樂園魚蛋粉

營業中

休息中

尖沙咀不嬲係美食綠洲，今次我黎尖沙咀食下粉面都會搵到間好野。而經過朋友推介，就介紹左我黎呢間。雖然呢度魚蛋粉出名，但個下好想食牛雜面，於是決定叫，點知都一樣有驚喜。牛什面個湯底十分濃郁，好有牛骨既味道，但又唔會太過咸，無愈食愈口渴既感覺，值得一讚。牛雜入面最欣賞係牛肚，煮得夠淋夠爽口，唔會太靱或者太鞋口，口感剛剛好。試埋佢既炸魚皮，脆口得黎又好有魚味道，浸湯食都幾唔錯呀！如果下次黎尖沙咀想醫下肚，會再黎幫襯！

今日好開心同屋企人去咗一間超有特色嘅魚蛋粉，為至於尖沙咀，超級方便，好容易就會去到，食咗一次，就留下深刻嘅印象，個湯底真係超級好飲，好好食， 所以一定要介紹俾身邊嘅朋友，首先呢一間餐廳或者要尖沙咀地鐵站附近，只會行兩至3分鐘，就會搵到呢一間地舖嘅餐廳，非常方便，而且呢度嘅經濟價錢實惠，所以呢度係好多人食㗎，而且呢一度嘅魚蛋粉好正宗，有牛腩粉面，有手打魚蛋手打牛丸等等，任君選擇，個餐牌好多食物可以比客人選擇，而且呢度嘅服務質素都好高，效率好高，侍應都服務好好，有笑容有親切咁，都會好樂意咁為客人服務，有賓至如歸的感覺，而且呢度幾多凍檸茶都好正宗，好大杯，真係好抵食呀，所以呢一度嘅魚蛋粉唔係出年普通嘅魚蛋飯，呢度係好有特色，個湯底都超級好飲呀，所以響尖沙咀食嘅朋友，一定要試呀

如果要推介香港其中一樣地道美食我會諗起雲吞麵，不過有時唔係隨便一間餐廳都可以食到好味的雲吞麵有日同友人做完運動入咗間餐廳，諗住食得健康啲，估唔到味道都唔差喎我就叫咗碗鮮蝦雲吞麵，有四粒大大粒嘅雲吞，餡料有一隻大蝦都係新鮮彈牙，仲有肉汁豐富的豬肉包住，連埋滑滑的雲吞皮一次過放入口感覺好滿足。朋友就叫咗個豬手麵，佢話豬手好淋又入味，豬手汁同湯底混埋一齊，令到成個湯底更加濃郁。最後要讚一讚個魚皮，一包份量超多，每舊都又大又脆！好有魚香味，浸入湯底再食更加美味以一間貌似普通嘅餐廳食到地道美食，大家不坊一試！ ／

三十幾蚊食個晚餐有咩選擇？係尖沙咀就有一間高質樂園魚蛋粉粉麵店。我叫左牛腩麵 朋友叫左牛雜粗 另外亦都加左份菜同限量發售嘅魚皮兩碗麵都好快就已經送上 先講牛腩 牛味勁夠配埋香濃五香味 每啖都食到牛腩嘅鮮仲有啲爽口㖭而牛雜當然有牛肚 牛腸 牛膀等等 每樣都已經入哂味 炆得好夠身 配埋爽口彈牙嘅粗麵 每啖都好滋味而要講下份限量嘅脆骨魚皮 真係另人好有驚喜 因為佢連魚骨都可以炸到金黃香脆 而且夠乾身 完全唔會有油膩感 輕輕浸落湯 就已經食得 非常出色如果再去尖沙咀想三十幾蚊食個麵速食 呢到一定會係我首選

今日去西九睇聖誕樹，呢間平時經過都多人排隊，今日難得唔洗排，而又凍凍地，即刻入去食個靚牛腩暖下先呢度出名牛腩，特別係崩沙腩！不過我地今日就食佢基本果隻，平靚正~我地叫左一碗牛腩河，一碗雲吞麵，一碟油菜，最後加杯豆漿同凍檸茶。聽聞佢d手打魚蛋都好出名~下次先試牛腩河(＄39) 牛腩好嫩，而且非常入味，河粉亦充分吸收晒d腩汁，味道濃郁。而且佢牛腩份量亦幾多，食肉獸岩晒睇下肥瘦度岩岩好～啖啖都係好香提提佢個辣椒油，有驚喜，同牛腩好夾，香！ 但佢係幾辣架，要量力而為！雲吞麵($35)湯底對比牛腩就相對清淡，啱我呢啲唔鐘意太濃味嘅。總共四粒大雲吞，咬落蝦肉彈牙~都要落一兩滴辣油過下癮先 最後食河粉又點可以無豆漿呢，辣一下，飲一啖豆漿。 正宗香港地道美食配搭！

