榮哥廚房私房菜

營業中

休息中

食肆位處工廠大廈，環境算不過不失，係觀塘區鄰近地鐵站唔難搵。入座揀完茶坐低無耐，好快就上菜，今日四人餐起初估計會唔夠飽，點知食到最後居然已經飽到想心口，真心唔錯！⋯♡⋯⋯⋯♡⋯⋯⋯♡⋯⋯⋯♡⋯—前菜—♡本地水耕沙律菜伴芝麻醬雙色墨魚仔&茶燻流心蛋伴黑魚子醬配厚切茄子✏️ 7.5/10沙律菜清爽，伴以墨魚仔彈牙，意想唔到既夾。而茶燻既蛋除左流心做得滑溜之外，個一絲絲燻香好甘口；茄子就帶丁點酸香，開胃醒神。—湯— ✏️7/10原盅燉湯今次揀左海底椰鱷魚肉，清潤補氣，適合最近天氣驟變引起氣管敏感既大家。奈可未夠濃厚，可以稍加調味會更吊出藥材香味。—菜式—♡黑松露醬炒花尾躉斑球配鮮蘆荀✏️8/10其中一項出色主菜，斑球肉質緊緻帶魚香，薈上松露醬又無蓋上新鮮味，很出色！♡蝦球水芙蓉✏️7/10蝦球食得出鮮味，蒸蛋配搭上甘荀汁，似啫喱狀既口感，作為間場清口腔既不俗小菜♡洛神玫瑰茄西班牙黑毛豚咕嚕肉✏️9/10另一項重點菜式，果然無失望！除左咕嚕肉本身肉質嫩口且有肉香之外，即炸既包醬厚薄剛好，調味相對坊間做法特別，用上洛神花既較甜口且香氣十足。最畫龍點晴係配料用上若桃及車厘茄，極為出色！♡招牌茶王燻雞8/10

一年前食過所以再去食，2023年疫情剛完時人少少食物服務還算可以，點知一年過去了就GG。環境：人一多就見底，當晚佢full house, 冇冷氣食到出曬汗，嘈到酒樓咁，隔離檯泊到勁近隔住個屏風都聞到好大味水煮魚之類嘅攻鼻味道，老人家很不好受。食物：十分普通，只得一兩個餸見得下人，其他對唔住個價錢服務：女服務員全晚西面，粗聲粗氣好似欠左佢咁，仲衰過去茶記，另一個男服務員好一點，菜色有簡單介紹，勉強合格。5位 嚼味 $2633本地水耕沙律菜伴芝麻醬-賣相可以，菜唔新鮮，汁唔好食京滬味香伴海蜇頭-冇味雙色墨魚仔-兩個汁根本唔夾，茶燻流心蛋伴黑魚子醬配厚切茄子-個汁幾好味，茄子炸到鬆軟，算合格他鄉炒米絲-火腿放勁少，米粉爽口，合格魚湯浸黑松菌日本百合配時令鮮蔬-個黑松菌一碟有一粒仔，魚湯勁咸招牌茶王燻雞-騷味好重，食胸陣味好似食雞屁股咁，蒜香極佳級PRIME牛仔柳-肉好林，鬆肉粉，勁油洛神玫瑰茄西班牙黑毛豚咕嚕肉-梅頭肉質地可以，味就一般溫室南瓜北海道特級帶子-有賣相，帶子冇鮮味甜味，南瓜完全冇味甜點-兩粒急凍超市湯丸，薑湯又太辣幫長輩興祝生日，環境唔舒服食物一般服務九流，食完都面有難色，十分

有時同班朋友飲飲食食之餘都想傾下心事。網上話榮哥私房菜唔錯，今次就同幾個朋友黎食嘢傾心事啦。餐廳好細心會安排專屬Menu地址好方便，係地鐵站附近茶燻蛋：外堅韌內軟 茶香味好濃茄子醬：好濃郁厚實，加埋茄子配搭很好酸辣嘅墨魚仔和另一個有芝麻醬水耕菜沙律和蕃茄仔好甜兩款湯：好清，好有肉味，有少少酒味，豚肉好淋，入口即融。特別睇吓鱷魚肉湯有止咳化痰功效。蝦球芙蓉：甜甜的杞子配襯滑捋捋甘筍汁的蛋白！ 但食唔出甘筍味，問職員先知道原來係用咗甘筍汁。斑塊：好香黑松露味～斑塊一啲都唔嚡，無骨啖啖肉茶燻雞：食到茶燻香味，味道濃郁。雞件滑溜。（大推）黑豚肉：洛神花醬好香 特別！十個讚 米粉炒得好乾身，配上斑馬火腿好特別連甜品都好特別重薑味。總括而言，今餐係飲飽食醉。

