樂香園咖啡室 (已搬遷) 新店位置

19-8-2005 0730今朝一起身收到昨晚同事來電，心知有大件事，趁要趕返去進行危機處理及為長期角力戰展開序幕時，都要黎一黎短聚。去完晨運後，都未夠七點半，樓下未算爆棚，樓上雅座都係剛剛開波，趁其他食友未到時，自己先點了凍啡同雜批，唔好以為批就好鬼大件，係比想象之中細好多，本來想叫另一款，但夜晚有飯局，唯有等下次黎講再食。雜批外面係好脆酥皮，裡面有午餐肉及其他配料，食落去有件白色物體，初頭以後係肥豬肉，原來只是蛋白。其他食友陸陸續續到達後，係時候開始忙碌的一天。