樂天皇朝 (東薈城名店倉)

營業中

休息中

諗起好耐冇食過上海野，咁岩係東涌outlet行街既時候見到有樂天皇朝，之前都食過幾次覺得唔錯，主要緊係想食小籠包，一入到門口，員工服務態度非常好，服務好稱心🤍.原味小籠包｜$68必點小籠包！外皮帶有少少煙韌，有口感，包入面有超多湯汁，鹹甜適宜，而且啲餡既味道真係好好味，一啖食落去係好豐富既口感。四川辣子雞丁｜$98食上海野要試下啲基本名菜，上枱既時候已經聞到陣陣惹味，啲雞丁唔會好細粒，食到肉質鮮嫩同埋好鬆脆香口，有少少喜出望外，辣度都有少少辣。蟹粉炒飯｜$138飯面鋪滿晒蟹粉、蟹肉，啖啖都食到蟹粉既味道，蟹味都幾出幾濃郁，亦唔會過咸，好味！蘿蔔絲酥餅｜$68最後來一個傳統既小食，外面炸到金黃超鬆脆！咬開好香白蘿蔔味，同枱朋友未食過都話好好食，做到外脆內軟，真係唔簡單！

叉燒醬油拉麵$88，店員先問你拉麵的韌度，想要適中，偏硬身還是偏軟身，我就選了適中靭度，湯底不屬於濃味，拉麵中有魚蛋，糖心蛋，叉燒五塊，蘆筍及蔥花。喜歡拉麵軟硬適中，叉燒軟綿綿的不鞋口。炸雞當 $58 喜歡飯中加入糖心蛋及伴有海帶湯，味道清甜。而沙律菜伴有沙律醬，而主角炸雞炸得香脆，喜歡重口味偏向濃味的你，你會喜歡這一個。章魚丸子 $38喜歡章魚燒外面炸得香脆，內裏鬆軟半有章魚有咬口，喜歡多醬的你，你必定喜歡。

去完大嶼山行山好餓，見呢間嘅小籠包咁colorful，真係好想食呀，一於試下佢！🥢芝麻醬油麥菜油麥菜新鮮，卷成一卷好爽口，點埋麻醬好清新。🥢心太軟呢個並非甜品朱古力，而係紅棗界開中心包住一粒粉團，煙煙韌韌好有口感，紅棗滋補養顏女士恩物。🥢蟹粉炒飯炒飯粒粒分明，又有蛋香，加埋金黃色嘅蟹粉嘅鹹香味，令成個炒飯味道提高一個層次。🥢京醬肉絲配薄餅甜麵醬的鹹甜味好開胃，用薄餅送平衡咗咸味，好食到俾我食多幾塊都得啊！🥢特色皇朝小籠包跟着從原味到川味的順序一一品嚐，由淡味到濃味，完全係味覺嘅享受。小籠包皮薄多汁，熱到剛好，不燙口，係必食推介。🥢豆沙鍋餅外皮非常之脆，咬落中間嘅皮，仲有少少軟糯，豆沙蓉好似會爆出嚟咁樣，好滿足。為呢一餐畫上圓滿嘅句號。總結，菜餚傳統得來帶點創新，樂天皇朝打造出耳目一新的感官與味覺盛宴！

近來多咗踏足東涌，行outlet又得去郊遊又得，呢間餐廳主打上海菜，好闊落光猛，仲有outdoor位置，唔係咁凍嘅話坐出去會好chill，今日個天都好藍~🔘原味小籠包六隻小籠包係招牌菜不嬲都出色，皮夠薄又有湯汁，今次冇點醋食，原汁原味都好正!!🔘竹炭流沙包賣相低調，冇掃一層金粉落去，但味道好有驚喜，個包軟熟，非常有流心效果而且好有鹹蛋黃味，之後再嚟相信流沙包會成為必點嘅食物!!🔘上海風味醬鴨第一感覺係醬鴨好適合用嚟做臘味飯😂，偏乾身有啲鹹香嘅味道，例牌嘅份量鴨肉唔算好多!!🔘上海炒年糕朋友想食炒年糕，年糕口感好軟糯，唔使太費力氣去咬，炒得均勻每片年糕都掛汁，配料有唔同蔬菜同肉絲，調味都唔錯!!🔘香煎豆沙鍋餅熱辣辣外皮超級脆，上枱之後要等一陣先可以食，紅豆蓉甜度剛好，份量適中唔會超級少!!🔘熱羅漢果茶唔太甜味道天然幾好，又可以清熱～

