榮樂茶餐廳

營業中

休息中

一心諗住嚟到沙田舊屋邨梗係要試吓啲地道嘅茶餐廳啦，揀咗呢一間，好可惜真係有啲失望而回。兩個人食lunch叫咗豉汁蒸排骨飯同埋乾炒牛河肉意粉，排骨飯嘅排骨好肥，基本上有一半嘅排骨都係肥膏，不過佢個蒸飯豉油好香，如果你頂得順啲肥肉不妨試一吓。至於個乾炒牛河肉意粉就係正常茶餐廳嘅味道，而且真係好油，牛肉就估計用梳打粉處理過，所以真係好有以前細個茶餐廳嘅味道，不過唔係好味嘅味道。最後令我最失望嘅就係杯奶茶，又唔香又唔滑。總括而言，no more next time，皆因水準真係唔係特別好。

很久沒有到過咁懷舊嘅茶餐廳食嘢，裝修應該咁多年都無變過，小店室內座位不多，店外提供多張圓桌，感覺更free ~ 點了常餐和泰式雞飯，丁麵好好食，奄列食得出廚師的功架，泰式雞飯賣相十分一般，但驚喜地發現雞很淋很滑，醬汁刻意加入蒜蓉更香更有咬口！我是奶茶迷，香！滑！好好飲！熱檸茶少有地聞到都覺得香！讚👍🏻

Lunch黎到沙田瀝源邨既呢個茶記 食番個常，佢室內既位置唔多，但好有屋邨茶記既feel。叫左個常餐，沙嗲牛通 杏霜加一蚊轉左牛油多士，多士脆口，牛油均勻，不錯，其他okay，無特別出色。黎到呢日聽到d伙記有d 單寫得唔好比人話，嘈左幾下，或者多份人情味可能會更茶記。

我最鍾意就係食小店同埋懷舊冰室。唔係裝修到似冰室，而係好似呢間咁，真係有歷史嘅夠冰室。入面嘅裝修都係唔係做作出嚟之前一直都係是公仔麵餐，但係今日起身太肚餓。決定試吓佢嘅蔥油雞扒飯，超有驚喜，個雞扒煎完都仍然好juicy 啲蔥油配埋啲飯食，令人回味。講番杯檸檬茶，茶底好好。檸檬新鮮另外朋友食咗公仔麵，熟的程度剛好 豬扒都好食呀！食完又可以慢慢坐，老闆同侍應都好有禮貌。會一來再來呀！下次會試吓佢哋嘅咸雞飯

瀝源邨自落成到家陣都已經40幾年㗎啦，依家榮樂茶餐廳自然有番咁上下年紀啦。入邊啲裝修同埋個門面都好有歷史痕跡。時間尚早，所以買咗個早餐返屋企嘆下先。今次買咗個沙嗲牛米加奄列配奶醬多。佢一路以來呢個奄列呢都係擺喺個米粉或者麵上面嘅。佢奄列呢啲蛋呢就煎啱啱熟入邊啲火腿都好多，咬落真係啖啖火腿，加埋個香滑ge蛋，一流!咁個沙嗲牛米呢，啲牛肉有咬口，沙嗲味又香濃米粉都好彈牙，份量都唔少，夠飽肚！最後到個奶醬多，多士烘過，變得香脆，入面d奶醬又香又滑令人想食完再食，一啖接一啖！

第一次嚟呢間茶餐廳，純粹工作路過，同事帶我去瀝源邨平台，是但搵間嘢食。冇諗過裏面嘅環境幾乾淨，但裝修好懷舊，覺得就是舊式冰室。叫咗個快餐，上海粗炒$45,附送是日例湯和一杯熱飲。 例湯是青紅蘿蔔豬骨湯，比較清，但味道都夠甜。飲品叫咗熱咖啡，因為做嘢真係好眼瞓，諗住醒醒神。呢杯咖啡味都夠濃，多啡少奶，味道過得去。 上海粗炒好好味，稍嫌不夠乾身，醬汁味道鹹淡適中，鑊氣夠，椰菜份量幾多，粗炒麵質煙韌不會過淋，好好食。喺沙田食個午餐$45蚊唔算貴，有埋例湯飲，係我最鍾意嘅，覺得抵食啲又夠飽。