榮哥私房菜一直以來都好有名氣，今日終於約到腳一齊食。頭盤先嚟個好精緻嘅拼盤💡本地水耕沙律菜伴芝麻醬本地水耕沙律菜非常新鮮，啲菜食落去好爽脆，芝麻醬的味道香濃，超正。💡榮哥自家甜酸齋啲齋料好入味，酸酸甜甜，唔會太甜或太酸，啱啱好，好開胃。💡茶燻流心蛋伴黑魚子醬配厚切茄子隻蛋好入味，好香茶燻嘅味道。流心蛋黃好香滑，搭配黑魚子醬同厚切茄子，口感豐富。💡涼伴黑白木耳呢碟涼拌黑白木耳真係好爽脆，味道又清涼，陣陣麻油香味，好清爽。然後到燉湯💡原盅燉哈密瓜螺頭黑毛豚肉湯哈密瓜燉到好軟腍，入口即溶，好香甜，螺頭好鮮嫩，加埋黑毛豚肉，成個湯好清甜好滋潤。💡原盅燉姬松茸淮山甘筍燉黑毛豚肉湯姬松茸味道好香，而且甘筍好香甜，黑毛豚肉燉到好腍，成個湯好清甜。跟住就係主菜💡黑松露醬炒花尾躉班球配鮮露筍花尾躉班球魚肉好鮮嫩結實，鮮味十足。鮮露筍新鮮爽脆無渣，味道鮮甜。黑松露醬提升了整體風味，非常美味。💡蝦球水芙蓉蒸蛋口感綿密幼滑，蝦球鮮嫩多汁彈牙，兩者配合口感極佳。💡蜜椒比利時杜洛克 St.Louis橄欖豬肋骨肉質鮮嫩多汁，外皮十分香口，蜜椒醬嘅味道好開胃，非常好味。💡韓泡汁煮牛面肉配雙色蘿蔔(微辣)牛面肉同雙色蘿

今日去左係觀塘既榮哥廚房私房菜食飯佢係主打新派粵菜，所以就一於去試下！⭐️本地水耕沙律菜伴芝麻醬：佢既沙律菜好新鮮，而且芝麻醬味道都幾濃⭐️榮哥自家甜酸齋：甜酸齋酸甜可口，食完一舊好想再食⭐️茶燻流心蛋伴黑魚子醬配厚切茄子：呢個真係推介，一上檯見到個樣已經好吸晴，佢個茶燻蛋香氣十足，個流心好正，而且個黑魚子醬配埋個茄子一齊食，真係好完美！⭐️涼伴黑白木耳：木耳爽脆清涼，味道調配得不錯⭐️原盅燉哈密瓜螺頭黑毛豚肉湯：個湯好清甜，哈密瓜同埋螺頭都幾鮮甜⭐️原盅燉姬松茸淮山甘筍燉黑毛豚肉湯：個湯好濃郁，姬松茸香氣十足⭐️黑松露醬炒花尾躉班球配鮮露筍：花尾躉班球肉質鮮嫩，黑松露醬香氣濃郁，搭配鮮露筍清爽可口⭐️蝦球水芙蓉：另一推介，佢個蝦球非常彈牙爽口，個蛋非常滑，真係好好食⭐️蜜椒比利時杜洛克 St.Louis橄欖豬肋骨：豬肋骨肉質軟嫩，蜜椒醬香甜可口⭐️韓泡汁煮牛面肉配雙色蘿蔔：牛面肉軟淋入味，雙色蘿蔔清甜爽口⭐️魚湯有機菠菜苗：蔬菜新鮮清甜，魚湯味道鮮美，唔食菜既媽媽表示都食左唔少🫢🫢🫢⭐️農坊獨頭糖心黑蒜炒飯：炒飯粒粒分明，黑蒜香氣十足。⭐️薑汁糖水湯圓：甜品精緻美味，令人回味無窮。

