檀島咖啡餅店 (軒尼詩道)

營業中

休息中

而家d麵包舖已經好少出硬豬仔飽, 咁o岩有日想買豬仔包(普通軟果隻), 點知阿姐話剩返硬果隻, 好奇買下一試, 3蚊隻豬仔唔錯呢~~ 看似小法包, 外硬內軟~ 正呀~~~之前買過十字包黎食,味道唔差, 絕對係足料之作, 食一個已夠飽, 不過4蚊真係有d貴。點知試後面街百事吉的十字包同樣係4蚊個, 入夜賣10蚊3個, 連買3個難食到震~ 還是檀島好。

某日行街經過呢度,見網友話D蛋撻唔錯, 諗住一試. 但小妹怕肥, 因新年食得太多啦, 又要食又要怕, 好衰女!! 最後捨蛋撻取十字包. 個包幾硬身, 甜甜地又有少少牛油香味. 可惜價錢同其他鋪頭貴! $4一個, 唔知係咪賣鋪頭名. 食十字包始終要過海先食到心頭好!

係灣仔返工,都幫親過兩三次,每次比我感覺都係員工服務差,食物一般冇乜特別,今日同朋友黎到午餐,一行六人一坐底,就比個火計吹生晒,叫錯左又比佢鬧....叫左個公仔麵餐跟腸仔同炒旦,食物水準一般但價錢都幾貴一個公仔麵都二十幾蚊

平時都鍾意買個菠蘿油邊行邊食不過今日.......首先我叫佢比個菠蘿油, 平時係即叫即夾牛油, 但今日個女人係後面拎左個整好左既菠蘿油比我, 我諗是旦啦可能整多左無所謂, 所以就比錢拎走一上手已經唔多妥, 凍冰冰一d都唔暖, 塊菠蘿皮又唔脆, 咬落個包唔新鮮, 最差既係d牛油差唔多溶晒(仲"林"過搽面包個d植物牛油), 而且仲有少少變既味(呢個唔肯定), 我食唔夠一半就掉左三個鐘之後我個肚唔舒服, 岩岩去完大解(少少肚瀉, 詳細無謂講)即刻上黎投訴一下

檀島o既麵包一向好食,今次早餐專誠淨食麵包.叫個叉燒包,新鮮出爐,熱辣辣,叉燒切得夠碎,分量剛好,裡面D汁都好正,個人認為係全港麵包店最佳叉燒包三甲分子.

喱個飽以前o係檀島都冇乜留意,原來叫十字飽,睇落幾得意,所以買尼試下.個飽睇落幾硬,一咬落去,原來質地係類似鬆餅咁,硬得尼鬆化,甜甜地,而且有提子粒做"函",唔錯.

蛋撻好味道<br />還有就是我喜愛的蛋球，現在好少地方有得食喇

蛋撻OK 包OKCoffee 麻麻, 奶茶OK澳洲牛奶公司正好多

昨天中午與同事兩個人於灣仔走來走去，大家都想不到於那兒午膳，最後去了檀島咖啡，之前我只買過麵包，都未試過此店其他食物。大家都選了快餐，其實快餐只得一款「會班塊」，唯一可選跟飯還是跟意粉，連餐湯及餐飲，合共$32(涷飲加$2)，味道一般，灣仔區來說，其實都幾貴呀!

與朋友共3人0係壇島飯局，叫0左...朋友E：雞絲雙蛋湯通粉﹣夾硬搶0左啖0黎食，心諗唔怪之得人病0左要食通粉，就係因為夠啖口...啖到無味...朋友J：苦瓜炒牛肉，苦瓜爽脆，但唔知點解無晒苦味？！烚芥蘭﹣係我食咁多出面0既油菜其中數一數二好食，無點任何調味都一樣咁鮮甜，口感好爽！咬開crack crack聲！！∼我：叉燒雙蛋燴意粉﹣超大碟！味道唔錯，唯一不足係食完意粉仲有灘水0係碟上面...加埋飲品3杯$140幾埋單，略貴...

今朝11點幾同男朋友去灣仔搵地方食早餐~ 我地行過新釗記見到入面勁多人~ 無曬位要搭台喎~ 禁我地咪去佢隔離既呢間檀島咖啡餅店度食囉~ 勁少人~ 我地由入去坐到坐低左都係無人理過我地~ 坐左好耐先有人羅兩杯茶過黎~ 仲要係d手指插曬入去架喎~ 禁算啦~ 橫掂我地都唔會飲o個d茶~我地諗好食咩想叫野o個時叫左好耐都無人理囉~ o個時有兩個侍應做緊野架~ 但係無理過我地囉~ 仲有其他侍應唔係食緊野就訓緊教~ 大佬呀~ 都成11點幾啦o個時~ 好似唔使做禁~ =.= 禁好啦~ 等左好耐我男朋友叫大聲d終於有人黎幫我地寫野啦~我地叫左個茶餐~ 係寫"吉列豬扒湯意粉"既~ 個侍應叔叔話而家無吉列~ 剩係得煎豬扒~ 禁無所謂啦~ 我地覺得都無乜分別~ 個餐跟熱飲係$26既~ 跟凍飲就$28~ 我就要左杯熱咖啡~ 男朋友就叫左杯凍奶茶~我地等左好耐d野終於都黎啦~ 我一見到係嘩一聲囉~ 無諗過$26蚊一個lunch d野係係禁少囉~ 白雪雪既一兜烏東再加兩舊煎豬扒o係面~ 我o個碗仲要係得一舊豬扒~ 有一舊係骨黎既~ 仲有o個舊有一邊係肥高黎~ =.= 禁算啦~ 橫掂我都食唔曬~ 兜野係勁油囉~ 睇

他們外賣的曲奇很好味，鬆脆，很香牛油味！

今日lunch行過黎買左個雞尾包$3,價錢比一般既貴,但個包既texture真系吾錯!十分軟熟!椰茸餡吾系太多,但咬落去餡仍有溜出黎既感覺.比多$1都抵!

友人從加拿大唱完國歌回港, 今日在灣仔見面, 近近地在檀島下午茶.我簡單只叫了熱奶茶及蛋撻, 奶茶不太熱, 味道還可, 但感覺蛋撻同樣不夠熱, 酥皮有點鬆散感覺.檀島環境都算人多, 傾計不易. 價錢都唔平, 若要下午茶, 都係行多兩步去金鳳為佳.離開前, 侍應換了餐牌, 晚間有Cappuccino 及espresso 高檔咖啡供應.記得一晚在檀島見到都很出奇, 向侍應用中文叫了三杯"泡沬咖啡", 即Cappuccino , 跟住佢大聲同水吧講"三杯夾帶私逃", 即時笑到碌地.講真, 懷念上環時代在史丹利街檀島買蛋撻的日子, 俱往矣.

好多人幫襯蛋tart ---7 But 凍左d奶茶-----6 一般