正宗上海生煎皇 (已結業)

叫左個什麼厚切排骨菜飯，一籠小籠包，四隻生煎包，排骨飯32蚊都叫做對得住個價格既，不過個排骨話就話厚切，其實都係有d薄，跟住個菜飯就菜還菜，飯還飯囉，普通茶記質素又未至於話去到難食既。跟住小籠包，跟餐23蚊，平平無奇囉，個湯汁好普通，d肉餡食落有d“鞋”口，不過23蚊有四隻無謂強求啦。比較伏就真係佢個生煎包，我食個一底係新鮮出爐既，我以為實穩陣啦，但係一咬落去，就覺得佢個生煎包個面包得好厚，食落好似一塊無味既餅乾咁，而佢d湯汁就同佢個小籠包飲落差唔多囉，d肉餡都好似係一樣，33蚊四隻，真係大把好食過佢囉。至於服務方面呢，我自己就唔係咁睇重，有冇笑容好唔好招呼呢d我就唔係咁在意，不過當我啱啱將最後一隻生煎包放落口之際，你即刻衝埋黎汁野，同埋問我d野黎齊未，我就覺得你使唔使咁急呢？總括而言，笨始終都要比人揾一次既，但係如果要排隊?不了。

上星期五晚上，一個人又行去大明里附近附近逛逛，睇下有啲咩好食，見到有間六點幾已經坐滿人既「上海生煎皇」。加上喺外面等位都已經見到師傅喺度準備小籠包、生煎包，吸晴👀望到餐牌同埋「生煎四步曲」，就諗起原來我之前喺銅鑼灣店同朋友都曾經食過🤣剛才等位嘅時間，我已經諗好咗要食上海生煎包（2個）、蟹粉小籠包（2個）、上海菜肉雲吞（6隻）和熱豆漿。最欣賞就係佢哋既上海生煎包可以俾人選擇2個或4個，即使一個人去食，都可以選擇多一點不同類型嘅食物，以免浪費。生煎包 ($17) 的確不錯，一面煎到脆卜卜，一面保留軟熟，上面亦有黑芝麻和蔥碎點綴。有着上次心急燙口的經驗，今次小心翼翼的把包頂咬開。裡面果然有滿滿的菜肉餡料以及超多湯汁。生煎包內的肉餡鮮嫩多汁，是滿足的感覺！So juicy熱豆漿 ($12) 都夠熱，而且有濃濃的黃豆味。蟹粉小籠包 ($35) 未咬開已經聞到好香既蟹味。咬開外皮，即刻見到蟹肉同蟹粉出嚟Say Hello👋🏻上海菜肉雲吞 ($32)，個湯清清地，可以暖下胃。六隻菜肉雲吞都好大隻。餐廳係唔使加一服務費，所以上海生煎包2個（$17）、蟹粉小籠包（$35）、上海菜肉雲吞（$32）加一杯豆

大埔出名夠多好野食，所以其實你係無飯家庭成員既話都唔駛愁搵唔到食。 今晚放工想食小龍包， 第一時間就諗起佢正宗上海生煎皇晚飯時間好好生意，坐滿晒人，好彩等左一陣就有位我黎就係為左食小籠包，拎起餐紙一望，見到有個叫芝士鮮肉小籠包～芝士配小籠包真係有得諗wo, 唔知好冇味呢～一於試下佢應該係即叫即整， 所以要俾少少時間佢。 但佢唔會令你失望， 佢皮薄， 多汁，芝士味香濃但唔會將肉味完全蓋過，只要你唔失誤地將汁放晒係口，你會真係感受到一種被芝士升華既小籠包美味～試完新野， 叫番個正宗煮法既外婆紅燒肉湯麵。個湯麵ok啦，上海湯麵就真係難整得差既，我想讚既係個紅燒肉，佢揀肉真係揀得好，肥膏同肉既比例剛剛好，令你充分滿足在油脂既口感時食完亦唔會太膩～配上清淡既湯麵，感覺平衡番晒～如果黎開大埔又想食小籠包， 佢真係第一推介～～