觀塘地鐵站出口2分鐘。交通便利。榮哥私房菜，口碑唔錯。菜式獨特有創意.價錢都係大眾化.最緊要好食，又有新鮮感.餐廳有好多廚師參加烹飪比賽嘅獎牌.裝修簡潔. 座位舒適。侍應服務態度非常之好。四人套餐. 一早訂枱. 餐單上有自己個名。唔錯！給個贊餐廳！//本地水耕沙律菜伴芝麻醬//榮哥自家甜酸齋//涼伴黑白木耳//茶燻流心蛋伴黑魚子醬配厚切茄子用心煮出美味。四種前菜小食沙律.擺盤精緻. 食材新鮮. 健康飲食. 中西合併.

二訪觀塘私房菜，榮哥私房菜菜式唔同咗，但質素就一如以往地出色，作為主人家，餐廳會將你個名寫喺當日菜單上，盡顯誠意前菜❤️本地水耕沙律菜伴芝麻醬❤️榮哥自家甜酸齋 ❤️涼伴黑白木耳❤️茶燻流心蛋伴黑魚子醬配厚切茄子沙律菜好爽口新鮮最欣賞呢個自家製嘅甜酸齋，酸酸甜甜，好開胃。茶燻蛋有種濃烈嘅煙熏味，配上黑魚子，下面係炸過嘅厚切茄子，配上特調嘅醬油，十分出色！❤️原盅燉藥膳龍躉骨鮮淮山湯（位上）x2/原盅燉姬松茸淮山甘筍燉黑毛豚肉湯（位上）x2上次飲過佢哋啲燉湯已經印象深刻，好足料👍🏻，龍躉骨經過煎炒之後先入燉盅，香氣撲鼻，有滿滿嘅骨膠原，仲有粒粒螺頭肉。❤️黑松露醬炒花尾躉班球配鮮露筍龍躉超厚肉地，用黑松露醬炒，好惹味，肉質依然鮮嫩，蘆筍鮮甜爽口。❤️韓泡汁煮牛面肉配雙色蘿蔔微辣韓式汁燉煮牛面肉，肉質非常腍，中間有筋膜，含豐富骨膠原，經過炆煮後有黏黏的口感！❤️蜜椒比利時杜洛克 StLouis橄欖豬肋骨豬肋骨嘅擺盤好整齊同美觀，啱晒一班人share❤️招牌茶王燻雞灑上玫瑰花瓣，脆皮茶王熏雞，雞肉嫩滑，散發着淡淡嘅茶香❤️魚湯有機時令鮮蔬食咗咁多好味嘅肉類，食少少菜先可以中和油膩感！❤️農坊獨頭糖心黑蒜炒飯黑蒜係

今年家中大帝的生日飯決定吃上私房菜位於觀塘的榮哥於工業大廈內，地點亦算便利店內環境不俗，有不少屏風作為間隔，私人度較高點上龍井茶後便有三點前菜開開胃～當中的沙律菜卷伴以帶有芥末口味的芝麻醬，最為醒胃涼拌的黑白木耳也十分清爽！！點上三盎不同口味的燉湯，每款均足料滋潤，味道清甜暖胃不論是豚脥肉還是豬肋骨都很出色～兩款口味各有特色，豚脥肉口感爽彈，豬肋肉肉嫩惹味以魚湯浸煮既菠菜翠嫩清甜，吃下時感覺舒適以流心澎湃的蔴蓉湯丸為作結就最好不過

第一次試，湯好飲夠熱，頭盤好食，酸齋茄子沙律都好食，每碟餸菜都好食，有創意，特別係豆腐同埋豚肉，夾得好好啲味道，餸菜上得有啲快，食唔切，餸菜會凍咗。廁所唔係餐廳管理，屬於大廈管理，所以有啲差劣。

