權八居酒屋 (北京道一號)

營業中

休息中

對住海景食嘢會好食啲嘅話咁的確幫佢加咗唔少分數日式居酒屋裝修風格會好食啲嘅話咁又再幫佢加多咗幾分🤣服務好加樓底高地方闊落會好食啲嘅話個飲食體驗會高分就係根據上面講嘅嚟嘅就咁講呢個下午茶嘅嘢食就唔多合格啦每人有一杯嘢飲同無限清麥茶如果要free flow 就另外加錢嘢食分開冷盤熱食同甜點首先冷盤同熱食嘅溫度差得唔遠如圖所見選材亦冇邊樣特別高級直頭可以話係有食兒童餐嘅感覺牛油果卷同舊呑拿魚腩碎什至係有少少腥份量唔會話食到好飽兩個人啱啱好甜品嘅組合就更加普通大福/奶凍/蕨餅/芝士蛋糕/水果我記憶中嘅呢啲都係冇特別之餘有啲似食完飯餐廳會送俾你嘅飯後甜品咁其實諗諗吓呢個餐可能幾啱帶小朋友去食同埋幾欣賞餐廳可以諗到呢個set可以喺下午茶呢個落場時段吸到客或者食返午晚市嘅質素會好啲🤫Afternoon Tea Set HKD 498For 2 persons (未含加一服務費)HKD 99 for 90 minutes wine free flowFrom 14:30-17:30 (last order by 17:00)

今日難得悠悠閒喺尖沙咀度行街，行到有點累便想起食個下午茶，諗起北京道1號有間新嘅日本餐廳有一個好抵食嘅下午茶，首先對著維港的景色已經不得了，我們坐低叫了一個二人下午茶，下午茶的內容極豐富，有冷盤包括香蔥吞拿魚腩鍋巴，脆脆嘅鍋巴加上香蔥吞拿魚實在絕配，權八太卷，穴子牛油菓卷真係要比個like再接著就有熱食和甜點，甜點中的十勝紅豆乳酪甜度剛剛好適合一啲唔太喜歡太甜嘅人，下午茶仲包埋有兩杯飲品，其實這下午茶對我來說份量真的相等一個午餐！實在太滿足，我一定要多來幾次欣賞美景之餘要試多啲唔同的食品！

男朋友生日，book咗望到維港海景嘅高級餐廳 - 權八居酒屋，佢位於北京道1號28樓。全間餐廳都係落地玻璃，可以飽覽維港美景😍本身諗住可以同男朋友渡過一個浪漫嘅夜晚，所以特登book咗窗邊位，但好可惜嘅係，佢哋玻璃出邊超污糟🥹完全冇辦法欣賞到夜景，係懵查查一片。。。唔知係我嗰日咁岩係咁樣定係平時都係咁呢🥹.講返啲嘢食先，感覺上都係okay的，但係冇乜特色，冇嘢特別到令我留下深刻印象。因為餐廳新開，部份餐點係有discount.嚴選A5和牛西冷(HK$488)👍🏻燒到啱啱好！見到入邊嘅紋理就知好正，食落油脂咁啱啱好😍😍枱面有鹽可以自己落提味！份量都唔會話好少！.銀鱈魚西京燒 (HK$288)係正常出色居酒屋整到嘅水準，不過我覺得調味偏淡。魚肉識落多汁嫩滑。.雞腿肉串 (HK$55)調味啱啱好😍連埋雞皮燒到脆卜卜，好正

岩岩個星期6下午天落雨濕濕, 唔係好岩出去戶外, 早上BOOK左呢間新開係北京道一號嘅日本餐廳食TEA. 好彩仲有位!餐廳環境好正，28樓景觀光猛開揚, 大海景, 正對面就係灣仔中環, 天陰都一流。餐廳夠闊落，所以就算靜，都唔驚隔離台聽到自己講咩!!我哋叫咗一份HK$499嘅下午茶set，2杯野飲 + 3大盒野食: 兩盒鹹+一盒甜 (handle 唔到純甜品tea set XD)。2人食算好夠, 但唔會話食完撐住個肚走...去相 環境:鹹點:好多唔同款式嘅小食。鹹嘅小食有:  超嫩炸雞, 日本腸, 吉列蟹餅, 魚製品, 雞翼, 栗米。另外一碟係蟹子沙律, 壽司, 吞拿魚米通, 枝豆. 全部都好好食。甜點:小蛋卷, 一口芝士蛋糕, 紅豆糕, 呢3樣會甜少少~ 仲有雜果盤, 蕨餅, 大福& 南瓜蓉杯 (好中意!!! 唔會過甜, 連vanilla cream + 紅豆+小丸子係好夾!!!!) 整體黎講，食物嘅質素很不錯，份量都夠~下次會再黎!!!!!!!!!

