榕基滷水專門店 1992

營業中

休息中

平時都見好多人排隊，今日專登嚟等一等位，試下係唔係真係咁好味😋中規中矩嘅食物味道滷豆腐好味😋家鄉咸酸菜好味😋辣椒沖好味😋但加+$7嘅黃金滷肉 唔夠撈成碗飯，建議可以俾多少少酒醉慢煮滷法國鵝肝全日套餐可以加點$50 二片。。。以為單點$148 會多D份量，原來得5片。即係加點3份仲抵。同店員反映，佢回覆：「咁你下次知加點抵D啦！」 哈哈。。。真係有趣嘅回答豬頸肉脆脆香口好味😋配個點醬好特別😋麵好食😋

某天，同太太在大埔行街買餸時，屋企突然打來，說今晚有客人，要加餸。身在廣福道的我就立即想起大埔繼盎頭飯同蛋撻後，現時兵家必爭的新事物，滷水鵝了。然而，次次來到大埔見到都排隊的，有兩間，我在對比過兩間的櫥窗後，我決定幫襯這由街邊小檔做到入舖再變大街舖的《榕基滷水專門店 1992》，買半隻滷水鵝回家，加餸。要了半隻滷水鵝，也要求了店方幫忙切好。之後，就分兩盒給我。其中的一份是純鵝肉，滷水鵝片。回家一打開，是一盒厚厚肉的鵝片。皮同肉都充滿了香香的滷水汁味道，皮下的脂肪更是可以用香滑來形容。而且，鵝肉好嫩，又可以說，連肉斬是香滑的啊。另外的一盒，就是滷水鵝骴及連骨的部位。鵝皮更多，而且是帶骨的鵝肉，口感更加之滑，這部份的肉比較薄身，所以吸收的滷水更多，直接就令到這部份的鵝肉，更香，味道更濃更強。說真，美觀大方，就請人食鵝肉，而真正好食的，就是鵝骴、鵝骨、鵝掌、鵝翼。只吃了一次，只吃過一次。我已經可以奠定，這是一間值得排，值得慢慢等待到手的美食。來大埔買滷水鵝，相信，這不是大眾的首選就是次選了。因為，這間的確分流了對面馬路果間既大部份人龍啊。

平時經過都見到好多人排隊今次行過見到冇人就即刻入去食啦！🤭兩個人嗌咗兩個set🪿滷水鵝片拼豆腐 湯麵鵝片脂肪同肉嘅比例都唔錯滷水感覺比傳統嘅淡一啲唔會好鹹！雞湯麵超香！雞味好濃～飲完之後，都無點口渴！豆腐令人好失望 片得好薄好薄😂感覺豆腐水份好多口感好差～就咁叫鵝最可以啦 唔洗加錢拼豆腐🐂綜合牛肉 撈麵牛腱都係片得好薄，口感好差，無牛味🤣不過金錢肚唔錯，牛筋都燉得好軟🥰鵝油撈麵好香！不過略略有啲太油，都係鍾意襯雞湯麵或者飯多啲！最後$160左右埋單如果唔使排隊可以試吓～

呢間大埔人氣滷水店由兩個九十後情侶接手，以新派經營方法去演繹傳統滷水美食，價錢不算太貴，食品質數高質，高性價比👍。有全日套餐同散叫，全日套餐都幾抵食，又多款式選擇，有雞，滷水鵝/鴨，豬，牛同滷肉套餐，重有四款小食可以揀 - 糖脆炒花生魚仔，川椒蓮藕丁，家鄉甜酸菜同爽脆醃蘿蔔，真係梗有一款啱你。招牌滷水獅頭鵝定食套餐 （$65）可以叫揀配白飯，潮州白粥，鮮鵝油撈麵或手工雞湯麵🍜我就揀了配手工雞湯麵🍜同川椒蓮藕丁，個手工雞湯麵🍜都幾大份，湯麵爽滑又彈牙，川椒蓮藕丁都幾麻香有少少辣同爽脆，個人幾喜歡💕。招牌滷水獅頭鵝，鵝肉肉質嫩口，滷水汁調味香濃又鹹甜，連骨都滷得非常入味👅。滷水鵝腸 （加$19）滷水鵝腸一樣滷得非常入味，有少許銀牙，鵝腸好爽口，正👍。百香果清香烏龍茶 （加$8）略甜同味道一般。師傅刀工好犀利，見到佢切得好輕鬆😌。

