樂園牛丸大王 (已結業)

Furnace食友可能有些誤會了,牛丸是要分類的,在樂園也分牛肉丸和牛筋丸的,各適其式,有人喜歡肉丸比較爽滑無筋,反之有人喜歡筋丸彈牙,勁度十足,假如不預先講明,師傅便隨意俾.至於用鐡棒打是不可能把牛筋都打斷的,甚至攪拌器也不能,而是師傅先把牛肉的筋都用小刀取出,用來另做牛筋丸,肉便用鐡棒打成肉糜,經過攪和撻,擠成牛丸,肉的幼細纖維糾纏結在一起,加上製造過程混入了空氣,做成爽滑的效果.從成品外表看可以見到比較滑溜的便是.牛筋丸只是牛筋和少量的肉,用機打至纖維纏結在一起,便成筋丸.從外表看可以見到比較巖饞有顆粒凸出的便是.有幾間店子便以賣筋丸出名,例如新浦崗的成記.

記得以前返學時，阿sir講過話賣嘢嘅時候佢嘅說明一定要同產品相符，如果唔係就可能觸犯法例。如果一間店舖自稱係牛丸大王，但係啲牛丸只係一般貨式，咁唔知又會唔會觸犯法例呢？筆者抱著一啲對“牛丸大王”嘅期望，走咗入去食雙丸河，可惜筆者太天真，又一次被欺騙感情。雙丸包括牛丸同魚蛋，先講牛丸，其實應該係話牛肉丸，蓋因一啲都唔彈牙，丸內仲食到牛肉嘅肌肉纖維，我心目中嘅應該係用鐵棒將牛肉內嘅肌肉纖維完全打鬆，套用武俠小說嘅術語，要“經脈盡斷”才合格，好明顯呢度嘅水準仲係唔得。魚蛋就比較好啲，不過都係唔夠彈牙，可幸食落仲有魚蛋味。一碗雙丸河二十蚊有找，都算係比較平嘅一間食肆。如果我好趕時間嘅話都會考慮一吓佢。

一出旺角呢間都會成為我同媽咪ｆｉｒｓｔ　ｃｈｏｉｃｅ因為我地太ｌｉｋｅ食面同辣椒醬又平又好食推薦魚蛋面一定得而且佢地ｄ凍飲都好好味

呢間野最出名其實應該係魚麵, 而並唔係你地講既牛丸其實樂"丸" 我大約係六年前到第一次去既, 果陣去無而家咁平, 好似係廿六七蚊一碗有"食送" 既魚麵(貴而家三四蚊到), 我第一次去係無叫野飲的(因為果陣飲野無得平, 照原價, 我記得好似係, 總之我係因為野飲貴所以無叫)果陣既魚麵質素比今次食既好今次食, 覺得D 魚麵幼左好多以前食係好大條, 仲大條過烏冬既所以覺得今次食既, 口質差左好多今次淨係食淨魚麵$17其他麵類轉魚麵好似係$7 or $8(not sure)評價: 黎呢度係食魚麵, 魚麵比之前差菜好平, 三蚊一碟, 不過今次無叫(之前幾次有叫, 唔錯)湯底不過不失, 感覺上比較淡, 淡白色的, 似乎唔係魚湯or 豬骨湯(無認真留意到)其他野: 唔評價, 因為食牛腩唔會黎呢度食(漢榮對面果間先係主打呢樣野)丸類不過不失, 因為我比較鍾意食鮮打既丸(好似德興火鍋果D), 果D 似乎係用機打既丸, 始終食落口口感較差, 無咁彈口, 而且雪過既野, 果浸雪味始終都會係度建議: 賣番貴少少, 質素要好番D好景對面果條街都4 間十蚊雲吞麵啦, 你鬥平根本無得鬥架喎唯有係質素上面鬥贏佢地啦(

