樂天皇朝 (將軍澳中心)

營業中

休息中

朋友突然約食飯諗住星期六邊度都人多我又湊住bb下午打去想book定位 點知佢話今日booking full左叫我夜晚黎walk in 到左夜晚7點左右 黎到門口即時有位 安排入座店員都好好禮貌好友善主動詢問要唔要bb櫈同提供兒童餐具入到去 見到出面係比較full最入面係比較多吉枱既點左個小籠包 唔記得影相賣相唔錯 熱辣辣 咬落好多汁 皮唔會太厚味道一般 冇特別揚州炒飯 味道淡淡的 比係平時食開既 真係好淡味唔吸引炸饅頭外脆內軟熱辣辣 整體黎講 真係一般般

將軍澳中心有很多餐廳，附近也很多大型店鋪，好喜歡去這個商場食飯行街！樂天皇朝每間分店裝修都貫徹始終 很華麗，平日lunch 不是太多人，很喜歡食樂天皇朝的小龍包 很多汁，餡皮都很薄！另外要讚既係鮮蝦雲吞拉麵蝦好新鮮，而且雲吞好大粒，拉麵係豬骨湯底，我每次食完都好味到飲唒d湯另外蘿白絲酥餅都係我至愛一定要叫！每個都包著滿滿的蘿白絲同埋一定係熱辣辣上碟的！雪菜蝦仁炒飯，蛋絲同飯粒粒都炒得好分明，雪菜很惹味，蝦都是爽口的。雖然炒飯，不過食落口都唔太油。overall 食物質素唔錯，不過價錢略貴呢。

今次同朋友試呢間中菜 分別叫左幾款菜式 雖然我地午市但冇套餐 要單點 茶錢$8一位 一坐低就會有碟小食 係栗子🌰同花生 🥜後來睇返張單自發現原來碟小食係要另外收錢嘅$15 另收加一服務費 店員冇同我地講到呢點好似唔係幾好1. 原味小籠包6粒 $62 💡💡💡小籠包好有驚喜 真係名不虛傳 皮薄餡靚 入面湯汁唔會過份油膩 但又有豬肉油脂既香味 size 適中 一口就食得哂 湯汁係口腔入面爆出嚟 好滿足❤️細心一提一定要趁熱食 如果唔係個皮會痴住塊布 比較易穿 漏哂啲湯汁 2. 無錫鮮肉鍋貼 3ps $40 呢個鍋貼底部煎得好香脆 但就冇咩肉汁 皮都比較硬 3. 炸饅頭 $28 雖然呢樣菜式好普通 但我好中意食 點埋練奶食真係絕配 而且外皮好脆4. 肉碎乾煸四季豆 $85 👏🏼呢個都幾推介 送飯一流 如果單食就會比較咸 但係配埋飯食就岩岩好 呢個好味😋5. 鮮蝦雲吞拉麵 $75 呢樣真係太過普通了 有4粒雲吞 皮較厚 餡料又唔係幾juicy 湯底好清淡 係勝在好大碗好飽肚 但絕對唔推薦叫 6. 豆沙鍋餅 $55 外皮係有啲太硬 唔夠酥脆 豆沙餡料都夠 仲有好似麻糬係入面煙煙韌韌

首先講優點，上海炒飯好食，有鍋氣，抵食。 酸菜魚味道可以，魚嘅口感「脆緻」，真係脆嘅， 湯都幾正，酸味十足，帶有少少辣，野味。 優點講完。 當時諗住叫得「皇朝」酸菜魚，照計唔差先啱。 點知中咗伏。呢個價格，魚個份量少得可憐，與其說呢個係酸菜魚，不如叫做酸「湯」粉絲。 份量最多係1/4條中等size嘅魚嘅量。 酸菜仲少過藤椒，可想而知有幾多。 粉絲就堆得超滿⋯ 唉，以後都唔會再食，至少唔會再食佢條「皇朝」酸菜魚⋯⋯⋯⋯

使用"食我去"app見到有50% off, 無咩考慮既餘地就落booking...點左幾樣菜...夫妻肺片: 份量少得可憐，唔知係咪因為半價關係...正價既話會完全叫唔落，牛味道極似我國即食肉類包，牛肚味道可以而且好吸味鮮蝦紅油抄手: 有6隻，雲吞隻蝦夠大夠爽夠味，紅油汁正常水準，菜式水準之上鮮蝦酸辣湯: 呢個利害，鮮蝦份量係3大粒蝦仁，呢個好失望，份量見圖蘿蔔絲酥: 夠熱夠酥夠鬆，而且唔油，好食!總括而言，味道水準範圍，但正價的話絕不會再吃