本人住開大埔，見到呢間餐廳都開咗有一段日子，前兩日夜晚一家四口去食佢哋嘅晚餐，服務員態度極差，呢啲都算啦，啲嘢食真係好難食，真係想問下你哋，你話好食對唔對得着自己嘅良心？我係食完先上OpenRice度睇嘅，見到真係O晒嘴！嘢食咁難食，價錢貴成咁，份量少到咁嘅樣。我小朋友八歲，食一個餐都唔飽！芝麻醬撈面40幾蚊，拎上嚟好似碟小食咁樣。真心希望佢哋會執笠。

大埔多年來其實不乏上海小店，由昌運中心的豆漿大王到廣福道鍋貼大王，都是主打平民滬菜，如粢飯、酸辣湯、鍋貼、上海麵等等。但其菜式都較為粗糙，美味都是平民味道雖然「正宗上海生煎皇」跟這些上海小店定位類似，但其食物水準及菜式種類卻高幾班，可媲美各大高級滬菜館可吃到的小菜⋯當然環境及擺盤就冇得比，但味道絕對有得比咁價錢並非平到廿幾三十蚊就有一碗麵，但這價錢可以吃到這些菜式及如此水準，絕對係高性價比個人非常推介：生煎包、灌湯小籠包及外婆紅燒肉

不值一試的上海菜，所謂「正宗」，無論食物質素和服務，讓人失望透！1.點凍熱豆漿各一，店員說沒有熱只有暖的，實際卻是微溫豆漿，冷天氣下，不消一會就冷了。2.生煎包湯汁很多也夠熱，卻沒有肉汁的鮮味，皮的厚度不均，底部過厚。3.涼拌青瓜海哲超小份，一啖都可以把海哲食完，青瓜和辣油的感覺是分開的，沒有融和；川麻辣雞翼大而無當，肉是無味的，說實這類菜不及譚仔-___-4.紅油抄手是我見過最少紅油的，而且那醬料是雞煲那種味-___-5.糖醋排骨菜飯，糖醋排骨太多汁，肉卻是乾硬，而且是豬腳薑味，菜和飯的味道也是分開的，沒有一點菜飯的精髓-____- 那份量也敢收46元，實在令人驚訝！6.不要以為收的不平就有服務，除了門口招客的，店裡兩位姐姐態度也不太禮貌....除了在沒事做的時候，她屁股三分一靠到沒人的桌子上....在我們進食同時，店員竟在旁桌（客人剛離開）瘋狂掃地，邊抱怨一天已經掃地很多遍，地上還是很髒，邊喃喃是客人們帶進很多沙塵-___- 我真的很想回應：天花風口也有塵掉下的，不想客人帶沙塵進店，關門不開就是了-___-後來查看才知是前藝人開的，報導那麼的誇張，原來只是虛有其名的吹捧。

今天放假休息一天，於是午餐的時候去了大埔墟四里的「正宗上海生煎皇」進食啦！由於天氣寒冷的關係，今日放棄了粉麵，轉試一試它們的菜飯啦！糖醋排骨菜飯～外婆紅燒肉菜飯～經典的「糖醋排骨菜飯」和「外婆紅燒肉菜飯」水準不錯，飯底炒得不油而軟硬適中；糖醋排骨醃得入味，微微的酸味，十分醒神呢！而紅燒肉則炆得軟稔，肥廋適中。又怎少得「白灼蠔油唐生菜」，唐生菜灼得青綠嫩稔，蠔油舖面，不會過鹹，可吸取蔬菜類。「熱，凍豆漿」甜度恰到好處，亦能潤喉，是吃上海菜必點的選擇！灌湯小籠包～食上海菜每次必點的菜式，繼續保持水準，一咬下去已經湧出湯汁，肉味鮮甜！今次又搵到意外驚喜，除了小籠包做到出式外，菜飯類也交足功課，以後又多個選擇了。

