正宗上海生煎皇 (已結業)

今日晚上7點未夠，約左朋友去大埔食野，見到呢間生煎皇出面已經有幾個人排隊等入去 鐘意食生煎包嘅我即刻排隊！！店門前有個大menu, 一路等位一路諗下一陣食咩欣賞佢好多樣野都有講數量，清清楚楚生煎包四步曲，哈哈哈誠懇敬畏地欣賞完之後，急不及待地咬啦 真係好熱。皮薄，包底脆而質感硬，一咬d汁咇最出黎！！正係我鐘意食嘅口味我朋友食左一個，因為俾我搶晒黎食蟹粉小籠包， 點一點醋同夾兩條薑絲，唔好貪心地一口咬晒，會燙到個口的。湯汁滿滿味道幾好，但蟹味唔多。土匪雞翼，雞皮好脆口，雞肉嫩滑如果芝麻再多d就好啦！呢個皮蛋豆腐同我本來想像嘅唔同（一向食開有肉鬆果隻）但又唔錯喎蒜蓉、蔥同青辣椒，加上甜甜地嘅醬油，幾有風味！ 豆腐係一片片的，所以更入味了呢間上菜好快，所以等位時間都唔算耐好味

黃雨的一天，收工唸住同老公出街食啦，點知遇到狂風雷暴，所以唯有決定Takeaway番屋企二人世界慢慢嘆啦，因為真係太大雨，所以就係附近car park睇下有咩餐廳岩食，見到有間食上海野，就決定食哩間，老公又岩食，位於大埔大埔墟大明里10號地舖，就係大街上，好易搵，我都鍾意食上海野，我最欣賞就係佢個生煎包，連外賣都可以Keep到個皮有脆卜卜的口感,皮夠薄肉夠多，真係可以用啖啖肉黎形容丫，一咬落去多汁多肉，好味，28蚊有4個,都抵食丫, 我最愛既蒜泥白肉，食蒜泥白肉個醬汁先係主角，個醬汁惹味先顯出肉好味，哩間個醬汁真係冇得輸，好好味，蒜泥又夠多，送飯食真係一流，仲有個厚切豬排菜飯，塊豬排醃製到有陣陣的甜味，好適中的口味，又夠厚，個飯就算冇醬汁，都好好味，因為有加埋菜，成個感覺都好健康，有菜又有肉，夏天食個雞絲粉皮真係爽，份量都好多丫，雞絲再加D青瓜絲，再點埋芝麻醬，正！再點多個小食，炸雲吞喇就係，真係好香脆，又大粒，多肉，好味，一份$29蚊就有6粒啦，仲要好大粒架都，推仲必食，下次去開大埔都會再去食，因為夠抵食又好味，有質素的上海菜。生煎包四個28蚊大元。抵食門面幾靚即叫即整架都多選擇，價

由西洋菜南街食到豉油街，近年還衝出旺角，甚至來到大埔。作為新界區的支持者，當然要來潮潮聖。 大埔墟店位於熱鬧的大埔墟四里 - 大明里。 下雨晚上，也没阻礙食客試新東西。 大埔店空間廣闊，坐得舒適。 生煎包 - ★★★★☆  可能没總店那麼忙，生煎包回復水準。新鮮出爐，外皮厚度適中。口感酥脆，肉汁juicy。 糖醋排⻣ - ★★★★☆  吃䢬招牌生煎包，來多客糖醋排骨。 份量不多，做小食剛剛好。 排骨肉質軟熟、不黏牙。醬汁酸甜平衡得宜，惹味又開胃。 小籠包 - ★★★★☆  熱騰騰的小籠包皮既薄又煙韌。 內𥚃充滿湯汁，肉餡結實、不鬆散，，質素如一。埋單時，與店員談起才得知，銅鑼灣也準備開店。希望質素能夠維持，繼續做生煎皇中皇吧。

