樂香園咖啡室 (已搬遷) 新店位置

(13/9/05)見好多食評家都講菠蘿包& 雜批好味, 放左工便去買。係熱咕喎, 可惜唔肚餓, 第日同同事分享。到左第二日, 個菠蘿包變得好唔新鮮, 一定要叮叮。果然面o個浸有點鳳梨酥味, 麵包質地真係唔係好得。至於個雜批, 切開賣相唔討好, 餡唔均"雲", 一邊一大舊蛋白, 一邊一堆午餐肉。share食, 我食蛋白o個邊, 唔會有特別啦, 而午餐肉o個邊, 唔知係咩味。

好懷舊﹐滑蛋蝦仁-D蛋同D蝦配合得絲絲入扣。就好似有菠羅油中波羅包同鮮油的關係。

經過24小時大戰, 體力消耗得七七八八, 打過回府橫掂經中環, 黎蛇下先訓覺.地點不算難找, 但對於我是個中環的"路痴", 也要找個大圈先搵到.室內一貫舊式茶記, 令我想起以前吃好味的介央多士和菠蘿包的源源.樓上還有二樓雅座, 上面應該好坐D.搞笑的一幅長banner, 寫著蛇竇五十年不變只此一間, 我幾有興趣想知點解佢叫蛇竇, 仲要叫左五十年. 快叫快食, 熱奶茶有別一般絲襪奶茶;而係用熱水瓶載奶茶, 奶茶滑也有茶味, 濃淡得宜, not bad~.菠蘿包真係幾香菠蘿味而且唔係好甜, 三元一個幾抵食.什批我覺得反而麻麻地, 內裏有午餐肉和熟蛋, 女士們吃一個都幾飽.成十點仍然大半檯都滿, 蛇竇之名果然名不虛傳.得閒經過都會拍一個菠蘿包吃下先侍應一睇醒目, 話咁快咩都黎哂.

19-8-2005 0730今朝一起身收到昨晚同事來電，心知有大件事，趁要趕返去進行危機處理及為長期角力戰展開序幕時，都要黎一黎短聚。去完晨運後，都未夠七點半，樓下未算爆棚，樓上雅座都係剛剛開波，趁其他食友未到時，自己先點了凍啡同雜批，唔好以為批就好鬼大件，係比想象之中細好多，本來想叫另一款，但夜晚有飯局，唯有等下次黎講再食。雜批外面係好脆酥皮，裡面有午餐肉及其他配料，食落去有件白色物體，初頭以後係肥豬肉，原來只是蛋白。其他食友陸陸續續到達後，係時候開始忙碌的一天。

勝香園放一個星期暑假，朝早要飲杯鴛鴦食件奶油多，就要搵過第二度。星期五，一班食友又有早餐約會，原本提議去勝香園，但因那裡放暑假，就移師到這裡。曾幾何時，一到三點幾就來打躉收料，自從轉左工後，都好少來。八時許來到，人客不多，都有幾多位，而一眾食友就在樓上。有點宿醉未醒，所以人未坐下，已叫了杯齋啡，及例牌的奶油多。這裡的奶油多雖然是薄薄的，但油及奶都塗得均勻，「蛇竇」也真是有番咁上下水準的。齋啡夠濃香，不算太苦澀，剛好當日帶了100%Valhorna，用齋啡來和著吃，幾配合。也吃了其他食友叫的早餐，很久也沒吃鹹牛蛋治，仍然油夾膩，但仍然好食；菠蘿包唔使講仍是濃濃的鳳梨味道；什批及雞批的撻皮鬆軟，加埋餡料味道很不錯，有水準的。不過如果獨吃一個就太飽，如果好像今天一般，幾位食友分吃幾件，就剛剛好了。唔使俾錢埋單，好開心，多謝有份請的食友！

上星期約了朋友去中環食晚飯，但因時間還早，便和辣椒女來這裏坐坐，順便飲返杯奶茶。這裏的奶茶，茶味都幾夠，但奶味多了點(下次要少奶先)，味道都唔錯，值得一試。另外叫了一件奶油多，焗得好香，可惜奶油少了點，味道比較淡，但麵包就好脆，都算唔錯。可能時間比較晚，見其他食客都是叫杯飲多。

因今個星期勝香園放暑假, 大家的早餐就改左來呢度. 今次早餐腳前前後後都有成十對, 人多當然叫多幾樣野食, 什批, 菠蘿包, 蛋牛治, 多士, 甜餐包, 雞批... 好耐未試過一早可以試勻咁多款包, 配埋杯奶茶, 真係好滿足!! 個人較鍾意菠蘿包. 真係食到有點菠蘿味(如3aunt話齋, 似鳳梨酥). 什批係呢度出名的蛇蛋, 內餡幾豐富, 有肉, 有蛋, 細細隻都幾飽肚. 其他的水準都唔錯, 但若果D包可以再熱一點就更美味!!