這帶是旺角較旺的角落，多人幫襯亦是無可口非，況且又近戲院又女人街波鞋街，人流絕對不小；而樂園是幾個舖位，佔了先機。中午來到，人客比想象中小，牛丸牛根丸魚麵再配多碟通菜；牛丸牛根丸食味亦不是相當好，極其量是夠彈牙而矣，反而魚麵味道較好，比起四x的唧唧魚線更勝。價錢亦算平宜，但要改成魚麵另加五元好像比例不對；環境可以，始終全程十分鐘食完走人。

天氣實在太熱，忽然想食碗粉，就嚟咗呢度...例牌食四寶魚麵再加炸魚皮，魚皮有D"透風"，麻麻地；四寶查實唔只得四樣，有魚扎、魚皮餃、魚片、黑椒豬肉丸、牛丸等。樣樣水準都幾平均，但係最好仍然係牛丸--- 足料，夠結實，無乜加粉入去打，夠晒牛味，真材實料。魚麵就無乜魚味，普普通通。雖然價錢貴D(二十八蚊碗)，間唔中食都OK ge..

要左碗牛雜麵($16)加油菜($3)同可樂($5)~d牛雜好一般，無乜特別，d麵就煮得o岩o岩好，咬落煙韌~

黑雨警告雖然取消, 但昨晚還是橫風橫雨. 不想外出. 唯有叫外賣. 沒甚麼選擇, 便叫樂園.我點了紫菜四寶, 男朋友點了牛腩米&一碟菜. 50元有找, 仲要送上屋企, 都唔敢有期望啦!味道普通啦...不過, 食完之後........我倆肚痾了成晚..仲延續到今朝, 一定唔會有下次!

朋友介紹樂園牛丸大王既牛丸好正,所以專登黎試下,試左友人推介既黑椒牛丸米線,又真係唔錯,18蚊有五粒好大粒既牛丸同米粉,我第一次食有黑椒既牛丸,覺得好香好惹味,但係又唔會好辣,所以幾滋味!美中不足係時不時會有d好似筋既野,但係又唔個喎,所以都算啦!同朋友叫左另一味小食炸魚皮,真係好脆架!又多喎!兩個人都唔係好食得晒!

星期日晚係旺角買完野, 妹妹未食飯, 小豬又有d 餓, so去搵野食, 爭扎過食雲南米線, 不過都係食番以前至愛, " 牛丸大王" !! 記得以前係旺角番工, 晚晚都去食過先安樂^^ 一如以往, 小豬叫番佢至愛牛根丸米, 妹妹唔知食咩好, 我就提議佢食4寶河, 因為佢又唔食牛, 呢個就咩都有, 係無牛, 而我因為無咩胃口, 只係叫左個淨河, 我地仲叫左個腐乳通菜($3咋) + 巨廉($5) 牛根丸米: 好味^^ 不過最耐先上, 吹佢一吹又即刻俾你, 但d米好似未熟哂咁=.=4寶河: 抵食, 咩都有, 印象中有豬肉丸+ 發菜卷+魚丸+ 魚旦+ 扎肉....只係d河粉好似比前少左d咁~ 淨河: d蔥+ 炸蒜好正, 河粉好滑, 加埋醋+ 枱面個樽蒜茸辣椒醬, 可以成碗食哂^^ ( 記住我本身無咩胃口) 腐乳通菜($3咋) : 唔算好細碟, 幾好味, 抵食!! 埋單唔駛+1= $5x , 抵!! 不過個度係污漕d, 坐得唔舒服, 但預左架啦~