今天「覓」食到沙田，本想到瀝源盛記麵家，但是一號波加上下大雨，Google Map 失靈，不斷在邨內兜圈，誤打誤撞看到這間榮樂茶餐廳，單看外觀已知茶餐廳歷史悠久。1975年入伙的瀝源邨是沙田新城市第一代發展的屋邨，那麼餐廳即有四十餘年歷史啊！門外寫着高級俄羅斯包，究竟什麼是俄羅斯包呢？八十年代，俄羅斯包流行一時，如椰絲圈，軟豬仔等，不需運用很多工藝步驟，但卻較重視造型。甫走入餐廳，便被兩邊牆身的橙色花花瓷磚所吸引，水吧的暗綠色瓷磚前簡單而整齊地放着飲品杯碟，冷行通道上瓷磚角的油煙漬，將像在訴說着餐廳的歷史，很有味道，也可以説是餐廳的特色。下午二時許還未吃早餐的我們，一口氣點了午餐 （$35）（叉燒湯通粉、牛油餐包配火腿奄列加熱飲），再點豬扒雞翼湯意粉餐（$35），再加蛋牛治烘底（$16）和奶占多 （$7）。叉燒肉質和味道都不過不失，火腿奄列炒得嫩滑，而且做到有香脆燶邊，牛油餐包是自家製的舊式麵包款式，一點也不吝嗇牛油，塗了很多很多。豬扒肉質腍滑，雞翼大隻肉厚，煎得香脆可口。 蛋牛治的鹹牛肉份量不會太少，而且蛋煎得嫰滑，多士是薄多，看得出是很有心機的烘烤的，不會太燶又不會不夠脆。店員阿姐

我今日同呀仔去左沙田行街，就試試呢間超過二十年嘅懷舊餐廳一下，雖然食物款式唔多選擇，食物質素係OK嘅，份量足夠，服務態度非常好，價錢公道，環境舒服，大家要試試呀！

今日黎到呢間係沙田瀝源邨既舊式茶餐廳一入到去見到佢既裝潢仲係保持住舊時既風格，掛牆壁燈、時鐘、牆磚仲有市政事務署既禁示吐痰既告示牌，呢間餐廳廳係見證住香港既歷史市政事務署就等於現時既食物環境衛生署叫左個午餐，有牛油餐包、火腿奄列，沙爹牛意加熱奶茶先講我幾鍾意食佢既牛油餐包，仲係熱熱地既好香牛油味火腿奄列都唔錯由於叉燒賣哂就轉左做沙爹牛肉食茶記一定唔少得既熱奶茶賣單總共$34，好抵食呀依加呢種仲保持住舊時代歷史既茶餐廳仲剩低幾多間呢？

榮樂係香港少有既舊式茶餐廳，中學時代已經成日食。食既唔單止係食物，仲有個份人情味，伙記最鐘意大得閒就周圍同食客吹下水。 以前黎呢到主要都係食常餐，一碟湯粉麵，加多士方包或是餐包雞尾包菠蘿包，只要佢煮到提供到都可以自由配搭！

連鎖餐廳早餐千偏一律，食多2日都已經唔想食。。。最鍾意傳統嘅小店，既有人情味又識變通入到黎餐廳，牆上只有2個餐，其實早餐即係午餐，午餐即係茶餐。。。簡單黎講，你想點配搭都ok，通粉，米粉， 意粉，麵都得。。只要你鍾意。。。餐包可以隨意轉。。。方包，多士，菠蘿包，任均選擇。老闆從來都唔駛寫單，只叫出黎，廚房，水吧都自動波。。。其實咁多人，咁多單，真係好高難度，但佢地又唔會錯，勁飲品方面，樽裝牛奶係我至愛，依家好少餐廳有啦...仲要樽裝奶都係當普通凍飲，加2蚊老實講，真係好鍾意依d傳統小店，食物有質素，又有情懷，仲要好優惠添啊

