樂園魚蛋粉

營業中

休息中

我一直都好鍾意食魚蛋粉，因為覺得超地道好好食，然後比我搵到尖沙咀竟然有一間非常好食，又有驚喜，性價比高的魚蛋粉，真係好豐富，又抵食又足料，所以我真係好推介呢一間魚蛋粉啊，佢哋呢間餐廳啲牛肉非常鮮嫩，超級入味，而且雲吞都有好新鮮嘅豬肉鮮味，非常可口，仲要呢度非常多選擇，我好推介佢哋嘅招牌魚蛋河粉加紫菜，真係又平又大大碗，而且非常多餸，啲魚皮同魚蛋都係好爽口彈牙，而且魚香味非常鮮，唔會好腥，而且呢度嘅凍檸茶都大大杯，好好飲㗎，而且清湯底仲可以加腩汁，所以真係好香味濃郁，仲有佢哋嘅位置非常方便，響金馬倫道，非常容易搵，而且四寶丸河，全部魚蛋都係手工製造，非常爽滑，而且魚片好彈牙爽口，四寶可，有魚蛋，魚片，魚皮餃，豬肉丸，真係一次過海食咁多，真係開心

今日好開心喺尖沙咀放工，有啲肚餓，所以上網搵嘢食，見到好多人推介呢一間魚蛋粉，估唔到咁受歡迎，我坐咗一陣，已經坐滿晒人，入到嚟舖頭裏面，有一陣陣嘅牛肉香味，好香嘅牛丸河粉味道，真係非常大贊，豎起個大拇指，試咗真係愛上了，所以一定推介給朋友，非常好食，而且價錢經濟實惠，喺尖沙咀區搵到一間又平又抵食嘅麵店，真係唔簡單，而且呢度好出名就係佢哋嘅牛腩河粉，真係非常好食，牛肉均勻，而且牛丸嘅湯底真係好濃郁嘅牛骨味，有咩啖湯成個人都暖晒，而且個賣相好吸引，尤其是個雲吞，賣相非常精緻，鄙薄餡靚，個鮮蝦非常之入味，好滿足，另外我見到其他人都叫了呢個炸魚皮，我深信一定好受歡迎啊，而且呢度仲可以加菜心食， 非常新鮮，真係值得推介

#樂園魚蛋粉this place is definity not aiming for service.the staff focusing on efficient. they dont speak extra wording except. order? speak!1sec. invoice on desk.and done.food there is keeping quality. i ordered food belly rice with seaweed soup just 54$. its a cheap price in tst tourist area. that why they keep focusing turn over rate to maximum their revenue instead of service. ppl only come back becos of food snd hunger. they know it very well and dont dare to provide any extra service.good job.

由細細開始就好鍾意食魚蛋粉，經朋友介紹就嚟到呢間金馬倫道嘅樂園魚蛋粉，聽講啲魚蛋好彈呀好好食啲牛雜又好香好濃味，所以好期待咁樣去到呢間餐廳食間餐廳好光猛好寬敞又乾淨，一入去坐低好快就有員工嚟幫我哋點餐。叫咗兩碗麵一碗係魚蛋拼水餃撈面一碗係牛雜河，見到佢有推介食脆骨魚皮，所以都嗌埋同行嘅朋友再嗌多個菜心同埋紫菜湯，真係好豐富個魚蛋係潮式白魚蛋，食落勁爽口彈牙唔係出面嗰啲普通炸魚蛋！！個水餃都好好食，啲餡亦都好豐富，加上個撈麵冇鹼水味得來又大份，非常之抵另一碗嘅牛雜河真係好好食，個”五香”味好濃，配埋個魚皮真係一絕，勁脆！一舊接一舊咁食，食唔停口再加埋個紫菜湯拼埋一齊食，無罪惡感得嚟又唔怕熱氣好彩張枱夠大，放得晒咁多嘢食如果你都係鍾意食魚蛋粉嘅話就真係唔好錯過呢間餐廳啦

