂食客人等太耐等到走咗，可能剛開張未run smooth, 希望好快會有所改善啦！