權記雲吞麵

營業中

休息中

同朋友係附近睇婚紗，行到攰攰地，阿未來新娘話想吃麵哦，見到權記就同巨入去了。灣仔的權記都係10蚊碗雲吞麵，有時仲搞8蚊碗，呢度就11蚊。大大碗有三粒雲吞～好抵食！腐乳通菜$5蚊。我就要佐貢丸雲吞河粉，雙拼先$15。好抵食！

岩岩9點幾想食粉麵...可惜中環只有沾仔記未收舖....同男友叫了雲吞牛肉麵....每次去親沾仔記食野...我地總會一邊食....一邊比較權記與沾仔記既質素.....除了沾仔記環境佔優....雲吞同樣新鮮好食....但講到其他配料....牛肉....魚球....辣椒油.....權記好味過沾仔記好多.....牛肉鮮甜d魚球旦牙湯底見到佢係用足料豬骨煮的推介...香辣辣椒油.............真係好正架!!!!!!!!!!!!!!!!!!個度d阿姐個個中氣十足....不過招待都好nice~~~~眼見沾仔記能成為openrice熱店而權記冇份....替權記不值...所以要食番個食評....亦係我人生第一個食評....大家不防去試試權記啦!!!!

臨近7點, 一人叫了一碗粉面, 不是貪平, 只是記掛灣仔的權記而食點知, 本人叫了一碗雲吞米, d米碎濕濕, 雲吞有4粒, 但唔夠灣仔個d大粒, 而且好多粉, 又淋茲茲...>.<男朋友叫了牛肉面, 牛肉有d un, 而且唔太入味, 而面又係林既...水準真係唔得!!

知道有它的存在一直存疑$11 究竟佢賺o的乜？招牌雲吞麵雙蝦雲吞四大隻，粗麵唔鹼水亦爽口，蝦唔係水晶蝦，無蝦腸，味道都唔錯有無人話我知佢賺乜

放左工有D餓餓地(5:30pm)，想住食個下午茶，但身在中環的我，食下午茶絕對不平，即使平都唔夠飽‧走下走下去到權記，見到門口掛左大大隻字寫住全日$11(07年12月加左$1)，初時以為自己眼花，因為途中經過好多食店，最平都要$16，見到咁平，梗入去試試‧叫左雲吞河一碗，初時以為份量實少啦，點知碗麵都頗滿，有4隻雲吞，入面真是有隻大蝦，材料充足，味道都幾好，都夠味，而且冇咩味精，食完碗麵都唔覺口渴‧環境都尚算潔淨，時時見到他們抹枱，收拾碗筷‧咁抵食，下次一定再幫襯，試下魚皮餃先‧

病了, 沒什麼胃口, 去羅富買了粥, 過了食飯時間, 沒有了人龍, 再補多個淨雲吞.雲吞, 大大粒, 口感尚可, 欠了香味.10蚊碗, 大大碗已不再11蚊了, 淨雲吞12蚊

近牌係中環上班，初o黎步到，唔知係邊度搵食，於是求教食評，終於搵倒呢間就係公司附近。首先梗係試o下雲吞麵先啦，雲吞都係大大粒個隻，不過蝦係實唔係爽，味道一般啦，後來試鯪魚球河，都係實個隻，反而D粉麵就幾好喎！不過咁o既價錢，我地班打工仔又幾受惠囉！講到大雲吞，我又諗起元朗個間(大雲吞麵家)，D雲吞就真係好好食啦。

冬天天氣凍, 想食d熱食. 但一般飯盒最平都要廿元起. 我呢d窮等人家如要外出工作邊會食得起? 權記真係令我晌冬天給我一點兒溫暖.10蚊一碗, 雙拼15蚊. 雲吞4粒, 每粒都有蝦, 唔知佢地點樣回本? 人龍不絕, 但因地方淺窄, 食客都很自覺唔會坐得耐. 5蚊一碟菜, 仲可以要求菜湯,令食完粉麵都可以飲啖湯. 服務一般, 阿姐有問必答.

10蚊唔使講已經抵食，一見到d雲吞，我同朋友都"嘩"左一聲，一碗雲吞米有4粒雲吞，每粒雲吞入面都有成幾隻蝦咁多，味道一般之上，係食得飽0既，仲有油菜5蚊一碟，阿姐落單上菜都好快手，d客嗌完兩分鐘內都可以上台了，勁有效率，所以就算食lunch坐滿人都唔會等好耐。

因為返工近權記, 所以成日都去, 全部款都有試過, 個人覺得最好食係墨丸, 真係好彈牙同食到有墨魚肉, 買生的返屋企打邊爐都好抵. 第二樣鍾意食係魚皮餃, 雖然豬肉餡比較肥, 肥到成碗都有油, 不過口感好好. 第三樣係筋腩, 好入味又唔黐牙. 其他野就正常水準, 雲吞都係沾仔記好食少少. 至於米粉, 河粉同麵都唔錯, 米唔索水, 河夠滑, 麵無我最怕的鹼水味. 加多個菜或者炸魚皮都係一個唔錯0既選擇.服務都無得講, 因為舖細又多人, 但係阿姐們都會滿足客人的需求, 好似加腩汁呀, 全走菜呀, 雙拼拼魚皮仲可以分開上添. 係收銀個阿姐把聲比較煩, 成日嗌「開黎丫」......最搞笑係煮野個男人成日都鬧阿姐寫錯單, 仲有0的單飛到通地都係.

$10就大大碗雲吞麵，絕非下等貨色，但雲吞太大了，我要吃很多口才能吃完，但總括而言，還是吃得過

白從香港步出沙士的低潮後，很多食肆都調高價錢，但權記依然賣十元一碗單拼麵、双拼也只是十五元，沙士時更減至九元，雖然平宜但份量亦不少，雲吞麵有五隻，不似一些十蚊麵店只有三隻咁少。當然粉麵用料只是一般但總算可口，所以每天放工後的時間都高朋滿座。

講真，佢地$10一碗真係唔錯又抵食~ 大大碗~ 最喜歡佢地既油菜只係$5~ 最緊要係食得你飽~ 係糧尾既最佳選擇~

今晚本想去波記食炒麵，但可能太遲到，已經關門了，之後因時間關係，轉到這裏食雲吞麵。雙拼都係十五元，當然要叫雙拼啦！我叫了一碗雲吞、魚皮餃麵。另加一支汽水！雲吞- 大大細，蝦都幾新鮮彈牙，皮也不會太厚。魚皮餃- 肉質幾好，但感覺很油，外皮唔算太厚。麵- 幾彈牙又有咬口。這樣的價錢，不可要求太高；以這價錢，真係物超所值。

好平又好食, 大婉. $10 only, 中環平食首選個人feel 各type 都好好食呢