權八居酒屋 (北京道一號)

營業中

休息中

今日下晝同朋友嚟咗尖沙咀呢邊行街，決定要搵吓有咩下午茶食！竟然搵到呢一間幾特別嘅居酒屋！好少有居酒屋有下午茶，最後仲幾好食嘢食嚟講，我哋都幾鍾意食佢嘅串燒，燒雞翼做得非常香脆，加埋七味粉食簡直一流小食套餐仲包括左sushi roll, 個人嚟講最鍾意食佢嘅牛油果加州卷配搭上都做得唔錯！支豆就每一粒都非常爽脆，啱晒我哋呢啲鍾意飲酒嘅人，配上啤酒簡直係一流 最後佢嘅海景真係冇得輸，仲可以睇日落！有機會會再返嚟幫襯

服務態度麻麻同男朋友walk in 去食 大概2點左右 見到限時90分鐘 食到3點已經催我哋埋單 本身諗住再叫下啲小食 原來過咗3點淨係做下午茶 正價menu嗰啲唔叫得 但入座前冇同我哋講聲 直接同我哋講唔叫得就收左menu食物質素過得去我哋一人叫一個餐 見做緊買一送一 叫左壽喜燒同吞拿魚丼飯 壽喜燒唔係傳統嗰隻燒完再煮 而係shabu shabu嗰種 份量偏小 牛肉質素不錯 但得兩三塊 吞拿魚食落都ok 刺身嗰幾塊油脂較少

星期六中午午餐買一送一優惠環境一流食物一般沒有太大驚喜服務還可以, 感覺職員們都是part-time刺身定食- 刺身質素沒有想像中那麼新鮮，份量偏小。壽喜燒-比刺身定食好食, 份量也剛好. 牛肉新鮮湯底偏甜但好味。 吞拿魚及吞拿魚腩丼-份量都多, 新鮮. 喺三個set lunch裏邊最好食嘅一個.

不推介所有人嘅茶冇曬，個侍應見到都唔斟茶、問佢哋有冇披肩，第一位話要睇吓，等咗半個鐘冇覆，之後再追問第二個，行過嚟都唔同我哋講返冇，我哋再追問，先話冇呢個披肩、叫咗嘢飲，半個鐘先嚟飲品、不推介

一間之前去過一次嘅地方，今日本來向朋友推介再次去食。一早經OpenRice訂位，食到未夠8:00忽然間話要last order只能夠坐個半鐘，想話叫甜品，樓面不斷咁話唔好意思，不可以再order 了，佢話因為近窗邊嘅位好要留比其他客人，所以堅決要我哋埋單，食咗成$2000，真係得－肚氣。食物方面，－般，性價比低，可能因為係食環境較多。記得上一次去嘅時候係二月完全冇生意，仲要係半價，我哋都出嚟支持呢間舖頭，而家佢有些少嘅生意，竟然個服務變差，也冇興趣再去囉！

喺OpenRice 見到權八有omakase ，見幾多嘢食想試吓. 諗住慶祝週年紀念，一星期前喺OpenRice 訂好位. 點知去到，入坐後，我：咦？冇得揀Omakase嘅？伙記話：另一邊先有omakase喎，我：好丫咁我地去另一邊囉… 經理：唔好意思omakase要訂位. 我：吓？我咪訂左位囉？伙記：OpenRice淨係可以訂呢邊，經理：Omakase要準備材料，冇訂冇預備到，今日加唔到2位. 真係天才. 我之前冇嚟過，你又冇註明過喺Openrice冇得訂omakase，要打電話先訂到. 我又點會知呢？ 4月30日，成個尖沙咀都遊客，怕去其他地方搵唔到位，所以唯有照叫個2人餐啦。 真係求其整啲嘢食飽你就算. 背脊骨落. 另外訂位時叫你填聚餐目的，生日定慶祝之類啦. 通常餐廳會喺甜品度寫隻字之類啦. 廢嘅，無任何表示又問嚟做乜呢？埋單$2000. 食得飽嘅.. 但真係慘，未試過咁差嘅週年紀念飯，都係怪我揀咗呢間！ 最後走時見到Omakase嗰邊只有5-6人. 大把位，不過冇預材料啫.