榕基滷水專門店 1992 地址: 大埔廣福道97-99號地舖 #yauyau_大埔  推薦指數：8.5/10 市區行到冇嘢好行，同女朋友入大埔睇下理民府舊警署嗰啲法定古蹟，仲跟朋友推薦食嘢，佢啲套餐真係幾抵食。如果下次再嚟我應該會散叫個下庄同鵝腸豆腐嚟食。餐廳行台灣風，座位都闊落好坐，張枱係夠擺抵哂啲食物。 🍗🍗原隻鵝脾＋🍜🍜鮮鵝油撈麵 ＋🥬🥬家鄉甜酸菜 $80 鵝脾鮮嫩多汁，肉質細軟滷水入味，有淡淡的甘甜香。 麵條彈牙，撈埋鵝油令香氣昇華，搭配秘製川麻辣醬，辣中帶麻同鵝香。注意上菜就要快啲撈面。 甜酸菜好清爽，平衡翻個口感。 🍖🍖鵝片併豆腐＋🍜🍜鮮鵝油撈麵 🌶️🌶️伴秘製川麻辣＋🥕🥕爽脆酸蘿蔔 $75 豆腐滑嫩入味，鵝片相對冇鵝脾咁滑，但片起嚟食都好鬆化。 味道: 4.5/5服務: 4/5環境: 4/5 番兜: 4.5/5  #大埔美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #大埔台灣菜 #台灣菜 #榕基滷水

榕基鹵水，我已經光顧了數次， 可以算是在這區中必吃的美食。環境：整潔光猛，座位稍為擠迫，全透明化廚房給人安心感。服務：電子點餐，上菜快，有提供骨碟。食物質素：招牌鹵水獅頭鵝肉質嫩，鵝味濃，油脂香；鹵水調味鹹甜香濃，與鵝肉配搭相得益彰；鵝油撈麵香氣四溢，撈麵爽滑彈牙。慢煮鹵牛筋拼慢煮鹵牛肚牛筋表面軟腍，內裡有咬口，牛筋和牛肚同樣鹵得入味。鹵水豬大腸（小食）鹵水完全滲入豬大腸中，食落juicy。價格：價錢偏貴，但同樣食物質素高，性價比持平。

榕基由2位年輕人接手，以新派經營演繹這傳統美食- 招牌滷水鴨 + 鮮鵝油撈麵 + 糖脆炒花生魚仔- 滷水南姜豬手 +手工雞湯麵 + 家鄉甜酸菜沒有一貫潮州滷水嘅重味或藥材味，反而係淡淡嘅榕基特有嘅滷水味道，不口乾入口舒服。雖然係淡淡的但食材卻滷得入晒味，鴨瘦但不柴，豬手係煮得剛好，咬口而軟彈但不會過腍。鮮鵝油撈麵有點失色，麵質爽彈但可惜鵝油味欠奉，反而同樣麵底情況下，雞湯麵更顯出色。最令我地驚喜反而係炒花生魚仔，甜甜的香香脆脆，好令人開胃及追食。

大埔人氣滷水鵝小店多款配搭一人餐人少少食都有好多選擇鵝片拼豆腐鮮鵝油撈麵加秘製川麻辣加咗小辣惹味好多加咗份例牌嘅滷水獅頭鵝鮮墨魚同滷鵝腎鵝片軟熟，滷得夠入味墨魚爽口👍🏻

之前喺榕基舊店嘅時候，已經食過😋 食物質素keep 到食用體驗越嚟越好👍🏻👍🏻MM亦有報導過大埔墟名物之一🤪1️⃣ 全日套餐- 香烤焦糖滷豬頸肉 ($56)全日套餐有啲似日式定食先揀主食、然後揀配飯/麵/粥、再揀小碟嘢飲上菜賣相好吸引 而焦糖豬頸肉係一定一定要食！肥瘦適中 肉質爽口又軟身配合焦糖甜甜地嘅香烤味 好正🤤豬頸肉配有秘製酸辣汁 可揀辣度（就咁食已經好好食🤪手工雞湯麵 + 爽脆醃蘿蔔［個人推薦嘅組合👍🏻］2️⃣ 全日套餐- 綜合牛肉 ($67)綜合牛肉有 牛𦟌、牛筋、牛肚配鮮鵝油撈麵 （招牌之一～）加糖脆炒花生魚仔3️⃣ 黑糖五彩冰粉 ($22)性價比高嘅飯後甜品🫘🍨材料大概有 芝麻、山楂片、花生碎、提子乾、冰粉冰粉清清涼涼 甜甜地 幾解膩👍🏻👍🏻———————————————————

