榕基滷水專門店 1992

營業中

休息中

其實我都好耐冇去過榕基，上一次去已經係舊舖嘅時候，嗰陣時新開仲係喺橫街細鋪仔，細細間，人流不多，挺有滋味。反而而家開咗嚟大街廣福道中間，都想試吓佢有沒有變化。想不到，去大舖之後它仍然保持一貫作風，慢慢落完單之後先至一個托盤將整個午餐托出，真正「和盤托出」始終我都唔太食得鵝，於是就叫咗個豬頸肉，豬頸肉的肉質相當好，夠油香滑溜，細細塊，以上邊的蜜汁味道夠甜香，上邊那塊蜜汁簡直燒得脆香，完全是焦香的那個狀態，非常可口。而家多咗枱佢都沒有見到服務特別差，依然仍然會以前那般殷勤，即使因為呢邊卡位以及中間座位都坐滿晒人。湯麵不算太大碗，份量剛剛好，沒有點我有的始終驚會敏感，清雞湯嘅麵條都夠晒份量，大大碗，湯熱又香太太還是點了的滷水鵝，滷水我比我想像中美味，佢整到細細件，因此滷水鵝肉食起上來細細塊，感覺夠嫩口，滷水鵝煮得好嘅時候，就係沒有燒鵝那種鵝油以及酥香味道。不過我都係10年先至食一次鵝肉，因此也很難批評，只不過佢肥瘦均勻，不覺得太多脂肪，但有特別具香味，因此都算是挺不錯的。冬瓜茶真是偏甜，不怕甜的人也覺甜小食嚟講佢嘅鵝腸亦都係味道相當唔錯，好清新，好爽口，都很乾淨，完全沒有異味。

之前的細舖搬左去廣福道大鋪，果然沒有令人失望，現在搬左大鋪門表面光鮮左同明亮，井井有條睇餐牌都有不少選擇，分別有皇牌滷水鵝滷水鴨，沙薑鷄，口水鷄，花鵰醉鷄，滷水豬手，滷水拼（牛肚，牛筋，牛展),黃金滷肉，套餐可選白粥，白飯，鵝油拌麵，雞湯麵等等•••••款式多選擇，樣樣都好吸引坐左選左一輪，最後選左兩個套餐滷水鴨配鵝油撈麵同綜合牛肉（牛肚，牛筋，牛展)配白飯滷水鴨片滷得好入味淡淡肉，配埋個鵝油撈麵好夾，油麵好香麵都彈牙配杯清湯解油膩感，好細心綜合牛肉套餐，牛筋已炖得好琳，膠感十足，好好味牛展稍為切得比較薄片，但都不錯，金錢肚咬落有彈性，較硬度適中。整體而言，食物質素吾錯，賣相好，價錢合理，有機會會再幫襯試埋其他套餐

睇外表望唔到滷水嘢真係唔似一間潮州舖行近啲睇擺出黎嘅滷水又幾吸引，open kitchen部分都算乾淨，唔似傳統果種舊舊感覺，餐廳淺色木調風格同滷水店截然不同，似去左台灣新派果種小店多啲招牌滷水獅頭鵝 配 鮮鵝油撈麵獅頭鵝滷等幾入味，食完唔會口乾，肉質唔會鞋，幾有鵝香，鵝油撈麵有啲似台式撈麵，有鵝油都唔會太油膩，配埋個湯一乾一濕幾好，同埋出面應該好少有鵝油撈，幾特別滷鵝腸 &鮮墨魚鐘意佢啲小食係可以每樣小小咁嗌，唔會限定你幾併咁樣，可以試多幾樣嘢滷鵝腸幾爽口，亦清潔得乾淨，咸香度岩岩好鮮墨魚新鮮彈牙唔錯

所有套餐都好值。味道好，賣相好，服務到位！有向牆座位，絕對令單身人士吃得自在。外賣又快，配料放齊，唔洗多講！價錢絕對超值，剎其他所謂名店。可惜祗此一間，別無分店，想食就要來大埔墟啦！