次次開心去食 服務人員服務差到爆 次次說話帶氣引爆堂食客心情 店太小 服務人員次次要爭對錯 嚴重影響堂食心情 這裏短發的姐姐 還有另一個大姐也是說話串到 次次都是食客退讓 但是店裏的每樣食物都很好吃 又便 最喜歡吃四寶丸和豬手飯 次次食完豬手飯冇幾耐又會想食 紫菜湯好正 凍寧茶都好好味 上餐十分快 店內十分幹凈整潔 每樣餐具都擺的整齊 臺上有辣椒 是我最愛 每次上餐不會給熱水燙筷子 有好的地方 有不好的地方 建議打包走食 因為食物真的好好味其二店裏經常爆發爭吵 經常聽到大吵小吵 不建議堂食

樂園一直係我心目中都偏貴 唯獨鮮蝦雲吞留得住我 搭個幼麵加超級多青 鮮蝦雲吞大大粒 皮又夠薄 個麵就要加醋黎去左陣鹼水味了多青先係個靈魂簡簡單單又一餐 不過店員態度有待改善

啱啱去食牛腩麵，問阿叔唔該有冇水，阿叔好惡咁話梗係有水啦，唔係點煮嘢食，你想要咪俾杯你囉！無端端俾人鬧🥺埋單時候問收銀，原來呢間樂園同旺角唔係同一集團，唔怪得啲味差咁多😫😫

講到尖沙咀嘅街頭味道，唔少得今次試嘅呢間美食點哦👣😋！一入到店裏面，就聞到一陣陣嘅牛肉香，食指大動，心諗今晚又有好料。首先，個牛丸湯底真係勁，好香濃嘅牛骨味，飲一啖湯就覺得身暖哂，好過癮！講到牛丸，真係要豎起個大拇指👍。彈牙得滯，入口即化，個人覺得佢哋個雲吞亦唔錯，賣相精緻，皮薄餡靚。一啖咬落去，鮮蝦嘅甜味就喺口腔爆發，真係好滿足。最後，講下我嘅最愛——炸魚皮。可以話，除咗湯味正之外，條魚皮，脆脆聲，喺口裡又脆又香，幾難得嘅好味道！彈牙嘅麵，靚靚嘅湯，嘅確係夠晒街頭嘅風味。下次行過尖沙咀，會再黎食個round，搵尋下次嘅新驚喜🍜🎉！

下午茶外賣自取優惠多😍嗌左碗鮮蝦雲吞米線，出乎意料雲吞皮薄餡靚，蝦和肉都爽口彈牙又多汁！外賣+2蚊多個菜真係健康之選👍🏻出餐非常快，一點沒有影響食物質素！麵加菜加野飲都係$40咋，真係十分抵食！

之前喺旺角分店食過佢哋魚蛋粉，超地道好味，今日落大雨，剛好經過尖沙咀分店，試吓佢哋出名嘅牛三寶。因為下午茶時間，加上落雨，店內不是太多人，座位舒服，店員服務迅速，親切，言談間佢哋關係好似一家人。先叫一個牛三寶撈粗麵，有牛腩，牛筋，牛肚，全部都係我鍾意食嘅牛。金錢肚非常爽口，牛筋夠林，牛腩嘅肉可口，加上佢哋特製嘅辣椒醬，好味。撈麵份量太多，我都食唔晒另外撈麵會加一個湯，雖然比較重味精，不過都好味。通常麵店只有牛筋加牛腩，好少有埋牛肚，今次一碗撈麵滿足晒三個願望，感動 ！再加咗個油菜，菜心爽口，蠔油分開長，非常細心。另外叫咗一個熱奶茶，不用加糖，口感幼嫩細滑。叫咗咁多樣嘢，都只不過70大元，抵食! 在尖沙咀區，實屬性價比高的選擇！

今日同朋友去尖沙咀呢間樂園魚蛋粉，又足料又抵食😋😋 唔怪得之座無虛席！首先，我哋叫咗一碗蟲草花雲吞鴨幼麵。入面有好大隻鴨脾呀，肉質鮮嫩又超入味、啲肉一啲都唔un🍗 雲吞充滿豬肉嘅鮮味，又夠香口。湯底佈滿豐富嘅材料，有蟲草花、紅蘿蔔、馬蹄同紅棗，令湯麵更加鮮味🍜其次，我哋仲叫咗碗淨上湯手工魚皮餃。我最鍾意食魚皮餃，呢碗足足有六大隻咁多，粒粒皮薄餡足🤤🤤 湯底以清澈嘅上湯為基礎，簡單而純粹。另外仲附有兩條菜心呢！除此之外，我哋仲叫咗是日靚生菜，配埋蠔油唔會好鹹好美味🥬特別值得一讚嘅係所有餸菜上碟嘅時候都係熱辣辣架，非常新鮮😋😋 另外仲想讚下餐廳嘅清潔質素，當食客食完就會有店員即係收拾同抹枱。而且我仲見到清潔姐姐好勤力咁拖地，非常整潔衛生👍🏻✨

