樂園魚蛋粉

營業中

休息中

食物是不錯的，但服務態度差到唔佢認第二冇人咁應第一，下午時段湯粉是有送飲品，但你唔叫佢唔會提你，對本地客差，對遊客更加差，特別係有一個年紀應該有70歲嘅阿伯，簡直影衰成個服務業

厚福街平日lunch大部分餐廳都等好耐先有位。平時經過見呢間魚旦粉舖唔駛排隊於是提議入去試下，簡單食個粉面。餐牌寫住包熱飲，落單時朋友問清楚係咪包熱飲，員工唔耐煩問飲咩又無講要收錢。老婆娘聽到大大聲話野飲點會唔駛收錢呀，熱飲$8, 仲問係咪唔要呀。餐牌寫得唔清楚誤導人仲要大聲夾惡。。。眼見老闆娘對其他食客態度都非常差。其中一個食客講普通話，問老婆娘攞牙籤，佢既態度就好似鬧人"盲ga, 樽牙籤咪向枱度lor, 要唔要教埋你點拎佢出黎呀".....黎食野，多謝都無句，食客仲有禮貌過佢。完全都唔狠做大家生意。食到一肚氣。今時今日，幾十蚊一碗粉面，都唔係要你點有禮貌，正常答句飲品另計咪算lor, 講咁多廢話。香港餐飲業成日比人話服務態度差，咪就係呢啲。野食又勁一般，魚旦粉無咩特別個湯底無咩味。返到公司仲要勁口渴，味精重。。。。尖沙咀區lunch 唔駛等位。。。原來真係伏。。厚福街大把好野食，有特色又抵又好食，服務態度又好，$5x-$6x 仲包凍飲，下次寧願排隊都唔會再幫襯呢間"樂園"魚旦粉。。。連累朋友受氣，真係好過意唔去。

平日晚上差唔多9點，快快手食碗粉，遇上幾好食嘅牛三寶。我叫左牛三寶米線扣底，加左碟油菜-菜心。飲品要左杯凍檸茶走甜少冰。牛三寶米線，有牛腩，牛肚，牛筋。份量都幾多，4件以上，而且好大件。牛腩偏半肥瘦，會痴住少少肥肉，但唔會有羶味，腩肉炆得夠味，肉質嫰滑。牛肚有咬口，炆得夠諗，而且切到大大件，食落夠滿足。牛筋同樣入味，唔會過諗，漿住個口。湯底唔會過鹹，米線煮得諗，吸左腩汁好夠香。蔥蒜嘅蒜味特別香濃，食落蒜味重，好正~油菜-菜心 份量正常，去哂花，食落唔老，冇渣，想食下菜黎講都唔錯~凍檸茶，茶底夠濃，檸檬都有三大片。價錢合理，份量夠多，選擇都唔少，平日晚到9點幾仍然全場滿座。行過路過肚餓食返碗粉嘅好選擇。

今晚忽然想吃一下粉麵，和朋友行完尖沙咀後，就來了這間粉麵店吃麵。我見到餐牌都非常多選擇。黃金墨魚春卷米（$39）：墨魚春卷非常彈牙又好吃，裡面還有粟米，很好吃，口感不錯。米線份量都好多，好彈牙，夠哂飽，幾好味。湯底清清地，都幾好飲。五香牛雜米（$39）：牛雜好香，而且份量非常多，完全不會韌，牛味都好重，幾好食。真的很不錯。值得推介。跟餐還加了$12要腐乳通菜：幾香口，菜同米粉是最夾得了，吃多點菜又有營養，所以我也很喜歡吃腐乳通菜。那腐乳醬跟餐還加了$8就要了凍檸茶，很夠凍，幾好飲。埋單都係$98，兩個人吃晚餐真的非常便宜，份量又夠多，食物質素又好，CP值又高，真的是晚餐的好選擇，一定會再來吃。

樂園魚蛋粉 （尖沙咀分店）自從細過食過之後，都隔左好耐未幫襯過，門面翻新光猛了好多，裝筷子的盒巳由鐵盒轉木盒，整整齊齊，連賣炸魚皮都用獨立可外㩦包裝，想加錢叫碟細既都唔得😂感覺較講求衛生，更乾淨企理。點了牛三寶河粉，即牛筋、金錢肚和牛腩，香芹、芫荽、葱、蒜都贴心的放在湯匙上，讓不吃這些的朋友有另外的選擇。有腩汁的湯底，識食永遠都會叫加腩汁，不會過鹹，送河粉剛剛。牛筋軟硬刚刚好，很入味；牛肚有彈性很入味，牛腩肉質细嫩不會煮得過老。三款最喜歡牛腩，半肥瘦，卤得最入味。最有趣是好多枱客都問店員，今日有咩菜擇丫？店員指指牆邊🙂係喎，又寫齊哂有咩！通菜唔該！😜腐乳汁又係分開上，自己調配要落幾多，唔錯，岩哂我😎

