樂園牛丸大王 (已結業)

牛腩一般凍朱古力好正環境差...太多人, 我同友人要在後巷吃... 一打開拉門就成個後巷都見到, 嗚....

心血來潮,去樂園。點了牛根丸麵,因師傅放假,人手不足,等了三個字才上桌。麵我已經沒有期望, 沒有蛋味和不彈牙是預料之中,只是想不到有肥皂水味。主角牛根丸不比牛丸更彈牙,令我十分奇怪。爽倒是爽的。牛味充斥口腔,但不濃,和印象中有出入。若不是淡淡的牛味久而不散,我真想給3分算了。

第一次食花膠牛丸時噴到對面的食客,幾不好意思!後來慢慢食,失去風味!牛丸,墨魚丸都不錯,其他的都很普通.加三蚊有菜,但分量很小!

話說小弟以前住旺角果陣,依間野剛剛開舖果時,我真係見到佢地有兩個師傅在門口行人路度打牛丸架..都幾核突..吾知係咪比人投訴(講真馬路邊真係好污糟)沒耐就吾見啦

麵包燒餅始終唔可以當飯食，所以今晚最後都係去左打冷。呢度以手打牛丸聞名，而打冷就在晚上在隔離相連舖供應，而水準都不錯的。地方不算十分舒適，不過打冷的地方就係咁，都無咩所謂。打冷選擇不算多，都係平日見慣那些。有大碟和小碟之分，剛好適合我們兩個人吃的，可以試多幾樣都得。叫了煎蠔餅、炸大腸、墨魚、韮菜豬紅，這裡的煎蠔餅是下馬蹄粉，偏濕的類型，味道不錯；炸大腸非港式炸法，是單炸一層腸的，口感是單薄了一點，但客家及潮州做法都是這樣的；墨魚不錯，日本朋友最喜歡的一味；韮菜豬紅應是用了雞紅，韮菜亦老了些少，有點渣。連白飯同啤酒汽水，埋單二百八十幾，食到好飽。

牛丸、牛根丸和花膠牛丸都十分好味，牛味特濃，又彈牙。其他就比較普通，所以較少食。魚麵不好味，一d魚味都冇，芽菜真係太多，我次次叫走芽菜算。晚市有蠔餅，蠔仔好新鮮，煎得好香，值得試！

花膠牛丸唔係想像中咁好, 都好普通0下~牛腩又好好好十分之韌, 咬都咬唔開!!炸魚巻同魚片無分別~~~又唔係真係好平~~d湯都係一般~~

牛丸彈牙味道好，河粉夠滑，$18一碗唔算貴。$5有個油菜，我要了腐乳通菜，下次我唔會再叫，因為d腐乳醬好難吃。不過衛生就麻麻，我知道旺角區這類型食肆不可能要求太高，但我懷疑他們的器皿洗得不太乾淨。我了一杯凍檸茶，飲了一啖，我覺得有一陣辣椒油的味(我之前沒有吃過任何辣的食物)，飲多兩啖亦然，我叫我朋友試，他說沒有，但我已不敢再飲下去。

同朋友行開旺角食個下午茶, 叫左牛丸魚蛋米, 花膠牛丸河, 牛腩等等, 牛丸幾爽口彈牙, 花膠牛丸係爆醬牛丸, 所以要煮得耐d, 食落中間幾熱幾濃味, 不過同牛丸本身味道配合得唔係咁好, 牛腩亦係一般, 清湯腩唔濃味, 亦唔覺淋. 價錢好似二十零蚊一個粉, 另外牛腩$35, 算係合理.

一坐底,花多眼亂都唔知食乜好,於是叫左碗四寶河($21), 有牛根丸,黑椒牛丸,髮菜卷,魚扎,潮洲魚片,魚餃各一粒,最好味是牛根丸,因今天感冒不太舒服,只食了1/5 碗,加埋碟通菜($5)同埋很杏仁霜($5),埋單$31,好抵.

尋晚o黎食o左碗淨墨魚丸加紫菜($24)，另叫一碗牛丸河加紫菜($21)。墨魚丸裡面有一粒粒墨魚，鮮味彈牙；牛丸大大粒，都好彈牙～味道的確非一般老翻樂園可比。至於值唔值得俾多幾蚊食D好味D既丸丸，的確見仁見智啦。仲叫多枝$5凍冰冰可樂，$3碟油菜～不過碟菜芯勁苦，唔掂。同意魚蛋魚片同區o黎講係夏銘記比較優勝；呢期食魚蛋魚片愛上o左筲箕灣東大街果幾間，都好掂o嫁！

食過魚皮餃米...d餃真係唔掂~~

咁都叫貴?!$18有5粒丸,好多間都係架啦~~而且呢度既粉麵真係物有所值架~~佢地d肉丸真係好足料架!!!好少有粉麵店真係可以令我食完又食食完又食架~~至於魚皮方面,冇錯的確係幾硬,不過又真係幾厚喎~~所以我覺得冇乜問題~~

$18一碗麵真是不值,只有5粒丸,d炸魚皮仲好硬.....

不嬲都對魚蛋無乜研究,平時食開街市潮州舖貨色,偶爾食粉面舖o既,所以覺得鮮味d.聽完KC兄o既建議,等我下次去夏銘記試下先. (其實已經經過夏銘記幾次,不過就未試過)