檀島咖啡餅店 (軒尼詩道)

營業中

休息中

🐳檀島茶餐廳係一間非常有名的茶餐廳，我細細個就聽過，但今次就係第一次黎幫襯！🐳由於已經係晚市8點多，食客唔算太多，店員相信一部分都已收工了，樓面只有三個人。😅🐳咖哩吉列豬扒飯💰80由於員工唔係好多，所以出餐嘅時間都比較慢，但係慢工出細貨，呢度嘅馳名咖喱真係要試一試。咖喱汁又濃又香，豬扒有一大件新鮮即炸，另外有勁大碟飯。🐳台式炒米粉💰70呢個炒米粉絕對係有驚喜，唔好睇佢個樣麻麻哋，但係原來係好好味架，吵得非常之乾身，又有海鮮喺入面，所以又鮮又好味！其實我係見隔離枱個熟客叫呢個炒米粉，而我又唔係好肚餓，所以先叫吓呢個嚟食，但估唔到又真係幾好食！🐳冰鎮檀島奶茶💰25 / 跟餐價💰5好飲！仲有冰鎮住，keep住凍，正！

灣仔舊式茶餐廳由張學友、湯唯主演的「月滿軒尼斯」的香港電影選取場景的餐廳。環境保持著懷舊的氣氛，打卡位滿滿。餐廳的奶茶也是賣點之一，當然不少得舊式茶餐廳必有的麵包、蛋糕、撻類等的小角落，很有氣氛！《馬來肉骨茶配白飯配油條》$66晚餐時段的廚師推介，馬來肉骨茶的湯底有著鮮甜的美味，而且相當足料，排骨也有很多件，自行加入油條到湯中再品嚐，惹味十足！《豬扒擔擔丁麺》$60濃濃的花生香味融入公仔麵之中，配搭份量感重重的豬扒。《明星瑞士卷》$13《斑斕香蕉瑞士卷》$19經典的瑞士卷，除了有原味外，更有特色的斑斕香蕉味，蛋糕很厚切！《雞批》$16足料的雞批，熱辣辣，可口美味！總結：懷舊的茶餐廳。

呢間老子號既茶餐廳，雖然環境比較舊，識食一定要試佢既奶茶&港式蛋撻😎同以前一樣，例牌都係會叫佢地出名既港式奶茶先😏奶茶唔會好甜，順口😬叫左馳名新年出爐蛋撻，拿破崙同埋鮮香蕉斑蘭卷蛋😎蛋撻同以前一樣，多層既酥皮蛋撻，好鬆化，蛋漿足料，香滑，唔會死甜～拿破崙唔太似傳統果款，食落口感係好豐富，實淨，多合桃，幾煙韌，餅底鬆化，帶有少少椰絲味，以拿破崙呢個咁多工夫既甜點黎講，價錢真係超親民～鮮香蕉斑蘭卷蛋係幾特別，原來2隻味都幾夾，雖然香蕉味偏重，不過都食到斑蘭味，蛋糕似係用新鮮香蕉黎整，唔似用香精黎整😬，覺得唔會好甜，卷蛋鬆軟，有一仲懷舊既古早蛋糕既感覺～下午茶黎食一件蛋撻/蛋糕/面包(仲有好多款新鮮出爐既蛋糕/面包揀)配杯奶茶真係好配，再加多一份懷舊感🤣另外都叫左個港式瑞士汁炒牛河，牛河好有鑊氣，色澤，牛肉嫩口，而且唔算好油，好夠味，份量好多，2個女仔share1碟都好夠飽～

灣仔可以話係代表香港的一個地標而這間餐廳可以話係灣仔的一個重要地標一間餐廳嘅靈魂莫過於香港人最喜歡的奶茶出色嘅奶茶，無論凍同埋熱都一樣咁出色好飲嘅熱奶茶絕對無需要加糖，因為茶香同埋奶滑配合得天衣無縫，可以見到師傅嘅功夫不是所有同行都能夠媲美再來三件西餅瑞士卷傳統 柔滑 香濃味道 實淨嘅糕身 有一種實而不華嘅感覺鮮香蕉斑斕蛋卷賣相非常美麗，而且放在枱面已經聞到香噴噴嘅香蕉味 這是一種美麗玲瓏嘅感覺 在傳統上擺上餐廳獨有嘅特色 這點心思，簡直係令人自豪雞批依家唔使批，完全係豪華大滿足嘅感覺從來冇見過咁抵食嘅雞批 又大又厚餡料又多而且會翻熱才放上枱面給人客咬落去熱辣辣，香噴噴 脆口 雞肉豐富 餅皮一流 肉骨茶來到這間餐廳當然要試吓這裏的肉骨茶吃入口完全一種地道嘅感覺 真係好似去咗新加坡，咁因為湯底濃郁，而且所有味道完全滲透入肉質入面 每一舊排骨肥瘦均勻咬落去非常送貨，無論味道與口感都令人回味無窮，好容易就餸晒一碗白飯豬扒擔擔公仔麵這個湯底實在實在太好飲會好唔小心咁飲晒啲湯，因為濃郁嘅味道無論佢嘅香辣甚至乎沙嗲味道都非常出色，而且公仔麵非常爽口 還有香茅味道好好嘅豬扒 爽爽爽這裏餐廳另外一種可