這家潮洲粉麵店，採用傳統精湛的手工技藝，性價比都幾高四寶丸湯米粉，在一碗熱騰騰的米粉湯中躍動著四款美味丸，潮洲魚蛋、魚皮餃、豬肉丸和墨魚丸，每一口吃下去，都能夠感受到口感的鮮甜和豐富多彩的口感。湯底是用鮮魚熬煮成的高湯，色澤清澈，湯味濃郁，散發著淡淡的海鮮香氣，與四寶丸的味道相得益彰。米粉有彈性，口感十分爽滑，搭配湯頭的滋味更是搶眼無比。黃金墨魚春卷，春卷的表皮金黃色，裹著嫩滑爽口的墨魚肉，口感清爽，味道濃郁，讓人回味無窮。

個阿叔態度勁差！我去收銀枱俾錢，俾張單佢，嘟完八達通見佢冇俾返張單，我就有主動講要單。佢竟然發脾氣皺埋眉頭鬧人「你講吖嘛，淨係企喺度唔郁」食完俾完錢，無啦啦俾人黑面真係背脊骨落囖！

諗住經過嗌個外賣 有個伯伯職員問洗唔洗加菜 我淨喺問咗加菜幾錢 佢即刻語氣勁差咁答：咪寫咗喺度唔識自己睇？其實直接答幾錢都冇咁長氣⋯⋯賣完外賣行翻出去 有個男仔行出黎話呢間鋪頭喺態度超差 對上一次幫襯已經喺咁不論食物質素如何 咁嘅態度已經喺趕客亦都唔會再幫襯 bye

餐廳環境光鮮，座位闊落，完全唔會坐得逼。而且有充滿懷舊氣息既地磚。每碗粉麵價錢經濟實惠，吸引好多食客及外賣。最緊要叫完勁快就送上。秘製牛腩米粉($39)，牛腩肥美肉實，煮得非常‘林’，油脂位牛香味爆在口中，腩汁香濃。米粉份量多，一大碗好飽足。古法鮮蝦雲吞麵($35)，粒粒飽滿既雲吞，內餡有一大原隻蝦，彈牙，鮮肉結實。雲吞皮薄，配湯食一流。湯底充滿炸蒜味，熱辣辣暖入心。飲多幾啖，都唔會覺得口渴。淨魚蛋魚片湯，心思思想食多個餸，就食出名既手打魚蛋。果然冇錯，魚肉超彈牙，口感十足。魚片外皮炸過，香口口感更勝一籌。另外亦附有生菜底，想食多d菜既話，直接叫油菜都好抵食。豆漿，食港式粉麵，最佳配搭。整體，以尖沙咀既物價黎講，完全唔貴，飽肚亦美味，抵食。

來尖沙咀逛街💁🏻‍♀️，一個人中午不知道吃什麼，剛好讓我看到有一間樂園魚蛋粉，試一下清淡口味的粉也不錯❤️.這家店餐牌上的菜品很多🈵，不僅是粉面，還有一些炸物，種類是我見過最多的‼️聽店員說他們還做早餐，還是比較少見的。.而且一碗的價格才30蚊+💰 這價格放在尖沙咀，性價比真是太高了。🤙🏻🤣🤣.【招牌手打魚蛋】比想象中大碗，魚蛋彈牙，新鮮，入口綿軟爽滑。魚片又白又滑，而且份量也很足夠。重點是湯頭也很好喝，加上蔥花，鮮甜的味道。🤩🤩🤩.【牛筋雲吞面】量超足的牛筋鋪在面上，燉的很爛，雲吞皮很薄，裡面的蝦仁🦐很大一隻呢，湯很鮮甜，愛吃辣🌶的小夥伴可以加一勺辣椒油。吃過的都說很正宗，不愧是開了多年的老字號街坊店💯.再來上一杯冰闊落🥤~舒服~美妙的中午又過去了，繼續打工人的生活