上星期一行５人去咗尖沙咀食新張既權八係間日式餐廳黎既～一出𨋢門轉出黎就見到成間餐廳成排L型既落地大玻璃窗～～成個海景一覽無遺～～超開揚超好心情！order咗2個和風下午茶 ５人食都完全夠皮！包冷盤，熱食同甜品～唔同既菜色都係的的色色細細兜但份量岩岩好：）我地正好就係樣樣都想食啲既人XD冷盤有我每次去食日本野都會叫類似既蟹肉飛魚子沙律 唔錯！大兜D就更好HAHA穴子牛油果卷食落好搭 牛油果好香～吞拿魚腩鍋巴都新鮮！如果上碟有比埋WASABI就更好了～～（習慣食魚生一定要點WASABI）至於熱食呢，唐揚雞柳有驚喜～表面香脆～咬落去入面肉汁又仲有係到～蟹肉餅都有食到一絲絲蟹肉　亦有濃濃既忌廉味～之後就係燒雞翼！～亦係我覺得最好食既～佢係鹽燒處理 唔會過咸或者太重味！栗米唔會乾柴柴 甜甜的~番薯食落唔係我期望中既好軟糯既口感 佢係偏實淨少少但絕對唔係乾硬 都可以！魚餅同黑豚肉腸就正正常常～甜點都幾甜下XＤ不過樣樣細細份 唔會咁大罪惡感🤣椰汁南瓜白玉子果杯食到停唔到面層椰汁好甜 但下面既南瓜蓉又中和返 好CREAMY～後勁淡淡南瓜香ＸＤ總括黎講就係：會再黎食！

權八的北京道最新分店 裝修華麗 滿有江戶時代風味🎌夜晚book枱黎二人世界 個維港夜景盡收眼底🌃- 權八料理長精選櫻花祭 -《前菜 — 櫻花蝦梅子汁沙律》上碟色澤鮮豔 鋪滿炸脆既櫻花蝦櫻花蝦既鮮味 同梅子汁既微酸味道完美融合每啖都係清新既口感.《刺身 — 吞拿魚腩、櫻鯛及赤貝》吞拿魚腩肉質柔軟 帶有淡淡的魚油香氣櫻鯛細嫩爽滑 入口滲出甜味赤貝口感爽脆 鮮甜可口.《煮物 — 櫻花磯煮鮑魚》鮑魚一d都唔韌 爽嫩易咬充滿了湯汁的鮮美同清香.《季節の天婦羅 — 廣島蠔伴昆布山葵醬、豚肉蓮藕餅、露筍》蠔既炸衣好薄🦪 仍然食到本身既肥美豚肉蓮藕餅天婦羅外皮酥脆 內裡爽彈露筍天婦羅保持水份 味道清甜搭配上山葵醬 為味蕾帶黎微微刺激.《蒸物 — 松葉蟹肉海鮮茶碗蒸》茶碗蒸湯汁濃郁 味道鮮美松葉蟹肉同海鮮既鮮味融合係柔嫩既蒸蛋入面.《炭燒 — 自家製汁燒櫻葉免治雞肉軟骨棒 配生宮崎太陽蛋》免治雞肉串就食得多 用櫻葉包住既就第一次櫻葉既獨特香氣令成件唔覺得漏🥚加上宮崎生蛋黃濃郁香滑 讓味道更加豐富.《炭燒 — 一口和牛伴福岡青椒》和牛肉質鮮嫩多汁 軟腍到近乎入口即化最緊要搭埋一片片炸蒜一齊食 味道更加分唔

我最近幫襯咗一家日式料理店，呢度嘅菜色非常豐富多樣，包括冷盤、熱食以及甜品，每一道菜都有其獨特的風味和口感。在冷盤方面，他們的蟹肉飛魚子沙律混合了鮮美的蟹肉和飛魚子，搭配沙律醬汁，味道好鮮美！此外，他們的枝豆和香蔥吞拿魚腩鍋巴都非常好吃，特別是鍋巴的口感十分獨特，讓人回味無窮。而熱食方面，我最鍾意嘅係燒宮崎黑豚肉腸和燒野菜魚餅。黑豚肉腸肉質鮮嫩，口感十分順滑，搭配店家獨家嘅醬汁，味道好獨特！而野菜魚餅都非常好食，魚肉鬆軟，搭配上新鮮的蔬菜，吃起來帶有清新的口感，真係好開胃。當然，甜品都係呢家店的一大亮點。我推薦的是綠茶蕨餅和芝士蛋糕，兩款甜品都十分美味，綠茶蕨餅口感軟綿，味道清香，而芝士蛋糕則是口感濃郁，非常適合喜歡甜食的人。總體而言，這家日式料理店的菜色豐富，味道唔錯，服務周到，環境雅緻，讓人感到非常舒適，而且還有270度無敵海景👍。如果你喜歡日本料理，這家店值得一試。

