榮樂茶餐廳

營業中

休息中

星期日的新城市真係好多人，我地去左隔離既瀝源邨食野避下d人潮。呢間小店的裝潢一睇就知仲未受到領展的洗禮，人情味濃的小店真係買少見少。呢度的選擇唔多，最抵食的都係食午餐(32+2凍飲)，本身係有餐包、叉燒湯意、火腿奄烈同野飲。見其他人都係成個set食，不過唔係叉燒湯意，細問之下可以轉配其他，應該menu上面有既都可以揀，呢d小店的彈性通常都好大，可以切合返個人的需要，就好似淡熱檸水，只係放兩塊檸檬。因為小店唔似做埋夜晚，所以三點去到已經無叉燒同沙嗲牛。我叫左餐肉公仔麵。個麵一黎到就睇得出係福字麵，因為比公仔麵深色。宜家已經好少食到福字麵lu……而餐包應該都係賣哂所以就變左做波蘿包，個包似有餡咁，食落甜甜地，大熱天地配埋個凍奶茶真係爽YY。

典型的屋村街坊小店，已有一定的歷史，幫襯以學生同街坊為主，雖然食物簡單，主要食麥兜式的早/茶/特餐($32，全日同價)，但包類（方包除外）系麵包師傅日日大清早新鮮焗製，數量足夠全日用，當中又以餐包最高水準，鬆軟可口餐包，菠羅包，雞尾包，墨西哥包，方包，多士，三明治，食物，粉麵，蛋類任改任揀，不用加錢，彈性極大，奶茶香滑味濃，水準極佳，比坊間好多茶餐廳好得多肥佬老闆，店員同水吧員工合作無間，落單全憑口叫形式，完全不用寫單，見d學生街坊談天説地，人情味濃的小店，值得支持

真的很久很久很久沒有喝過維記牛奶了，小時候常喝其出品的朱古力奶，但不知從何時起其已經從我的日常消失，甜甜的朱古力奶很懷念呢！這裡套餐選擇只有早餐和午餐，正午時段當然shi午餐，事先openrice過知道這裡可以自由配搭，所以我將餐包omelette轉為奶醬多和太陽蛋。原本想吃叉燒意粉，不過當天叉燒已經賣完，唯有點火腿意粉～意粉就是普通的茶餐廳味道，但也很爽口。太陽蛋則有點油，所以吃前都先放進湯裡浸一浸。奶醬多烘得夠香脆，現在的餐廳大多提供厚多士，吃到這份正常厚度的多士難免有點雀躍很懷念小時候到茶餐廳吃多士當下午茶的日子。吃完地道的一頓午餐後便出發到期待已久的莫奈展覽呢！

行街路過荼餐廳，坐下小休下午茶。難得可以食下傳統口味，選了牛腩河作為補充一下，腩河到場，香蒜加上牛腩的香氣陣陣傳來，嚐到又香又軟的牛腩，可說味之極至。 河粉軟硬適中，混合蒜粒和腩汁非常可口。軟品選了傳統 阿華田， 一之過回味小時候味道，認真回味無窮。

今日(30-1-2016 Sat)同老公行去禾輋辦年貨,已經兩點幾,要食晏,中途經過瀝源邨,我o地試上次因人多冇位而食唔到o既呢間.o黎到,室外有位,室內就o岩o岩冇乜枱,好彩有對坐卡位,走o黎走o既熟客母子,讓一邊俾我o地坐住等.由於我又唔係好餓,所以我要$22.00o既奶油多士餐,飲熱奶茶.老公要$30.00o既午餐,有牛油餐包,火腿奄列,叉燒湯意,因冇晒牛肉同叉燒,所以老公就要五香肉丁公仔麵,加$2.00要凍檸水.好快,兩杯o野飲到o黎,然後係我件奶油多,之後到老公o既牛油餐包同火腿奄列,影好就食得.我o既熱奶茶奶味偏重同夠滑;之後食老公o既牛油餐包,牛油餐包甜甜地,牛油唔太多; 奶油多亦見到錬奶同牛油都唔多,食落,多士多冰冰但仍脆,唔多o既錬奶同牛油令甜度o岩o岩好.然後又食老公o既五香肉丁公仔麵, 五香肉丁唔多,味道辣o左啲,呢排我熱氣,唔食咁多喇,食兩啖俾返老公食.最後食火腿奄列, 火腿奄列冇過火,都o岩o岩好o既.服務:個個都好有禮貌o既.抵食係2.8分

