權記雲吞麵

營業中

休息中

中環人多車多, 放lunch時間周圍都多人, 好多時都幫襯呢間粉麵店買外賣, 因為平正快。呢日同平日一樣幫襯買外賣, 又方便又快。呢日都唔係好多人買外賣, 得三四個人等外賣, 外賣自取都係同阿叔落單俾錢就企係出街等。呢日阿叔包錯我的外賣比另一個人拎走左, 阿叔就唔知發咩經神係度鬧我, 而且樓面侍應阿姨都話阿叔包錯野比人, 但阿叔死都唔認錯, 鬧我叫左幾次都唔拎外賣但我一直企係門口度都無行開一步, 我100%肯定阿叔無叫我拎外賣。我勁嬲, 我以後都唔會幫襯呢間野, 不知所謂, 粉麵店老闆真係要三思呢d伙計係咪仲要留係度, 我見阿叔唔係第一次咁對d客人架啦。

而家咁平既粉麵真係買少見少啦！$20蚊碗，非常抵食魚皮餃米粉 $20四粒飽滿既魚皮餃，個皮食落有少少麵粉既感覺，但整體唔錯，中間既饀都唔太多肥膏。湯底同米粉味道幾好。上餐速度都好快，就算見到有人龍都唔怕，因為好快就排到。

微涼的陰天…權記好多同名分店！係咪同一個老闆就唔知，不過大家既共通點都係間間都抵食！就好似呢間中環店！地店又方便！大大隻字寫住$19碗！唔好話中環，好多地方都做唔到呢個價！今日叫左魚皮餃麵！魚皮餃雖然皮厚左小小但係味道真係唔錯！仲有4粒咁多麵身其實幾爽口！不過又唔似平時一般嗰Dd蛋麵咁！有D似肉絲炒麵嗰種！就算唔理價錢，整體黎講都係唔錯！再睇埋價錢直頭超值！

起中環返工，以為食午飯會成為一件難事！人工唔高，最緊要係平靚快啦！19蚊就有一碗，25蚊就雙拼！晚餐就當然要叫雙拼先夠食，招牌雲吞加魚皮餃！價錢咁平，就唔好要求什麼了！因為佢每樣都俾3粒我，又大大粒！魚皮餃應該是自己整的，因為個size大之餘，個皮會較厚！相反，雲吞就皮薄，但個蝦不算新鮮，似雪藏蝦！河粉的分量都充分，一個小女生都食得飽的！食飽飽後的照片，佢個辣辣醬都幾勁下，少少都夠辣，唔好學我搞到紅噹噹！

淨麵 8蚊好大碗雲吞淡淡肉 多蝦食完左加多碗淨雲吞再食過員工叔叔好好笑容 好有人情味雙拼麵 16蚊 + 菜 8蚊 + 豆漿 8蚊 = 30蚊真係好抵 上菜又好快魚皮餃一般，佢地個墨魚太同雲吞必食！個湯可能無咩味，加少少魚露正好多！

經同事介紹, 來到有名的權記. 為何那麼出名? 就是夠便宜吧! 全日粉麵一律$19 碗. 中午十二時多到達, 不用特別等候便可入座.店內很光猛, 冷氣也夠, 衞生也算ok. 點選了雲吞麵, 不消30 秒便可送到食客面前, 應可入健力士. 試一口湯底, 清得來也不會淡如水, 又不會過分油, ok的. 雲吞沒有欺場, 也有四粒, size也正常, 有點蝦肉加少少的豬肉,口感爽口彈牙,胡椒粉味不重, 這點很讚! 麵條也不錯, 不會有過分的鹼水味, 整體性價比很高!絕對是快靚正!

行開中環，又肚餓就去權記食碗雲吞麵。權記好耐之前就會成日食，個陣好似係十蚊碗，依家就要18蚊。雖然係貴咗不過食落口同以前無咩分別雲吞都係大大粒，皮夠薄，入面既肉夠哂入味，蝦夠新鮮，爽口又彈牙麵質爽口、無鹼水味嚟個好重要，好怕食到D鹼水味既麵。

辛苦一日又收工，健身前要先飽飽肚，怕待會無力運動，在麵檔輕食碗雲吞麵最簡單，既快捷又便宜。本想點河粉，怎料已沽清，只好以米粉代之。不過幾分鐘便熱湯送上，熱呼呼夠暖胃。算大大粒的雲吞共有四粒，皮不厚，咬開全是蝦肉帶少許豬肉粒，蝦肉彈牙似乎新鮮度高，味道有胡椒粉加點鹽度，會咸一點，若帶粉麵入口就剛好，而湯底就不能要求高，夠熱都很足夠，而米粉普通。

由當年沙士$10碗大大粒雲吞麵.................到今日2015年 $19定$20蚊一碗大大粒雲吞麵.........味道無變.............點講都係平.................完

當日7點幾，諗住搵下平得嚟又飽肚嘅粉麵舖搵到見呢間都唔少食評話抵食，於是入去試下原本打算去皇后大道中303那間，但點知行行下，入咗呢間分店單併17，雙併23豆腐，汽水加7蚊自己叫咗雲吞加魚皮餃米友人叫咗雲吞河可能去得較晏，雲吞未熟，要等陣雙併的話，雲吞得3粒單併嘅，則會有4粒我見河粉的，份量也很大碗加了醋及辣椒油，整體滿意

