樂園 (已搬遷) 新店位置

今個中秋節係平日, 放左工一大伙人想燒野食, 想乾手淨腳就一定係揀市區BBQ, 上網見呢間樂園食評口碑唔錯, 不過似樓上CAFE多D, 話有BBQ服務, 半信半疑打去問, 原來佢地係二樓有個露台仔可以俾人燒野食, 之後入面會有返張冷氣枱你坐, 膽粗粗BOOK 左, 一行十二人!! 每位$238 任飲任食我都試過唔少市區BBQ 有係天台或露台, 但以食物質素款式, 價錢, 衞生黎講, 這裡是最好的, 唔好係時間只係可以去到12點, 想玩耐D都唔得, 同埋佢個露台唔大, 燒野食係網燒唔係大家用叉吉黎燒個隻, 幾個人負責去燒就得, 所以成晚太部份時間我地都係室內玩同吹水.講返食物, 有豬扒, 牛扒, 雞扒, 豬頸肉呢D大路野, 醃得好入味, 最驚喜係有牛肉串, 真係其他BBQ場未食過,  而且燒出黎係超好食, 好香黑椒味, 肉質彈牙, 有咬口得黎唔會硬, 好食! 蔬菜款式好多, 有茄子, 南瓜, 脆肉瓜, 雞脾菇, 金菇, 粟米等等, 我地用錫紙只係加蒜蓉牛油一齊 包住去燒, 蔬菜大雜燴就大功告成, 十分方便又好食, 最緊要D蔬菜新鮮! 燒到膩灑食返咁多蔬菜中和下當晚因為中秋節, 燒到咁上下

八周年紀念日，搵地方食飯，想輕輕鬆鬆開開心心，見到呢個餐廳叫Happyland樂園，同埋俾「廚師發板」嗰個餐牌吸引，所以就揀咗呢度慶祝～一入門口見到佢哋嘅貓貓，就覺得好得意好開心，令人好輕鬆；最搞笑係狂撩隻貓，佢個樣同反應好搞笑，佢都唔怕人～睇到個餐牌介紹點解開呢間餐廳，鼓勵大家「開心生活，積極面對，香港一定得！努力一定得！」覺得好溫馨好勵志，好正能量，香港真係需要呢啲正能量！！入返正題，今次紀念日黎呢度慶祝，主要就係為咗嗰個「廚師發板」，而家好抵星期一至四每位淨係＄158，兩位起，加＄20仲有杯野飲～ 個食物送到黎見到就已經好開心，整得好靚！！ 超有意思有心機！！ 忍唔住要狂影相！！ 入面包括左牛油檸檬汁帶子刺身，香煎加拿大特大虎蝦，黑魚子鵝肝多士，烈酒菼煮布冧，鹽水煮榮螺，蟹柳，蒜片配安格斯牛柳粒，和風雜菜沙律～ 成個餐真係整得好靚，好多嘢食好豐富，材料新鮮好味，果然無揀錯地方！！ 推介！！另外在叫左個黑松露香煎鵝肝意大利飯，黑松露好香，鵝肝煎得啱啱好，成個飯都好好味～最後叫咗朱古力嘢飲，好大杯，朱古力味濃郁，好好飲～總括：食物好味，製作好誠意賣相好靚，下一次一定會帶埋朋友黎開pa

朋友生日想揀地方食物好味，又可以一班人坐得耐，坐得舒服又唔會趕人走嘅，所以就揀咗呢度～一嚟到俾咗個六人枱我哋，坐得好舒服唔迫，見到個櫃度有好多遊戲（例如：大富翁，層層碟，UNO等）可以比大家一齊玩～望住個餐牌好多嘢食都想叫好彩我哋六個人可以叫好多，其中兩個餐叫咗美國安格斯牛扒，炭燒虎蝦茄汁扁意粉～ 跟餐可以加＄38要鵝肝，我最鍾意食鵝肝點可以錯過呢～ 個鵝肝煎得好香，超好味！！美國安格斯牛扒，軟硬適中，好味好香, 幾大份，好味，推介！！ 炭燒虎蝦茄汁扁意粉，個蝦大隻多肉，炭燒得好香，茄汁濃郁配合扁意粉好好味～我自己跟餐叫咗個「青色-彩虹特飲」，係青蘋果同荔枝味，色彩好繽紛，見到已覺得好開心，要將綠色個字野溝落去，味道甜得好適中，好解渴好味～Surprise意外驚喜，我地食夠一個數，因為週年紀念，佢地送超大份嘅「怪獸雪糕」，佢地送上枱時我地即刻「哇，哇，哇」叫好興奮，用咗高級Dreyer's雪糕（有石板街+曲奇+芒果+士多啤梨味），再配合埋好多生果（香蕉+士多啤梨等），仲有棉花糖+可可脆片+威化餅，好大份，材料真係超級豐富！！ 一大班人咁樣搶住食，氣氛好好，好開心～