放飯了，同班同學來咗呢度食午飯，因為呢度勝在較抵，效率快。一坐低，即刻叫：腿麵！同學叫兩個牛麵一個餐肉通！上菜速度好快，火腿絲配住麵條，淡淡嘅湯底浸住，味道不過不失，不過感覺上好似熱得滯。‘奶醬多奄列‘，每次我都係叫呢個。不過退步咗，奄列太油膩，而且啲油浸咗啲落個多士度，變得好濕，破壞咗個口感。其實，冇濕到嘅包都好食嘅，啲花生醬甜甜地咁，好唔錯。奄列一般，不過就好在好多火腿夾喺入面，質感提升咗好多。凍檸茶一般味道，好似甜得滯。每人$20埋單，好抵！伙記嘅態度比一般茶餐廳好，不過衛生就有待改善。。。一隻手唔知掂完啲咩就掂多士，有啲唔乾淨。不過算啦，好多茶餐廳都係咁。有下次！

自己去到邊都係食常餐。介紹下附近隱藏於瀝源既呢一間老店先～話說由細到大幾廿年。我都係前幾年丫媽先叫我去食。因為街坊係隔黎開鋪夠近又方便喎。平時行過見到個格局就唔會想試。因為太舊又多門口枱供煙民專用。之但係佢成日爆棚嫁喎點解呢！？一睇牆上張"餐牌"就笑左出黎。其實麥嘜既情節係堅既午餐早餐常餐晚餐糾纏不清不分你我。但其實箇中奧秘係變化萬千無窮無盡。餐牌只係一個儀式。所有你諗到既都可以叫。仲離譜到你諗唔到既都有添～首先由個包開始。Default 係牛油餐包。我就必轉奶油多。好多人揀菠蘿油雞尾包墨西哥（包係自家焗的好似係）當然白面包都有捧場客。如果你唔食蛋可以變做厚多士喎。你要食蛋咩？又可以變左蛋治！！至於蛋我個人就鍾情於太陽不過經多人測試後告知。炒蛋奄烈都非常香口好味既^^麵就正正常常稍為偏淋。通意米面配牛义炸雪腿丁數十款自由配搭。最抵錫係杯野飲。竟然轉做鮮奶朱奶都只係當凍飲加２蚊。天呀我買支奶都屈左十蚊去啦～所以次次都係以朱奶為首選無得輪丫喂^^我諗就係因為夠晒user friendly。屹立N年成為無數街坊既聚腳地。丫唔記得講。仲有一個特色就係無論有幾廿人叫野食。佢地都係唔洗寫單就咁大叫

肥老闆經營的第三座榮樂，瀝源邨街坊無人不識，雖然叫做茶餐廳，但食物供應非常非常有限，粥粉麵飯皆空，常餐才是主角。今天來遲了，叉燒搶先沽清，即轉沙嗲牛肉麵、餐包奄列配凍奶茶。背心師傅所煮的伊麵永無失手，彈牙爽口，至愛；麵包師的自製香軟餐包，吃得出是心機製作。夠運的話，可選菠蘿包代替餐包。但當下要吃自製餐包已非易事，餐包始終是首選。乘炎夏未至，在店外用餐挺舒服，偶然還見街坊貓貓在枱邊步過，又或跳上高處後捲曲身體小休，多優閒。