今日特地同老公出尖沙咀睇燈飾，路經呢間樂園魚蛋粉麵，見佢門面幾企理，我哋又少少肚餓，即刻入去試吓先睇完餐牌之後，我叫咗碗雲吞韭菜餃河，老公叫咗碗雲吞牛腩河，另外加左一份油菜，見到餐牌個墨魚春卷好似好正，當然唔可以錯過，另外叫咗兩杯凍檸檬茶！雲吞韭菜餃河$42雲吞皮薄、爽滑彈牙，食到啖啖蝦肉，韭菜餃入邊都有蝦肉😯又夠大隻👍🏻，河粉係幼河粉（我比較愛吃幼粉😍)，份量好多，我自己就食唔晒啦，不過有老公包底，一定唔會浪費牛腩雲吞河$46牛腩好軟淋，肥瘦適中，有牛味又鮮嫰，而且份量好多😯其他舖頭食雙拼嘅份量一定好少，但呢間出奇地多👍🏻👍🏻正！墨魚春卷（淨食）$39呢個係招牌食品，一定要試吓！墨魚好彈牙，裏面有好多粒粒粟米，好有口感，香口得來又唔覺得油膩，推薦平時粉麵嘅湯底，我唔會飲，但呢個湯底清清地，好入味而又不感到咸，我係一路食不知不覺一路飲😅兩杯凍飲再加油菜，埋單只係150多元，食得飽飽又好味，真係超抵，仲要係尖沙咀區！整體來說，餐廳企理乾淨，上菜速度又快，味道還很不錯！見到其他客人食飯餐系列，下次我都要嚟試吓先

尖沙咀難得一見$33有個午餐,想清清地食個魚蛋粉概朋友十分推薦招牌手打魚蛋粉$33手打魚蛋粉呢度概招牌菜,食塊魚片的確係爽口好食概,魚蛋方面都夠彈牙手打果然係唔同D河粉正常野, 呢個價錢肯定唔係米芝蓮,叫做平靚正樂園魚蛋粉地址 :尖沙咀金馬倫道21號地下C號舖 電話號碼:23683009營業時間:星期一至日08:00 - 23:30#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物  #樂園魚蛋粉 #招牌手打魚蛋粉 

久未到訪尖沙咀，今天難得“出城”辦事，完事之後，趁機四處閒逛溜達一番，忽然又覺腹如雷鳴，舉目四顧，見有一熟悉招牌“樂園”，正合吾意，蓋廣東人飲食文化四寶，粥粉麵飯，幾乎離不開日常生活。進店坐下，看見有崩砂腩一項，可惜已經售罄。退而求其次，點了熱賣的魚蛋粉，另加油菜一碟，再來一杯凍奶茶，坐定定準備大快朵頤。三樣東西幾乎同時上桌，賣相看來都不錯。先嚐一下魚蛋粉，魚蛋爽口彈牙，不遜別的名店，河粉亦相當滑溜，而且份量十足。油菜我點的是芥蘭，也十分爽脆鮮嫩可口。這麼簡單的一餐，吃得我心滿意足，埋單一看，才五十塊錢，認真超值。畢竟在尖沙咀這種地頭，隨便吃碗日式拉麵，都要七八十塊。以屋邨街坊價錢，在尖沙咀吃到如此水準食品，對我來說，確實是喜出望外。

行街行到有少少餓又唔係好想食啲太heavy嘢俾我見到有間樂園魚蛋粉餐牌密密麻麻連墨魚春卷都有仲有脆骨魚皮好似都唔係好多粉麵店有呢度仲有做早餐呢間係我見過最多款式嘅粉麵店餐牌都有咁多頁😯喺尖沙咀區來講，呢個價錢真係抵價錢同選擇真係冇得頂我地叫左個牛筋粗麵牛筋醃得好林，幾入味個湯都帶有香料味魚蛋粉下次再試另外配左碟生菜份量都唔細欣賞佢蠔油係另外有一格咁放因個人口味點多點少另外亦叫左個鴨腿湯飯入面真係好足料又有蘿蔔、紅棗、蟲草花、馬蹄成個湯飲落甜甜地幾舒服個鴨腿都煲得好林仲有得食下雲吞一次過滿足幾個願望另外亦跟杯嘢飲叫左杯熱杏霜都幾好飲熱飲仲要跟餐唔使加錢呢度咁多樣嘢，加埋唔使$100真係超級抵值得再encore

