樂湯雞麵館 (庇利金街) (裝修中)

大年三十出去想食個lunch先發現好多餐廳都已經收爐了，在徬徨之際，發現呢間樂湯鷄有開，就即刻入去。店裡的海報農曆新年都無休嘅。砂鍋”花膠魚翅鮫”鷄湯刀削麵 ($74)個名又有花膠，又有魚翅，仲有鷄先係賣74蚊咁抵，桃桃就叫嚟試試啦。另外加6蚊仲可以加豆漿或汽水。上菜果然係用砂鍋，到枱上依然”炸炸”聲，好適合冬天食。細心嘅店員仲提醒桃桃要小心窩邊熱，唔好掂到，真好窩心呀。鮫入面真係有花膠同魚翅，另外有切鷄件，好足料，cp值極高。d湯仲好有雞味好好飲，唯一美中不足嘅係太熱啦，桃桃碌親條脷。