今日放工，連早餐都未食，即刻入左黎食。見到個menu都開心，因為夠平，平民價。叫左個懷舊既糖醋排骨菜飯食。原來個飯係用珍珠米，真係surprise左。米飯勁香，靚既菜飯原來可以咁好味。糖醋排骨整到好正宗，糖醋汁唔會太甜，食到啖啖既香醋味，好好食。排骨出邊整得乾脆，但咬落口入邊肉質好軟好多水份。加埋糖醋香濃既汁，超惹味！再整個生煎包。生煎包包底煎得好香脆。係勁脆，但入邊既湯汁好熱。咬左上邊既包皮，成個包冒煙，好正。入邊肉好足料，湯汁都好多。熱辣辣，勁好味，加埋醋就真無敵。叫左個蟹粉小籠包。蟹味諗曬湯汁入邊，索一索個湯汁，好鮮甜，唔洗加醋已經好好味。食完所有野，快快趣趣飲左杯凍既豆漿清下熱。孤獨的浪漫，正呀！

見到大埔墟有新開餐廳，所以一試，結果就是以後不用來了。。。😂我地兩個人叫左：===============雞絲粉皮：一擺上來已經，嘩一聲，見到好多雞。。。粒碎，雞絲得好少，食落口，乾同欸身，醬料味淡，係我吃過最難食的雞絲粉皮，你講得出其他連鎖店的，都好食過佢依碟咁嘅野。。😖================上海厚切炸排骨菜飯：厚切炸排骨口感唔錯，係厚切，但睇同食唔出有炸過😅。。。無咁香口菜飯正常，還可================韭菜豬肉餃：老婆話難食，無味，我覺得都係非常一般，但未至於難食================上海山煎包：最後到主角出場，滿心期待，換來完全失望！你一咬落去，d汁飛晒出來，由於你唔會預期佢個底係咁硬，所以口感好差，佢個包底非常硬，像是吃硬身果仁的感覺，皮唔算簿，而餡料食落一般，其他上海店整的都好過佢過===============凍豆漿：唔凍。。。味淡，如飲緊有豆漿味嘅水一樣，你明啦===============最後，侍應係快手嘅，環境都算整潔，但冷氣好大，坐位幾窄，坐得不太舒服，唔值得特別過來食，因為佢Cp值係低等質素，但收你中等質素價錢呢🤦🏼‍♂️

係大埔有新開嘅上海style食店，原來已經第三分店，特地嚟試試☺️透明嘅裝潢，睇到師傅即整小籠包子、生煎包店鋪小小，裝潢精緻，經常坐滿人，必食招牌小籠湯包、生煎包👍🏻👍🏻優惠套餐：上海厚切炸排骨菜飯 $33好大份！有兩碗菜飯嘅份量，菜飯堅多菜；豬扒一嚟厚切，啖啖肉地，有質感；二嚟醃料夠哂味，又juicy！鍾意它唔係生炸油淋淋，得呀。雞絲粉皮 $16平時都好鍾意呢個冷盤，尤其夏天食，粉皮爽身，配上芝麻醬油，感覺帶點酸味，可能加入柚子醋，麻醬中帶點微酸，掂！雞絲其實好大片，抵食。招牌上海生煎包 $16，外賣優惠 $28/4件生煎包實而不華，睇上去好似細細粒，但其實幾大件；底部係煎得脆脆的，好香口，內裏肉汁豐富、餡料充足，一咬流汁，好味！飲品：凍豆漿(送)呢個餐抵在送嘢飲，食上海嘢梗係配豆漿，凍飲都濃味，唔過甜，like。

今日打機打到忘形落到去大埔墟見到好多餐廳都接近關門最後決定食由前歌手oscar開既分店-上海生煎皇大埔既分店位於大埔墟東江雞既旁邊一直都知生煎皇都好評如潮抱住滿心期待入去試大埔既分店入面座位唔多 大多為4人枱 大約可以坐30人一坐低 侍應就擺低張order紙我地2個人點左4樣嘢1.芝士鮮肉小籠包（$34）招牌菜芝士小籠包配搭上的確好新鮮亦無違和感唯一係上湯不夠香濃小籠包size偏細 有d唔抵2.蒜泥白肉肉太厚似叉燒 調味只得紅油同少量蒜略嫌單調份量亦好細兩個人每人3片左右就無3.紅油抄手呢味可以話係最唔滿意個汁一d都唔香唔辣一d開胃感覺都無抄手邪惡既油膩感都欠奉唯一一樣足料少少既菜4.糖醋排骨菜飯份量一個普通女仔都食唔飽雖然排骨夠入味同好林由於係試業期間有九折優惠是日埋單大約$130但我男朋友完全唔飽而味道方面亦有d失望唔夠正宗之餘亦無想像中咁有supriseP.s 侍應上班時間掛住用電話 極不專業