服務態度非常差，侍應叫極都唔黎 ，叫左好幾次都扮睇唔到（吓。。。）行過轉身就走咗，無視左我4 5次tim la。最尾要親自行去個櫃台同佢講 佢d要話叫我“咁你等下羅” 激到我女朋友好嬲，野食要等成大半個鐘先到，野飲吹左佢兩次最尾食完野先同我講冇落order，最尾一黎又比錯兩杯我 。野食都好失望 ，叫左最出名既小籠包但味道好淡 ，皮又厚 ，有d口味食落重要好怪 食到個胃好膩。 價錢完全唔值 ，用左半價兩個人去食都要成250蚊， 比錢買難受。 以後唔會再去！！！！！

小籠包真係好正！皮薄且不易破；餡靚，肉汗和湯汁相宜。一口咬落去好有滿足感，即使香港天氣和暖。佢廣告成日賣佢有8款味道既小籠包，其實試過就算，都係原味最好，啖中知真味嘛～ 各款湯麵都很不錯，好喜歡佢啲麵條既口味，湯不會太濃，對於我黎講算係清淡。小菜大部分都唔錯，係金沙骨啲醬汁太濃太多，分開上會更加好。不過甜品就差咗啲，雷沙湯丸好伏，皮厚兼硬，之後就無再食過佢晇其他甜品。去餐廳都係食佢招牌好啲，去親呢間都為左小籠包。

驢打滾 $45/3粒-這店對我和男友來說別具意義，所以不時也會常顧。今天晚上再次常顧，甜品到來時真的令我對這店感到失望🙁。-自上次吃過驢打滾後便愛上了，軟、香、綿。但這次的份量真的減少了不少。😦-今年3月來光顧這店的驢打滾時是這樣的。-沒想到3毎個月後再光顧，竟嚴重縮水😟。這是3個月前的3分之2份量😤。我明白在疫情下食肆面對很大的衝擊😖，但怎能以相同價錢💰💰向客人提供份量減少了1/3的食物？😨作為這店的常客真的感到很失望🙍。

用訂座apps book左8:00食飯，有六折，七點九黎到店員都俾即時入座，太好了。兩個人坐四人檯，店員放低一壺茶同一碗花生粟子。粟子好味，茶都夠熱。叫左原味小籠包、京醬肉絲、生煎包、雪菜蝦仁炒飯同雪菜黃魚煨麵。小籠包熱辣辣，京醬肉絲就似食片皮鴨咁用麵皮包住肉絲食，但麵皮得六塊，唔夠包曬d肉絲。生煎包剛剛煎起，但有d油膩。炒飯好有鑊氣，但略嫌有點淡，可以用肉絲送飯。雪菜黃魚好味道，黃魚口感彈牙，但麵得好少，同行朋友留得兩條俾我食有折真係抵食好多！

樂天皇朝一向都多人食，一直都好想試下八色小籠包，依家終於有機會試喇。特色皇朝小籠包，有八款口味，當然要同朋友分享，每人只可以試幾隻味。我選擇了原味及鵝肝，皮薄足料，夾起時湯包依然完整。淡淡的鵝肝味，幾特別，但原味始終係至愛。李白醉雞，雞嫩滑，酒香濃。瑤柱芙蓉賽螃蟹，一碟滿滿的，又香又滑，拌勻送炒飯一流。肉碎欖菜四季豆，爽口惹味。上海炒年糕，年糕煙韌，加上配料，豐富了年糕的層次，所有人都吃得津津樂道。每款餸菜都好有水準，喜歡吃中餐的朋友不要錯過。

最近疫情開始放緩 決定同爸爸媽媽係屋企附近食返餐不得不點大家都熟悉既特色小籠包（8 flavours) $118/8pcs保持一貫水準 好食得黎又吸睛 最啱打卡👀另外再點左油炆荀 醉雞 清炒蝦仁同埋沙拉骨價錢合理又唔會話太大碟最鍾意個清炒蝦仁 母親大人表示滿意🥰

