櫻之亭和風日本料理 (已結業)

真的估不到第一次寫食評就要寫"差"的評語!食品不好還可以改!但店品不好,要改也難! -_-一間不知是否不老實或是太忙!忘記了要給客人真實價錢餐牌的食市"櫻之亭和風日本料理"深水埗福榮街114號地下!事因!同一款食物有三種價錢!門口餐牌$42入去坐低送上三張餐牌,有圖片嘅$45!無圖只有大量字嘅我無睇到,原來係左下角細細粒寫左$68!埋單時我才知!當然有問佢點解啦!佢話因依款食物係海鮮價所以會日日唔同!大家想知果款食物係咩嗎!蒲燒鰻魚四舊,壽司大小!我們的對話!我問:點解同有圖嘅餐牌價錢唔同!佢話:只係比圖我睇!我再問:點解圖係一條鰻魚,我得四件!佢答唔到!我又問:點解落單唔講佢:無言!向openrice再次確認之事實!"我可以向你們確認當日我進入該食市後,店員快速遞上三張紙式印刷菜單及一致兩張特價推介!但從沒有說明價錢有可變動!監於我們由門口的易拉架上看到的價錢與有圖有價錢的菜單只差數元,才不再細看有字冇圖的那份菜單!(ps我有相片做証!我會修改食評後再次提交)再者大家可以說他們是忙中有錯,但三个價錢在同一晚同一種食物上又可作可解.他們的解說是海鮮價所以會變,既然海鮮,點解不寫時價但我

福榮街一向是食街, 整整一條街已經有各式各樣的餐廳, 今次就嘗試了櫻之亭~刺身 - 尚算新鮮, 不過不失~壽司 - 飯比較少同細件, 壽司質素比較差拉麵 - 算是今餐晚膳質素最好的一個, 都算多配料, 可惜湯底不夠熱~最值得改進的是服務生態度, 語氣很差~~~

其實吃的話不算難吃，服務算是一般。可能這次只是吃過一次，而對於作爲廚師的弟弟而且吃遍深水步來説，他覺得就一般。不過這種價格就這種價錢~不能苛求太多。看上去三文魚還是不錯！我叫了是姜蔥牛肉飯。因爲隔了許久才來寫食評，我最深刻的印象是姜汁味道十足，而米飯是一般的珍珠米。我弟弟是這個，不過我忘記這叫什麽，應該是豬肉飯~哈哈哈（所以說不能太長時間才寫食評）

同一個遊歷完英國的朋友吃生日飯, 本來係去三上; 點知無開鋪!咁就盲踪踪入咗哩間日本食店, 食物係可以給笑臉……初時服務態度尚可, 侍應安排我倆坐上一張四人枱, 本來是well done!! 可惜…其後服務…….新鮮的刺身壽司生蠔三文魚刺身 (肥美)、活赤貝刺身 (爽脆)、帶子刺身 (賣相已very good, 味道超鮮甜)、希靈魚壽司 (爽甜)、象拔蚌壽司 (爽口)、北寄貝壽司 (未見過咁細嘅北寄貝)、吞拿魚壽司 (唔黏牙)、軟殼蟹卷物 (一般, 但賣相差了些)、生蠔 (淡味鹽味各二)還可以的熟食鐵板牛舌 (油膩了一點)、鮮菌雜菜鍋 (鮮味十足)缺貨或要狂追單的食物蟹籽沙律 (皆因青瓜正在運送途中, 差不多下單後半小時才上枱)、金菇牛肉卷 (原來無金菇, 在追單時才告知)、和牛刺身 (追完再追才送上枱, 無牛味先最弊)在我倆閒聊正盛時, 侍應竟安排一位食客坐在我朋友的旁邊; 嘩…..朋友個臉色一沉…..不過我倆都起碼二十分鐘後才離場!!如此的服務態度, D 嘢就算好食都要行遠一點!!!

是日放假,晚上搵左呢間野食啦,之前見佢幾平都想試下嫁啦叫左D壽司啦,有D係有蒜既好攪野,但係食得出係係唔知咩李X記O個D-O-壽司OVERALL一般魚生飯OK,都新鮮幾,但D魚子好甜,唔知咩事-.-烏冬好唔掂,油到喊三文魚OK!唔錯但計番價錢,2百幾蚊,都唔錯BOR

工作令我極度疲累,所以要食得好一點,深水埗要食日本菜有下午茶的不多,所以簡一間最近公司的。一入門,店員有禮地講歡迎光臨(都是不準確的日文)反正街坊生意吧,可接受~本應想叫特價下午茶,但見餃子鍋物未試過,4隻餃子先炸,略油,湯底奶白色,可口~鍋裡有大量娃娃菜同茹,好健康的感覺,御飯,不是用日本米,但不太淋,醬汁偏濃,撈飯一流~P.S其實整體上唔係咁差,下次會再去30蚊一個SET宜家好少有~

昨晚和男友一起去吃這一間店，一入到去，不用等位，找了位置坐下，叫了宵夜套餐，我叫了鮮菌豬骨湯底鍋+wu 冬+三文魚刺身+凍檸荼男朋友叫了豚肉麻辣鍋+飯+味噌寫蜆+熱檸水食物上菜速度幾快，至於食物方面，我自己的鍋物份量很少，三文魚刺身只有薄薄2塊.....凍檸荼沒有檸味(我們已把檸檬督到穿都係無檸味...殘念)而男朋友的，豚肉的數量不多，其它也還可以。p.s.看見做廚房的是2個後生仔，真年青有為!!