就算未食過炸黃鱔皮都一定聽過樂園魚蛋粉😈啊～～～今日終於特登去左試🥹一個人一定食唔哂一包的，份量超多！一打開包裝袋好香既炸魚味撲鼻而來🥹齋食略嫌硬左啲啲，浸湯大概30秒就perfect池😋招牌魚蛋河 加紫菜 $40勁大碗😂餸亦好多～差啲食唔哂魚片魚蛋爽口彈牙 魚味香濃但唔腥，好食😋跟餐凍飲+$8 一杯凍檸茶又點少得😌茶底香濃而唔會太苦澀～好飲！埋單$100都唔洗，食到咁既質素覺得好抵🥹絕對可以再幫襯

今晚冇飯開，所以一個人想簡單食碗面🍜見呢一間餐廳都幾多人喺入面食緊野所以就冇諗咁多，入咗去試試佢 😝不過呢度實在係有太多選擇啦作為有選擇困難症嘅天秤座，真係覺得好難揀🤪最後揀咗雲吞墨魚丸雙拼🤤店家好細心咁將啲葱放喺匙羹度就算有人唔記得叫走青都唔使怕雲吞size啱啱好～皮薄餡靚墨魚丸都好味！清湯底其實可以加腩汁，但我唔記得咗😬不過有辣椒油搭救食粉麵點少得辣椒油🤫實在太過肚餓嘅關係，再叫多咗碗淨墨魚春卷彈牙得來入面又有粟米層次即刻豐富咗🫡另外，仲叫多咗碟菜～唔知係唔係因為今日去得晏所以去到嘅時候得返菜心但係啲菜心好靚好甜！

喺尖沙咀行行下街，忽然想食返碗粉麵嘅話，樂園魚蛋粉就係最佳選擇！餐廳經濟又實惠，正正位於食肆林立嘅金馬倫道，位置極其方便，屬於鬧市中嘅粉麵店！四寶丸河都係$42，同一般民生區嘅粉麵店都係差唔多價錢！魚蛋麵魚蛋全手工製造，夠晒爽滑，魚味夠晒濃，至於魚片彈牙又爽口！四寶河四寶河係我最愛，魚蛋、魚片、魚皮餃、豬肉丸，一次過就可以食晒幾款丸、餃類！蠔油菜心，都係食魚蛋粉其中一個必不可少嘅部分！食魚蛋粉唔少得辣椒油，一羹油、一羹渣係標準配置，辣度後勁凌厲，辣椒油嘅香辣直頭將碗麵嘅味覺體驗昇華咗唔少！

今日經過樂園魚蛋粉，簡直係童年嘅味道，決定入去懷念當初的美好。 五香牛雜河粉：五香牛雜河粉嘅口感好豐富！河粉爽滑有咬勁，配上嫩滑嘅牛雜，有牛肉筋、牛肚同埋牛肉既多種口感。每一口都可以感受到牛肉嘅鮮味同嚼勁，夾雜埋五香香料嘅香氣，非常開胃又美味！五香牛筋河粉：五香牛筋河粉嘅口感好特別！河粉同牛筋都係有嚼勁，牛筋滑嫩有咬勁，入口即化。五香香料嘅味道融入牛筋同河粉當中，帶嚟一種香郁又微辣嘅風味，令人回味無窮。腐乳通菜：腐乳通菜係一道簡單卻美味嘅菜式。通菜爽脆嘅口感同腐乳嘅濃郁味道完美結合，每一口都帶來一種鹹香同清新嘅滋味。腐乳嘅醬汁包裹住通菜，令味道更加豐富，係一款下飯又開胃嘅菜式。