樂記車仔麵 (已結業)

今日去買。發現轉左手。冇左什錦麵叫三餸喇。水餃2 隻但個皮好粉。豬腸切到刺身咁仲要得3塊。 豬潤得兩塊。又係一間等摺既鋪頭。冇下次。 想搵間好d既車仔麵冇。可能去返唐記好d

落街就腳又方便優質之選。今次唔係食佢既車仔麵，今次係食佢地推薦既10大名菜😂1/ 秘制香川雞飯：飯量十足不在話下，雞件唔肥，每口雞都食到佢既秘制辣汁。辣汁有好重蒜香味，愛蒜者一定要試。2/ 流心蛋肉燥豬扒飯：流心蛋係平時食拉麵果一款，一切開蛋黃直線流出，相當誘人。肉燥肥瘦各有（比例就😅唔識分），但入口無肥膩感；最後豬扒即叫即炸，有差唔多1cm厚，唔係乾淨淨果啲豬扒，大滿足。最後價錢就中規中矩啦加埋凍飲$51一個飯。但佢份量好足料，絕對對得住個價錢👍🏾

平時黎都係食開車仔麵今日突然好想食佢既秘制香川雞飯所以今日就嗌黎食下51蚊 其實價錢唔可以話好抵食 但味道真係唔差 雞肉淋滿晒醬汁個汁愈食愈辣 送飯一流😋 肥仔叫左個豬扒肉燥飯食 都係51蚊呢間既豬扒又係好好食 唔夠飯仲可以添飯又係一個滿足既午餐😋

呢間一直無試過，係佢update餐牌之後，清清楚楚咁列出價錢、有咩食之後先入去試下。雜錦麵，牛腩好硬，炆得未夠時間，雞翼同豬紅麵滑入味浸得好好。豬大腸係彈爽口個種，個人唔鐘意，唔會再叫。其他無感。溫泉蛋肉燥豬扒飯差到食左一啖想逃走，但又唔好意思，硬住頭皮食左啲先走。豬扒明明睇完人地既照先叫呢個，人地既煎或炸的金黃，睇照好吸引。我食到既似白烚，無味仲放左陣，微暖。衰就衰在仲要微酸，（變左質？）又唔算明顯，肯定又唔敢話係，照食，好硬好難食既白烚豬扒😭。肉燥又係油膩唔算好食但香港大部分都會出現既香港冬菇肉燥味。飯又唔算熱，放塊生既生菜堆晒啲油，似廚餘，大佬，俾兩條烚好既生菜感覺會好好多。溫泉蛋係流心，但無浸任何調味料，撈返肉燥先有味。呢個組合純對好食，魚腐有時後上。未上第一次食，仲以為漏咗個餸，追問，個呀姐先講等陣會上埋，咁樣唔好，放底講聲唔係更好。餃子好難食唔好叫，好粉累累、穿皮、無味。鮮牛睇個人，我食正勁多勁多筋既。早餐都食過兩次，炒蛋份量勁多，算平，鮮茄牛通牛肉份量好多。服務方面係全部人都超好，超街坊feel，係真心好人個種。

今日係平日午餐時間 呢間小店幾受歡迎 有9成入座率餐廳主打車仔麵但見佢麻辣雞好似係招牌 諗住試試 可惜已經賣曬 所以叫左肉燥糖心蛋豬扒飯 糖心蛋係成粒而唔係半隻蛋 有驚喜 不過唔係完全糖心 切開係流心蛋 撈落啲飯同肉燥好夾豬扒好淋身 好食 肉燥份量好多有冬菇粒 食得出冬菇既味 餐廳樓面得一兩個 忙到踢曬腳 但依然服務態度好好 對住學生哥都好好服侍 好有禮貌餐廳好受歡迎 好多中學生同上班族等外賣 亦都有好多網上外賣平台車手入黎拎外賣 下次試試車仔麵先每篇食評都好用心打🙂100%真實意見 關注我跟我食好野啦🤤😋

自從為食佳執咗，好耐無食過車仔麵嚕，呢日放工經過樂記車仔麵，一直都無留意佢，唔想自己煮嘢食，就買個外賣返屋企食，試試佢。叫咗粗麵、白蘿蔔、魚蛋、豬大腸，咖哩汁，盛惠$37白蘿蔔有4件，夠腍又無渣，又唔算甜，OK咁啦。魚蛋有5粒，呢隻係陳皮魚蛋唔係爽彈類，口感質地軟實，不過係真魚蛋，好有魚味。豬大腸有4-5件，夠腍又夠入味，乾淨嘅粗麵拎到返屋企已經有啲腍，如果唔煮咁熟，可能食時就啱啱好....咖哩汁都幾香，唔錯。

最近對車仔麵的熱衷程度，可媲美平日吃拉麵的熱情，一星期吃了三間車仔麵店，今次所吃的樂記車仔麵正是第三間。樂記車仔麵雖然新開業，就我所見已有一羣熟客支持，店員阿姨都清楚這羣客人吃甚麼，喝甚麼的。我這個配料控一口氣點了五款配菜，全都不油炸，因為喉嚨痛嘛，還吃炸物的話真是找死。我分別點了蘿蔔，瑞士雞翼，鮮蝦雲吞，甜酸齋，腐皮春卷及幼麵配牛腩汁。牛腩汁湯底挺不錯的，不會過於死鹹和油膩，喝完沒有口喝的感覺，幼麵儘管未至於爽口彈牙，起碼不是我討厭的軟腍。瑞士雞翼滷得一般，假若滷多數小時應該可以入味些。蘿蔔無渣滓，入口清甜，個人覺得蘿蔔值得一吃。我猜鮮蝦雲吞是店鋪自己包製，雲吞皮薄，可是肉餡太過厚實，嚐不到鮮蝦的彈性，餡料香味欠奉，有少許失望。腐皮春卷蠻不賴，內裡魚肉頗彈牙的，與鮮蝦雲吞形成強烈對比，還有墨魚粒嚼勁十足，口感不單調。最有驚喜莫過於甜酸齋，大多所吃的都是死酸色素重，這裡的甜酸齋以蕃茄汁調配，酸甜恰到好處，讓我胃口大開。