權記的賣點一向是平，也因這樣經常都出現長長的人龍，以致幫襯的興趣大減。今次因為只有另一位同事陪同，又很想試試，所以就來排一下隧了。真的不容易，原來有不少都是一個人在排隧的，所以很多時都只能讓後來的一人先進，好不容易才等到有兩個空位出現。坐下之後二話不說就要它的招牌雲吞河都真不錯，大大粒雲粒，加上彈牙的蝦及豬肉，都算可口。而要讚其實是它的腐乳通菜腐乳醬很有懷舊的味道，而且還可以清楚看到有腐乳點的，真材實料。除了通菜以外，其實用來查麵包都不錯的。

放咗工，走嚟中環已經 6:00 有多，起初想幫襯新森林焗飯，行吓行吓見到那間「中華草本茶集」，又想幫襯買杯嘢飲，搵間粉麵檔食碗麵先。權記門面比較一般，我覺得呢度有點 dirty ！由於物價上漲，以前 $10 碗，而家要 $13 碗，雙併 $18；中環區嚟講，總算好抵食！我見到有鯪魚球、雲吞、墨丸、貢丸、牛腩....等等。記得中醫提醒我唔好食咁多丸類，因為有 chemical ，不太健康！我食牛會皮膚敏感！最後選擇鯪魚球雲吞河。河粉賣哂！ 咁快架？唯有叫米粉啦！鯪魚球雲吞米 $18我要求走蔥，點知俾咗蔥，阿姐可能唔記得我嘅要求。 鯪魚球 - 有 3 粒，當然不及沾仔記咁大粒，食落又唔係想像中咁腍蓆蓆，都算彈牙！混入一些陳皮粒及蔥粒，甘香撲鼻！ 雲吞 - 有 3 粒，入面有爽身鮮蝦，可惜未能去哂蝦腸！感覺不太衛生！ 米粉 - 好在唔係太差，都 OK 呀！

陪朋友遊走中西區，當然要一試傳統麵食。我喜歡拍照，也以此維生，因此閒時我也帶著相機好吃的東西，也能夠拍下逼真的一面。權記的雲吞麵，就像有些師兄所說，你要他麵質爽口、沒鹼水味、雲吞的式，不過大，豬肉瘦、鮮蝦甜的話，他不能給你你要他不過不失，他做到了；中環鋪租貴，現在$12 元的價錢，吃到這樣的貨式，實在不錯不清楚的話，你可以想像一下，在其他區你付出$17~19的貨式，就是權記的貨式，甚至過之而無不及。

在之前好些雲吞麵食評中,曾經說過喜歡傳統雲吞麵的人,會批評沾仔記的"拳頭"雲吞,是破壞雲吞自然生態的原兇,喜歡吃大大舊雲吞的人,就會狂罵廿幾三十銀,兩三口就吃光的細蓉是搶錢.我這個偏向傳統口味的人,今日就到中環卑利街,賣$10碗雲吞麵而馳名的"權記",更正一點,現在已經賣$12一碗.不同角度去看不同事物,對著這些大件夾抵食之雲吞麵,暫且放下傳統的包袱.十二塊一碗,有四粒大大隻雲吞在內.包著的餡料以鮮蝦為主,肥豬肉佔好少數.蝦肉爽口不霉,但蝦味不突出,肥豬肉旨在潤滑一下,吃不出豬肉味來.湯底味道先清,結尾有點鹹.麵條質感過淋,不過沒有鹼水味.光顧這些麵店的人,大多只求飽肚,不會去認真追求雲吞麵的歷史,味道.他們的心目中,只會覺得好吃,不好吃,抵吃,不抵吃.區區一碗雲吞麵,無須要引發一連串的深層次反思.亦不會事後與你來個"雲吞麵研討會".同你講麵條點樣彈牙,雲吞皮點樣滑得彈破,湯底點樣清澈鮮甜.百貨應百客,傳統飲食文化固然要流芳百世,同時亦不會否定,這些抵食夾大件作賣點的麵店的存在.

上週途經這裡，天寒之下見肚子空空，就在此吃了一碗雙併。十五元價錢的一碗麵，說實在的不應抱有太大期望，其湯底成色帶濁，喝了一口，鮮味欠奉而帶點微鹹。麵條則尚算爽口，雖然是從人家拿來的貨色，幸好沒有過重的梘味，當然不會要求甚麼蛋香了。配料選了鯪魚球和雲吞，勝在大粒，咬了一口雲吞，蝦多肉少，味道還算可以，鯪魚球來說，總覺少了一點鮮味，建議可加一點果皮來吊味。價錢不貴，在不好也不差之下，也抱著平常心的態度，街坊小店，主打上班一族的小生意，自給自足，不會因我的食評而有重大影響........掛?! 見牛肉片、牛丸、水餃和貢丸也有，有機會也可能來得多一次覆桌。