樂湯雞麵館 (庇利金街) (裝修中)

今日去咗佐敦庇利金街「樂湯雞麵館」食午餐，顧名思義，餐廳主打雞湯麵🍜也有供應花膠雞湯翅、各式各樣嘅砂鍋雞湯等等，全部都係真材實料熬製，絕無添加味精醋香雲耳爽脆雲耳加入蒜蓉及酸醋，酸酸的帶蒜香，醒神開胃砂鍋花膠雞湯翅配米線加$8可以轉雞髀🍗湯底由新鮮雞隻熬製而成，無味精，好鮮甜，仲有好多花膠同魚翅，勁足料！米線都幾Q彈有嚼勁，好掛湯呢～龍皇雲吞另加$12一粒，好似乒乓波咁大粒，裏面有鮮蝦同豬肉，好味道砂鍋「花膠魚翅餃」雞配刀削麵花膠魚翅餃皮薄餡靚，餡料加入左魚翅，令到味道更加昇華！同樣加咗$8轉雞髀🍗雞脾肉好滑溜呢～刀削麵軟硬適中，麵條帶有麵粉香，吸收左湯底嘅精華，正呀！升級優惠+$20享鮑魚一隻，夠哂彈牙

因為鍾意飲湯，成日都周圍去飲湯，發覺呢間湯品真心不錯，四五十元就有一碗濃郁的湯，真心抵，而且飲完不口渴，是真材實料無添加。另外都仲有不少好吃的東西，是用心製作的街坊小店。醉豬手$52豬手煮到軟硬度剛好，留有爽口的感覺卻帶點淋身易咬，香醉口味令放工來的我們覺得好RELAX，酒香亦已入味，還有粗身的蟲草花。淨藥膳湯$42嘩，意想不到的超濃郁，一看就知道用足料，而且熬煮了很長時間，將各種味道都融和一起，入口很香藥膳味，帶點甜，令人舒服。份量都大碗，幾抵飲。沙薑雞刀削麵$58沙薑味道很惹味，雞肉滑溜，刀削麵軟硬適中，帶彈性，湯底像比較清淡的雞湯。紅油花膠魚翅餃$42花膠魚翅餃，矜貴而且坊間少見，配上麻辣紅油口味，辣得好刺激。砂鍋花膠雞湯攰配米線$78應該算是鎮店之寶，砂鍋保存湯的熱度，喝起來熱辣辣，未食已令我們不斷飲湯，雞湯清甜好喝，有兩大塊花膠，有一梳梳的翅，和一些有鮮味的雞件，令人吃得很開心的一鍋湯，回味無窮，而且很滋潤皮膚。

整返個雞湯翅、海參、魚翅餃團個年先疫情下，外賣是常識吧系佐敦嘅樂湯雞，唔止系湯同雞系賣點，仲有好多巧巧味小食砂鍋花膠雞湯翅（半隻）$188真心扺食又足料雞湯好濃稠，不油膩、有金華火腿咸香，奶白色湯底，真係暖入心大大件花膠，好高膠原蛋白，系我至鍾意❤️配埋湯粉麵飯一流真係好足料雞是黃油雞、走地雞沒有多餘脂肪，可以連皮食😍😍😍麻辣海蔘$58手拍青瓜、配海蔘，作小食凍盤，好開胃，又健康，少少辣紅油花膠魚翅餃$42👍👍👍真係超級有驚喜，餃子🥟裡面包住有厚度有口感嘅花膠魚翅餡真係100分推薦就算落雨都唔怕，有外賣有堂食

大年初二，問媽媽開年想食什麼？她想了又想！就來鮑、參、翅、肚！⋯⋯頭都大！記起上次食過佐敦的“樂湯雞”，試下打電話去問一問。勁！初二都有開！可以向媽媽有個交代了連餐牌都有過年氣氛叫了兩個餐加兩個小食，分量也不少媽媽表示很滿意“包羅萬有”，好滑好入味！我的“風生水起”XO醬海味絲撈麵”，少少辣，而且有海蜇加海參！加埋蔬菜嘅配搭很爽脆，清新！店員推介，必食花雕豬手，但今日叫橫財就手！加埋最後，涼拌萵荀！好搞笑，媽媽一邊食一邊問咩嚟㗎？

