櫻之亭和風日本料理 (已結業)

上星期六去食dinner，因為果條街好多都試過，今次就試o左呢間~~ 但係好失望！一入到去就有位，唔駛等… 但果陣係七、八點食飯時間喎！Service 都算ok，伙記都算有禮貌。兩個人食左 $197，價俴唔算貴。我地叫左：七客壽司 (火炙三文魚、吞拿魚、劍魚、玉子、北寄貝、三文魚籽軍艦，蟹籽軍艦)、一客燒多春魚、兩客三文魚刺身、一客牛肉火鍋跟飯。壽司完全唔得......火炙三文魚：塊魚太簿，燒到成塊熟哂。劍魚：好大陣草腥味，來貨唔得......三文魚籽軍艦：呢個最唔掂，魚籽少又唔新鮮，未擺入口已經爆哂，一pat 野咁，仲要 $35一碟，超唔值！蟹籽軍艦、北寄貝、吞拿魚：比較ok玉子壽司同三文魚刺身一樣，似十蚊三件的壽司o既料一樣......三文魚又簿又唔新鮮......牛肉火鍋跟飯：牛肉浸左一陣就勁韌，湯唔夠甜......燒多春魚：五條得三條有春，可能一早就爆肚，漏走哂o的春......一句講哂，唔會再去......

好耐之前食過,覺得好食同好掋,因為搬咗去屯門,所以成2年幾無嚟過,今日專登同男友出嚟食,一去到有位,咁坐底叫野食啦,好想食燒雞亦,因我試過係其它曰本料理店叫過,但佢地唔係生燒嘅,而係滷過水熟哂,有人要先係咁Ｅ燒一燒攞出嚟,所以我問定個女侍應係唔係生燒,点知佢答我佢都唔知道,要問下先,跟住佢答我佢好忙,叫第2個同事幫我問,伹佢係好有禮貌,咁到全場唯一一個男侍應嚟到,佢態度勁差,無禮貌之餘仲要係度大大声問壽司吧個男人Ｄ雞亦係咪生燒架:無嘢下呀,全場都聽到,你自已覺唔覺得淤呀,當時我諗,係都係問廚房啦,点會問壽司吧嗰個人呢?講真,係度做基本對店鋪所出品嘅嘢都唔識,唔知,咁唔掂架喎,其實全場Ｄ女侍應禮貌上都ok,直覺上好多係新嚟做嘅,因佢地好亂,但人手係相當足夠,唯獨呢個唯一男侍應,我希望呢間鋪嘅老細會有上嚟睇到,會有跟進,講返Ｄ食物,個雞亦真係生燒,嚟到枱面飄來陣陣香味,好好味但壽司真係細件得濟,其實我同男友都覺得食物好味同掋食!

今日同朋友去左櫻の亭lunch入到去比人ge感覺都尚算唔錯.有歌聽我叫左個-$50.另外2個朋友叫左-$36&-$32汁煮豬軟骨幾好味.和風牛肉飯就唔夠味上菜慢左d~但可以接受.櫻の亭定食有前菜,3種魚生,total7件.4件天婦羅.,炒飯.仲有跟餐ge味噌湯&飲品前菜...唔多鍾意...d魚生切得夠薄~而且味道唔錯.其中3件係三文魚.4件天婦羅.得1件係蝦.但都幾好味.d炒食過於普通.整體黎講~除左貴左d.都唔錯ga啦

夜左放工, 便入去試下個宵夜餐, 咁岩又就岩個朋友一齊放工2個人點左:三文魚刺身 - 唔夠新鮮, 而且好薄蔥吞拿魚腩軍艦 - 同平時食開既唔太相同鹽燒牛舌 - 不過不失什菜天婦羅 - 款式較少, 而且唔夠脆宵夜餐: 炸雞軟骨粒 - 尚可以泡菜牛肉鍋 - 不過不失, 勝在夠多菜烏冬 - 太稔單講宵夜餐幾抵食, 1個餐已經可以食到好飽, 加上唔使加一而服務態度尚好, 只係個男仔語氣略差不過如果想食好味既日本菜, 呢度唔係推介既地方

