正宗上海生煎皇 (已結業)

雖然唔肚餓，但夠鐘開飯，所以就搵地方食飯！成日聽人話這間連鎖店好食，就黎試下基本上不用等位，但也需等叫才能入座兩個人就叫左五款小食+一碗麵：上海生煎包、雞絲粉皮、灌湯小龍包、土匪雞翼、紅油抄手、四川擔擔麵抱住期待的，也來得快！但就有失望，而且不會再來。這因為服務、食物都有所失望先講生煎包，一啖咬落去，雖然有湯，皮薄，但就是肉韌；而雞絲粉皮就雞絲韌又鞋口，粉皮+味道都可以。其餘的灌湯小龍包、土匪雞翼、紅油抄手，味道還可以；而四川擔擔麵，因為飽了，所以+$1帶走，第二日整熱食（不過不失）總括，還是不會再去大埔分店

係大埔返工，要搵lunch 都算係多選擇，有時都真係唔知點揀好今日揀左新開幾個月既正宗上海生煎皇，一睇就知上海野啦佢午餐有套餐揀，幫我收窄左個選擇範圍，岩我！佢套餐係選項A + B 就送野飲，都算多選項我A項就揀左芝麻醬五色麵，佢五色我幾鍾意，雞絲、火腿絲、青瓜絲、蟹柳絲、荀絲麵算係好足料，好大碟麵冇咩味道，整體味道就不過不失另外既B項，我就揀左小籠包小籠包都係大大籠啦，有4粒，但夾4粒，4粒都一夾就流汁no good味道都係一般見隔離生煎包好似唔錯咁，下次都係試生煎包穩陣啲

大埔墟多嘢食就一向都知今日心血來潮，就試咗呢間新新哋嘅上海嘢兩個人叫咗兩個lunch sets，大家叫唔同嘢就可以交換試食下首先上嘅係兩杯餐飲，凍豆漿，用杯上，感覺幾乾淨衞生之後嚟嘅就係土匪雞翼菜飯，跟嘅小食係雞絲粉皮雞翼隻隻都好大，肥嘟嘟好多肉同一般其他地方食嘅土匪唔一樣，唔係成隻都係炸嘅，感覺似係先用雞翼汁煮好入味，再係上碟嘅時候灑上黑芝麻同孜然粉濃味土匪嘅首選而且食完一隻條脷已經有少少麻痹嘅感覺，好正睇嚟唔係普通孜然粉，係獨門秘方另外，菜飯如期地好食，用咗珍珠米，軟硬適中雞絲粉皮相對上冇乜驚喜，因為太多水份，似係係雪櫃拎咗出嚟好耐咁，令到胡麻醬溝稀咗變淡不過雞肉幾好食，雞味濃，唔會俾醬汁蓋過另一set叫咗上海排骨，可以配菜飯/粉麵我揀咗配粉麵，估唔到份量都幾多排骨好impressive! 係一定要一試再試嘅節奏雖然係排骨肉，但係冇骨，食起上嚟好方便似食緊好腍嘅炸豬扒，但係外層又唔會有好厚嘅粉甜甜哋亦都有少少似叉燒，好啱口味，食到停唔到口個麵本來以為係麵粉味重嘅上海麵，點知口感竟然係似日式拉麵，感覺幾特別，配上清湯同蔥都好好食呢個set就配咗小籠包即叫即蒸，四大粒嘅小籠包上枱時都要