今晚同朋友行開尖沙咀，朋友介紹去食樂園魚蛋粉，食過之後真係覺得幾正！餐廳係新式裝修，潔淨企理，最有印象係啲筷子，放得好整齊治療😂🎏雲吞河加腩汁（$35）🍜🍜雲吞嘅皮薄餡靚，仲有鮮甜嘅蝦肉同埋豬肉，加上香濃嘅腩汁，真係一絕！值得一提佢哋既辣油真係好正啊！河粉香滑可口！佢哋自家製嘅辣油，味道唔會太辣，但又有啲微微嘅辣味，更加令食物增添味道，同坊間味道有不同😋加配$4有凍檸茶，個人覺得勁抵！而且檸茶茶底做得出色👍🏻🎏炸魚皮（$20）炸魚皮好鬆脆，酥脆口感超讚！做得出色！咬落去有脆脆的感覺，吃起來一點都不會膩口。沾埋湯簡直一絕！建議浸湯食呀💁🏻‍♀️🎏牛腩飯（$52$）牛腩好滑嫩，加埋啲濃郁嘅牛腩汁，配埋白飯，牛腩肥瘦適中，整得好淋好香，附送既紫菜湯都出色，毫不吝嗇紫菜🥰🥰整體黎講地方舒適，乾淨企理，呢個價錢黎講係尖沙咀真心性價比高👍🏻👍🏻絕對有下次😍

粉麵周街都有，但要好食技術一D都唔簡單。呢間尖沙咀粉麵，雖然來來去去得10幾款選擇，但款款絕對精心炮製，今次係食過返尋味。距離地鐵站15分鐘左右。店舖裝修簡潔企理，坐得舒服。古法鮮蝦雲吞，鮮蝦彈牙，好麵線亦都好好食，絕對平靚正。每一次來都冇失水準，上菜速度亦都好快。唯獨多人排隊，唔能夠坐太耐。加杯簡單凍飲，平平地又一餐。

20:30係尖沙咀做完facial，見到呢間魚蛋粉仲開緊門，而且人頭湧湧，不停有客入去，一於入去試下。坐低先發現，原來唔只有魚蛋粉、牛腩河呢啲野食，仲有梅菜扣肉飯、蟲草花雲吞鴨腿湯跟白飯等等，照顧唔同客人嘅需要！有啲夜所以唔食咁heavy啦，叫左四寶河(加色)、凍檸菜、芥蘭，健健康康的一餐！睇見隔離枱啲魚肉春卷、炸魚皮好吸引😍 但我一個女仔食唔到咁多 😆芥蘭條條爽口、無渣豬肉丸有肉汁魚皮餃夠大粒墨魚丸，my favourite!白魚蛋有2粒承惠$62，尖沙咀嚟講，又抵又飽肚又滋味！下個月做完facial都應該會再嚟😁

今日早收工走去扮靚靚做完facial，落樓都成7點幾8點，好多餐廳都已經座無虛席，甚至要排隊🥹咁都係快快手食完返屋企冇嘢快手得過食碗麵，所以就揀咗就腳又方便嘅樂園諗起以前細個返part-time喺旺角成日食佢，已經覺得佢平靚正性價比極高🤩估唔到咁多年之後都係，粉麵最平$35都有今時唔同往日，決定食好啲叫碗牛三寶麵加墨丸🥳牛三寶有牛肚牛腩同牛筋，每一樣份量都唔少，尤其係牛筋好大舊😳牛肚爽滑入味，手打墨魚丸夠彈牙蠔油芥蘭唔會淥到腍曬，而且爽脆冇渣仲見到有限量供應既炸門鱔魚皮，非常吸引！可惜肚仔位置有限☹️唯有下次再試估唔到咁多年都冇變🙆🏻‍♀️門面位姨姨仲好好招呼，好親切，兩文三語都得🤩下次多啲過嚟食嘢先

晨早做完Facial , 11:20時衝入去樂園，可以食多一個$32 早餐perfect day🙏🏻平時經開見到門面乾淨，廣告寫住全日供應$35 招牌魚蛋粉，一直想吃😃因為入去首先係想要招牌魚蛋粉，因為揭下揭下是有$32吃個早餐，仲經濟呀🫣要求改單，侍應有禮貌，不厭其煩幫我改單😅粟米春卷好爽口，有咬感，清甜味，亦無雪藏味！魚蛋爽滑，附上一匙青蔥，無語論比，奶茶都滑，溫度夠熱！尖沙咀金馬倫道位置又正，又方便，埋單收銀員會說多謝🙏🏻抵讃👍