榮樂茶餐廳食客以街坊為主，大家進去都會互打招呼，餐室裡的阿哥阿姐全部 friendly 有趣，臨走先一句「走喇？」完完全全暴露那種「這裡其實任坐唔嬲」的完美優勢，餐廳上的揮春字字鏗鏘揮筆有力。我問姐姐，圍金邊的毛筆字是不是你們自己寫，她笑容滿臉向裡頭一指說是老闆親自下筆；單看表情就知道他們是所樂也融融的小諶室。餐廳環境保養得非常好，近門窗廉雪白無瑕，頭頂風扇是舊式鐵扇但非常清潔乾淨（看到這兩點我已經按捺不住要大讚）。牆身用磚絕對是舊年代香港的磚花代表，雪櫃裡還有我小時候最愛喝的玻璃瓶身牛古力奶（好啦其實我媽多想我喝白色的鮮牛奶）。最可愛的地方是，你可以在這裡用任何 combination 來點餐，餸料、麵款、雞蛋的炒法和麵包的款式都可以自由搭配。也就是餐肉/沙嗲牛肉/五香肉 + 公仔麵 / 通粉 + 炒蛋 / 太陽蛋 + 多士 / 餐包的完美自由配合；做出最個人化的餐食！

平日很少踏足沙田，恰好今日路經此處，可以一嘗舊式茶記的滋味！這裏的食客，相信是附近的街坊。「隨便坐」～這簡單的一句，就足以充滿著左鄰右里的親切感！餐廳的特色，就是可以隨意配搭食材，總之一般早餐所提供的食材，均可以隨個人口味，任意配搭！簡單的雪菜肉絲米夠入味，多士微烘鬆脆，夾以牛油更為香口。煎雙蛋不太油膩，原隻蛋黃在口腔滾動著，不錯！傳統茶走茶味香濃不澀，入口香滑，滿足也！這樣的價廉物美，街坊小舖，值得支持！

一間茶餐廳可以默默經營超過三十五個年頭，絕對可以說是絕不簡單，網上關於榮樂的資料並不多，相信它是由瀝源邨入伙開始營業至今，光顧它的客人主要是來自附近的街坊街里，印象中最深刻的是肥老闆親切的態度，咀邊常常掛著＂隨便坐＂三個字，由於店內空間有限，客人大多會選擇卡位，所以不少人會要求從大枱轉移到卡位，肥老闆都無任歡迎，每當聽到肥老闆一邊工作一邊跟街坊聊天，雖然話題離不開往事或者彼此近況，但是當聽著他們輕鬆的閒聊，氣氛頓時覺得愉快融洽，相信這就是屋邨左鄰右里的感覺。這裡有兩個特色，第一就是食客更可隨意改動食材，例如一客午餐包括有牛油餐包，叉燒湯意粉，火腿奄烈，咖啡或奶茶，牛油餐包可以改為不同口味的多士（奶油多，奶醬多，沾醬多等）有時多士售罄會以菠蘿包或甜餐包代替，至於叉燒湯意粉的配搭更加多元化，叉燒換上午餐肉，火腿，五香肉丁，雪菜或炸菜肉絲，沙嗲牛肉等，湯意粉當然可以轉換成麵，通粉，米粉等，至於火腿奄烈，火腿和雞蛋絕對可以分開，雞蛋又可以選擇炒蛋，熟蛋，太陽蛋等，最後飲品方面同樣可以作出不同的轉換，以上的不同配搭，都只是二十五大洋，當然凍飲要額外多加兩元。另外一個特色是老闆和侍應從來沒有利用紙

