檸檬車露 (已搬遷)

一直都見好多朋友嚟到澳門就一定會嚟呢間打卡食雪糕，依家天氣咁熱，即刻比藉口自己整返杯雪糕先。落單之前都可以試食吓先嘅，不過好多人就唔敢試多兩隻味啦。我分別點咗香蕉榛子味同埋金莎朱古力味，大大球好正。不過天口熱都溶得好快，要食得比較急。香蕉榛子係因為我好鐘意果仁類嘅嘢食所以點嘅，唔會話好甜，甜度對我嚟講啱啱好，都食得出兩者嘅味道，同埋都好夾。金莎朱古力就相對偏甜，佢有加好多脆脆同朱古力薄片增加口感，我都幾鐘意。爸爸就點咗Ｍojito味嘅雪糕，試咗一啖之後覺得好清新好fresh，尤其係咁熱嘅天氣食返啲清爽啲嘅雪糕會好好多！不過我自己覺得食過一次就夠，未必會再去食，因為定價都真係比較進取，消暑嚟講有少少太貴了。同埋如果要排隊我都未必會食。…查看更多

唔知道幾時可以再去旅行？由香港近近地去一轉澳門已經可以好開心，每一次去到澳門都會帶俾我唔同嘅新鮮感！對上一次同朋友一齊去澳門玩咗一日，即日來回旅程難忘愉快，嗰日去咗一間意大利手工雪糕店 — 檸檬車露，雪糕唔單止好食而且非常之IGable❤️雪糕雙味：彩虹 + 檸檬車露 MOP$35/筒不愧為連續四年獲得米芝蓮盛譽嘅澳門雪糕店，價錢親民得嚟店員都好親切，揀選雪糕之前可以試味，我嚟雪糕店之前已經做好research，一定要食彩虹口味嘅🌈 試埋味道之後就二話不說揀咗彩虹味同埋跟店名一樣嘅招牌口味檸檬車露🍋我揀嘅呢個組合係啱啱好兩種味道取得到一個平衡，彩虹口味嘅雪糕未食已經打定卡先，真係好夢幻好靚，好有獨角獸顏色嘅感覺，味道係雲呢拿棉花糖味，鍾意食棉花糖嘅我十分之鍾意呢個口味🥰 再加上檸檬車露口味嘅雪糕，入口酸酸咪咪好清新，食完甜味嘅雪糕再食酸味嘅雪糕味蕾嘅刺激感就好似坐過山車一樣咁好過癮，大家真係可以試吓！好欣賞所有雪糕嘅味道都好天然，唔係添加化學香料，同時間雪糕非常之細膩棉密係真材實料Gelato🍦…查看更多

呢兩年都冇嚟過澳門最掛住嘅其中一個地方就係呢度原來佢已經攞咗連續四年米芝蓮推介雪糕口味都有多咗今次一樣叫咗充滿檸檬味嘅signature 檸檬車路！仲帶咗一款新口味 Black Mango唔知係咪色素但係芒果味唔會話太假原本只係諗住影相靚啲，對平時食芒果味嘅我來講都幾易接受…查看更多

雖然未到夏天,但天氣都已經覺得熱,係澳門大三巴行街買嘢之外,都仲有唔少小食同甜品可以選擇.呢間手工雪糕店係門面就掛住米芝蓮banner,店鋪唔大,冇提供座位,雪糕口味都係水果較多.店鋪比較好嘅係有得試味,尤其對於有選擇困難症嘅人嚟講,可以試下想食嘅味道再決定要邊种口味.雪糕可以揀杯裝定甜筒裝,今次試咗草莓芝士同Black mango,兩個味道都唔錯.份量都幾多下,雪糕口感都幾順滑,香味唔會太重,整體價錢方面都可以.…查看更多

去旅行就要有旅行嘅心態，喺街行行下自不然會想買杯雪糕食。見到間好多人食緊嘅，於是乎就入去望下發現好多種味道，心癢癢就買咗杯嚟食，今次嚟到「檸檬車露 LemonCello」。三球甜筒杯：檸檬車露、椰子、紅蕃石榴其實正確嚟講我喺買咗2球甜筒嘅，不過店員話加多隻紅色（紅蕃石榴）俾我，色彩繽紛d，食得開心d。檸檬車露應該喺佢地嘅主打味，但老老實實真係食唔慣，因為真係超超超超超級酸，真係酸到五官都扭埋一團😖😖😖😖。鍾意食酸嘅朋友仔，可以試下。椰子味我就覺得非常好食，唔會太甜，有陣椰子嘅清香。可能因為同檸檬車露嘅對比太強烈，令我覺得椰子味完勝一切😂😂😂。紅蕃石榴都有酸味，因為俾檸檬車露嘅酸味嚇襯，所以無用心去食個紅蕃石榴，😅😅唯有下次再嚟認真試下。…查看更多