一向深明入好餐廳重要，叫岩菜式更重要，今次入勝香園叫左一碗牛丸河就當係印證此說法既真確算了。在極餓既情況之下面對一碗有四粒粉到唔粉、味又唔知係咩味既丸類，真係如果唔係顏色係牛丸色我都以為佢係黎錯野。最後食剩兩粒，其質素既差劣都可見一班，幸好係河粉並無受污染，最後亦糊里糊塗幹掉河粉算了。遲到既友人點了食評絕讚既菠蘿油。始終認為菠蘿包都係有名無實比較好。細細個既菠蘿包好友食剩了細半，自己貪吃就試了剩下的，試過先知有菠蘿味既菠蘿包原來並非自己杯茶。己經遺忘合計幾錢，只知自己食左一碗生存廿多年而來最難食既牛丸河。

本來蛇竇應該係蛇王之地, 應該好悠閒歎奶茶, 但好多時都匆匆忙忙, 狼吞虎嚥又一餐.本來大熱天時, 應該整個冷飲, 但去到蛇竇, 唔知係咪心魔作崇, 係要整杯熱奶茶才滿足.本來應該叫個早餐十八蚊, 有通粉, 太陽旦加奶茶, 偏又掛住個什批, 係要十七蚊奶茶加什批.星期六早上一坐下廚房旁坐位, 唔係伙計招呼, 係茶檔沖茶伙計問我要什麼, 我即答要熱奶茶同什批, 後面伙計聽到, 即端來微暖什批一客, 同時奶茶亦準備好, 前後坐下不足三十秒, 便來了所有order , 真是紀錄.奶茶香氣撲溢, 我不是專家, 鑑証不到有多少層次, 但直覺有鬚係老豆, 厚杯好奶茶, 覺得好飲便是.食什批同食巨無霸一樣尷尬, 一口咬下脆皮已"一枱都係". 餡料包括有雞旦, 青豆仲有午餐肉, 我成日都覺得好似酒樓大包一樣, 係咪用剩D 料唔好晒, 整埋做什批.但個外皮真很鬆脆, 又是管他的.由入店前後五分鐘內, 已經匆匆完了早餐, 但是已有很滿足感覺.

(星期五) 去蓮香樓飲茶前黎呢度買左個菠蘿油$4,size不是很大,菠蘿皮可以再做得鬆脆點,麵包尚算軟熟,牛油半溶,一咬落去有些微牛油漏出黎,$4個相當抵食啦!

早幾日系度買左個什批食,$6,size偏小,但酥皮十分鬆化,腸仔菠蘿餡,味道不俗!值得一試!

lunch time入黎食d野,叫左旦撻$4,好一般的旦撻!旦不夠且曲奇皮不夠鬆化;至於杯奶茶$10亦油麻地! 茶不夠濃及滑!

今日去呢度食晏。因同行朋友生病中，所以我們叫了皮蛋廋肉粥+ 腸粉。嘩..... 佢真係得包好食架咋!!p.s. 樓上好大煙

菠蘿包有菠蘿香, 好味!奶醬多d 醬好味, 不過個包可以烘耐小小就好啦, 個面唔夠香脆, 個心太濕, 唔係咁好, 老式茶餐廳都好難搵啦, 搵到呢間又食得唔錯, 所以環境係滿分..開心~

自己中環搵食，如果1個人想快快趣趣食個晏，又唔想等位唔想迫，最愛真係蛇竇。飯款係少，不過水準依然。因為係食晏所以d包無咩研究，不過雞批雞尾真係好堅，不過坐樓上要小心d蛋撻放得好耐，我有friend 試過食個超老的，奶茶都好得。我最中意係d氣氛，籃領白領，爛tee靚西裝的排排坐，d 阿哥又打橫個舖咁大嗌:"一茶少甜~~ 檸底~~"，真係好有heart。如果對面鏞記係我最愛，蛇竇一定係我二奶。