樂香園咖啡室 (已搬遷) 新店位置

下晝食唔飽，又無咩idea係兩個最好去tea break 的藉口，見咁耐無幫襯過蛇竇今日就去啦！<br />蛇竇果然多蛇！樓上坐滿唯有坐樓下，例牌叫熱咖啡雞批同肉卷。雞批熱辣辣好味，肉卷同事話「漏」了一點，我睇餡皮厚厚的應該幾飽肚，飲埋杯咖啡當堂成個人精神曬！<br />熱咖啡加雞批或肉卷每人16蚊，個人覺得好過去快餐店。<br />

最近我發現左個後生仔in 樂香園do都幾靚仔,佢煲d茶都幾好.

真係好舊式o既茶餐廳呀~~~ 連個水bar 都係用板搭出o黎o架~<br>必食: 菠蘿包~~

未食過敢正的菠籮包，新鮮熱辣，好過檀島好多。

我成日都會來呢到!無他,食物平,又有水準,推薦奶茶,$10杯,好正!仲有炒麵,只售6!!炒得唔濕,仲有牙菜呢!仲有仲有,雞批,足料,腸粉,夠滑!老字號,真係不同凡響!!

菠籮包新鮮出爐好好食,雞批什批OK啦.不過食0野都唔係最重要,重要係0黎呢度會聽到好多情報0架(阿媽話0既)

大名鼎鼎o既蛇竇賣點梗係唔關環境氣氛事啦, 去到拿拿林叫杯鴛鴦整件蛋撻, 同同事講下公司是非, 八下財經娛樂版......都係中環o既生活文化.呢度D 蛋撻正過好多話自己係蛋撻之皇o個D 多多多多聲, 仲有個好似叉燒酥o既唔錯o架, 奶茶咖啡都有水準, 中環友咁picky 都收貨, 有番咁上下....

幫襯隔離既翠華多既，唔該望一望哩邊既樂香園丫，唔好俾佢既外表呃到.. 佢雖然係好舊式，好似好黑暗咁，但你望入去丫，坐係度既唔少係西裝友黎架，有一樣野食係一定要介紹既，就係佢既菠蘿包，點解? 無他既，因為好似囉，你地記唔記得之前無線有套劇講個菠蘿茶餐廳既，佢D菠蘿包係真係有菠蘿味既，你有試下?? 黎樂香園丫，佢地真係俾到你架!! 除此之外仲有其他野食都唔錯，我就比較鍾意飲佢既奶茶.. 好滑，另外佢有兩層，我比較鍾意上樓上坐，因為.. 鍾意囉..，樓上個阿伯又好人D呢，仲有好多中環返工既走黎哩度蛇下架，所以哩度亦有個別名叫蛇竇囉!!