舊朋友相聚，今次搵左間私房菜～價錢合理之餘，菜式味道都相當唔錯🤗🤗由前菜至甜品，當中有好幾款我哋特別欣賞💕✨茶燻流心蛋伴黑魚子醬配厚切茄子✨燻蛋既流心程度岩岩好，配上黑魚子醬，調味適中😚😚厚切茄子雖然係炸物，但食落香口得黎完全唔膩！！✨黑松露醬炒花尾躉班球配鮮露筍✨淡淡既松露香味包裹住爽綠嘅鮮蘆筍好快就畀我哋清咗碟🤣🤣✨蜜椒比利時杜洛克St. Louis橄欖豬肋骨✨橄欖豬肋骨咸中帶有微微既香甜味道，正😋😋✨招牌茶王燻雞✨叫得招牌的確無令人失望，皮脆肉嫩之餘仲食到茶既芳香味道🤤🤤✨農坊獨頭糖心黑蒜炒飯✨炒飯既飯粒分明，黑蒜切片切粒混合飯粒，食落好惹味😉😉✨原盅燉川貝陳皮海底椰鱷魚肉湯✨當日我仲飲咗一盅清潤嘅燉湯添😚😚最後仲有湯丸做甜品，大滿足🤗🤗

難得一家人坐埋一齊食飯 食好少少搵咗間食中菜嘅私房菜餐廳 好近港鐵站 位置夠方便🔸️涼拌黑白木耳🔸️前菜呢個前菜擺到靚靚 每人一份 前面係茶燻流心蛋伴黑魚子醬配厚切茄子 中間係榮哥自家甜酸齋 後面係本地水耕沙律菜伴芝麻醬 流心蛋真係流心控制得幾好帶茶燻味🔸️原鼎川芎白芷新界大魚頭湯每人可以飲到1.5碗 呢個湯襯熱飲 有祛寒、止痛、補肝血功效 好足料🔸️黑松露醬炒花尾躉斑球 配鮮露筍花尾躉斑球啖啖肉 黑松露味道唔算好出 唔會遮蓋咗魚本身味道 最愛帶有黑松露味嘅餸菜🔸️蝦球水芙蓉蝦球大大粒 爽口彈牙 雞蛋堅嫩滑🔸️醬燒爽厚豚頰肉配柳丁汁青木瓜絲外型好似大粒板骰仔咁 豬頰肉有厚度腍身得嚟有嚼勁 有少少香茅味道 推介🔸️韓泡汁煮牛面肉配雙色蘿蔔本身以為會好似係西餐廳食到嘅咁腍身 呢個口感有啲似腍身板嘅牛腩 都幾入味🔸️玉米有機時令鮮蔬時日時蔬係菠菜嚟 食咁多肉 要食菜平衡返🔸️農坊獨頭糖心黑蒜炒飯🔸️時令甜品薑汁芝麻湯丸 好重薑味 好食

有人帶路食好嘢, 埂係要跟隊啦, 去咗觀塘區一間食私房菜嘅餐廳食粵菜, 訂枱時揀埋菜, 去到可以直接起菜, 菜單會擺係最尾個張相以下係我個人幾鍾意嘅心水菜式, 排名不分先後:原鼎川芎白芷新界大魚頭湯魚湯好飲唔腥, 仲見到湯料入面用埋螺頭去煲真係足料蝦球水芙蓉蝦球非常好食, 可惜得一粒, 夠味又彈牙, 個個食完都讚, 蛋就相當之滑溜, 必點黑松露醬炒花尾躉斑球 配鮮露筍花尾躉厚肉 露筍嫩無渣 夾埋一齊食都幾夾醬燒爽厚豚頰肉配柳丁汁青木瓜絲豬頰肉厚切好有口感, 好爽口, 豬肉出色過牛肉, 食咗好多舊玉米有機時令鮮蔬食太多肉 菜真係好啱食 幫助消化時令甜品係芝麻湯丸嚟, 湯底幾重薑味, 幾暖胃

朋友介紹嘅私房菜，的確無介紹錯👍位於觀塘工業中心，鄰近有地鐵站、巴士站，十分方便。私房菜我係第一次食，預早book定及選好菜式，去到坐低就有得食😊🔹餐前小食：🔹溫室南瓜北海道特級帶子🔹原鼎海底椰椰子無花果燉鷓鴣黑毛䐁肉湯🔹招牌茶王燻雞🔹洛神玫瑰茄西班牙黑毛䐁咕嚕肉🔹秘制明梅醬燜花尾躉班翅🔹魚湯浸黑松菌日本百合配時令鮮蔬🔹寶貝鮑魚仔極尚金牌福建炒飯🔹 薑湯花生湯丸我哋呢個組合都係以傾偈為先，坐足佢3個幾鐘，食物精緻，味道不錯，我哋大家對食都好有心得及要求，寧願食得精啲，貴啲都無所謂，今晚的確盡興😙

