權記雲吞麵

營業中

休息中

不太肚餓, 又想點下肚,最好食碗麵這間細細地,但有大大粒雲吞河,不似有味精, 不用食完要飲好多水.價錢真好親民.食一碗也不用$30.豆漿都是好好的配搭其實墨魚丸河也很出色.但是叫一碟菜的量不多, 和沒有其菜選擇, 如果多D量各多D選擇, 就好D.這間得閒就來, 幾好👍🏻

傳統舊式麵檔 買少見少港島區食野都出名比較貴💰係中環用22蚊竟然都食到一碗細蓉 簡直係糧尾嘅恩物 🥰雲吞麵 $22 🍜上菜速度好快 ⏱落完單無幾耐就有得食啦 😎雲吞有四粒 粒粒都大大粒 🥟皮薄足料 帶有少少鹼水味雖然蝦肉同豬肉嘅比例拿捏得好好 非常爽口 🦐🐷但就欠缺咗一啲鮮甜🤨麵嘅質感彈牙鹼水味比較重湯底既味精偏重 飲完會有d口渴💦總括而言以呢個價錢來講真係算係咁🙌🏻Ps: 灣仔、中環、北角都有分店🏬

{$22一碗雲吞麵🌟！}#kong_girl_foodie出街食.前日幾返工lunch食我好中意雲吞麵🌟呢間權記雲吞麵有幾間分店！重點係佢價錢好平！22蚊子一碗一餸麵！環境都幾大，乾淨！.❣️三餸河粉(🌟雲吞，魚蛋，貢丸) $36自家製魚蛋，唔彈亦冇乜魚味台灣貢丸，正常嘅自家製雲吞，肉同蝦比例啱啱好！好味每個餸都有3粒，河粉份量都好多！.❣️通菜 $12通菜就正常味道👍🏻.📝總結想平平地食個雲吞麵，又唔高要求，呢間好適合你呀😝.❣️食完俾分時間❣️🌟食物: 7.5/10🌟環境: 7/10🌟服務: 7/10🌟打卡: 7/10🌟推介: 7/10.📍 權記雲吞麵中環卑利街2號地下#香港 #香港美食 #美食分享 #香港吃貨 #hkfoodie #hkfood #hongkong #hkig #上環美食 #上環#權記#權記雲吞麵#雲吞麵#中環#中環美食

有時想簡簡單單喺中環上環區食碗粉麵🍜，估唔到食肆雲集、物價高企地段都仲有平靚正，絕對係醫肚之選🥢真係冇睇錯係$22，睇到好多人話糧尾救星，味道一啲都唔差㗎，性價比高！分量女仕啱啱好，雲吞大大粒有蝦有豬肉，好standard ✅ 湯底唔會淡而無味👍🏻油菜無記錯都係$10平都唔代表伏嘅👍🏻

現家已經好難食到好食既細蓉，難得呢間個湯底仲食到濃濃既蝦味，現家出面大部分已經食唔到呢陣味。仲要22蚊一個餸～雙併都只係29蚊～係中環黎講係相當抵食～同埋老闆好好人，會落手落腳做，我好欣賞。

中環食野閒閒地都$50～$60起今日竟然揾到哩間權記，一個餸嘅面都只系$22(好平)鮮牛肉都一樣價錢兩個餸都系$29加多碟菜成張單$50有找哩間野從此就變左我飯堂啦

呢間雲吞麵食過2-3次，我每次都叫雲吞麵，另加碟腐乳通菜，味道其實真係好一般，都係貪佢平。但係平野真係冇咩好野😢記得上次食果陣，食到一半，碗雲吞麵入面突然發現有張tissue既角，嚇左我一跳，我即刻舉手同個阿姐講，呢個阿姐第一反應係好鎮定咁話可能係d雲吞痴住d紙巾，佢之後換過第碗俾我。其實佢咁鎮定仲要即刻知個source, 係咪經常都有呢個情況呢？😢 不過算啦，當時我係覺得賣到咁平唔可以要求咁多既。因為要慳錢，今日又來到呢間諗住野食啦。點知另一個阿姐超串，激死人😡 睇開我食評既都會發覺我好少會彈一間餐廳，但呢間野真係太過分了!我入到去坐底，舉手示意阿姐過來同我落單啦，當時個阿姐同我距離大約有3米，佢見到我舉手，係旭都冇旭過，就咁唉係個出餐位度，大聲呼喝問我食咩～我真係好唔gur, 我作為顧客，點解要我配合你呢？所以我唔理佢，睇佢幾時過來。然後佢附近有客落單，佢又識行埋去落單喎，佢果邊落完單，我再望佢，佢望到我又當我冇到喎🙄 然後我再大聲叫'唔該!'，當時其實全部人都感覺到個阿姐有問題，佢仍然係唉係度旭都唔旭，我就話佢企咁遠我點落單呢，個阿姐仲好意思答話'你大聲叫就得啦'🤬🤬其實係中環呢

呢間$22蚊一碗既魚蛋粉，雙拼再加錢。份量方面，細細碗女仔都算夠食既，但男仔可能要食多啲野先得好似會唔夠飽。河粉個口感有啲驚奇，食落好似食緊雲吞皮咁皮，有啲散收收既口感，魚蛋都唔錯係幾彈牙，佢地自製既