大年三十出去想食個lunch先發現好多餐廳都已經收爐了，在徬徨之際，發現呢間樂湯鷄有開，就即刻入去。店裡的海報農曆新年都無休嘅。砂鍋”花膠魚翅鮫”鷄湯刀削麵 ($74)個名又有花膠，又有魚翅，仲有鷄先係賣74蚊咁抵，桃桃就叫嚟試試啦。另外加6蚊仲可以加豆漿或汽水。上菜果然係用砂鍋，到枱上依然”炸炸”聲，好適合冬天食。細心嘅店員仲提醒桃桃要小心窩邊熱，唔好掂到，真好窩心呀。鮫入面真係有花膠同魚翅，另外有切鷄件，好足料，cp值極高。d湯仲好有雞味好好飲，唯一美中不足嘅係太熱啦，桃桃碌親條脷。

天氣好凍，就會好想食啲熱辣辣嘅嘢，見到呢度用砂鍋裝刀削麵，仲好似好養生。平日嚟嘅下午，冇乜客人，可以隨便坐。餐牌上面砂鍋嘅選擇唔算多，離不開都係雞，飯可以免費轉做刀削麵。一黎即刻煙霧瀰漫，真係非常熱。面嘅份量好少，飄浮喺個砂鍋裏面，食第一啖刀削麵，即刻覺得好失望。刀削麵唔係我想像中有厚度嗰隻，係薄身無咬口嘅麵條，唔係好啱我胃口。雞湯底幾順喉幾好飲，但比較多雞油，雞塊亦唔係多，大約四五小件。我午餐食完呢碗嘢，四成飽🙈🙈

🇭🇰樂湯雞麵館·呢個係我地之前食過覺得個湯好好味再翻兜既 我哋上次嗌嗰個姬松茸響螺瑤柱雞湯就多啲湯料嘅 今次我哋嗌花膠呢一個就剩係得花膠 不過花膠個份量都幾足嘅😌😌我哋今次就嗌咗一個主食加小食 但係佢小食嘅份量真係比較少 所以大家都係嗌兩個粉麵會比較好🤭🤣·砂鍋花膠雞$82今次個湯依然好正 好濃雞味得黎唔會太油膩 而且入面有3大塊口感唔錯既花膠🤤🤤我哋上次係嗌左米線嘅 但係米線外賣嚟到有啲過份發脹 所以我哋今次就試咗刀削麵😎佢超級夾個雞湯 而且食落仲有啲口感既 唔錯唔錯 不過我地今次另外加左$10轉既雞髀就好失望啦 佢已經得幾舊架啦 仲要有幾舊係未熟既😰·蟲草花杞子浸翡翠苗$46涼拌雞絲海蜇$62個翡翠苗都唔錯既 佢係用雞湯浸 幾入味 而且個雞湯都係可以再飲返嘅雞湯 不過就會有少少翡翠苗既草青味😎個雞絲海蜇味道就唔錯既 但係份量真係好細兜 食幾啖就無曬 而且佢個涼拌係用豉油嘅 所以食到最尾會有少少鹹 不過個味道係OK嘅😌·#rbyeat#rby港式#rby佐敦 #rby銅鑼灣·📍佐敦庇利金街61號地舖📍銅鑼灣登龍街41-51號地舖

今日下晝同孫仔出街食飯，難得兩個人出街食飯，就同孫仔食好啲啦。路過佐敦見到間舖頭食魚翅，就問吓孫仔鍾唔鍾意食，佢就開心到跳起，話咁大個仔未食過魚翅。就同佢試吓啦。我哋兩個人，一人叫一個，我就叫咗個砂鍋花膠雞湯配刀削麵， $100都唔使，有幾抵食喎，孫仔就叫咗個砂鍋花膠雞湯配米粉，佢最鍾意食米粉㗎啦。湯底好濃郁，仲有少少膠口，仲有好多翅，咁凍天氣食完真係好暖，刀削麵都好食有咬口。孫仔食完都讚不絕口，仲話下次一定要再帶去再嚟食，咁我就應承佢啦，下次再嚟食。