西貢徑步過後, 轉戰到鑽石山睇戲, 夜晚再去黃金shopping, 途經聽到一店以$3 三文魚壽司做賣點, 因為飽飽地o既關係, 諗住求求其其食幾件就走人, 點知坐低睇到個餐牌有更多吸引抵食o既嘢, 但之後就…生牛肉刺身 ($38) - 賣相雖然唔錯, 但牛肉無牛味, 要出動蒜頭嚟吊味美國生蠔 ($48/4隻) - 蠔好大隻好鮮好creamy, 同出面酒店有得揮, $12一隻絶對超值三文魚手卷 ($10/2個) - 迷你手卷2,3啖食晒, 飯比較爛, 好彩我志在食紫菜啫蒲燒鰻魚 ($45) - 鰻魚又乾又脆完全唔掂, 從未食過咁難食o既鰻魚, 應該用微波爐叮過囉, 汁又好咸喎 !!! $45 實在太貴 !!!鹽燒三文魚骨 ($18) - 又一微波爐傑作, 三文魚有少少乾, 比起鰻魚叫好些少無加一2人共消費 : $160

今日去左呢間舖頭食lunch, 叫左一個壽司餐, 刺身餐同鰻魚飯餐,先o黎三杯餐飲, 一杯凍O水, 一杯凍咖啡, 一杯凍鴛鴦,O水我就覺得無問題, 但點解杯咖啡同鴛鴦係一樣味?重要帶點酸??最後大家試左一啖就唔敢再飲.......跟住o黎左碟壽司, 得一隻豉油碟就無其他, 我地明明三個人, 唔係應該比三個人份量咩?或者佢地以為衹係其中一個人食, 咁無問題, 我地就問佢地可唔可以比多兩隻碟我地?點知佢地話ok, 但轉個頭一隻碟都無........好無奈, 算啦~或者佢地忙到唔記得左都唔定~!我地就唔理, 照食, o的壽司基本上我覺得唔錯, o的飯味道都幾好, 不過我覺得好似實左少少~跟住再o黎刺身, 好厚, 都幾大件, 食落口, 唔錯, 基本上每款都都覺得幾好!跟住再o黎鰻魚飯, 件鰻魚.........有點兒腥..........重幾多骨, 我就唔多喜........, 但個飯o的味都唔錯~! 算係互補不足~!哈哈!!最後叫多一客炸蠔, 我就覺得......一半半啦~!食完晒感覺如果呢間舖頭衹賣生食物, 不做熟食及飲品的話, 應該會更好!

今日早左食晚飯,人在九龍,本身正常會去旺角...不過始終為左唔想等位,唔想迫人起見,最後擇左距離旺角唔太遠嘅,但無咁旺嘅 --------- 深水埗~適逢菲律賓事件,黃金商場一帶,一大場堆藍帽子看管住街邊狂煲新聞嘅市民....就個人而言,唔係唔關注,只係認為,大雨滂沱,有無於街上睇電視嘅需要呢?屋企又唔係無....不過香港人....係咁ga喇....我自己都係一樣,見人寫食評,自己又想扮下食家,未就係咁low....始終第一次寫食評~真係多多指教言歸正傳...去到深水埗,先6:30p.m.左右,見無咩人,倆口子行左半圈,最後比櫻之亭"抵食"傳單吸引,所以入去光顧,光顧!一入到去,都係例牌聽到句:"二 Sum 賒",客人唔多,不過仲早,正常...反正我最怕人多要等位....格局一般,無咩特別,呢個價錢,都係意料中事~肚仔餓,先打特價餐牌嘅主意....先後叫左:<三文魚手卷(2件) ~ $10> *特價餐牌普普通通,無咩特別,d三文魚有d係筋位,食落有d韌...不過真係好平就真!<三文魚刺身 (半磅) ~ $32> *特價餐牌於非特價餐牌守惠顧滿$50,先