環境闊落，景觀非常好，帶上來港旅遊的朋友前來可飽覽香港景觀，過一個悠閑的下午食物豐富，有齊前菜，串燒，甜品，清酒，2個人都吃不完吞拿魚十分好食，一杯杯的芒果甜品口感清新，雞翼串燒外脆內juicy，會見客人差不多吃完第一輪才奉上第二輪，不會一開始趕住上菜令食物變凍，而且十分勤力加茶和換碟用餐十分舒適，並不會催促客人離開，而且服務超班，由於帶上寶寶需要特別照顧，waitress們會陪伴bb玩，十分體貼窩心，值得大力推薦的一家日式居酒屋！

今次職員安排到坐窗邊位可以望到維港景，加埋用便當盒上菜，夠晒日式風情🍣🍱打卡一流📸冷盤方面，我鍾意食香蔥吞拿魚腩鍋巴，吞拿魚腩蓉好滑，魚油好香，墊底嘅鍋巴好脆，放埋一齊估唔到夾😋牛油果卷跟太卷都係唔錯🤤熱食方面，炸蟹餅同炸雞都炸得熱辣辣脆卜卜，蟹餅入面超多蟹肉絲，炸雞都好juicy🤤鍾意重口味嘅我係食嘅時候加咗少少七味粉，有少少辣味仲正👍😆另外燒宮崎番薯🍠都好好食，番薯好腍超甜，燒得好香✨甜品方面，綠茶蕨餅跟南瓜白玉子好食，但其他甜品就覺得一般今次食嘅和風下午茶（$498兩個人）真係好抵食，冷盤熱食甜品飲品都有齊，仲可以揀啤酒或者sake🍶🍺，下次可以encore

一間殿堂般的居酒屋，坐落在北京道一號，28/F. 有個非凡的全維港海景，那天與家人在權八居酒居嘆下午茶，正值下着毛毛細雨，詩意境迷人，想不到精緻美味的下午茶，帶來雙重的味覺和感觀的享受。相信天氣好的時候，景色會更美。在晚上來用膳 還會有星光燦爛的維港景色相伴，其樂無窮！！下午茶有三個course。第一個係就燒物係居酒屋最重要就係食燒物外面微焦香加上裏面的汁還緊緊鎖係入面好正！第二個係涼菜和壽司食日本嘢點可以缺少呢兩個主角最後就係甜品 下午茶嘅精髓一次過可以試左咁多款佢嘅主打甜品🍮完美！

權八銅鑼灣店食過好多次，知道佢係1月中時係尖沙咀開咗新分店，就決定同朋友去試吓新餐廳。上網見到佢新店有sushi omakase, 一於決定同朋友去試吓新嘢🤩今次去食dinner, 有茶碗蒸、前菜7款、料理2款、壽司7件、卷物1件、湯、甜品，menu非常豐富。每位$1380，每兩位叫呢個dinner set仲送一支300ml sake🍶師傅會每道菜都講解幾句，等我哋知道自己食緊d咩嘢，唔洗食完都唔知食咗d咩🤣今次食咗嘅item:- 茶碗蒸（入面有魷魚仔、帶子）✨- 小柱+水雲- 北海道毛蟹肉- 熟成吞拿魚刺身- 長崎生蠔刺身- 白身魚&象拔蚌刺身- 鮟鱇魚肝最中餅✨- 煮魷魚- 炭燒帶子✨- 天婦羅（白子、粟米、番薯）- 梭子魚壽司- 燒吞拿魚腦天- 鳥貝壽司- 中拖羅壽司- 大蜆壽司✨- 赤海膽壽司- 黑鱸壽司- 醬油漬赤身壽司- 鯖魚卷壽司- 玉子燒✨- 海鮮湯- 甜品：綠茶雪糕mochi最中餅✨數數吓有22樣嘢食🤭Menu入面好多都係我第一次品嘗嘅美食😋而且全部都好新鮮、好好食💯師傅話每兩至三星期就會轉一轉menu，換吓時令item嘅同時又保持吓新鮮感，今次好食嘅item下次未必

今次叫咗2個set lunch，1個係A5和牛壽喜燒（$498），大大塊牛肉，雪花好靚，點埋蛋汁食好滑溜。底下仲有好多菜，索埋d湯煮到好冧好好食另外仲叫咗8件壽司定食（$288），入面有我最鍾意嘅海膽、拖羅同帶子，食落好鮮甜，唔錯🤭坐近燒爐吧附近見到班師傅不停係度燒串燒，我都比佢哋吸引到，之後叫咗蔥鹽牛舌串燒🐮（$78），爽口彈牙，有炭燒香氣，推薦👍最後仲有呢個野菜沙律伴大閘蟹膏醬🦀（$198），價錢係有d貴，但有好大兜蟹膏同五顏六色嘅蔬菜，將蟹膏「筆」落去d蔬菜上面度食，感覺好邪惡但真心好食🥹今次食lunch餐廳安排咗窗邊位，出面就係超靚維港海景，加上天氣好好，最適合影靚相打卡💕如果夜晚嚟就更加正😝