跟姊妹去喝東西, 不一定去酒吧, 來CAFE更多東西可以玩呢, 好似大富翁就是我就一直很喜歡的遊戲呢!還有三國殺呢, 記得以前跟朋友玩到好夜的遊戲邊玩邊食, 這個梳打最特別, 有一支細提子汁調味, 多酸都可以, 我就喜歡全部都用了小食拼盤好好味! 超新鮮, 尤其炸魚柳穀超JUICY, 雞翼好香而且一咬就出煙! 超好味!煙三文魚意粉比較沒驚喜, 但煙三文魚量多, 白汁剛好蓋住意粉, 不會太多, 超CREAMY又不覺得漏!好飽的雪糕蛋糕美輪美奐而且多CREAM又多款式, 最喜歡一定是朱古力味啦!坐整晚都不覺得累, 好治療啊!

自從我畢業後，都甚少同朋友去Cafe食飯傾計，Cafe比我第一印象就係學生聚腳點，記憶中食物飲品都唔算好突出。朋友今日約我到依間餐廳食晚飯，意想不到令我重捨回憶同打破我對Cafe既觀感依度格局同一般既Cafe差不多，無豪華裝潢但有多份簡約舒適既感覺，令人有家既感覺最驚喜既係有貓貓伴你共餐，爛訓既貓貓訓左係我地隔離，懶洋洋既佢都感染到我地更輕鬆用餐<<戀之花煙三文魚意粉>>碟上寫住Smile字句，煙三文魚都砌成花形放係意粉上，見到都開心笑，忌廉白汁意粉入口Creamy，連煙三文魚一齊食好夾，食落無膩濟感，加左少少紅椒、黃椒，令意粉味道更突出同更香<<自選小食拼盤:三款>>自選小食拼盤比單點更抵食，估唔到都幾有份量炸魚手指(5條): 炸得皮脆肉嫩，食落好香口，沾埋沙律醬食一流日式雞軟骨豬肉棒餃子(5件): 餃子皮炸得好香脆，皮薄之餘，食落有少許肉汁同雞軟骨既脆軟口感，幾好味芝士豬肉釀雞翼(4隻): 炸完後咬落幾多汁，雞翼無骨釀左豬肉餡係裡面，點泰式辣醬幾惹味

今日同朋友、朋友個家姐一齊食飯傾計因為四處都係限時食飯既地方唔坐得耐，所以揀左樓上cafe呢度係尖沙咀站H出口一出就望到既商廈可能平日7點仲早未有人，不過穩陣當然自己打去訂位先都好方便入到去地方算乾淨企理，如果愛貓仲有貓會行黎行去唔怕人，怕貓就唔好去啦服務都有禮貌唔食都要叫野飲每日最低消費$48今晚叫左個黑松露菇飯.仲有茄汁意粉.雞翼飯同意粉開頭望落去個碟咁大得咁少原來中間都幾深，總之一定夠食夠大家share黑松露係少左d，但整體都唔錯既叫左兩杯野飲，熱朱古力+熱柑桔檸蜜就細杯d，如果打算要長期作戰飲一杯應該就唔夠啦埋單$489尖沙咀地區係咁上下想傾計唔比人趕呢間都唔錯

餐廳地段好，尖沙咀易去又就腳。可惜上到去餐廳比想像中細！因為其實野比較貴，所以就叫lee個試下！脆脆蒜片好好味！夾住牛肉粒食超夾！口感一流，又軟又脆！牛肉粒係咁多樣最好味，牛味濃，冇筋，有咬口得黎冇渣！帶子好淋，唔會過熟！牛油味好香，冇腥味。配埋新鮮紅菜頭汁同南瓜汁，口味新鮮！可惜汁真係得太少了！鵝肝好好味！底下塊包好脆。蝦一般冷盆，我自己唔太鍾意食，因汁都太少了。主角都唔係食物，係2隻任玩唔嬲嘅貓咪！推薦嘅沙冰！唔係想像中咁濃味....如果再濃味d,會更邪惡更好味

宜家食野唔單止要好食 仲要好睇 影相靚會另間餐廳加分星期六晚同朋友二人黎左尖沙咀哩間樓上cafe 黎之前預約左個好似係新出既叫「廚師發板」上到cafe 我第一時間搵貓因為哩度有2隻可愛既貓貓坐低之後就睇menu 啦 我多數都跟住廚師推介叫 哈 唔洗諗又應該係好食既我地先食左個大板主菜盤先 一上枱已經哇左出黎呀 真係好似一道藝術品一道菜有8款食物 有濃有淡 見到就係一道好用心製作既菜式我地由黑魚子鵝肝多士食起當前菜 一啖一口 多士同鵝肝一脆一林雙重口感 之後就續款熱食食 最愛煎帶子同大蝦 牛柳粒就唔夠林但個汁幾好 凍盆蟹柳同螺就普通 我地仲點左哩碟黑松露鵝肝意大利飯 發覺哩間餐廳用料都好捨得 高價食材哩碟飯份量多 我地食到一半已經好飽 黑松露好香 飯硬度岩岩好 好味哩杯梳打可以自己倒入青蘋果汁 出面餐廳好多都玩哩個元素 所以唔算新鮮 杯梳打加左生果正呀 食完飯就玩貓喇 睇下貓貓連訓教果樣都咁得意呀