這茶餐廳，見證歷史，看其內部裝潢，階磚牆壁，暗黑燈光，牆上餐牌，水吧位置，便可推敲其老舊程度。上次經過都看見人不少，外邊亦都坐滿客人，我逕自打開門，反而看見店內有些座位，走到最近水吧位置。可能是由於大家喜歡坐在店外吸煙吧，我亦在此呼籲大家，吸煙危害健康，盡早戒煙。餐包牛油未搽，但牛油不少。火腿奄列，火腿不少，蛋不算全熟，還留有少許流質，味道真好，雖滿座及外邊人流眾多，但也不消等候五分鐘便有得吃。叉燒意粉，平日根本不會故意點這個意粉🤔。叉燒不配合意粉，意粉又無理由放湯🤔。但不知為何，港式茶餐廳，很多都提供叉燒湯意粉這麽特式的東西😏。這兒的叉燒已算不錯，不太瘦，並且不鞋口，意粉還好未完全沉林。茶走，唯一不足之處，就是杯子太舊，奶茶的杯子，杯邊簡直好像受盡滄桑，賣場看來不太吸引，但是味道不錯。話說回來，屋邨被財團收購後，小本生意還是難做，茶餐廳、冰室還是不會長久，就像生命，終歸有完結的一天。別嫌棄茶餐廳老舊，在它仍在時多加光顧，勿只到人龍店、排隊店、隱世店、文青店吧。

喺沙田，由商店林立嘅新城市廣場，行一段路，就到瀝源邨，很多住戶都係窗台種植物，住宅下面有不少老店舖，茶餐廳、中醫、士多辦館，環境亦更加寧靜。今日特別嚟到榮樂茶餐廳，親切店員，記得唔少熟客嘅習慣，問到餐廳嘅歷史亦不厭其煩解答。走入餐廳，就坐到卡位，兩邊牆身都是橙色花花瓷磚，也是餐廳的特色〜 爸爸同我講：三十年前喺沙田返工，朝早會同一班同事食早餐，有一日遲咗，餐廳其他熟客幫佢哋留住張枱~ 茶客之間都有著一種人情味。因為時候不早了，午餐的一些材料已經賣清，用其他食材代替，也不緊要〜我點了熱奶茶、午餐肉公仔麵 、火腿奄烈及菠蘿包，每樣都新鮮熱辣送上，是最好的。 餐廳成為唔少街坊聚腳地方第二次到訪的我，也被他的人情味感染到

嚟到瀝源邨嘅榮樂茶餐廳，餐廳有幾十年歷史，門面同陳設等等都充滿港式嘅懷舊氣氛。呢度最特別嘅地方係用口述嘅方式落單，店員同廚房都係憑記憶記低食客嘅order，唔花一紙一筆，所以我哋私自叫佢做另類環保餐廳。 當日所見雖然係午餐時間， 店外露天同店內室內位置嘅食客唔少， 但總算無發生漏單或要催單嘅情況。我哋同時要咗沙爹牛肉粉麵，一個配通粉一個配公仔麵，沙爹牛肉份量都幾多，調味香濃，湯底味道足夠，通粉就煮得比較軟身。火腿奄列油份偏多，稍欠健康，但口感相對而言就比較滑。多士烘得脆口，不過就壓得好扁身。凍熱奶茶茶色深，質感唔嚡。自從公共屋邨商場逐漸改革後，好似呢種街坊式嘅茶餐廳已經愈來愈少見。

「饕餮卡比隨心遊」隨意選架巴士撘到總站，在沙田瀝源邨落車，即上Openrice搵地方食好野找到這間茶餐廳，喜歡其百撘的彈性、有歷史感的冰室裝潢。到達時已是十一時三十分，套餐分早餐及午餐，劃一收費。反正自由配撘，沙嗲牛肉、火腿、叉燒配公仔麵、通粉、意粉都可以；餐包、多士、奄列、太陽蛋都係任配🍳🍜喜歡煎蛋有脆邊、好多老街坊光顧，老闆會同客人打招呼甚至記得熟客仔食乜，好親切😊