那天到沙田為功課搜集資料，乘機拉了男朋友仔到這間茶餐廳食早餐。因為聽到沙田友話這間茶餐廳很有懷舊味。這間屋邨茶餐廳內部裝修以懷舊茶餐廳的風格，但又很新淨而又很乾淨。大家叫了早餐，包括牛油菠蘿包﹑奄列﹑公仔麵和一支朱古力奶或牛奶。相片是一人份量，我和男朋友仔剛剛好——我將公仔麵讓給男朋友仔，他男仔較大食，我女仔較細食。兩個餐都係很容易煮的，麵色預早焗好一夾就可以上枱，飲品不用調，在雪櫃取便可。所以，都幾快就有得食。 菠蘿牛油包，大大個飽飽滿的，不過不算新鮮，可能是焗起之後放涼了。「菠蘿面」是鬆脆的，不過因為涼了，所以沒有陣陣麵包香。公仔麵呢…個湯底淡淡，說句好的就是少放味精味粉，但不好的是太過無味道了，而麵呢…就真係很 OLD SCHOOL FEEL ，即係較為生較為硬較為有嚼口 (因為麵未煮透？？？)，我覺得可接受。而奄列算是較用心烹煮的，亦覺得廚師應該是多年功夫，很了得，這個奄列外表看來是炒熟蛋，但內裡仍然有蛋汁，所以吃起來有「汁」感。不過最驚喜的是兩支玻璃樽的奶，因為和男朋友仔一人拎住一枝，用飲管飲，你眼望我眼，情人眼裡…這種感覺很可愛。

今日特登去這間茶餐廳食午餐，點解？因為佢的實而不華的食物丶街坊的價錢，今時今日你可以在那裡找到同樣的小店。午餐的配搭真多，牛油餐包配奄列丶叉燒湯意丶熱飲，盛惠$25。但是你可以將餐包改牛油多丶奶醬多丶奶油多丶雞尾包丶菠蘿包，奄列又可以改煎雙蛋丶炒蛋，叉燒湯意又可以改沙爹牛丶火腿丶炸菜肉絲丶五香肉丁，湯意又可以改通粉丶米粉丶公仔麵。這裡仲有樽裝維記鮮奶/朱古力奶。今日我就簡單叫了午餐配通粉，牛油餐包軟綿綿，因為佢地仲係自家做麵包，奄列一切開見到好多火腿絲。叉燒通的叉燒至少有5塊，通粉煮得剛好不太淋又不太硬，湯底仲用忌廉雞湯開出來的，我叫了熱奶茶，香而滑，好傳統的港式奶茶，正！以$25有這樣豐富午餐，相信時下難求！

星期日，陪著太太出去沙田買東買西。因為之前的一天發現了瀝源邨的停車場抵泊而令我們再次踏足這一條古老的公共屋邨。為了取得一小時的泊車優惠，我要在邨內選擇優秀的食店，順道滿足我的文筆癮。而我就找到了這一間非常古老的屋邨茶餐廳。店外店內，都保留了6、70年代的風格。小冰室依然有室外的麵包部，茶餐廳自家製麵包，在當時是非常流行的，現存仍有自家製麵包及提供茶餐服務的店，可真是越來越少。再說，此店仍然保留了一種似乎失傳了的風格，就是不用單子，全靠大叫，食乜飲乜，有人大叫入廚房，食包有人大叫出門口，收錢就有人埋黎睇完數後大叫給收銀的婆婆。整個環境，整個服務體制，完全是當年的風格，大叫呢一家野，原來除了 "蛇竇" 在瀝源邨的這一家古老茶餐廳，也保留著。 沒有什麼食既東西選擇，沒有飯食，最優惠的莫過於早餐同常餐，連ABCDE餐都冇。我要食的東西就簡單，一份常餐就可以滿足我，但茹素的太太點算呢，只有三文治可以食。她想要茄蛋治，可是店員肥叔立即理直氣壯的說沒有蕃茄。太太又不想只吃蛋治那麼單調，之後，她決定要個更簡單的鮮油多來解決食的問題。這鮮油多，是使用了剖腹技術去製成

又是瀏覽完 OPENRICE 後的決擇..雖然是古舊的裝飾..但感覺熟識..叉燒意粉叉燒份量唔多..但味道取勝..火腿奄列大大份..有啲蛋汁..合我心意..奶茶少有的好味..茶同奶配合得好好..可能就是老店的殺手鐧..