放左工同男朋友想食日本野, 見門口個侍應幾熱情, 又見價錢唔太貴, 就入左櫻之亭啦~一睇個餐牌俾2樣野吸引左~ 1. 食滿$50可享用$32半磅三文魚刺身 (但一定要綠色紙上面既野食, 唔可以係order特價定食) 2. $3一件三文魚壽司 (每人限叫6件)於是我地叫左個串燒拼盆 ($68), 半磅三文魚刺身 ($32), 滑蛋鰻魚飯 ($4X), 4件三文魚壽司 ($12)~1. 先來三文魚刺身, 共8片~ 無筋, 入口唔錯, 差在無冰上~2. 之後係三文魚壽司, 幾細件, 飯有點硬~3. 之後係滑蛋鰻魚飯, waiter好好咁慢慢幫我地搬好臺上既野, 因為有一大碗滑蛋鰻魚, 一碗飯, 兩小碟伴菜/前菜(?), 一個面鼓湯~ 滑蛋鰻魚好多汁, 撈飯唔錯~ 飯上面淋左少少鰻魚醬油同芝蔴~4. 最後係串燒拼盆~ 有雞翼x2, 茄子x2, 番茄片x2, 冬菇x2, 帶子x2, 鴨胸片x3, 豬脷(?)x2, 一串雞(圓)骨~~ 份量比相像中多, 最愛茄子同雞翼~最後埋單$159~

本身有好幾間野都未打....但系呢間甘的餐廳我真系無辦法吾打出黎鬧下....同男朋友向高登買完野,兩個人好肚餓甘去找食...但系吾知食咩好的情況下,就見到呢間野....開頭研究試吾試好....但系一試真系嬲爆~!!!!入去果下好熱情甘問幾多位,諗住服務幾好....點知點菜的時候,問下果個叫做<雜綿酢札>的沙律即系點的沙律,個女人竟然答我地 (咪即系沙律囉~!有咩料咪就系咩都有d囉!總之系沙律啦!)呢d 咩態度黎架~!?甘我地算啦...諗住嗌野食...個女人已經走左...!?但系根本間野入面都無人叫佢~!!!但我地叫第二個,點知又系未叫晒野食就走左去同其他同事傾計~!?野食黎到,諗住拎.....點知吾小心掃低左支豉油.....甘我都即刻同佢地講吾好意思啦.....點知個男經理仲要啤我一眼先拎布抹台同一路抹一路啤囉!!!!仲要入去拎地拖果下同其他同事講,其他同事仲要大大聲聲甘講話 (下!?佢仲倒灑豉油?吾系呀化?有無搞錯呀!) 果下我真系嬲到爆了~!!!!我自問都對他們好禮貌同容忍左佢地好耐的了!!!我問個沙律系咩有咩錯?倒灑豉油我知系我問題,但系我都講左吾好意思啦!佢地仲

行過深水埗, 是但找間餐廳食dinner, 入左這間櫻之亭叫左一碗軟豬骨拉麵, 一碗餃子拉麵, 一份焗蠔等待時間都比較長.....食物上枱了, 一睇湯低就心感奇怪...d 湯好淺色, d 麵食第一口就想吐返出來.....好似d 麵放左入水洗完咁......好明顯d 湯係加左好多水......難食到想死, 講比個經理聽, 佢入去試左下d 湯, 出來聽到佢同d staff 講真係幾淡wor.........d 蠔細到以為入面得芝士冇蠔........最過份係我飲杯茶, 飲到尾我先見到杯入面有一大張紙, 我問個經理....係茶包定垃圾來ga....佢只講換過杯比我我地兩個人比左90幾食餐咁我野......

前幾日同同事去完美孚..坐巴士落深水埗食LUNCH..見到門面幾好就入去` 坐位令人坐得唔舒服..叫左D壽C,10分鐘就上枱.. 一夾D飯就爛= ="飯又硬.. 都唔知係咪放左一晚﹗再叫左個拉麵,冇拉麵轉烏冬= ="D麵煮得太老,,冇口味..D雞扒又凍又唔入味﹗唔係方便就手都唔入去食﹗下次都唔會再食呢間。

曾經有次黎過呢度食野,可以接受所以今日同表姐行完鴨寮街就帶左佢黎呢度食野餐廳佈置都係唔講咁多,總之坐得唔舒服...等野食ge時間偏長...不過仲可以接受...因為仲未燥底...先黎優惠價$32半磅三文魚刺身...大約9片...但好似唔夠半磅...不過我唔肯定...冇乜留意過半磅三文魚究竟有幾多...但食落唔多新鮮...之後黎ge壽司最失敗...今次d飯係熟ge,但一食落口好似咬緊舊泥膠咁...痴牙到顛左...而且飯食落係一舊,食唔到一粒粒米ge感覺...超差仲要完全食唔到醋味...究竟有冇落醋??吞拿魚壽司味道可以接受,舊飯已經拖累左吞拿魚就唔洗講...吞拿魚切得太薄,薄到爛,睇相就知...海膽拌帶子壽司...接受...撇除泥膠飯同未乾紫菜...海膽拌帶子係好食,食落d海膽ok...有興趣同order海膽壽司...不過見到d飯咁,最終都係放棄...但張相同實物完全唔同ge??...i am sorry...我唔記得影menu張相...再黎4隻石蠔,賣相好吸引,但原來食落係另一回事...至今我覺得冇鮮甜味,又唔係脆,但又唔係creamy...我表姐仲要話d蠔好腥...食完有少少想嘔...