北京道1號28樓 - 權八有驚喜的日式下午茶，從未試過如此豐盛飽肚及美味的日式下午茶。卷物正常發揮，炸物中蟹餅是尤其出色，甜品更是驚喜萬分：十勝紅豆奶凍紅豆味濃沃，椰汁南瓜白玉子更是喜出望外！這家是 權八 新的分店，景靚食物美味必定要重來！

之前日日見到有唔少人嚟食飯打卡原來佢有lunch set即刻同同事去試下因為我哋成2點多先到所以有幸坐到窗邊位餐廳好大其實窗邊位都多望住個海景食lunch真係好正好舒服唯獨係呢排天氣落毛毛雨又有D濕如果天氣好真係正到核爆午市套餐有D買一送一都幾抵全部lunch set 都包咗湯、沙律、小食、甜品同飲品但我哋最後都係叫咗D唔係買一送一😂😂仲叫多咗份半價的牡丹蝦刺身好新鮮好味做到3月31日渣前菜鰻魚飯幾特別第一次食鰻魚飯𥚃面有咸菜同免治雞肉好大碗我哋share食但最後都係食唔曬朋友唔食牛所以叫左個泡菜豆腐豚肉鍋豆腐好有心思用火炙過豚肉有5-6片到服務員都細心幫我哋較細D火以免佢瀉出嚟下次要食佢買一送一的和牛壽喜燒

今日同老公去開尖沙咀shopping 記得權八喺北京道一號開左間新分店 就上去食返個tea 😋餐廳樓底超高 景觀十分開揚 飽覧維港海景 枱與枱之間嘅距離亦都好寬落 一啲都唔迫夾食物方面我哋叫左個$498 和風afternoon tea set:頭盤 - 蟹肉飛魚子沙律•枝豆•香蔥吞拿魚腩鍋巴•權八太卷•穴子牛油果卷沙律非常fresh 蟹籽分量十分重手 🤩 啖啖都食到蟹籽吞拿魚腩同鍋巴呢個組合估唔到出奇地夾 卷物都唔錯熱食 - 唐揚雞柳•炸鮮蟹肉餅• 燒宮崎黑豚肉腸•燒雞翼•燒野菜魚餅 • 燒粟米•燒宮崎番薯熱食種類好多元化 炸蟹肉餅非常酥脆 餡料也非常豐富 造型可愛 燒物都有驚喜 燒雞翼同豚肉腸外皮脆卜卜 但內裡仍然好juicy 👍🏻甜點 - 椰汁南瓜白玉子•十勝紅豆牛乳奶凍•綠茶蕨餅•大福•日式蛋卷•芝士蛋糕 •時令水果甜品方面就覺得失色左少少 比較普通 老公就話南瓜白玉子南瓜味好出 其他甜品就冇乜特別🙈Afternoon tea set仲包2杯酒精/無酒精飲品 老公點左draft beer 我就點左柚子iced tea 甜度剛剛好😉

Lunch for 2 in Kowloon. Massive space. Nice views.Doing a lot of promotions to celebrate its new opening.Very comprehensive menu. Have never taken so long deciding what to order.Here’s what we had.松葉蟹肉牛油果卷 (50% off)燒雞翼蔥鹽牛舌炭燒大蔥吞拿魚腦天牛肉石鍋飯- loved the 飯焦. Initially had in mind a straightforward 網燒牛肉飯 (rib eye/sirloin) but they only had wagyu or tenderloin on the menu. So settled on this, which wasn’t a bad choice. 燒木魚花醬油飯團- not bad, but could be a bit crispier.十勝紅豆綠茶雪糕 monakaIn summary: pleasant lun