天氣凍飲熱湯最正!✨花膠雞湯翅 hk$78好足料嘅雞湯翅！！湯底好濃仲要今日太凍 飲晒💕湯可以配飯、刀削麵、米線、米粉我揀咗刀削麵做麵底雞好滑👍🏻都有5舊雞背 仲有金華火腿絲 有啲咸香味一夾就有好多花膠 仲有翅！不過當然唔好expect係好靚嘅花膠喇性價比超高！👍🏻同埋冇加一

食物標榜沒加味精，但食完會口喝，我食的是砂鍋雞湯翅米線，米線份量極少，所謂既翅係有一兩片，其他是翅下俗稱魚唇既物體，而且有多件雞件，湯味濃，68元既價錢，可以一試

2020年終於快過，獎勵一下自己食餐好嘅，魚翅撈飯想食好耐啦，今日一於試下佢。由於限聚令關係，今次我自己一個人食，食哂一大個魚翅撈飯。呢間樂湯雞上網睇左好耐，食評都不錯。今次叫咗個砂鍋花膠雞湯翅加個靚仔，好足料，花膠大大件，魚翅都份量十足，湯底好濃厚，做到少少膠口嘅感覺。食店環境都好衛生，見到服務員都不停清潔，宜家咁嘅環境，大家真係要提高警覺，保持衛生。可能係宜家比較靜嘅關係，服務都好好，姐姐都不停問我有咩需要，希望之後忙返都做到呢個態度啦。題外話，見到隔離枱食個雞湯都好似好正咁，好抵食。本人十分滿足，希望大家捱得住今次疫情，可以一大班人一齊再食好野。

限聚令前到佐敦辦點事，順道到這間以雞湯為主打的小店吃個飯，飲碗靚湯暖暖身🥰同太太二人行，叫左個砂鍋龍皇雲吞雞，配埋白飯，份量十足，湯又熱辣辣，呢個天時飲啖湯即刻暖立立，佢個湯頭都算交足功課，吃得出係真材實料的，抵佢以雞湯做招牌主打嘅！另外加個鮑魚雞大碗飯，份量都好夠，雞都算幾滑，又入味，鮑魚加埋有少少鮑汁撈飯好正😋太飽了下次會試埋其他麻辣及小食，見到隔離枱有豬手同青瓜都好吸引，不過限聚令到幾時呢，唯有早啲過嚟食😅或者買外賣吧！

11月21晚同男友第一次食，見到openrice咁多好評以為好正，當晚6點幾到達，我叫咗藥膳湯刀削麵同醉雞，男友叫咗砂鍋雞湯翅刀削麵，然後share食。味道係唔錯，個藥膳湯同雞湯我哋飲咗大半，仲話下次再嚟食，所有餸都食晒。點知當晚12點幾我就開始胃痛同肚痾，男友送我入急症後都開始發病，兩個都係腸胃炎，要吊鹽水、打止痛針。同朋友分享時先發覺原來佢都中過招，又係食呢間之後又痾又嘔，食完無事嘅人真係好犀利！P.S. 睇新聞先發現原來同日有另外4個人同我哋一樣，都係食完呢間餐廳就出現痾嘔症狀大家揀餐廳要小心啲！

本人在24/11食咗嗰花膠雞湯飯之後大約在25/11早上發現有問題睇完醫生話係腸胃炎同事係24/11夜晚腸胃炎而入咗醫院再後來發現原來21/11已經有四人發生事而要去睇醫生22/11再有兩位煩請店舖負責人留意自己嘅出品

天气转凉，想喝点热汤暖暖胃。乐汤鸡的生意颇不错，过了晚饭时间还是坐满的，要在店外等了一下才有座位。菜谱比较简单，主要是以鸡汤为主，配合不同的食材，用砂锅上桌，再配上白饭和面条，大大份的，除了好味，足够医肚。花胶鸡汤是招牌必食，鸡件也不少，配上花胶和金华火腿，汤底极之清甜。松茸螺片鸡汤味道较浓，把米粉泡在汤内，充分吸收了汤的味道，非常好味。以70多元的价格而言，是很合理。除了赞一下他们的味道，也能医肚。天气凉除了吃煲仔饭，这类汤饭也很合适。