「上海生煎包」爆汁生煎包，正！上次食完回味無窮，今次唔駛湊仔，終於可以入店坐低慢慢食。有別於坊間一般生煎包，佢皮薄多汁，仲要個皮煎到脆卜卜。由於上次爆汁經驗，今次我好小心食，費事嚇親對面嗰個😆「糖醋排骨菜飯」本人實在太鍾情「糖醋排骨菜飯」，雖然佢整嘅並非我心目中最愛，但每次都忍唔住點嚟食。不過今次碗飯無咩菜，覺得有點點偷工減料。「上海炸排骨湯麵」啲麵比想像中好食，彈牙，唔會林滋滋。排骨更好味，入味之餘有啲食义燒感覺，係靚义燒喎。適逢春節將至，小店向食滿$100嘅客人送利是封。雖然利是封唔值錢，但我覺得幾有心思。可惜結賬時要主動問㗎，否則服務員唔會畀。

傍晚放工時間，我與好友一起去了大埔墟四里的「正宗上海生煎皇」晚飯。牆壁貼上「上海生煎包」和「灌湯小籠包」兩個招牌菜，即刻試吧。灌湯小籠包～小籠包皮薄餡正，湯料熱度足，入口豐潤；上海生煎包～生煎包煎得香口，外脆內軟，內裡充滿湯汁，真的要小心燙嘴！吃完小食後，我們便點了兩碗湯麵呢！分別是傳統的「四川擔擔麵」和「青菜燴麵」。四川擔擔麵～擔擔麵醬湯濃郁，辣度適中，十分滋味！青菜燴麵～燴麪則清爽，兩者麪底皆軟滑，是一個清淡的選擇！各位路過大埔墟四里，又想吃上海菜的話，這是一個抵食的好選擇呢！！😆

今晚放工冇飯開，自己一個人落巴士後就走到位於大埔墟內的餐廳搵食啦！正宗上海生煎皇已經在今天埔開了一段時間，但還未試過就決定試一試啦！坐下來當然要立刻看看點菜單啦！食物選擇種類繁多，價錢可算是十分超值！四川擔擔麵～天氣寒冷最適合吃點熱辣辣的湯麵！而且還有一點辣，對不能吃太辣的我來說剛剛好！而且口內還有微微的「麻」香！十分惹味又保暖！上海生煎包～生煎包應該即叫即製，等了一回先到！同樣熱辣辣同香噴噴！咬開先還充滿湯汁！大愛是也！熱豆漿～食上海野當然要配上豆漿啦！甜度適中有淡淡的黃豆香味！價錢超值，而且食物交足功課，是平民化上海菜選擇！！

一間位於大埔墟的餃子店，規模不是很大但麻雀雖小 五臟俱全，還有一塊大玻璃可以看師傅製作生煎包。餃子店有幾道必吃的美食，第一樣係灌湯小籠包，吃前要小心！！因為湯汁真的十分十分多！店員之前已經有提醒過我們小心熱，但最後還是燙到嘴巴了 😂😂 吃完碗中還有很多湯汁！第二樣係上海生煎包。店名叫生煎包王，那我們必定要試試這生煎包！生煎包的肉也較多，一咬開便會看到裏頭的肉汁！ 這可能是我吃過最好吃的生煎包！！（可能再加上是新鮮出爐的原故）第三樣係五香牛展麵這個絕對是強力推介。牛展和切絲的青瓜放在五香醬上。若果喜歡味道較濃可以直接吃，若果喜歡較淡可以先浸一下湯汁將味道洗走一下。另外麵條分量足夠，有點煙韌的感覺。而且湯的味道亦不會有味精味。再加少少辣油，會更加惹味！

