樂天廚房 (已結業)

嬲到我第一次打食評無服務 禮貌差女朋友由落單等左成半個鐘都無野食淨系來左兩杯野飲 半個鐘後吹單佢話我地落d野賣曬我話甘我等緊咩呀你落單唔講？！之後我話唔食了取消曬佢 佢又話又有反我落單既野食我話我唔要了我要離開！埋單淨系計我兩杯野飲正價錢 兩杯痴淋淋杯邊既野飲埋單50$老實講我都唔想比希望佢XX大吉

自從開張之後,我同屋企人黎過呢度幾次,食開下午茶餐及晚餐, 都覺得唔錯又抵食.最鍾意下午茶餐的炸魚柳, 又好味又大件.今日黎呢度食個lunch, 點知唔係預期中咁好.我次次黎都叫呢個(我轉左白飯), 食過幾次, 今次係最差嘅一次. 註明無骨, 但今次有骨, 所以大家食嘅時候要小心. 雞比之前鞋同UN, D飯又唔夠熱, 有點乾及硬. 考你眼力, 見唔見到飯粒痴住D紙碎? 凍啡還可以啦, 跟餐凍飲加3蚊. 

話說我見佢好似新開近近地，叫左個焗豬扒飯同松露蝦球意粉，返到屋企打開個外賣，嘩！湯意黎架wor，個意粉濕到呢！一食落去仲嬲，冇味咁滯，白烚你夠膽死收我$58！外賣仲要加$2！焗豬都唔算好食架喇，個價唔值lor!大家樂都好食過佢，我早知行上電梯唔好慳幾步買d正常野食lor!我食左個意粉真係造成難以彌補心靈創傷！點解，用依個價買左個咁難食既飯！天啊！真係好貴好難食好垃圾呀！係我心目中已評定核爆級難食水準

今日同仔系沙田禾輋商場試呢間叫樂天廚房我極中e食海南雞反 甘我地叫左2個賣相都幾好 好正常 一試飯先 唔太香一般般啦⋯⋯試雞一啖鞋到呢⋯⋯甘個經理經過我張枱我：我就話D雞好鞋 經理：我地D雞冇打激素所以啲雞咁鞋而且D雞糸惠州泥我為有唔食，真系超鞋兼有渣😒我另外叫過一份下午茶正常火腿通粉＋火腿煎蛋＋牛乳多士賣相一樣正常块多士凍既😒煎蛋好似鼻涕甘又系凍既😒火退都系凍⋯⋯仲衰過大xx、大快x、x心唯獨是火腿通粉係好食嘅唔會再泥食🤬🤬🤬🤬🤬

禾輋商場地下部份經過多月的裝修後, 終於開始恢復服務. 今天一家人就到了樂天廚房吃午飯, 囡囡很喜歡這裏的裝修, 因為色彩很豐富, 又有很多擺設. 三個人點了三個套餐, 平均約HKD50一個, 似乎比同一商場一樓的餐廳貴上數元. 黑松露炒蛋很香滑, 黑松露清新又沒有草青味. 豬扒撈公仔麵跟有薑蔥汁. 豬扒鬆軟, 亦多汁. 海南雞飯跟有三款醬汁, 甜豉油, 酸甜醬及薑蔥, 亦配有黃油飯. 雞大部份都起了骨, 跟一隻雞中翼, 個人應為全部都無骨就最理想. 雞肉都倘算嫩滑, 脂肪亦少. 黃油飯都很香, 但略嫌不夠熱及有些許硬. 雞扒火腿飯跟蒜溶汁味道方面也十分滿意, 雞扒有咬口又多汁, 蒜溶汁香口.  

拜年午後經過見到和輋邨冬菇亭都拆晒，商場亦變晒領x一式一樣既鋪頭，其中一間門面裝潢行小朋友可愛路線，內裏似動物園style的餐廳叫樂天，見佢夠光猛又唔洗等位，貪佢個名夠喜慶老黎，就入左去一試，點知...一睇佈局就知道係集團式經營，食評可睇圖說明，價錢略較其他集團式餐廳貴，食物質素和味道對於小弟黎講係覺得極之普通。雞鞋肉韌帶微量雞味，可自行用葱油調味。飯粒軟熟但唔夠熱。失敗。海南雞既說明係同貴妃雞完全一樣，老實說真係食唔出佢地既分別。目測此分別係肉色帶淡黃，應該用左少量上湯雞油去制作，唯咬落都係無乜味，佢一樣係會俾中式姜葱油你自行調味。值得一提係碗粉份量奇大，大過我個頭，一定夠你充肌，可惜齋睇相就知又係淡而無味。跟餐有料例水一碗。喂！哩間野亮點竟然係跟餐追加嘅小食，佢餐牌上係叫做香茅雞翼，不過佢係落左四川指天椒粉，炸得香脆，咬落都juicy,  係惹美既。隔離仲俾左pat茄汁你調味，有啲九唔搭八所以無用過。總結係只求醫肚可一試，肚腩男就無下次

沙田禾輋邨地下商場和街市終於重新裝修完畢，重攪咗個儲印仔加$1換購，早攞籌早換購，早上10:15去排隊，得159號籌，要等到12:15之後才可入街市換物，$1可換購，可觀的有鮑魚、龍蝦、白鱔......，得啖笑既有豆腐花、菜心、蜜棗....。咁我地攞咗籌，就到新開張的樂天廚房提早食午餐。海南雞飯配奶茶$55，暖暖的海南雞肉，唔似食緊海南雞，雞肉都軟滑，雞油飯都唔算多油，飯有雞油香。日式豬頸肉拉麵$48，有蛋、日式魚片、豬頸肉，材料都算豐富，拉麵就有些似吃油麵的質感，整體而言是「亞佗行路....中中地」！食完午餐去街市加$1換購咗5片一包的牛腱片，每片約2吋半X5吋半。