見到好多人都推介檸檬車露, 決定要試一試(*地點 : 往大三巴方向的一條橫巷)店舖內有多款口味雪糕選擇, 差不多有30款當中亦有不少特別口味, 例如黑芒果味, 顏色黑黑但味道卻是芒果味。 (不過拍照就不太美觀喔)我叫了彩虹+芒果味(正常黃色), 雙球$35。彩虹味當中有軟糖, 甜甜酸酸的很不錯。而芒果則淡味道, 我比較喜歡濃味道的…查看更多

唔係成日去澳門，但每次去澳門都會嚟呢度，估唔到當日無意中發現嘅小店原來係米芝蓮推介初初唔知佢搬咗新舖，仲走番去原址...好彩有個店員帶番我哋過去，原來只係搬咗過隔離街店主好nice，好大方咁任我試，最後揀左紅蕃石榴+西柚，兩種味都酸酸地，好fresh，啱晒食足全日嘅我用嚟解膩雪糕幼滑又唔會太甜，仲保留到原有嘅果味除左好多唔同生果味之外，仲有豆腐、金莎、益力多、Mojito、薑汁等等嘅特別味道，花多眼亂，揀下食咩味都需時…查看更多

再接再厲，檸檬車露在米芝蓮指南中街頭小食依然出現 難得近年新設這項目，將定價平民的街坊滋味都冠上「米芝蓮」的頭銜 雖沒有星星照耀，但是單與這名堂有關就已經備受注目，也是讓人聞名而至的原因 這次來到半島這邊，剛好可以來到觀光區，位於大堂巷的本店 其實去到氹仔都依然可以找到Lemoncello的蹤影，銀河及地堡街均有分店 檸檬車露主打意大利手拉雪糕，也有雪糕相關製品，如雪糕蛋糕及雪糕月餅等 口味眾多，近三十款可選，不論是基本或加錢升級的款式都不馬虎 再者，有聞雪糕是每日新鮮製造，不會有隔夜貨的出現，味道保持最佳狀態 既為人氣熱捧的店家，而且獲得米芝蓮團隊的注意，就算不是天上之物，也定非伏點吧？ 食雪糕就愛配甜筒配窩夫裝，這次意外地遇上了合眼緣的薑汁玫瑰 對於薑汁口味的表現，加上是以奶香悠然的意式雪糕，不會期望有多淋漓盡致 怎料舌上那一陣一陣淡辣的清香薑意，配上不至膩的甜度，可口得很 玫瑰雪糕味道不會太藥水，實為玫瑰水的深沉幽香，外表卻是對比性的粉紅少女夢幻色調 而家人選的則是清新的椰子番石榴組合，夏日炎炎的消暑良方 早有聞檸檬車露的椰子雪糕也不錯，而其椰香確實也自然而濃郁，並有點點椰絲出現 提起椰子雪糕就會想起另一家著名小店，未曾一嚐，但專做一範應該再可口加倍 至於番石榴的果味甜美清香來得更為合意，冰感不重都可以頓時透心涼…查看更多

我每次黎到澳門，不得不吃既係lemoncello 既雪糕🍦 行到成身汗熱到死，雖然而家周街都有雪糕食，但我最推薦既都係lemoncello!入到門口，已經眼花繚亂，各色各樣的雪糕比你揀。店員見到你入黎都已經即刻比唔同味你試。檸檬車露味就每次必食啦，今次試左番石榴味，十分推薦！佢同想像中既番石榴味唔同，比較酸但味道好清新😋 雙味夾埋檸檬車露真係好正！Lemoncello 一樣都係有筒同杯揀，不過佢既雪糕，尤其檸檬車露味都溶得比較快，我就鐘意用杯多啲😋 單味MOP30，雙味MOP35，我就覺得真係好值得食！🤣…查看更多

由中學食到而家, 一開張就有ge黃色呍呢嗱雪糕,或者已經冇左ge白朱古力味雪糕,近期少少ge薑味雪糕,最近期我食過最有驚喜ge鹽味花生雪糕,佢實在有太多味可以簡,而且佢仲可以比你試食, 食到係有1個味覺得ok先order, 佢都算係澳門第1間可以試食ge雪糕店,呢個service我真心鐘意!!!!…查看更多

🤓🤓過大海❗️吃貨怎能不把握機會！密食掃街🤗是常識吧！呢間其實食過一次啦！但係黎到澳門就掛住呢間野所以就食多一次囉▫️🙆🏻‍♀️檸檬車露意大利手拉雪糕店話係澳門第一家提供意大利雪糕既鋪頭！而我就去咗呢間玫瑰堂旁邊嘅分店☺️超多種口味的啦 ! ▫️💁🏻‍♀️▲ 單種口味的話是MOP30▲ 兩種口味的則是MOP35 ▲若是特別一點的口味的話還要再加$5我叫左👉🏻金莎朱古力及士多啤梨乳酪兩味雪糕雪糕推廣是較為輕盈健康，🤩低脂無負擔！我食落個口感似韓式冰沫✨🍓士多啤梨乳酪味雪糕味有陣果香同乳酪酸香，唔算好濃味但係甜度都覺得好足夠😊🌟金莎朱古力係鎮店之作😎加5蚊但我認為係必點，香滑濃郁既朱古力味，食落啖啖都有金莎碎，勁脆！甜度適中，勁讚…諗唔到食咩味？放心!可以試食架😌▫️我就幾喜歡呢間雪糕店！ 因為香港都仲未有類似嘅鋪頭！…查看更多