大埔著名潮州滷水店地址一大埔廣福道97-99號地下店舖名稱—榕基潮州滷水環境/設施一大概20個位左右，有吧枱特色-滷水鵝片人均價格-＄80-$100評分 8/10依間嘢喺大埔有啲歷史，最初係一間好細嘅舖仔，只係做外賣，跟住搬咗一間大概10人左右嘅位置，跟住越做越大，而家去到喺依個大街開一間大概20人嘅舖頭，每日都大排長龍，因為個滷水真係老得非常之出色，非常之入味最重點食物方便，佢有個套餐咁叫，可以喺啲你自己想食嘅小食煮食同埋係麵食，可以自己自由配搭，咁當然我一場嚟到當然梗係食佢嘅滷水鵝片拼豆腐，淡淡嘅鵝肉，淡淡嘅香味，最緊要食鵝片就係唔需要有骨，所以佢個皮非常非常之香，如果你想食真係一定要早少少去到排隊，如果唔係錯失機會

今日突然諗起榕基d滷水鵝，早兩年仲係疫情無堂食既時候；係舊鋪個邊幫襯佢！around $200 好多鵝 搬左大鋪燈光好光猛，我地都等左2枱先有位。本來都抱住好期望既心情去食飯，一見到張凳無晒胃口 🤢又骨頭又有頭髮🤮唯有坐到縮埋一邊食·滷水鵝飯 ☆☆☆最想食既豆腐賣晒😓 侍應落完單成支筆跌落我大髀到，仲懵然不知😅·滷水鵝撈麵 ☆☆成個麵淡茂茂，撈完d汁都係無味，唔推介總結：衛生問題必需改善， 未落單見到咁胃口都減半了🥴 鋪頭地下亦油立立。

室內環境唔算細。五個自閉位，3張六人，3張4人卡位，一張2人枱～雖然唔大，但坐落都唔會好迫，可以接受的。綜合牛肉撈麵 $67蚊肉嘅份量都足，而我比較大食，麵嘅份量就略嫌不足。味道是好的，唔會係好濃味～淡淡滷水嘅香氣，夠足但不會令人有負擔。麵質軟硬適中，應該有嚴格監控時間。鵝油嘅香味就唔太突出。整體氣氛我個人係幾鐘意，有一種先承啟後嘅態度。古老口味，年輕經營。無論係室內嘅設計，碗碟嘅擺設，都明顯由年輕人經手～能夠將上一個年代如此展現出黎，令我有一種想支持嘅心呢。

今日晚餐想去幫襯下小店我地就去咗一間喺大埔都幾出名嘅滷水餐廳我地本身諗住order二人餐不過我又唔太想食麵反而想試多d佢地嘅滷水小食所以我地order咗半隻滷水鴨、豬耳、豆腐同埋一個滷水鵝配鵝油麵所有滷水都做得好入味但又唔會好鹹味道剛剛好要排隊食係值得嘅我地覺得滷水鵝就有咬口d而滷水鴨就淋d豬耳爽口而豆腐好淋但又唔會散哂比起二人餐我地覺得咁樣抵食同可以試多d唔同嘅野總括黎講佢應該係大埔數一數二榜首嘅滷水店

#榕基滷水 #sorriso_大埔區 -今次又係食厭左學校canteen同埋沙田餐廳，嚟左大埔就會諗起榕基，對上一次食仲係舊鋪🪿【滷水獅頭鵝 配鮮鵝油撈麵 川麻辣小辣 ＋ 糖脆炒花生魚仔】 $65 (9.3/10)✨✨之前嚟係食滷水鴨，今次就叫佢招牌滷水鵝❤️，份量比得好多而且冇咩骨，朋友食滷水鴨反而多啲骨，我勁鍾意食佢個花生魚仔，甜甜地嘅銀魚乾咁樣雖然一上碟店員已經提醒記得快啲撈勻個麵，但係個鮮鵝油撈麵太依賴個辣醬，成個麵剩係食到辣味都食唔到鵝油味，但朋友冇叫辣嘅話都係冇咩味本身想叫埋滷水豆腐食，但係食完個餐已經好飽食唔落🥃【古早冬瓜茶】 配餐$8 (8.0/10)正常台灣飲嘅冬瓜茶咁，唔錯#sorriso_大埔 #sorriso_新界-📍【榕基滷水專門店 1992】 @yungkee 1992大埔廣福道97-99號地舖🕑Mon to Sun 12:00 ~ 21:00-#foodie #foodiehk #hkeats #黃店 #黃色經濟圈 #不專業食評  #相機食先 #黃店地圖 #食好西 #852foodie #foodstagram #foodphotograph

香烤焦糖滷豬頸肉豬頸肉滷水味不重，覺得偏向似西餐的焦糖豬頸肉或者中西合璧的叉燒咁表面有一層焦糖好脆好甜但可能因為這一層焦糖和豬頸肉有些少分開的關係，豬頸肉的焦糖味不是超級重肉質偏瘦我覺得可接受，會encore另外有酸辣汁，本身以為點了酸辣汁會影響豬頸肉嘅焦糖味但後來發覺酸辣汁可以平衡焦糖的甜膩唔錯