樂園最近推出了廚師發板（一至四$158/位）（五、六、公眾假期$208/位）非常吸睛，在網上看到已經非常吸引，於是便嚷著要朋友跟我一起去試試。 平日去較便宜，兩位起才可order，入面包括了：牛油檸檬汁煎帶子刺身、香煎加拿大特大虎蝦、黑魚子鵝肝多士、烈酒煮布冧、鹽水煮榮螺（冷盤、蒜片配香煎安格斯牛柳粒、蟹棒、和風雜菜沙律。 吃這個前，店員會為我們準備一碟三款我調味醬汁，分別是醬油、胡麻醬和自家調配我和風沙律醬。果然是廚師發板，食材和味道同樣講究，帶子刺身味道特別，鮮嫩美味。虎蝦鮮味彈牙，厚肉大隻。鵝肝多士香脆可口，安格斯牛柳粒鮮嫩滑溜，旁邊蒜片脆卜卜，好特別！黑松露香煎鵝肝意大利飯（$188）夠曬大份，黑松露香味滲透意大利飯中，配上香嫩的鵝肝非常滿足！ 醬爆雞翼（$78/6隻）脆卜卜外脆內軟的雞翼配上酸甜醬是一個不錯的小食！ 朋友點的青（菠蘿柚子薄荷特調）（$78）約青色的test tube倒在飲唔上，好玩又好喝！ 推介這個我愛金莎（特濃金莎朱古力雪冰）（$88），凍冰冰用金莎打成沙冰的我愛金莎濃郁美味，面頭還附有一大粒金莎朱古力，盡顯矜貴感！ 不得不提，店內而家消費滿$800仲送大

如果你在找的是樓上cafe，那麼這一間樂園應該相當不錯，環境清幽，人流不算太多。但是如果你在找貓咪餐廳的話，樂園未必是你的那杯茶。食物選擇不多圓形這個叫做流心芝士蛋，一片煙肉圍繞在蛋的外邊，但是沒有吃到什麼芝士，也沒有嚐到什麼芝士味道。煙肉略煎，香口，配起流心蛋總不會難吃。司華力腸兩大碌，不算肥膩但沒甚麼香味，可能就因為沒甚麼肥肉，難有香氣，幸好外皮也沒有過硬哽牙。貓咪只有兩種，兩種都不是我十分鍾情的那款，一隻瘦小的白貓在睡覺😪，後來被關進籠內更沒法與外界接觸。另一款豬咀的呆呆的、胖胖的🤓，還是挺可愛。胖貓還走到來桌上看看食客吃甚麼，似乎想痴餐😆熱的牛奶咖啡沒有拉花，就是一杯簡簡單單的，其實與摩斯漢堡咖啡沒有什麼分別。只是一人一條腸、一隻蛋、一片煙肉及少許菜，每人喝一杯熱飲，坐了不足二小時，每人都要收費近120。看來這款午市住家飯餐更吸引附近的辦公一族吧

星期5夜晚, 除左去老蘭之外, 乖巧既朋友們多數都會去CAFE食野, 除左唔鐘意老蘭果種戰場之外, CAFE有種令人心靈恢復既感覺, 坐得耐又可以玩遊戲, 真係好舒服樂園個名好似有少少老套, 不過就真係幾樂園嫁, 細個玩開既遊戲全部都有野食既選擇好多, 不過就冇套餐選擇蕃茄豆腐沙律係第一道前菜, 份量十足! 最欣賞係佢地用既豆腐非常稔, 一咬即化, 用既蕃茄亦非常多, 應該係用左一整個大蕃茄, 好FRESH, 而且用左比較易入口既麻醬, 清新得黎唔會好肥店長推介特濃金莎朱古力雪冰一見到就知道唔少野, 一飲就覺得金莎味極濃, 因為係沙冰所以飲極都唔會淡, 上面既果粒金沙非常冰凍, 口感結實, 飲完成杯就好似食左一大盒凍金莎咁, HEAVY得黎女仔一定好鐘意這安格斯肉眼扒雖然不算十分大塊, 而且有點薄, 但5成熟肉質已是十分軟稔, 沒有下鬆肉粉亦沒有用味精, 簡單的煮法, 肉味非常濃郁, 少量肥肉點綴一下, 芥辣也是高級餐廳的用料, 不惜功本啊!意想不到的主人! 有2隻很怕羞的主人在招待客人, 白色貓貓的毛毛還很軟, 好可愛!