假期約咗好耐冇見嘅朋友諗住搵間居酒屋 飲下酒食吓串燒chill下朋友本身推薦咗呢間嘅銅鑼灣分店咁啱冇位就過咗尖沙咀一出電梯即刻見到一個超靚嘅維港夜景即刻有種塞翁失馬嘅感覺🤩🤩————————————————————————睇Menu見到呢間居酒屋嘅價錢都偏貴 嗰日叫咗七樣嘢食 同埋幾款酒試下 整體食物質素都唔錯 值得一試1. 西京燒銀鱈魚銀鱈魚本身肉質就比較滑身 配埋甜甜地嘅西京燒汁 非常好味2. 鹽燒牛舌牛舌偏向厚身 食落Juicy彈牙 3. 明太子玉子燒呢度嘅玉子燒係甜味既 個人比較鍾意加埋白蘿蔔蓉同豉油 令到明太子同埋蛋香更加突出4. 三色壽司首先有新鮮嘅海膽 巨量吞拿魚蓉 仲有粒粒都非常飽滿嘅三文魚子 一口落去就係一個鮮字5. 豚肉芝士薯球呢個反而係咁多嘢食入邊比較普通既一款 冇咩特別之後仲有叫咗雞泡魚乾同埋清酒煮蜆 不過唔記得影相兩樣都係非常之好味 份量都OK就方面嗌咗一杯Fuji Mountain 非常易入口另外都嗌咗一杯梅酒 同埋一杯柚子酒酒精濃度都係比較低 好適合女仔小酌

去到訂咗枱又搵咗好耐都未見有，備註窗邊位置又無。😥終於入座，無人理，menu又無茶又無。😓舉手問侍應都等咗一段時間先有。😡😡睇完想落單又幾個餐都話無，然後入座前又無講。想食的幾款全部賣哂！侍應唔好意思都無句，一句就話無，然後就走開。😡😡其實呢間野定價都唔平，點解可以態度咁麻麻？其實職員數量唔少，都無人serve，配唔起呢個定價。仲要加一，明明咩服務都無。😡😡大家如果想要零服務可以去！🤬

讚1 卷蛋都算好味既 滑得黎夠濕潤彈1 大部份菜式都有進步空間，汁煮牛筋係硬身既 串燒係唔熱既 而且燒得好乾身 泡菜豚肉鍋上檯時真係嚇一嚇 就咁泡菜放係堆生豬肉上黎 連上湯都無滾起 然後個爐仲要無氣2 唔好食都可以睇景啩 但呢度啲玻璃窗污糟到一個點 望出去好似低清畫面咁3 嘢飲貴到呢 啤酒八九十蚊得平時既半杯 叫杯highball就連冰都得兩三粒茶記冰粒4 人金

攪笑地在WeChat - 影音號內看到由內地人推介這間可以睇住維景用餐嘅好去處，睇睇餐牌及食評覺得可以－試 🤔亦碰巧家姐、契妹正在想搵個地方同我預㊗️生日😜電梯門打開向左看已經見到－排很長玻璃窗，向前行便可以睇到無敵海景 😍 幸好訂位時有備註想坐近窗口，坐位對正中/上環👍🏽👍🏽👍🏽餐廳食材 👍🏽 價錢屬中上，但比咁嘅你不可挑剔😉美中不足嘅係：1. 員工不夠專業，忙嘅在忙，吾忙嘅企埋一邊傾計仲背向用餐區都吾望下顧客有冇其他需要；2. 用完正餐上甜品前只懂得幫你收走主食碟/筷子，並沒有替你抹－下枱面才放甜品碟，如果係－家小店我不會介意，但我相信「權八」定位並非走平民餐廳路綫，連shabu shabu 都幫客人煮冇理由連哩啲培訓都吾做🤔講下食評先 🤓前菜1. 宮崎豚肉胡麻沙律 $168 👍🏽👍🏽👍🏽豚肉－點都吾柴亦不膩，ok 好味2. 炸鮮蟹肉餅 $138/@ - 偏貴及有點失望 👍🏽 雖然有－絲絲🦀️肉但蟹味淡只食到薯蓉味，－定不會再 order 🙅🏽‍♀️🙅🏽‍♀️魚生1. 極上刺身拼盤 $768 內有中拖羅、金目鯛、深海池魚、劍魚腩、油金魚腩，帶子、牡丹蝦各2件，食材新鮮、大件冇叫錯 👍🏽👍🏽