終於第一次嚟到呢到食lunch因為平時下晝嚟親都full 哂人好難得下終於嚟到喇﹗﹗難得嚟到呢度食嘢梗係搵下有咩特別先食啦~礙於時間關係我好快就點咗佢哋呢度o既「櫻之亭定食」同事們就點咗海鮮拉麵同埋豬軟骨拉麵仲有魚生飯同埋豬扒飯都算上得幾快d 拉麵本身就跟兩件卷物不過味道一般其他o既都送埋麵鼓湯最快到o既係海鮮拉麵睇落都幾多料d 麵就唔知o 唔ok 啦跟住個豬扒飯都幾好賣相但係似乎乾身咗 dd跟住就到賣相麻麻o既豬軟骨拉麵不過聽講都ok 唔錯喎最後先到我客定食佢本身有三種刺身三文魚﹑吞拿魚同埋油甘魚(似係油甘魚?!)雜錦天婦羅+ 炒飯+ 炒芽菜(唔match?!)我唔客氣啦﹗先食刺身, 吞拿魚唔夠厚身, 同埋冇咩鮮味疑似油甘魚真係冇咩值得好講唔得…三文魚都好番d, 有d 脂肪紋睇下, 都幾好炒飯用番d 日本材料如鳴門卷嚟炒較乾身, 但略嫌淡雜錦天婦羅就要讚下因為我好怕食到成口油呢度比較「薄粉」炸出嚟都好少油, 連張紙都吸唔唔到咩油好食好食…(如果再熱番少少)最後麵鼓湯就係非常凍啦冚住都好凍…e~~整體嚟講都ok不過下次再嚟就試下d 壽司啦﹗

叫左.... 三文魚刺身+ 叉燒拉面+ 燒尤魚筒+ 什錦炸物因為友人已經食過晚飯所以叫左比二人分量為少一點的東西三文魚刺身.....十幾蚊一客....算係咁....起碼都算厚肉同新鮮叉燒面都幾差.....d面仲係好似面粉咁.....叉燒又鞋.....尤魚筒....如果唔係自己點...都唔敢想像佢係燒出尼的因為成條係凍的....仲要係由佢個心度凍出尼.....差d凍過d 魚生......什錦炸物......唉.......都唔知佢呢樣衰咩.....only 識得用"唔好味" 尼形容佢平就平....但係d 野唔好味....加上佢有個男性員工係度懶醒....點野食佢又唔會寫低...only用腦記低就算....搞到漏晒單.....好彩係隔離漏....而唔係我漏....哈哈~~呢間野....去一次好喇

星期五夜晚, 返完夜學後, 同老公走噃嚟櫻之亭食嘢, 其實好耐好耐之前都嚟食過一次, 都覺得佢啲嘢 OK 架!我哋一人叫咗一個湯鍋套餐, 加多碟三文魚, 好豐富呀~~~我叫咗辣酒湯底豚肉鍋, ok! 不過覺得唔夠辣, 但係就勁多餸, 成個底都係菜添!配拉麵, 個拉麵細細碗, 都ok, 唔太差又唔係好好咁啦!老公就叫咗地獄湯底牛肉鍋, 都係勁多料, 但又係唔夠辣, 同埋食唔出同我果個有咩大分別......老公就配白飯, 又係細細碗, 不過都夠食, 同埋啲飯都OK, 唔差既!至於小食老公就叫咗「鹽燒雞翼」, 呢個上次都食過, 真係幾好味架!仲有成四隻咁多, 抵食喎!!而我就叫咗「炸三文魚骨」,本來諗住叫雞軟骨粒, 但錫錯咗......不過都幾好味既, 幾厚肉, 炸得幾靚仔!仲有跟餐一人一杯熱華田, 一個湯鍋餐有咁多嘢食都係$34, 個湯仲要幾大鍋, 真係超抵喎!! 另外叫咗碟三文魚($18), 不過得六片, 到喉唔到肺咁,同埋質素嘛嘛哋, 我諗下次都係唔好嘥呢$18 啦!仲有啲壽司, 不過唔叫啦! 實食唔晒!呢度仲有好多嘢食架~~ 價錢都唔算太貴, OK 啦! (二人套餐$188/$208