今天主題是貓咪，看完「當這地球沒有貓」後，一心想到間貓咪Cafe坐坐，上網找到這間且地點方便，以為會有很多貓，怎料原來只得兩隻，不久另外一隻貓咪亦被關進籠裏，愛貓之人難免感到失望。Cafe內提供了不少Card Game供玩樂，但個人認為環境不算十分舒適，相比起來，旺角區的樓上Cafe更佳。食物價格亦相對較高，感覺比較像餐廳流心芝士蛋 - 煎香了的煙肉包著流心蛋，蛋放久了仍能保持微暖的溫度，流心效果不錯，值得一讚反而芝士味卻吃不到。薯角正常，不算特別香脆，司華力腸有兩大條，吃出煙薰的味道，不會太油還算不錯。鮮奶咖啡玫瑰蜜棗茶 - 玫瑰花本身味較甘，平常喜愛加桂圓肉增加甜味，配蜜棗都是第一次，女生可以嚐嚐

Came here on a weekdays' afternoon.  It was rather quiet during tea time so we settled down freely and ordered a few heavy dishes to fill up our stomaches! 日式吉列蠔 Kaki Fry $78Invitingly tangy start of the meal! The oysters were fresh and juicy that went fairly well when dipped in the sweet soy sauce.流心芝士蛋 Cheesy Egg with Sausage $148This set came beautifully! The half boiled egg landed almost perfectly on the plate wrapped with bacon that came together lusciously!🍳👍🏻 The French fries along with g

樂園, 由於等朋友, 加上未到食飯時間, 所以就上來hea下, 環境舒服可以慢慢坐, 仲要有好多小遊戲玩, 如果唔係趕著走, 我會hea足一晚, 慢慢嘆.彩虹系列, 色彩繽紛, 雖然座位很多, 但用白色為主的裝潢, 空間感大增.多款遊戲供客人玩樂, 總有一款岩你. 我地揀左兩款來玩, 而且有款係兒時常玩的.白色為主的裝潢, 簡潔乾淨有家的感覺.還有兩隻貓, 其中一隻白色的很可愛. 終於望鏡頭啦.其中一樣小玩具, 兒時也常玩. 等食物時不會悶, 今局我嬴了, 嬴了朋友飲品的金莎.凍拖肥朱古力 $58, 由於係拖肥味, 所以味道偏甜, 但朱古力味也相當濃厚. 有點焦糖香甜味, 加上奶油濃滑奶香, 的確好邪惡, 但好好飲.我愛金莎 (特濃金莎朱古力雪冰)$88 (跟餐$60)好大杯好似座小山丘, 份量有成2杯甘, 2個人分享都得. 沙雪好濃郁金莎朱古力味, 終於知道點解價錢偏貴, 原來絕不馬虎, 用料十足, 計落好抵飲啦.最頂仲有粒金莎, 我地決定玩遊戲嬴左有得食, 哈哈.芝士豬肉釀雞翼(4隻) $78, 份量剛好, 而且都幾大隻.雞翼即叫即整, 夠哂熱辣辣. 外皮微微脆, 有芝士粉幾香.一

係尖沙咀行完街,要搵個地方休息下係好難既事,咁岩朋友早前去完一間貓貓CAFE,感覺唔錯,所以就上去休息下...呢間CAFE唔係好多人,唔洗等位,而且除左貓貓之外,仲有好多桌上遊戲提供,我同朋友都HEA左成2個鐘先走,真係唔錯既休息地方.芝士豬肉釀雞翼:一上黎就聞到好香既芝士味,正!雞翼釀左好多豬肉,隻隻都好飽滿,味道方面豬肉好鮮嫩,雞翼炸到好脆口,配埋泰式辣醬,真係不得之了.黑松露香煎鵝肝意大利飯:鵝肝煎到香脆可口,油香十足,質感軟腍,食落入口即溶,真係無得輸,意大利飯煮到好軟綿,帶少少黏,加埋黑松露既香味,同惹味雜菌,令到成個飯生色不少.拖肥朱古力:雖然賣相無"我愛金莎"咁特別,但味道一D都唔輸俾"我愛金莎",飲落好濃拖肥味,配上甜度適中既朱古力,已經好好飲,再配埋忌廉,口感更加香滑,價錢又合理,唔錯.我愛金莎:賣相已經好吸引,份量十足,難怪價錢比一般朱古力飲品貴,但飲完可以講係物超所值.由金沙朱古力打成既沙冰,好特別,沙冰雖然唔算細滑,會有少少碎冰,不過好夠冰涼解渴,飲落金莎味好濃郁,甜度適中,朱古力迷真係要去試下.