💛榮哥廚房私房菜💛近排有好日子🥰所以就同屋企人揀一間好嘅餐廳食飯❤️🧡💛餐廳唔係容納到好多人，要食都要早啲訂位！餐廳環境舒服，餸菜都好精緻🤓👍✨✨涼伴黑白木耳🥗黑白木耳新鮮爽脆，而喺出邊比較少可以食到白木耳，感覺好特別(｡･ω･｡)ﾉ本地水耕沙律菜伴芝麻醬、榮哥自家甜酸齋、茶燻流心蛋伴黑魚子醬配厚切茄子🍆🥚呢三樣前菜放喺同一個小木盤上面🫶擺設非常美觀精緻，味道都好好!沙律菜用青瓜包住，唔會食到周圍都係~醬汁酸酸甜甜再加埋橄欖油外面食甜酸齋超油膩，自己本身都有少少怕，但呢度嘅甜酸齋唔會好似出面個D咁，食落完全無油益味!第一次食流心蛋有燻煙香味~非常特別~燉藥膳龍躉骨鮮淮山湯(位上)/原盅燉姬松茸淮山甘筍燉黑毛豚肉湯(位上)兩種燉湯都非常足料，完全無味精，仲要熱辣辣!龍躉骨燉湯嘅味道比姬松茸燉湯濃郁，建議飲咗姬松茸燉湯先飲龍躉骨燉湯黑松露醬炒花尾躉班球配鮮露筍花尾躉班球份量好足，每一塊班球都有我半隻手咁大，班球肉質厚實，魚無醒味，食落仲有陣陣黑松露香味!!!!露筍新鮮爽脆，完全無渣!!!!蝦球水芙蓉水芙蓉用咗蘿蔔汁做芡，芡汁打得好好，呈現玻璃狀，口感好好醬燒爽厚豚頰肉配柳丁汁青木瓜絲頰肉好爽

新年就嚟到，去邊度食團年飯最好？大家可能都會傳統少少揀中菜餐廳，今次介紹返一間勁正嘅隱蔽中菜私房菜俾大家😋«榮哥廚房私房菜»喺觀塘商廈入面，觀塘港鐵站D出口行幾分鐘就去到～ 地點都算方便。餐廳裝修為傳統中菜廳風格，枱與枱之間都有屏風隔開，亦有VIP房提供，聚會嘅時候唔使同隔籬枱你眼望我眼，感覺幾好👍🏻佢哋嘅行常套餐有4款，大概價錢一位$449起，如果睇過真係唔啱食，都可以度身訂造自己想要嘅菜單，佢哋有散叫Menu，最低消費$380一位。我哋今次4個人訂咗〖嚐味〗四人套餐。套餐內燉湯同埋主菜都有幾個選擇俾大家揀，唔怕唔啱食。坐低後可以揀飲咩茶，佢哋嘅茶芥唔係配炒花生，而係枝豆🫛。———.+:｡(〃ω〃)ﾟ.+:｡ ｷｬｧ♪〖嚐味〗 四人$1818❀頭盤：✰本地水耕沙律菜伴芝麻醬✰榮哥自家甜酸齋、涼拌黑白木耳✰茶燻流心蛋伴黑魚子醬配厚切茄子〰️頭盤擺盤非常精緻💜最鍾意個流心蛋，好香茶燻味道👍🏻 沙律菜亦都非常新鮮鮮甜。❀燉湯：✰原盅燉姬松茸淮山甘荀黑毛豚肉湯✰原盅藥膳龍躉骨鮮淮山湯〰️燉湯非常足料👍🏻我比較鍾意飲龍躉骨😍好香濃嘅藥膳同埋魚湯味，而且出邊未必飲到，呢度亦都係秋冬限定😆想試嘅話春季