雖然早已知道「檸檬車露」是澳門最有名氣，最多人認識的雪糕店之一，但多年來，雖然自己每年總有一兩趟過澳門遊玩上一兩天，但始終不曾幫襯過它，直到最近的一次訪澳，才終於嚐到。這店子的雪糕款式可真是挺多的，使人有點花多眼亂的感覺，幸好好客的老闆可以讓我在購買之前先試試不同口味雪糕的味道，讓我可以輕易找出這次的心水。始終是第一次光顧，招牌「檸檬車露」是必然的選擇，而在兩款一較甜一較酸的「蕃石榴」和「紅蕃石榴」口味中，我就選了味道較甜的「蕃石榴」與「檸檬車露」搭配，好讓味道帶甜的「蕃石榴」中和一下「檸檬車露」較酸的味道。兩款口味兼收並蓄的效果，是既清新醒胃，又香甜味美，幼滑的口感，鮮果的味道，為我這個在澳門街頭閒逛的遊客增添更多的動力。 雖然「檸檬車露」名氣不小，在「檸檬車露」旁邊有一檔由日本女士主理，與它剛好打對台的雪糕店其實與「檸檬車露」一樣在近兩年都獲得米芝蓮的推介，正所謂不是猛龍不過江，下次過澳門都可以試下呢！…查看更多

[ 澳門🇲🇴| 米芝連級Gelato🍦]••第一次同男朋友去澳門，佢好堅持要去食呢間雪糕🍦個時夏天勁熱，行到身水身汗💦勁唔高興心諗呢間有咩咁特別呀😩最後每次去澳門我都要食一次👅-🔹Gelato雙味($35)⭐️8/10我每次必揀既西柚味😍酸酸甜甜，好好味！黑加侖子就比較甜🍇男朋友就每次都揀檸檬味，我就覺得太酸，仲有粒粒檸檬🍋我建議揀生果口味，因為果味非常突出，好似果汁咁👍🏻冰感重，夏天食就最正😋🍦☀️-🔺自從上左米芝連之後，成間店都勁多大陸人，好似要爭要搶咁先買到👹💢---…查看更多

點解黎到澳門都要食雪糕? 仲要係 gelato? 究竟有咩咁特別? 其實我地係沖住佢個米芝蓮推介而黎!! 咁一定要試下啦!佢位於大三巴附近, 好易搵到架咋! 入到去, 見到好多隻味, 即刻心心眼, 好多味都想試呀！呢間好大方咁比我地試咗幾隻味, 等你試清試楚先決完買邊隻, 唔洗食食下後悔嘛! 我地試咗幾隻味之後就決定咗買豆腐味🍦同香蕉榛子味🍌! 佢啲雪糕都幾幼滑啲味道都好濃郁, 甜得黎又keep 到佢食材嘅味道!另外佢最出名係檸檬車露, 酸酸地幾開胃, 而眼見亦都係最多人叫嘅一款!當我地叫完之後先發覺, 隔離有間賣gelato嘅都係米芝蓮推介架! 試過隻綠茶味都唔錯, 不過啱先食完杯食唔到第二杯喇😭…查看更多

早前！在10月中，我跟三位好姊妹去澳門滋味遊！ 我們先到美高梅附近的多元化麵包店 <自由咖啡 Cafe Free> 嚐過特色麵包、西餅及飲品，大家食飽飽；之後，我們走到美高梅酒店看那 <騰花蝶舞>！ 影完相真樂透！當時，已經下午約 3:00，下一站，我們便走到議事亭前地覓食！ 這一帶有些食店及食街，於是，我們便向食店進發吧！ 沿澳門新馬路行，我先發現有一間 <榴香園>，便立刻買一件榴槤餅即食！ 然後，行到新馬路大三巴附近的議事亭前地，找到食街，嚐了 <澳門大利來記豬扒包> 離地價質素差的豬扒牛角包！在隔離街的新馬路大堂巷是一條食街，除了有台式奶茶店、牛雜店之外、還有三間雪糕店，其中兩間雪糕店 <檸檬車露> & <KIKA> 更榮獲米芝蓮推介！身為香港遊客既驚喜又開心！我看過兩間雪糕店的雪糕口味，前者 <檸檬車露> 口味多元化，而<KIKA> 以日式風味為主，各具特色！ 我選擇了 <檸檬車露>！她們讓我發辦，雪糕口味多元化，實在令我有選擇困難症！ 在店內可試食雪糕口味，最終選擇了番石榴雪糕！番石榴雪糕 $35番石榴雪糕入口似是雪芭的質感，滿載番石榴本身的果香！味道香甜濃郁，清新自然！…查看更多