本身喺尖沙咀食飯其實都幾貴吓，難得搵到呢間樂園魚蛋粉，唔算話好貴咪就試吓佢。我嗌咗個梅菜扣肉飯同炸魚皮。個梅菜扣肉飯送埋紫菜湯都只係$45，仲要佢扣肉同梅菜嘅份量都非常多，又濃味😍用嚟撈飯真係好正！另外我都幾鍾意個紫菜湯，因為除咗紫菜之外仲加咗啲葱同芫茜（我最愛芫茜），所以好啱我味～個炸魚皮係佢地自己搵本地製造，有魚味得嚟又脆口，好正又好邪惡😆佢另外仲有個酥炸門鱔皮都好似幾正，依家做緊推廣價$35，可惜我見到嘅時候已經落咗單🙈下次再試！另外想讚吓個場都幾企理，本身去呢啲小店expect都唔會好似啲好少少嘅餐廳咁乾淨。不過整體都乾淨衞生，而且員工都幾有禮貌同親切，下次會再幫襯！😙

套餐A (2餸+粉/麵)  • 蘿蔔牛腩🥕🥩 白蘿蔔好清甜，亦冇根，好好好味；牛腩雖然淋但就比較肥肉，我唔太鍾意 • 米線🍲 米線都算爽口，同埋掛到少少湯汁，所以每啖食落都有楠汁嘅清甜👉🏻總結係聚來車仔麵係平民之中嘅平民車仔麵🤣抵食飽肚味道鍾意

尖沙咀搵食閒閒地都過百樂園真係打工仔恩物叫左牛腩麵 牛腩份量好多牛腩好淋身唔韌加埋辣椒油 10個好食😋❤️❤️❤️朋友叫左碗魚蛋河魚蛋好彈牙好新鮮嘅感覺都係一樣魚蛋份量十足仲可以加十蚊多個菜菜每日唔同 佢個日有通菜 生菜都係一般嘅烚菜 都算新鮮食牛腩麵真係好需要加個菜補充返啲纖維最重要係佢嘅脆炸魚骨 勁香脆 仲俾埋碗清湯你點黎食 如果食雞煲有佢會生色不少❤️個日遲左去食飯 兩點後有下午茶優惠加飲品只需$4❤️❤️❤️

港式食物中魚蛋粉一定係最常見嘅一項有時餐餐大魚大肉太heavy都會想回歸平淡今晚去食樂園魚旦粉叫咗魚湯河粉 配香炸魚皮男朋友想食飽啲 估唔到魚蛋粉麵店都有推出飯餐叫咗碟梅菜扣肉飯非常地道港式嘅一餐店家細心將香蔥分開而我係會成更落曬去 河粉湯底清清淡淡中帶有鮮甜味加埋蔥香岩岩好炸魚皮 除咗脆口更係出乎意料地香口好耐冇食 冇想像中咁油膩！點少少湯 一淡半脆魚皮 一淡滑溜湯河實在係非常滿意嘅一餐男朋友嘅梅菜扣肉飯味道會濃郁少少 但份量十足 梅菜甜甜咸咸加埋紫菜湯 清清喉嚨最後加咗啲腐乳通菜最鍾意食粉面店可以加菜 健康均衡

平時成日行過經過都見到呢間樂園魚蛋粉，今日見做facial 前有啲時間，於是諗住入去食個快飯。入邊原來除咗粉面之外，仲有得揀食飯😲我就叫咗個崩沙腩拼牛筋河粉，再加錢叫咗一碟生菜同埋一支豆漿。我落咗order都唔夠10分鐘，所有嘢食就已經到晒😆崩沙腩拼牛筋河粉 ($66) + 凍豆漿($8)個湯河份量十足，無論係牛筋定係崩沙腩嘅份量都好足夠，另外佢將啲蔥同炸蒜擺喺匙羹到另上，方便大家依照自己嘅口味想加幾多就幾多👍🏻蠔油生菜 ($10)不得不提呢度嘅菜係冇落油，非常健康👍🏻另外我亦都有特別要求佢將蠔油擺喺側邊，方便我控制份量，大家有需要都可以咁樣要求！總括而言，成餐飯飯嘅性價比好高，完全係快、靚、正 ！

今日想食粉麵.印象中尖沙咀冇乜好味既粉麵。search到呢間,未試過喎！去試吓.叫左墨魚春卷河,加$10就有油菜. 抵!而家好少地方加$10就有菜.仲要係大大碟. 見到佢自家製辣椒油,試左少少,好香. Total $47. 性價比高.👍🏻