在銅鑼灣分店已經嘗過正宗上海生煎皇，回味無窮，今天在大埔也看見了，看見下午六時多，門口已站滿人，急不及待想再吃一次等候期間，先給了餐牌供客人選擇，節省等待時間。等候不久便可入座，第一個上菜的是酸辣湯麵，夠酸而不太辣，配料豐富，有木耳、豆腐、芽菜等，而且份量不少，很開胃招牌菜生煎包再次不負所望，熱騰騰的上桌，先用筷子刺穿孔，吹涼一點後吸了幾口湯，然後可以大口吃了。肉湯依然好味，生煎包底部很香脆，實在出色川麻雞中翼菜飯，外形看上去像別間米線店的雞翼，吃下去卻完全不同。雞翼是煎過的感覺，不會太脆，也不會太辣。兩人吃了$110，卻已飽肚，離開時門口更多人在等了。

一起身就去大埔墟睇下有乜嘢好食，見到有一間新開張嘅上海生煎包餐廳，我哋三個人就入去試吓下午茶。入到去餐廳環境簡潔整潔，大多數是梳發座位，門口有落地玻璃可以望到師傅點樣整生煎包，整個過程都一目了然。餐紙上有多款上海美食選擇，前菜方面我哋選擇咗雞絲粉皮，胡麻醬汁鋪滿面，雞絲嘅份量都比較多，連埋醬汁撈埋一齊食，好滋味。小食方面就叫咗紅油炒手同埋炸雲吞，炸雲吞食落去香脆可口，而且雲吞內嘅豬肉、蝦肉好大隻，非常足料。包點方面，當然唔少得叫餐廳嘅招牌菜生煎包同埋小籠包。上海生煎包好大個，底下煎到好香脆，餐廳嘅牆壁上面仲有介紹上海生煎包嘅四步曲，由於生煎包係即叫即整、新鮮製造，單張叮囑客人小心燙嘴，非常體貼。最後飲品叫咗一杯豆漿，味道剛剛好，唔算太甜。下午茶食咗咁多嘢都只係＄200，非常抵食。

無意中經過，試吓呢一間上海生煎皇。我哋三個人就叫左以下嘅食物，各款食物都有所特色，味道唔錯。「雞絲粉皮」，新鮮嘅青瓜絲，滑滑嘅雞肉，加埋特製嘅芝麻醬，非常吸引。「厚切豬扒菜飯」，大大件嘅豬扒非常肥美，再加埋佢熱辣辣嘅新鮮菜飯，非常吸引好味，是必叫的食品。「紅油妙手」，分別有六隻，外皮相當薄，肉質很鮮味，加埋佢特製嘅醬汁、蔥花非常好味。「蟹粉小籠包」，皮溥餡靚，啖啖嘅蟹粉汁流出嚟，熱辣辣再加埋佢啲薑絲同醋，特別醒神，好味。「炸雲吞」，大大隻雲吞炸得非常恰到好處，炸到金黃色，外脆內軟，再加埋佢嘅泰式辣醬，非常滋味。「上海生煎包」有4隻，皮煎得好香口，裏邊肉質好新鮮，再加埋佢面頭有一些芝麻，非常香口好味。最後叫咗杯熱豆漿非常鮮甜，好味。還有很多非常出色嘅菜式，任君選擇，很多出名嘅上海野，包羅萬有。

小籠包, 生煎包, 酸辣湯麵等上海名菜, 細細個就跟屋企人食, 每次都覺得好好味, 今日經過大埔呢間生煎包皇, 呢排都唱得好行下, 老闆又去上海學藝, 一於今次行入去試下, 睇下係咪真係咁好味先!入面裝修都幾靚, 價錢都幾平民, 就點幾樣試下咩水準先枱面有教你點食生煎包好, 原來入面會充滿住肉汁主角黎喇, 呢樣主打食品, 侍應每次上枱, 都會提點客人小心入面既汁會令你燙傷, 都係跟番佢個instruction吧 哈哈放低左一陣, 我咬開左佢, 真係好熱同好多汁, 外脆內軟, 好美味, 唔錯唔錯令外仲叫左個青菜燴麵, 麵質都幾好味, 湯都好清甜再黎雞絲粉皮, 份量唔少, 醬料足夠你每一啖都有麻香, 好味!都算係平民價錢既上海菜, 大家有機會都可以一試, 唔會令你失望, 等我下次再試埋小籠包再同你地報導 =P