找完腐竹，再加上好熱，雖然唔肚餓，不過都想找間食肆休息下，見到這間細舖外出多人排隊，長老見到有生煎包、酸辣湯後，立即嚷著要試因為舖頭內坐滿人，所有人都站在門口熱著點菜這裡可以散叫，亦有午市套餐，一定要選兩款食物，不過我地好飽，所以都是決定散叫，我地點左上海生煎包，灌湯小籠包，韮菜豬肉水餃湯， 酸辣湯熱了一陣，終於有位啦！話明小舖當然位置很細，大家差不多肩拼肩，好左冷氣夠，侍應姐姐手腳很快，清潔加落單，同食物上枱都不需要3分鐘上海生煎包： 嘩！小心燙傷口，外脆，內多肉汁，若果一口咬落去， 立即熱到燙傷嘴，所以我幫嗰生煎包開一個洞，散下點熱。肉汁鮮甜，餡肉筋膏均勻灌湯小籠包： 皮唔太薄，不過肉湯多， 餡肉入味韮菜豬肉水餃湯：韮菜同豬肉份量適中，皮滑酸辣湯：好辣呀…不過材料多，有肉絲、木耳絲、豆腐乾絲、竹筍絲

我平時都唔係會寫食評既人，今次系我第一次寫。原本我睇完衝三小對Oscar影響都幾好，覺得佢既食物幾有誠意，應該值得試試，所以大埔開左分店，都好期待一嘗滋味。點知只係叫個外賣，都感受到服務態度極差，對客人說話既態度一d 禮貌都冇，令我有d 失望，老實講食物一般，如果有食過尖沙咀興祥記既朋友一定明白我意思，如果想做街坊生意，最好大家關係融洽d，就算好似附近既一樂冰室，人地米芝連都攞埋，態度都未有甘，希望下次幫襯時有改進。

1）上海厚切炸排骨菜飯...真係唔係講笑！擺到明係厚切叉燒菜飯 唔淨止個樣似叉燒 食落去擺明就係叉燒！請問知唔知道咩叫上海排骨菜飯？自己都識寫係炸排骨，有咩理由係紅燒叉燒呀大佬,簡直係離譜,午市都冇乜人幫襯，原來真係有原因！2）另外一個雞絲粉皮，唔食由自可，淡而無味，完全冇諗過最簡單嘅菜式，可以整到咁！醬料淡到剩係得啲色水，完全食唔出係麻醬，連我個仔1歲幾，都係食一啖吐返出嚟,(我係比啲雞佢食,啲雞都完全冇味,仲要係有陣雪味）真係諗都無諗過,啲嘢做到咁Hea不如唔好做今次係第一次食,真係冇諗過會咁差,應該都唔會返轉頭

一大早便去妹妹大埔的家為姨甥仔下午既生日派對作準備，但不巧妹妹剛好外出拎蛋糕，無人開開門頂住三十幾度高溫同老公周圍逛，竟然比我見到呢間鋪其實一早已聽聞這間鋪的生煎包很利害，但耐何一直沒時間去試，沒想到開到來大埔了，擇日不如撞日，即刻拖住老公入去試吓先一入到去，意料之外的乾淨！而且冷氣好夠，甚至乎有d凍,係咁熱嘅天氣之下10分加分！因為下午姨甥仔嘅生日派對仲有好多嘢食，所以都唔敢叫好多嘢食，剩係叫咗一啲小食就算。不過最想試嘅都係佢嘅生煎包，仲要如願以償！枱面有一張紙教你點樣食生煎包，好貼心豆漿豆味幾夠 雞絲粉皮呢度嘅雞絲粉皮用嘅唔係傳統嘅花生醬，而係日式既胡麻醬，食落去多左個酸味，粉皮爽口加埋啲青瓜絲，夏天食十分開胃生煎包期待已久嘅生煎包仲要上場啦，果然皮薄餡靚而且十分多汁，底煎得好脆，果然係好好食！上海厚切排骨呢度嘅排骨同普通嘅上海菜館排骨唔同，傳統上海菜館多數都係炸而且好薄身同有骨，呢度嘅排骨系好厚肉而且無骨，肉質比較嫩滑多汁，口感有啲似叉燒，而且冇炸過感覺呢個冇咁罪惡 蟹粉小籠包本以為呢度最利害嘅係生煎包，估唔到蟹粉小籠包一啲都唔輸蝕，皮薄多汁而且10分鮮甜。咬落去就見到好多蟹膏同