住喺附近，見早排禾輋商場地下裝修完終是去試下新嘢，人還真多呢，其實味道只是不過不失，但可以接受，只是價錢略貴，總比以前茶餐廳只有和平X好，下次去試其他菜希望記得影相！

禾輋商場早排大裝修, 裝修咗之後多咗唔同類型嘅餐廳, 而呢間樂天廚房就係其中之一。星期六嘅下晝兩點喺門口攞飛, 發現都幾多人等位, 可能係新開, 好多人都諗住試下新野。餐廳主打茶餐廳路線, 所以食物同一般茶餐廳分店唔大。裡面有自助熱水機俾啲客用, 可以清洗餐具同埋飲用, 值得一讚。叫咗個洋蔥汁腸仔豬扒飯, 腸仔唔係茶餐廳食開嗰款, 但可以接受。豬扒薄而且唔大, 比較普通。飯量幾多但洋蔥汁唔算多, 所以食到最後可能會唔夠汁。成個餐連凍檸茶大概要50蚊。以屋邨商場黎講, 可以有其他選擇。

今次是第一次亦可能是唯一一次食的餐廳，兩公婆晚餐一向本住「好又一餐」精神到處搵食，平貴都不是重點，只求食物不差，今次叫左一個尚算不太差的牛脷飯，另外叫左一個五成熟的肉眼牛扒跟鐵板上，呢個牛扒不知所謂，先把生的牛扒拖水灼熟再去煎一煎，咬落去又濕兼冇曬肉味，簡直是可笑🥴

元旦夜，去了重新翻新的禾輋商場吃晚飯，見到樂天廚房的門面裝修不錯，心諗質素也不會太差，便入去攞位。本初打算叫焗蕃茄豬扒飯，後來看見餐牌有一個元旦大餐，有餐湯、沙律、扒、甜品和飲品，攞$118，看似大件夾抵食，於是改變主意點了這個大餐。可是，原來這是一個伏，先來的忌廉湯已經是全個餐最正常的一樣食物，普通茶記質素。之後來的蝦沙律是惡夢的開始，蝦無蝦味，換來的是一陣陣雪藏味，沙律無沙律汁，淡而無味，吃了兩口便放低了。主菜什扒更不堪，有豬扒、雞扒、火腿、雞蛋，豬扒薄如紙，充滿鬆肉粉味，雞肉又細又油膩，火腿煎都無煎過，是凍的，完完全全是一份垃圾。更過份的是，白飲加八元，凍飲加三元，整個餐共吃了$129。如果去大家樂，足足可以叫兩個鐵板餐。。。。

呢間新開食店，一入到去，見到有空位，問隔隔離個收銀係唔係要拎飛，佢對我哋視而不見更唔應我地，於是我哋就禁飛啦，但係其他人就咁樣行入去囉，好咪有個好醒目嘅單即刻出嚟幫我地帶位，但張椅都有污漬要抹左先坐得。點左餐，問侍應拎杯清水，點知要自己斟，都好既，但啲杯唔多乾淨，啲水出黎有啲奶白色，有啲驚。倒左兩杯，洗左個杯先敢飲。打開個餐具櫃桶，啲快子全部唔係黑色，而係好多白色的漬。叫左個咖哩牛脷飯，但係好奇怪個咖喱汁係另上，但係個牛脷你就擺喺啲飯隔離，明明其他咖哩都係同個咖哩一齊煮。但個牛利係唔錯，味道幾好，但隔離幾條生菜唔知想點。叫左個喇沙豬頸肉摻摻，話係龍蝦湯底，但好淡，無咩味，整體係無咩特別，個摻摻係指油面加米粉，但完全唔索啲湯味，似煮好左先放湯，個摻摻可以完全同個湯味分開既。但價錢比一般茶餐廳高，可能環境叫做好啲掛。但我諗唔會係我地1st choice la.

記得開嗰陣好多人排隊食但過咗一個星期之後已經冇人排但新屎坑我就試下啦嗰日我係去食早餐咁就普普通通叫咗個沙嗲牛肉麵啦跟住黎到啲麵係脹晒雖然我都唔係期望好好但係要正常茶餐廳咁囉如果要食沙嗲牛肉麵，商場入邊有好多餐廳可以揀係好好多之後冇比餐具我，唯有問職員佢好唔耐煩咁答話自助㗎張枱隔離有個櫃桶打開有餐具OK 點知一打開個櫃啲筷子全部都係黐住紙巾嘅之後諗住問佢攞水洗下啲筷子點知佢又話啲水都要自助但又唔話俾我知係邊度拎水大佬我點食？你啲筷子痴住紙巾之後仲有懷疑係經理嘅男職員見到我喺餐廳度走來走去搵水，唔幫我不特止，我諗住走過去問佢啲水係邊度拎佢見着我走過去嗰陣就行開，扮晒有野做咁搞到我食個早餐食到成肚氣即係你要自助唔緊要，但你要話俾人知係邊度拎先得㗎⋯仲要餐廳啲餐具真係要衛生小小囉

一去到裡面大把位，直接行入去搵位坐都唔可以，要扮高檔攞飛等帶位！跟住叫左兩個早餐，出晒所有野，都可以黎漏兩個麵！D呀姐托餐托到就黎可以倒落客人到！食物質素雖然無問題，但成個配套完成唔可以走中高檔茶記，唔夠人、又漏單、D呀姐反應又柒，呢間野真係可以唔使再幫襯，垃圾！