係大埔墟發現左間上海餐廳，好似幾正，而且都幾多人排隊，所以我都去左排。等左陣就嗌左我入去，咁佢落餐就要填自己食乜，俾佢就ok。咁睇完餐牌就嗌左個四川擔擔麵同埋紅油抄手。個擔擔麵嘅花生味就唔係好足夠，有進步空間，仲有佢叫四川擔擔麵，佢有小小四川麻辣味，都幾新鮮傢配搭，但因花生味不足，令到個擔擔麵有啲遜色。而紅油抄手個皮非常薄同十分細嫩，d醬汁都幾惹味，唔錯唔錯。之後就見到台面介紹點食佢地個生煎包，就嗌左2個試。個生煎包熱辣辣送到黎，就跟住佢方法食。肉汁非常多而且好濃味，非常值得推薦佢地傢即叫即做生煎包。

生煎包 質素麻麻 包底似硬塊 沒有脆口感覺 包身太細個 餡料少 味道也麻麻 所用麵粉粉質麻麻 個人感覺 不妨一試 但不會在試 職員服務態度都算OK 但好似工作方法不熟練 見廚房師傅手法一般 好像不太多經驗 希望佢哋會有改進改善

生煎包0k，多汁但底餅厚，出面好多都好食過佢，所以唔可以叫生煎皇！其他嘢食一般，最特別係個蒜泥白肉，好似細個去雪櫃偷隔夜燒肉食咁，五整熱就咁食落口，簡直係雪櫃隔夜餸！呢個係我食過咁多間蒜泥白肉最差嘅一間！可以唔使試！

早兩個星期行過附近， 見到有間新食店， 雖然門口招牌貼著紅紙， 但係已經開始營業 ，人頭湧湧，要攞飛排隊，趕時間無排。今日 兩點零鐘去到見到唔使排隊 ，仲貼緊紅紙🤔喺門口又見到有我好想食嘅菜飯， 一於就入去試下 。店鋪唔大 ，大多數係四人枱， 總共坐得三十人左右。 坐低侍應會畀呢個餐牌你 。我就揀咗上海厚切炸排骨菜飯同忌廉 。原來佢哋話要揀一款A同揀一款B, 咁咪好飽🙄 我就再揀咗雞絲粉皮 。其實我當時仲唔知佢間舖頭名，如果知道我就係梗係試下生煎飽啦 先來雞絲粉皮，份量足夠， 有麻醬， 粉皮都滑 。排骨唔係酥炸嗰隻， 一大塊切開六小件，賣相係靚嘅， 軟硬適中，我略嫌不夠惹味。 菜飯中規中矩。 菜飯同排骨都份量十足。好似我食量唔大嘅 ，係一定會食淨 ，其實食店會唔會考慮出多個套餐A，唔使加埋B呀!店舖係前組合Bliss 嘅成員Oscar開嘅 ，最近仲宣佈同大眼妹江小姐嘅戀情 ，唔知道到正式開張嗰日， 江小姐會唔會嚟剪彩呢試業期間有九折

新開張要等好合理，假期3點幾去到，等10-15分鐘左右就有位，我兩個人，所以4人枱坐埋一邊搭枱，接受到。坐低比碗我地，掟落枱，好大聲啪一聲，嚇親我⋯⋯我好乖咁即刻叫野，諗住食完就走，基本上成間餐廳d侍應都好無禮貌。唔理我，搶走我張紙🙄食物：芝士小籠包：皮薄，多汁，唔會話5夾，芝士味5會太搶風頭，幾好食生煎包：上半部既皮薄，底比較厚，但脆，多汁，幾好食凍豆漿：5會太甜，但無乜豆味雞絲粉皮：漏單⋯⋯好細碟，5係落普通麻醬，落日式胡麻醬，有d唔慣野食5差，但員工態度真係好差，所以我5會再去