今日同家人去左大埔平時都喜歡食生煎包既我地決定入去試下入到去雖然地方唔大但坐低都唔會太窄一坐低，店員就放低點菜紙我同屋企人分別叫左麻辣雲耳，炸醬面，紅油炒手 ，再加多四件生煎包 每張枱面都貼上一張教點食生煎包既教學圖像十分可愛 睇完更加想快d跟住佢既steps品嚐！炸醬面 一開始以為份量唔多，但其實兩個人食都可以 味道方面 有少少辣味，炸醬唔太咸 同時間，豬肉碎很多而且面食落彈牙唔會太冧麻辣雲耳酸辣開胃而且辣味酸味十分適中重蒜味識合我呢d鐘意重口味既人雲耳爽口，配埋d汁真係好開胃！紅油炒手 唔好睇佢細細粒，估唔到份量都幾多醬汁微辣，加上皮薄餡多 以呢個價錢黎講，真係大件夾抵食，值得一試最後就係主角生煎包 岩岩整好十分熱 咬落外脆內軟 下面煎到脆卜卜食落好有層次另外，佢d肉汁又多又甜十分讚總結：大件夾抵食，不得不試生煎包！

今日入左大埔想去火車博物館 去之前諗著食小小野見到新開既正宗上海生煎王， 睇左餐牌，價錢合理就入去試下  入到去坐低叫左野食之後就見到枱角有張生煎四步曲 教你點品嚐生煎包，真係好細心第一道食物開胃小食－麻辣雲耳 本身很喜歡吃涼拌小食 這個雲耳爽口入味， 用黎作開胃小食一流第二道是主菜－擔擔麵 份量適中湯底微辣，食前搞拌更突顯湯中的花生味湯中有花生，肉碎，食落更有層次 第三道是重頭戲－上海生煎包 可能每枱都會叫所以等得比較耐，全部菜色上齊佢先出現，不過個人認為係值得等！首先，生煎包上軟下脆食落好有層次👍🏻睇圖就知d肉汁多到好誇張入面熱辣辣真係啱啱整好新鮮運到所以大家食既時候真係要小心唔好燙親喔💁🏼肉汁甜甜der~~不會太油膩 食多幾個都仲得😳😳可能本身鐘意食香口野，所以佢個底煎到脆卜卜真係好吸引我飲品方面－豆漿

當日太大人等位，去到門口等左一陣，但都好似要等好耐時間，所以決定都係外賣番屋企食算啦，野食又真係幾抵食ＷＯＲ，又大份，因為平時同朋友出去食既上海菜又少又食得唔夠飽咁，但哩間位於大埔大埔墟大明里10號地舖的正宗上海生煎皇就真係樣樣野食都抵食又夠大份啦，真的是不錯的選擇！叫左一份上海生煎包$30元四個，真係做到皮薄多肉，一咬落去仲有好多湯汁係個包入邊，真係好好味，肉質好正,必點丫!食上海野點都要點番個蒜泥白肉,重點真係個醬汁,哩間個蒜泥白肉下面仲墊左青瓜,又大碟,青瓜好爽口,白肉又夠正。價錢$34再叫左個雞絲粉皮，加埋麻醬真係一流，雞絲好新鮮，粉皮又夠多，一份二人份量真係好夠，天氣熱熱地食涼拌最正。土匪雞翼菜飯，又有菜又有肉真係好，土匪雞翼真係醃製得好好味，好入味，菜飯都有好多菜丫，都幾抵食$38

難得來到大埔，當然去食好嘢。老婆見到有間小店好多食客光顧，標榜正宗上海風味，從正門更可欣賞師傅製作過程，於是入去試一試。上海生煎包底部煎得香脆，內已經盛滿著肉汁，咬開時要小心一點，避免燙到嘴唇。芝士鮮肉小籠包小籠包皮薄饀靚，除了嚐到豬肉的味道，更有芝士的味道，芝士呈溶化狀態，更易入口之餘，味道突出。四川擔擔麵拉麵彈牙，湯底有花生香味，更有點麻辣味道，食得滋味。凍豆漿香滑得來亦富有豆味，有益健康。

