欣圖軒 (已結業)

飲茶一流喎，對住海濱長廊，service 好好，起碼訂o左位一定有，好尊重顧客感受，點心大部份都好味，雖然貴o的，但都值，阿媽好鐘意！以後星期日可能要轉移陣地飲茶喇！哈哈！不過要幾日前訂位。-_-"

如上一樣啦, 看出星光大道食午餐都好舒服, Service 唔洗講啦, 呢種價錢當然有不錯的service, 食物方面, 我同老婆叫左魚翅燒賣, 不錯, 真係有魚翅在上面, 小蘢包皮薄有高湯在內, 每種點心都好好又夠熱, 而我覺得最正既就係蟹肉伊麵札, 因其他酒樓無, 食落好似食蟹肉伊麵一樣, 感覺太正了, 不過大多數的點心價格都在$38-$42一籠, 早d book 位好^.^

15/1/2005 (Sat) 去飲茶，叫左1.蘿蔔絲酥餅(1碟3個)，超級好食，個皮鬆軟唔油膩，最愛哩個點心!!2.荳苗餃(1碟3個)，第2好食，連個皮都係綠色用菜做，一流。3.叉燒包(1籠3個)，比一般酒樓細，但成在小肥膩。4.蝦腸(1碟4條) ，蝦細粒左d，皮都幾柔軟。5.小籠包(1籠3個) 味道鮮甜，肉質鮮嫩，皮薄。6.蟹肉煨伊麵(可分3大碗, 4 小碗)。伊麵唔硬唔油，岩岩好，蟹肉料多，都幾滿意7.點品：南乳南瓜酥(1碟3個)，好特別，有d甜又有d喊，好鬆化8.點品：杏仁露，細碗d，不過好香好醒神都幾飽!!景靚，窗口位望住海徬星光大道，天氣好，太陽猛，仲舒服，有渡假既悠閒感覺。室內裝修高貴，光猛，唔侷促，好relax。服務當然一流細心啦~記得要早一個禮拜前訂位，weekend都好爆埋單$501 (3個人)

中秋節的壓軸節目，例必是幾個相識多年的街坊，一人帶個月餅，幾個生果，齊齊賞月吹下水。所以今晚是可以一次過吃好幾款月餅，雖然一個只吃八份一，好吃的就吃多八份一，但對各牌子的質數是略知一二。吃過美心、榮華、東海、大班等，仲有好搞笑的雪糕月餅，因為橫看豎看也是雪糕，不是月餅！一致認為，今年洲際的白蓮蓉月餅是最出色，蓮蓉足油，夠甜度，隻隻蛋黃都靚亦多油，結果我最後都吃了幾舊。美心就大為退步，正蓮蓉同白蓮蓉都比往年差，蓮蓉偏乾身，不足油，蛋黃無隻靚，唔知係唔係換左班的關係。

今日同家人去欣圖軒飲茶,真係好失望。因為o的點心真係好差,蝦餃個皮好厚,排骨o個酸mui汁,無乜味, 上湯菠菜,好擦口,真係我阿媽都整得好食過佢地。咁貴o既收費,但係換來咁差o既點心,我下次唔會再去呢度飲茶。

裝修換上瑰麗的金黃色調，增添現代感。但和以前的湖水綠的裝修感覺反而俗氣點。玉液芙蓉伴龍蝦是上湯煨龍蝦然後蟹黃及官燕鋪在鮮奶蒸蛋白上，加上芥蘭片，食落滑溜那蟹黃及龍蝦肉又帶鮮味。官燕龍蝦蒸蛋白，淡然而質優，造型素淡，但材料矜貴，而且口味嫩滑。黑菌蒸東星斑，星班有點失準，好似過了小小火。爆炒澳洲和牛，牛肉入口有肉汁，很有鑊氣。一家人食了一餐豪華宴，服務不過不失。

早前與家人來欣圖軒飲茶，好失望，因為招呼不好，有服務生，但經常不知在做什麼！而點心就令人十分失望，小籠包做得太差，皮厚加上來到已破。其他點心賣相亦有問題，收費高與服務不相等，希望可以改善下！

不過, 唔係叫洲際軒, 叫欣圖軒!