權八係尖沙咀北京道開左分店 ，環境真係不得了 ，同朋友閒日2點半去食下午茶，享受美食之餘，一邊欣賞美景🥰先講室內裝潢，充滿日式情懷，仿效江戶居酒屋的格調設計，加上擁有超高樓底落地大玻璃 ，270度維港無敵景致盡入眼簾，餐廳引進自然光，環境明亮舒適空間感十足， 黃昏時間更可以欣賞到日落美景。終於講到正題，食物方面，我倆二人點了和風下午茶Afternoon Tea Set：❤️冷盤蟹肉飛魚子沙律、 香蔥吞拿魚腩鍋巴、權八太卷、 穴子牛油果卷、枝豆👉冷盤樣樣都出乎地好地，沙律的蟹肉飛魚子分量足，每一啖都好鮮甜清爽開胃😋。吞拿魚腩夠鮮嫩，配上鬆脆鍋巴和藏紅花，口感更豐富。卷物都合水準，特別要讚的是醋米味道酸甜適中，微微黏口軟糯🧡熟食唐揚雞柳 、炸鮮蟹肉餅、 燒宮崎黑豚肉腸 、燒雞翼、 燒野菜魚餅 、燒粟米、 燒宮崎蕃薯👉熟食都有驚喜，炸鮮蟹肉餅串上日本青椒仔，賣相好可愛🤩，蟹肉餅鬆脆不油膩，還食到絲絲的鮮甜蟹肉。其他燒物同炸物都 燒/炸到剛剛好，尤其雞翼，燒到皮脆肉嫰多汁，師傅功夫果然了到😋💛甜品椰汁南瓜白玉子、 十勝紅豆牛乳奶凍 、綠茶蕨餅、 大福、 日式蛋捲、 芝士蛋糕、是令水果👉甜品略嫌

環境幾好，黃昏景同夜景都好令。。魚生食材有d唔夠新鮮。。。A5和牛西冷幾好食，生蠔都新鮮但係壽司、天婦羅都好一般。。。特別係火炙海鰻，6人一致覺得難食6人食左$9958，性價比好低。。。

 每次去權八都要老遠地跑過海，但今年開始就方便得多了，除了原先的銅鑼灣店搬往新地址外，九龍區方面，亦在尖沙咀北京道一號開設九龍旗艦店，地點就在原先胡同的舊址。地方是寬敞得多，而且靠窗的落地玻璃，維港夜景盡入眼簾。唯一要挑剔的，是欠了塌塌米房，未免有點美中不足。有美景當然要同太太飲返杯，再欣賞優美的維港景色，誠意推薦以Rum酒、紅莓及草莓調製的Sakura-Berry Daiquiri（$108）及以新鮮菠蘿汁調製的Japanese Cassis Pineapple（$108）。餐前小食是［酸汁伴牛筋］（$68），牛筋炆得好軟稔，牛筋的膠質豐富，真係好啱我，而且帶微酸，減輕了油膩的感覺，相當討好。再來是［宮崎豚肉胡麻沙律］（$168），豚肉片夠薄食，咬落不太費勁，拌和蒜片、生菜、松子、紅椒絲及胡麻醬，非常惹味。其實餐牌有太多菜色好吸引，下酒菜又點可以忽略［炸鮮蟹肉餅］（$138）炸得啱啱好，蟹肉鮮甜，仲有一條日本青椒，正好用來解膩。跟太太分別點了［海鮮茶碗蒸］（$68）以及［海膽茶碗蒸］（$98），兩者本身餡料已經有蝦仁、冬菇及蟹肉，海膽茶碗蒸是加添了一份海膽，但可能加熱後的海膽失去了神

餐廳新開張，見到社交媒體網站相好似幾好所以想試下，經Openrice訂檯，餐廳都有email 確認訂位。準時上到餐廳，門口Reception同事行開左，見經理路過想問一問，點知經理無視行走左….餐廳係位處頂層可以睇到維港景，但當日有幾張吉嘅窗邊檯都話無法安排，表示窗口位需要預先一個月預約😑😑😑但係無記錯的話，餐廳都未開業超過一個月🧐🧐我地直到埋單離開，窗邊位都係保持吉嘅狀態😐😑可以睇翻圖，真係有吉檯都唔俾坐，想幫佢地賣餐廳景廣告都唔得…..落單同埋單都要叫幾次先有service，餐飲唔提都唔會問，真係食lunch時間就要超級快手叫曬先好黎食呢間。定食嘅前菜salad，湯都OK，甜品都OK叫左特級和牛定食揀左5成熟同埋刺身定食，刺身正常發揮，無驚喜。和牛叫左5成熟，出黎效果似7成同凍凍地😤😠同埋真係一塊和牛就甘上，上檯個陣以為自己叫左豬頸肉定食…….少少伴碟嘅菜都無😩😫埋單都接近900蚊，但係呢個價錢絕對唔值，景又話要預約一個月，lunch時間都要預約一個月？餐點同services都唔值呢個價，甘可能佢地要搵多少少社交媒體網站KOL賣廣告啦。😡😤😡😤😡😤