有時在上環做野，其實上環都多平野午餐，呢間權記我久唔久都嚟食下。那日叫了雲呑米和腐乳通菜(好多菜)，30蚊，你話係上環區去邊度揾! 不過你要預咗中午要勁等位，D店員無咩服務。說真雲呑米都好好食，D雲吞唔係D好大隻，中size，有四隻，我通常拼米粉，會無咁油，米粉夠爽又大碗，雲吞蝦和豬肉和大地魚粉比列唔錯，食落又鮮又有汁，又滑口，湯底好清無話死多味精，加埋D潮式辣油更香更惹味，同譚仔有得揮! 重有D腐乳通菜，無油㵉㵉，幾清新，食下菜又健康又高纖，D腐乳 汁好惹味，如健康D，叫走汁都好，三十蚊好飽又抵食。

通常一個人又冇人約又唔知食乜好既時候，都會想去搵間又平又好味又快既鋪頭食...一個人乜都唔想諗麻，哈哈。講返碗雲吞麵先，27蚊兩個餸其實老實講都唔可以再要求d咩，仲要係中環食。味道正正常常，份量合理。環境就正正常常，舊式鋪頭咁，都唔會想特別留低架啦，都係食完就走架啦。本人覺得其實呢間雲吞麵鋪幾岩遊客加上又想感受下香港舊式文化，地道又平民既野食。如果鐘意食辣，不妨試下佢個辣椒油，味道唔錯！最後結論俾得廿幾蚊就有碗麵食仲想點

上環不嬲都出名食地道野，今次食番間細個成日同老豆食，好有感情既雲吞麵鋪頭—權記-魚蛋雲吞撈麵加底 $27魚蛋幾爽口彈口，雲吞大大粒味道唔錯， 唯一可惜既位係包果陣唔夠細心，留左舊蝦尾係入面。撈面底用蠔油黎撈，魚蛋雲吞同蔥花湯另上，蠔油落得有啲姑寒，唔加底既話都只係僅僅夠撈。麵用既係鹼水幼麵，好重鹼水味，口感亦都幾爽口唔會煮得太冧。個人黎講覺得撈麵最抵食，一個麵幾種食法😈 一半放落湯當湯麵食，其他照樣用蠔油撈。順帶一題佢啲秘製辣椒醬好正，加埋落麵到配埋蠔油都係十分正。-魚片雲吞湯麵 $20魚片一樣咁彈咁爽，湯底夠曬清，飲落唔似有落味精，女朋友表示可以再咸啲啲。份量黎講 冇加底既麵底都十分重手，兄弟們食一個麵底都夠食。-客觀黎講食物水平係合格之上、甚至比唔少連鎖麵家更加好食，再加上咁抵既價錢，岩曬糧尾既中環打工仔食。大家經過中上環亦都可以試下，係一間充滿人情味既鋪頭黎，依家香港地道食店買少見少，係香港人既就一定要撐！

年尾洗費特別多，今晚想慳慳地解決，在上環地鐵站附近，權記絕對是不二之選！今時今日，單拼雙拼都是二十個大洋一碗粉麵，比麥當當特價餐還便宜！這種價錢在中上環哪裡找？叫了雲吞米及油菜，雲吞有四粒，中等大粒，鮮蝦彈牙，真材實料，味道中上，米粉份量也足，大大碗好夠飽！加多碟菜埋單都只是$30，有菜有肉有澱粉，清清地又健康！之前有叫過牛丸米，牛丸有黑椒粒吃起來很惹味，不是一般粉麵鋪的hea牛丸！性價比爆登的小店，希望長做長有，待我糧尾時有餐好野食！

時光倒流的平價雲吞麵👍🏻今日中環來個快食lunch ,係公司附近一間叫權記雲吞麵食一去到，我已經比個餐牌嚇親😱😱$20一碗雲呑麵，$27雙拼⁉️天丫❗️❗️❗️會唔會太平，仲要係中環，平時普通一確雲吞麵都要至少$3x-$4x我覺得太神奇1️⃣墨丸雲吞米$27⭐️⭐️⭐️⭐️⭕️墨丸雲吞各有3粒⭕️雲吞係鮮蝦包，雖然蝦的size細少少，但有2-3隻蝦，所以好抵食平均一隻雲吞就似一個乒乓波的大小⭕️墨丸都好彈牙，好大粒🔴米粉的分量有點少，如果女仔就絕得夠食，男仔可能要加底會比較好😂而且跟餐可以➕💲8就有支豆漿or可樂連油菜都係$11就有一大碟，真係太平啦，性價比一流👍🏻

以前響中環返工，經常食呢間雲吞麵。幾年無黎，今日經過見到仲響度，當然要入懷緬一下啦😎雲吞依舊皮薄餡靚，蝦肉夠鮮，而且到宜加都仲係咁抵食，響中環竟然仲係賣$20一碗👍

權記由細食到大，由炮台山第一間舖就因為拾蚊碗而成為擁躉，雖然由拾蚊碗食到依家廿蚊碗，但權記都仲係跑贏大市；今日喺中環開完會，醒起都起碼超過成年無食過權記喇，就嚟懷緬吓佢個魚露加辣油先。阿姐話無牛腩，唔知係呢間無賣定係賣哂呢?嗌咗個牛肉河加淨雲吞，雲吞一如以往好似乒乓波咁大粒，我鐘意一粒分四啖食，喺每一啖之間點啲舖頭自炒既辣椒油；牛肉被輕輕醃過，鬆肉粉又唔會話落太多，都仲係二十年如一既嗰隻味，呢隻味係要喺權記先至搵到既；河粉嚟講比起好多雲吞麵舖都要滑；湯底有熟悉既淡淡魚味，食到一半落啲枱面我至愛嗰三寶，魚露，醋同辣椒油，好似有啲泰越風味咁，又係另一隻食法。