已經有一排無去過東薈城，原來佢依家開左新一期嘅商場，有好多新開嘅餐廳，呢間樂天皇朝個餐牌睇落好吸引，有好多蟹粉菜式，一於試試佢～～李白醉雞 - 估唔到係小食但分量都咁足，生熟度剛好，鮮嫩肉質之間滲住酒香，味道馥郁蟹粉炒飯 - 呢個有驚喜，每一口炒飯都吸收左蟹黃汁ge日月精華，仲有一絲絲ge蟹肉，會忍唔住一啖接一啖咁食蟹粉鍋貼 - 餃子表皮煎得金黃香脆，一咬落去已經爆肉汁，包住粒粒蟹黃，食落更加鮮香京味炸醬麵 - 北京炸醬風味ge麵係香港比較少食得到，食材有豆干、洋蔥、肉碎、冬菇，口感相當豐富，而且甜中帶辣，愈食愈惹味！！值得一提係個小碟花生栗子超好食，滷得好入味好腍

樂天皇朝食小籠包，查為比起正式酒樓平少少，$8/1位半份話梅元蹄 $108一份係$198，多人食抵啲嫁。話梅好酸酸前，甜在後。元蹄即係豬蹄，做節過年都幾常見。元蹄好厚肉，豬皮無毛！！重點！汁唔咸，有話梅中和減油膩。特色皇朝小籠包 八色 $138招牌原味小籠包 - 軟肉原肉汁糟溜絲瓜小籠包 - 有微微絲瓜粒混入，有少少瓜口感鵝肝小籠包同黑松露小籠包都係比較濃味，有少少食西餐咁芝士小籠包 - 唔太重芝士味，重手啲高好蟹粉小籠包 - 食蟹嘅季節當然唔少得叫啲蟹粉，正！蒜香小籠包同川味小籠包都係最後刺激味蕾，好少少少少少少辣，香味比較多。雪菜鹹肉炒年糕 $93幾大份既呢！雪菜癡滿晒係煙靭嘅年糕！鹹肉大塊肥瘦分明~呢度嘅環境比起銅鑼灣分店就光猛開陽啲，是因有個落地玻璃同可以outdoor食。

朋友帶我黎左東涌東薈城SHOPPING,之後佢話呢度既上海菜好出名,仲有拎過米芝蓮獎項,就帶左我黎呢間上海菜館食野,一入到去入面座位好多,門口附近就已經見到廚房師傅制作小籠包同其他點心,所以食客可以見到廚房既衞生情況食得安心,另外,呢度大部分位置都係梳化位,好好坐,環境舒適,我地叫左一客小籠包如果想食特別味道可以自選,我地叫左原味,原汁原味,皮薄涵靚,唔會好易穿可見廚師包小籠包既手功技巧幾好,仲叫左另一款水餃都好多涵,菠蘿咕嚕肉酸甜香口,加埋宮廷驢打滾特別既甜品又軟熟又好味由花生同豆沙涵做成,小編推介,豆沙窩餅都唔錯,時令飲品推介意米檸檬同埋羅漢果茶潤喉。

東涌星期六日真係好多人，但係平日相對上地方又大坐得又舒服，今晚同朋友食嘅呢一間就好值得推介啦！大力推薦呢間嘅小籠包，呢度最出名係#八色小籠包，皮薄餡靚！仲有勁多湯汁😍 不過我個人比較鍾意原味，最簡單嘅先係最美味😋 冬日就係要食呢個咁溫暖嘅小籠包🥰🥰另外仲叫咗一個蟹粉炒飯，係餐廳近期推介既，味道都好好，會唔會太膩之餘又食到蟹嘅鮮味。另外仲叫咗麻婆豆腐，個麻辣感覺好夠四川嘅感覺。最後食埋個甜品！ 酒釀丸子～ 丸子好煙韌🥰Overall我覺得呢間餐廳食嘢好舒服，而且店長服務態度勁好，值得一讚👍🏻