前排與好友行街,之後就去疽e間野食晚餐我就叫左個金菇肥牛定食,d菇超香超好味50$朋友就叫左魚生飯,有蟹子同三文魚同埋海膽海膽份量少左d,味道不太鮮,整體都算ok 70$之後叫多個清酒豪煲,得3隻豪,仲要超細仔,咁就70蚊真係超唔抵,唔建議你地試e個之後叫左d刺身,40$,好平,算低食老闆娘態度幾好,不過d位細到死..多人去都係唔建議

兩個人叫了一客三色刺身、一碟辣炒蜆、軟骨餃子、焗帆立貝、數客sushi。刺身：唔新鮮，不過很厚身餃子：ok，餡料足，皮薄帆立貝：配料的配搭很怪...sushi：最好唔好叫其實食落o既味道係oko既，只係唔好expect 係好正宗o既日本菜lor

前幾日來呢度食午飯order左野菜雞肉火鍋+白飯($26)凍飲+$2個湯底幾好飲但配料只屬OK份量中等環境都唔錯

晚上九時半開始有宵夜餐,跟同事放工去食$34元有小食+鍋物+拉麵/烏冬+熱餐飲, 抵! 小食: 薑汁豚肉惹味,雞軟骨亦有嚼口,不太硬鍋: 大家選了野菜鍋,餃子鍋,野菌鍋,鍋中有很多菜不過拉麵就太稔再另外叫了壽司(無特價),原來好細件,一碟兩件,三文魚($8)不太新鮮,鰻魚(好像是$16)雖然幾好,但太細件,價錢頗貴食物質素不是太出色,若不是宵夜餐較平的話,以正價去食便不值了食宵夜傾下偈至十二時都無人趕,環境亦不太嘈,都不失為一個聚會的好地方(九時半點宵夜餐,但選擇不多,因好多款都賣光)

試過滑蛋豬扒飯.D炸豬扒,蛋同飯係完全分開煮的.飯上面放煎蛋再放上炸豬扒.(真係奇,唔知其他人試過,是否也是一樣的呢?_?我以為蛋是包在豬扒上的......)炸豬扒的炸粉好似好奇怪咁.我唔知點講.總知D粉炸到爛熔熔咁.味道方面:真係令我明白,why個到咁易搵位.......Service嗎:一般茶餐廳服務都有囉.仲想要D乜o庶. XD

晚上十一時，看見門口有宵夜餐之大型廣告牌便入內，坐下來要開口問他，他才給宵夜時段的點餐紙。(分名是想客人點貴食物)一個宵夜餐有1)餃子鍋拉麵-ok la.(得三隻餃子)2)薑汁炒豚肉-很惡劣(不似日本料理的味道，汁很水， 不是炒的，是水煮。味千拉麵的薑汁炒豚肉比他好味 十倍)再點$46元正價的軟殼蟹反卷，難吃到極點，軟殼蟹是冰凍的，反卷上的蟹子少到死，反卷是應該完沾上蟹子的。我叫一個話得事的女人來，她解釋軟殼蟹是新鮮炸起的，剛剛較多order，師徙來不及包，軟殼蟹放桌上便涼掉了。(說完後，她便急急腳自己走開)最後我叫小妹妹買單，請她取消軟殼蟹(因我只吃了一口便吐出來)，那話得事的女人知道了便說剛剛我沒有向她要求取消。最後她有取消光軟殼蟹反卷，我永遠都不會進入此餐廳。有誰想吃冰凍軟殼蟹反卷可一試。

是日lunch時間沒甚胃口，原本打算買sushi回家食的，經過此處被menu及不用加一吸引，就拉了男友進入。小店子環境一般，我們只order了一個牛肉鍋+一個三文魚手卷。(沒胃口嘛)先來了三文魚手卷($10)，不過不失，但三文魚不算很新鮮。牛肉鍋($32)要了地獄湯底，有一個飯+餐飲，我平時都不食得辣的，好在有飯中和一下。牛肉份量也算足夠，但配料只有一條金菇和十多條大白菜，略嫌寡了些。味道與價錢成正比，平平地食一餐也無妨。

最近有一晚與男朋友分別點了"泡菜牛肉"和"泡菜雞肉"定食，上枱見到｢泡菜｣居然同肉一齊抄！所謂｢泡菜｣其實根本是加辣的日式炒雜菜，弄得水汪汪。我真係未曾試過熱食泡菜．．．定食例牌包括麵豉湯、前菜，獨欠甜品。