今日都係一個人去行街睇戲XD不過去UA朗豪坊睇戲之前，特登黎試下d醬爆丸丸^__^叫左個花膠牛丸米線$25，加紫菜+3，加油菜+3，叫多杯豆漿+5點知等左好耐，幾圍木台既人都食完啦我碗粉都未黎(汗)﹗戲都就黎開場啦~~~~d亞姐見我不斷望住佢地，佢地先講原來食呢d醬爆丸要等好耐(汗汗)15分鐘左右，終於有得食(唉，下次趕時間都唔好叫呀)。碗粉有4粒丸丸，不過味道就冇乜特別，花膠得一粒仔口_口||||||粉既份量唔多=口=，不過d湯配埋佢大量的蔥花蒜頭粒一齊就幾好飲^Q^因為怕燙到咀咀，我不嬲食呢d醬爆丸丸時先會用筷子插個洞等佢入面d汁流出黎先食，食到第3粒既時侯，插完之後一時唔記得等d汁流出黎就黎口咬落粒丸丸度，點知…..d醬汁標哂出黎呀，仲標哂響我件外套度添，之後攪到成木台都係汁汁，哈哈﹗真係冇哂儀態呀~~~下次會黎試埋佢地既海參丸同瑤柱丸的﹗

上星期六下午..先出去行街街先,,,又唔太HUNGRY,所以,就去E家食麵~我同朋友各叫左一個花膠牛丸麵同埋瑤柱豬肉丸河粉~整體來說,這兩個都都係普普通通~唔覺得有咩咁特別~所以,下次都唔會再來食的....

1月尾去食的...依家先寫...個日要去搵個朋友//但又未夠鐘///咁就入左去啦...都好多人係入面...叫左一碗牛丸米+凍檸茶...牛丸的確唔錯...有牛味...仲幾彈牙..但係環境麻麻...

我和男朋友在大年初三(31/01)去光顧這店，我們叫了二碗牛丸麵，一支可樂，當伙計寫單的時候，我發現可樂寫$9 (平時$5)，我就立即問她點解$9，佢話今日沒有特價，要原價．咁我都照叫啦．之後佢寫完單行去落單，我睇睇張單又有唔明白，明明碗牛丸麵應該是$18，但張單寫$21，所以我又叫她回來問問，佢點知話食粉麵要加$3...…佢落單時又沒有講，佢話有張紙寫啦，她指住幅牆.....嘩! 張紙細細張，貼在我後面的一幅牆，跟本邊會有人見到，見到幅牆有要睇，佢分明想呃食客，落單又唔出聲，到你發現問她，佢又沒有禮貌，好似係我入去之前已知道佢要加價…但請注意…門口一隻字都沒有講他們新年期間要加價…入到去又沒有聲明或把張紙貼在每張桌上．其實我都唔係為了比多幾元，事實上是因為覺得入到去被人屈和呃的感覺…真激氣!!至於食物就差, 牛丸就無乜味…無乜特別!!! 伙計的服務態度又好差...下次都不會再去!!!

本人對選擇餐館自問不太苛求, 不過對此店真的非常失望兼氣結！話說有次我在旺角做完GYM, 9點幾都仲未食DINNER, 好鬼死肚餓...於是同男友一齊去花園街搵食...無咩target既情況下入左去花園街頭既"樂園"...一如以往, 這裡常坐滿人, 我地要入到去內堂既後巷位先有張"搭台位"坐。原先我男友根本吾肚餓, 因佢食左野先出黎陪我...最"需要"食野既係我...我地叫左兩碗雙拚米粉, 只是"牛腩+貢丸"類simple野...之後再加碟"全走"油菜. 點知由落單起計, 我地足足等左15分鐘先"吹到"佢出碟"全走"既烚菜(仲要係凍既?!), 其間我問過3至4個幫人寫單既亞姐/亞哥...push佢地check單不下6至7次, 點知佢地只愛理不理...由得我死?!後來等到20分鐘後, 佢地才皇恩浩蕩地出左碗野比我男友食...(點解無我份)??? 之後我keep 往係敢追單...到我男友在極慢速度下...頭尾45分鐘差吾多食完佢碗米粉, 我碗"外太空"米粉仲未反回地球?!!!! 我被激到火都黎埋...於是發爤乍走人....d 亞姐先"好假地"向我say sorry?!!! 攪到我一路出門口