又是發掘灣仔美食的一天。今日午餐去了檀島咖啡餅店。以前亦常來。我們分別點了焗葡國雞飯及菜遠炒牛河。我點的是焗飯所以需時制作， 但想不到菜遠炒牛河也需要等。同事說是因為即點即炒，加上是生炒，午市人流多，所以也要等。炒河早了一點到，看著賣相奇佳，一看就覺得夠鑊氣，牛肉炒得帶有一點焦香味，上面澆了醬汁，河粉也沾滿了。到我的焗飯，濃郁香口的白醬舖蓋面上烤焗後特香口，葡國雞很多，肉質鮮嫩但不肥， 配上炒底飯很的好吃到停不了口， 雖然滾燙，但我還是一口接一口的很快就吃完了，幸好點了杯凍檸菜走甜。

坊間難找拿破崙，今次吃到了驚喜。雖然不像舊時的拿破崙中間有純蛋白糖脆，但是這個拿破崙整體口感豐富、實淨，我會形容為：香脆、鬆化、煙韌。味道方面，甜道適中，有合桃，應該還有椰絲，都幾特別。總結，本人覺得這個性價比頗高！

好想食下午茶☕️經過呢到就試吓睇落平平無奇茶餐廳叫左西多士同炸雞髀西多士非常厚身，炸得好好味～加上牛油糖漿！好味到不得了炸雞髀簡直冇得頂，肉質嫩滑，味道非常新鮮！啖啖肉！價錢係比較貴但值得

今日屋企人想食免治牛肉飯，第一時間就係諗起檀島，所以去咗買外賣返嚟。免治牛肉飯係簡單嘅茶記西式飯，但唔係咁多間做得好，呢間個人覺得算係上游級別，我叫嘅係煎蛋免治牛飯，最鍾意佢嘅可口，免治牛肉醬入面嗰種牛肉香味同茄膏嘅甜味拍埋一齊，有種好滿足嘅感覺，仲有種衝動要所有飯都沾到肉醬，啲白飯老實講米質一般，但係因為撈咗啲肉醬嘅關係，令自己好想食晒佢。蛋係一般質地，可以揀煎或者窩蛋而我揀煎蛋，拎返嚟時已經無咁熱，亦少咗嗰種油滯感，又唔會搶咗個飯嘅味道。呢間嘅免治牛肉飯，其實好似旺角某名校飯堂嘅質地，唔知係咪前員工，但一食就有番當時嘅回憶。

大澳既沙翁好岀名🤤但去到咁遠實在太唔方便啦!! 之前見到港島有呢間可以買蛋球既茶餐廳~ 就近近地去左試吓~ 佢既蛋撻好似都岀名☺️ 其實佢係有分沙翁同埋蛋球~ 但係望個樣嘅話, 就覺得佢嘅蛋球同大澳嘅沙翁似係同一樣嘢多啲🤣 所以就試咗佢嘅蛋球🫶🏻🤍蛋球 $15我嗰日食既蛋球唔係啱啱岀爐🥲所以偏凍, 亦唔香脆🥺 食左一啖之後就攞左翻屋企焗熱黎食😋 焗一焗翻之後就好好食!! 外脆內軟🤤 好香蛋味之餘, 糖粉份量啱啱好唔會過甜☺️

中午十二點來灣仔，很久沒有來這間老店了，從外面看位子還比較多，不用排隊，就進來食。選了是日午餐- 滑蛋蝦仁炒河，送中湯加飲品我選了熱奶茶。價格都實惠$62。上菜算是快。到我吃完，座位基本都滿了，不過中午大家都是進來點餐吃完就走，流轉很快。中湯好飲，胡蘿蔔都夠香甜。滑蛋蝦仁炒河，河粉都很大份，蝦仁有驚喜比我想像中大，滑蛋就很少了，是打散的蛋花湯淋在上面，加了些韭黃和蘑菇，味道比較清淡。我吃了幾口還是覺得太淡，要自己加些辣椒醬調味。熱奶茶比較正宗。