今天是母親節，懶得煮就經app於今天提早八小時前訂單，定晚上7:15送餐。呢間咁嘅酒樓到7點，早15分鐘就突然取消咗order🤬🤬🤬🤬唔洗嚟，以後唔會再光顧。

好失望嘅一餐，之前成日上網睇多人食呢間，個特式小籠包好似好吸引咁，同埋咁啱冇乜人等位就入咗去食呢間一入到去啲服務員態度已經好一般嗌完嘢食等左10分鐘就有嘢食到第一個係個擔擔面，嚟嘅時候已經唔係熱嘅，啲面咬落去有痴牙，啲湯飲落去唔夠麻醬，唔夠味得嗰少少辣味，完全冇左擔擔面嘅感覺之後口水雞都到，食落去啲雞有雪味，而且非常之嚡口，亦都唔入味乾煸四季豆，啲豆勁老，本身個味幾好嘅，不過落太多糖 太甜流沙包幾好嘅，但係嚟到都唔係好熱，咬咗兩啖先有嘢流出黎八色小籠包，好唔好食真係見仁見智，佢個餐牌到寫超薄皮，嚟到啲皮厚到⋯好心你去食下其他上海菜餐廳嘅小龍包，仲可以話自己皮薄嘅 真你話你叻， 仲要真係幾難食松子魚值得一讚，但係性價比唔高個豬蹄又係嚡嘅，碟野好似仲細碟過個口水雞⋯沙拉豬排幾好 正常水平宮廷驢打滾個豆沙比較濕豆沙鍋餅都唔好食，個皮又厚，中間又好似唔熟咁，嚟到又唔係好熱，個皮仲要係唔脆，超級失望食飯期間我哋有叫過服務員幾次，因為要嗌個白飯同想要醋， 叫勁多次先理我哋大家話好嘅未必係好嘅⋯

檢查一下，原來上年購買的Yahoo 團購卷【樂天皇朝】差不到期，快快去食！【樂天皇朝】 是從星加坡引入的餐廳，已經開了幾間分店。筆者也去過不同的分店，味道相對穩定而且選擇多，都是一個好去處｡位於將軍澳的【樂天皇朝】是最近新開的分店，以前人流頗多，要等位才能入去。因為用團購券的關係要早兩日訂位，所以今日去到不用等位。其實最近疫情下, 2月每間餐廳客人明顯減少，最近去商場都非常冷清。今日剛好是情人節，商場內的人流多了一點點。希望疫情快些過去，每間餐廳能夠客似似雲來。這間【樂天皇朝】沒有特別的裝修，勝在面積四四四正正，而且非常光猛。只是枱之間距離比較近，沒有太多空間。之前在Popcorn有一間翡翠拉麵都是吃小籠包、拉面、點心的上海菜，但是味道一年不及一年。相比【樂天皇朝】，味道比較穩定而且款式多，不知道是否這個原因，翡翠拉麵最近結業，並轉為翡翠潮州菜館。【樂天皇朝】餐牌圖片精美，令每樣食物都非常吸引。點菜方面，客人自己點再交給店員｡【樂天皇朝】 最出名當然是八種不同味道的小籠包，有蒜香、人參、鵝肝、黑松露、蟹粉、芝士、川味及原味｡ 不過筆者不太貪新鮮，最喜歡還是原味的小籠包，而且可以揀六只或

從來上海菜給人感覺是傳統一版一眼，但其實如今許多上海師傳近年來不斷格新，令更多上海菜地位提升，之前去過【樂天王朝】，入面每道菜就好像藝術品一樣，所謂手工上海菜，人手做每個精細的步驟，令色、香、味、美，用料配搭，一試便知道師傅講求烹調工序，一個晚上吃到精工巧手菜式，那個晚上很滿足。餐廳位於將軍澳中心地下G31號舖，非常易搵，因為門面開揚又夠大，都有一定既氣派喔。甫坐下，這裡會提供酒精消毒濕紙巾，然後讓我們將食具用滾水消毒，讓我和朋友可以吃得安心。真的做得好好，值得讚許。.感覺非常不錯，餐牌的內容非常豐富，除了有前菜、冷盤、主食、小菜，甜品的款式介紹外，還包括【樂天王朝】成長史，同「特色王朝小籠包」 等等資訊。好詳盡呀！👉🏻上海蔥油大餅 $45兩面都烙成金黃色，油餅圓圓的，備裡撒滿綠色蔥花及外面多多的芝麻，還夾着許多水晶般的豬油。蔥油餅入口紮實、層次豐富、口感偏干，不過體現出餅的韌度，在邊邊的位亦都有香脆度。無論是不是正宗老上海味道如果有人願意為你做蔥油餅，那應該就是幸福的味道，因為我知工序是非常複雜的。👉🏻芝麻醬油麥菜 $65呢個真係好想再ENcore，鮮嫩爽脆嘅油麥菜用薄薄嘅青瓜片包住