今日又去大埔見客啦，個客話平時夜d呢間生煎包會排晒隊，咁岩而家無咩人就想試下。先黎一碟我最喜愛雞絲粉皮啦！ 粉皮好滑，雞絲都幾嫩，落足芝麻醬好好味再黎招牌生煎包，新鮮出爐，仲冒緊煙有時食到d生煎包個皮好厚，唔夠汁，呢間完全相反！係皮薄又juicyD肉汁好香豬肉味個客點左一份蟹粉小籠包，$32兩個 貴左少少。但味道又ok 喎！ 夾果陣要小心d,唔好整穿佢個皮，好多湯係入面，唔好浪費最後叫左一碗四川担担麵。碗麵同我平時食嘅唔同，平時係好多豬肉鬆係面頭，呢個係好多肉碎同花生係面， 帶有一點麻辣，湯頭係甜中帶少少香辣，食落好開胃除左生煎包好食之外，其他小食同前菜都唔錯難怪要排隊附上menu俾各位參考下

。醉雞翼一碟有三隻醉雞翼，隻隻都好大。雞翼有好香既花雕酒味，有酒味之餘亦都帶點甜，凍凍地，作為開胃菜唔錯。四川擔擔麵依個擔擔麵真係好好食，有小小辣，但個辣味唔會係辣到要不停飲水個種，係令到成個麵味道更豐富。辣味主要來自肉碎，散發住油的油脂香味同麻辣味，好好食！濃郁的湯式有麻醬既香味同時辣度亦夠出，兩個味道互相平衡，令人回味無窮。麵條亦好有口感，掛湯力足夠，整體都好好食！白灼蠔油菜心菜既份量都唔少，菜心都夠甜。

今日見咁好天，就約左朋友黎大埔踩單車，踩單車諗住隨便搵一間餐廳填飽個肚先出發，估唔到一試之下都幾有驚喜選擇都OK多，價錢又唔貴，豐儉由人。我地食咗以下幾樣野，全部都唔錯第一樣嚟嘅就係生煎包，落左單之後1分鐘就上咗個底幾脆，同埋入邊真係好多湯汁，我朋友一開始唔知入邊有湯汁，一咬落去，啲湯汁彈到成張枱都係，勁尷尬但係真係好食嘅原來佢張枱上面有教你點樣食個包， 大家下次食嘅時候都小心啲呀！第二樣食嘅就係佢嘅雞絲麻醬拌麵，好濃郁嘅芝麻醬，勁香！而且涼拌嘅面夏天食一流我哋仲叫咗個土匪雞翼，不過不失啦，味道可以再濃d。另一碗麵就係四川擔擔麵，聞落去好香嘅麻辣味，食落就少麻唔辣，如果再辣啲就更好啦！最後一樣嚟嘅就係蟹粉小籠包，勁正，皮薄餡靚，入邊真係有蟹粉架勁想encore不過好飽喇，下次再嚟食呢間一定再叫呢個！叫咗咁多樣嘢都只係每人六七十蚊左右，質素唔錯，價錢亦都唔貴，值得推介

今日難得七一，全家都放大假，於是就帶埋屋企人一齊嚟到大埔墟食好西 ，行行下就見到有間好細嘅鋪頭 ，佢主打我地都好鐘意食既上海菜 ，於是入去試下食啦。首先佢哋上菜速度非常之快，第一樣嚟嘅就係生煎包。 呢個生煎包個底煎到非常之脆，咬落去勁香口， 同埋一啖咬落去嗰時呢啲汁爆曬出嚟 ，真係超正呀跟住就叫咗個糖醋骨， 佢嗰汁嘅味道較得非常之好 ，而且好入味仲好淋，真係超級開胃呀仲有個擔擔麵，份量係超級大玩的， 同埋個湯好正，唔太辣但係會麻，好過癮呀