一心想去食蛋撻，但5點幾去到已經賣哂😮‍💨。入到去冇咩人，唔洗等位，好多枱隨便揀黎坐。因為好快就食晚飯，唔想太heavy，所以揀左好耐先揀到隻瑞士雞髀做下午茶，上菜速度正常，侍應還算有禮貌。至於個茶餐，雞髀偏細同偏鹹，唔太餓都可以接受；而薯角份量算多，而且新鮮熱辣，唔鹹，唔係炸太透，唔算好熱氣，又可以中和隻鹹鹹雞髀。整體黎講，老牌子茶餐廳，價錢偏貴，環境好一般，有一陣味道，都係想快手食完快走算。

今日帶同事去試吓這間歷史悠久，在灣仔都幾出名的老店。滿心歡喜同期待，睇完餐牌，叫咗個「豉油皇三絲炒麵」，配上茶餐廳一定要試的奶茶，多謝你$65，價錢都算咁上下，性價比高就唔算貴。上餐時，飄來陣陣的香味。急不及待試一吓！噢！個麵炒到好乾，好硬，可能我口味重，感覺佢無味！碟麵，越食越頂。個心越食越沉。反之個奶茶還算唔錯，雖然未算好好飲，但對比其他茶記，都算唔錯！總結，性價比低，懷緬一下傳統的茶餐廳係可以，但下次就要諗清楚先會再去了！

堅失望下午1:15食個快lunch叫左蛋撻、雞批、茶走、葱油豬扒飯落order時好無聊咁問係咪新鮮出爐哥哥話係今日新鮮出爐拎起個雞肶已深感不妙凍嘅…暖都唔暖下…咬左兩淡已經交比老公食埋佢🙈個雞肶唔鬆，個涵一pat野咁蛋撻好少少，微暖個皮唔鬆…個蛋偏甜，無咩蛋味，但幾中意佢郎郎下蔥油豬扒飯幾好食但作為主角之一嘅勁少蔥油，得勁少…完全唔夠撈飯豬扒幾鬆，一厚一薄茶走…對於好少飲嘅我覺得幾好飲，但老公話金鳳嘅好味太 多總括黎講…無下次

成日聽聞呢到既咖啡奶茶同炸脾好岀色，所以趁書展順便試下大約3點去到，職員話書展期間冇炸雞脾下午茶，所有餐都寫哂係常餐張Menu到揀左好耐因為唔知食咩好，最後見個提子多士幾特別所以叫左個常餐A沙嗲公肉麵：港式茶餐廳經典食物，一定好食啦！點知個沙嗲牛肉係凍既…個麵唔夠熱整暖佢…牛肉冇肉味同唔係新鮮牛肉口感，始終醃左咁耐都明既，味道偏咸凍奶茶（$24）：茶底濃，有回甘，但唔算滑。叫左正常甜度但飲多幾啖係覺得茶太苦提子多士：原來係提子方包，提子個量都幾多，甜甜地幾好食，食到中間原來佢加左牛油係中間，呢種甜度既包加牛油唔夾香蕉斑蘭蛋糕幾好食，香蕉味好突出，加上淡淡既斑蘭味，而且成個蛋糕都好鬆軟，好食腸仔煎蛋勁多油，腸仔好咸凍咖啡冇咩特别，係預期內一般茶餐廳既味道

🏳️ 伏到無朋友 🏳️如果大家有睇開我嘅食評，都知道我支筆係比較 [ 厚道 ]，絕少會比負評，但今天我嘅小宇宙確實要爆了，真係好耐無食過咁差勁嘅野，真係不吐不快。😖檀島 呢個名字，相信老一輩嘅人必定聽過或食過，我亦係從我媽口中得知呢間餐廳嘅存在，見今天一個人嚟開灣仔，就即管會一會您。😝坐底後環顧四周，見食客唔多，心已涼涼地，因為依家正係晚上七時，無可能咁少人架？不過我見既然已經坐底了就試一試吧。🧐他們的價錢喺茶記來說並非好平，反而我覺得有一點進取添，當時我仲以為可能價錢貴所以少人食，最後我梗係錯哂喇。😞😔餐牌上有一道喺茶記極少睇到嘅食物，[ 馬來肉骨茶 ]，一向喜歡食馬拉菜嘅我，梗係即刻 order 啦 .... 😁老實講，無論我喺馬來西亞或其他地方，我真係食過好多好多次肉骨茶，但呢度所比我嘅，確實係最差的體驗。👎1) 湯頭顏色正常，但上枱時個湯只係微熱，淨係呢點已經扣佐好多分，而最重要係個味道，大佬 ! 個湯非但一點藥材味都無，更甚個湯係甜㗎，重要係好甜，搞乜呀？😡2) 湯裡嘅腐竹同豆卜究竟煮熟未？點解咁硬嘅？🤨3) 排骨完全唔嫩滑，甚至有部份重要咬唔入，究竟我食緊乜野？😩原來老字號未必