想食小籠包嘅時候一定會諗起樂天皇朝，鍾意佢皮夠薄又多肉汁，粒粒飽滿豐潤，仲有多款口味可以選擇。今次去仲做緊時令蟹粉主題，有多款蟹粉菜式可以選擇，部份蟹粉菜式長期供應，啱晒鍾意食蟹粉嘅我😃🔸蟹粉白玉盅 $88蟹粉鮮香，啖啖蟹肉加豆腐，味道鮮甜，口感滑嫰。🔸蟹粉餡餅(3件) $65 爆針肉餡加上蟹粉鮮香，鹹香鬆脆。🔸成都口水雞 $88 雞肉鮮美嫩爽， 醬汁集麻辣鮮香嫩爽於一身。🔸豬骨湯年糕 $85 湯頭味道鮮甜，配有肉絲、大量蔬菜，年糕Q軟，比起炒年糕更健康。🔸凍蘋果荔枝茶 $28果味香濃，味道清甜茶香十足，甜度適中。🔶每次光顧都覺得呢度食物嘅質素保持水準，必點 #驢打滾 呢款甜品，每次食都保持新鮮軟熟，加埋黃豆粉加豆沙香嘅魔力實在無法抗拒😋

趁就到聖誕🎄去左東薈城血拼🛍️剛好晚飯時間，路經人流微旺嘅「樂天皇朝」，見其開放式廚房，望到師傅摺緊小籠包子，好吸引😍決定食呢間！店員服務殷勤有禮，從門口帶位至落單，上菜水同小食速度快，呈上盡顯矜貴金色不鏽鋼茶壺🫖消滯解膩普洱。焗至軟身花生🥜同甘甜栗子🌰做小食，十分清甜軟糯，不會熱氣，不錯👍🏽八色小籠包💛💙💜❤️ :熱辣辣呈上，八色分別係原味、川味、蒜香、黑松露、芝士、蟹粉、鵝肝、糟溜絲瓜。各口味同豐富肉餡調味得恰到好處，外皮厚度適中，不會一夾即破，用上純天然食材製成外皮，每一隻都做到爆汁效果，連肉餡都充滿濃郁松露味為之驚艷，每一粒湯汁清甜而不膩。竹炭流沙包:熱辣辣蒸起，一搣開，滾燙黃金流沙內餡溢出，小心燙嘴但要趁熱食，竹炭包都好鬆軟，美味無窮。家鄉素菜包：包既摺痕好巧功夫，好似小籠包咁都有10幾摺，美觀得黎又好食，餡料是切碎嘅菜碎同粉絲，調味不重手，甚至略為清淡，但包質感鬆軟，配合菜餡相得益彰。皇朝擔擔麵：拉麵🍜質感有彈性，不會一堆黏起，花生濃湯底湯頭帶點微辣，呷一啖湯連面條，熱辣辣濃郁濃稠花生香氣撲鼻，做到沽麵效果，不錯👍🏽鮑魚炒飯:作為廚師推介必食，飯底無得輸，上菜用上瓦煲，保持熱力

天氣涼涼地最想食熱辣辣嘅嘢去開東涌見到樂天王朝已經有一段時間冇食過啦一於入去再次食小籠包—————————今次總共叫咗四樣包括有小籠包、上海炒年糕、辣子雞同埋醉雞———————-每次去上海店一定會食醉雞呢度嘅醉雞好滑好香如果肉類份量再多啲就好啦！辣子雞唔算辣食落去有啲似麥當勞嘅脆辣雞腿包雞嘅份量都唔算少 無骨都好方便食上海炒年糕味道夠濃味最鍾意食年糕煙煙韌韌嘅口感娃娃菜同菇都好入味最後梗係要講一個呢度嘅主角小籠包果然唔會令人失望咬落去好多湯汁熱辣辣好好食———————-兩個人少少哋，大約都係$400到性價比都唔錯下次有機會再嚟食啦

上海風味醬鴨上海名菜之一，風味醬鴨濃郁香氣，香料馥郁芬芳，味道甘甜帶鹹香，而且肉質香嫩，油脂均勻，好惹味。原味小籠包小籠包皮薄，口感煙韌，小籠包充滿肉汁，肉質香嫩，好味道食到停唔到。四川水煮牛肉水煮牛肉鮮香可口，油而不膩，麻辣味厚，肉質滑嫩，帶有川菜嘅濃烈香味，好暖胃。宮廷驢打滾外皮煙韌，口感軟糯有嚼勁，中間捲入甜絲絲嘅紅豆蓉，加入紅豆，灑上黄豆粉同芝麻，味道更豐富，清甜又香軟，係飯後甜品推介。蟹粉餡餅蟹粉鮮甜濃郁，餡餅香甜脆口，非常滿足。炸饅頭聞到香噴噴，油炸嘅饅頭特別香，外脆內軟，口感酥脆。點了幾款滋潤養生飲品：檬檬蘆薈桂花蜜，蘋果與荔枝茶，檸檬薏米水。樂天皇朝地址：東涌達東路20號東薈城名店倉3樓326A號舖

晚上，1行3人黎到位於東涌東薈城樂天皇朝，由於是星期五晚上，人流都多我們等咗十五分鐘左右就有枱。我點咗龍華素鴨，皇朝小籠包，開揚蔥油拌拉麵，上海炒飯嘢飲就叫咗菊花蜜，甜品叫咗宮廷驢打滾，等咗十分鐘左右餸菜都上齊了。龍華素鴨個汁好好味素鴨亦都好有口感，是一個不錯的小食，蔥油拌拉麵蔥油很香拉麵彈牙，上海炒飯我覺得一般般都尚算好食的，至於重點皇朝小籠包由於有三人同行，我只能試到個黑松露小籠包同埋蟹粉小籠包，黑松露小籠包松露味很重而且好好味整個口充滿著松露香氣，蟹粉小籠包蟹肉很多充滿蟹香，菊花蜜清淡而且帶有很重菊花香氣，而甜品宮廷驢打滾口感煙韌帶有紅豆沙香非常好味，呢間樂天皇朝回頭率80%

樂天皇朝 (東薈城) (東涌)東涌達東路20號東薈城名店倉3樓326A號舖秋冬嘅季節最適合呢就食中菜，暖身係有必要嘅，又喺度食蟹嘅季節咁食上海菜，蟹粉就係秋冬嘅儀式感。前菜係栗子花生🌰，好適合呢個冬季食，符合左不時不食嘅道理，真係好養陰。蟹粉鍋貼外脆多汁，食嘅時候要小心啲，唔係啲汁就會爆親件衫，蟹粉味道足料特濃。羅漢果茶經理話啱啱煲咗羅漢果茶，冬天就最適合飲，滋補養生，即是要兩杯，補血健脾。特色皇朝小籠包（八色）招牌原味小籠包原味係最好食嘅，因為穩陣。川味小籠包川味小籠包就真係夠辣。蒜香小籠包蒜香味唔濃㗎，所以幾match鹹香做底蘊嘅小籠包。芝士小籠包fusion菜感覺就係咁新奇。蟹粉小籠包食咗蟹粉小籠包，味濃多汁，但我會覺得蟹粉鍋貼更值得推薦，因為香口。黑松露小籠包呢個係第二好食嘅，鍾意黑松露嘅就冇放過啦。鵝肝小籠包鹹香得宜😎糟溜絲瓜小籠包青青河邊草係點樣嘅呢？就係食呢個小籠包嘅時候嘅感受啦。成都口水雞辣味係適中，足夠惹味，刺激味蕾但唔會感到麻，雞肉鮮嫩，冇骨又真係易清碟。撈伴海中寶清淡但爽口，鮮蝦爽脆，海蜇質感厚實冰涼，前菜食到嘴爽爽🥳

Lunch先黎8號波，好彩樂天皇朝做埋午市我地先有飯食。羅蔔絲酥餅有驚喜，外面鬆脆，入面既羅蔔絲甜甜的，正！無錫鮮肉鍋貼一人一粒，煎到岩岩好，唔會燶左，唔洗點醬都好食。炸饅頭炸得好香口，黃金既外皮又吸睛，點埋煉奶真係絕配。紅油抄手少少麻辣，大大粒，有粒粒炸蒜鋪面，唔錯。原味小籠包次次黎都必叫，湯汁濃郁，包皮厚薄適中，好食。蟹粉炒飯個蟹粉汁唔錯，好香好惹味，可惜飯太多，最好多啲蟹粉balance返就掂啦😆