🍜綜合牛肉手工雞湯麵（$69）肥瘦相伴的牛肉叫人驚喜，牛肉的肉質柔嫩，牛筋已經炖爛，膠感滿滿，回味無窮！金錢肚很有也很有彈性，軟硬度適中！🐣花雕醉雞鮮鵝油撈麵（$57）醉雞表面色澤金黃，香氣四溢的花雕酒在烹飪過程中滲透到雞肉的每一絲纖維中，輕輕咬下一口，雞肉的鮮嫩與花雕酒的香氣在口中交織，讓人垂涎欲滴。🪿 滷鵝腸（+$20）滷鵝腸的獨特之處在於其彈牙且有嚼勁的口感，讓人回味無窮。經過慢火滷煮，鵝腸充分吸收了調料的香氣，味道濃郁而不膩。🪿酒醉慢煮滷法國鵝肝（兩件）（+$59）鵝肝表面火灸，用傳統滷味烹製的創新佳餚，一層豆腐干一層鵝肝！在烹飪過程中加入酒香，為鵝肝增添了一層獨特的香氣。入口即化的鵝肝，搭配上滷汁的濃郁，酒的香氣與滷汁的香料味交織在一起，令人感動！🌶️👍🏻辣椒醬風味獨特，將香、麻、辣調配得剛剛好！❤️前菜都非常美味！家鄉甜酸菜糖脆炒花生魚仔蜂蜜柚子茶（凍）（+$8）蜂蜜柚子茶（熱）（+$8）

入黎大埔真係好多嘢想買，好多時尾站都一定係黎榕基買鹵水斬料返屋企加餸，我哋全屋人都好鍾意食佢嘅鹵水，一來佢啲鹵水好入味但係味道又唔會太濃，二來就係次次食完佢啲鹵水，都唔會發喝。於是今次臨走嘅時候又去榕基買滷水，每次去買嘅目標都好清晰，都唔使點樣喺門口睇餐牌就可以直接入去點外賣，今次買咗鹵水鵝片例牌，幾隻鵝頸，四兩墨魚同四兩鵝腸。我好欣賞佢啲墨魚同鵝腸係可以段兩咁樣買(二兩起)，咁令到我可以每樣買少少買多幾款唔同的滷水。返到屋企一打開已經係問到好香嘅鹵水味，每次拎外賣嘅時候店員都好細心會同我講解，返到屋企未食住可以將啲鵝片放入雪櫃，臨食前一小時拎返出嚟室溫等佢自動解凍就可以，再將鹵水汁加熱直接淋面就可以食用，咁樣鵝片嘅肉質依然可以保持得好好。

黎開大埔必食最近造訪了大埔的滷水名物，已經唔係第一次去，所以今次點了醉雞套餐。評價：1. 醉雞味道：醉雞絕對沒讓我失望。雞肉鮮嫩多汁。醉雞的香氣和味道非常濃郁，配上適中的醉酒味道，讓人回味無窮。我唔飲酒都覺得好食2. 配料：套餐中還包括了一些配料，如甜酸菜、醃蘿蔔。這些配料都非常入味。3. 服務和環境：這家餐廳的服務態度非常友好和周到。工作人員總是熱情地迎接客人並提供協助。餐廳的環境都是整潔舒適，但坐位迫。總結來說，絕對值得推薦。

每次去大埔行街，途經附近都會見到有一班人企喺間舖嘅門口，搞到我都唔敢行埋去，因為怕要等好耐先有得食，但另一方面又好好奇，啲滷味係咪真係咁好食呢🤔長期都咁多人排隊。終於今日忍唔住走左埋去攞位啦，結果又唔係真係要等好耐喎👍🏻👍🏻👍🏻係門口見到個餐牌，除左滷水鴨/鵝之外，仲有豬/牛/雞等等選擇，所以都真係算幾多選擇。咁我當然係選擇食滷水鵝啦，而朋友就唔食鴨同鵝嘅，所以佢就揀左食豬頸肉😋招牌滷水獅頭鵝+鮮鵝油撈麵一開始諗住叫鵝片拼豆腐，但見到隔籬枱啲鵝片唔算多，而且又唔係咁想食豆腐，所以就搏一搏直接叫佢過招牌滷水獅頭鵝啦。起初以為叫滷水鵝一定會有好多骨啦，結果又唔係喎，竟然有好多肉，反而得好少骨，而且肉質都好彈牙，非常驚喜😍😋但鮮鵝油撈麵方面，我就覺得無咩特別，唔係好食到鵝油嘅味，反而食到少少鹼水味。好在加左少少麻辣醬，令到碗麵有返啲味道。香烤焦糖滷豬頸肉+鮮鵝油撈麵起初見到呢個豬頸肉平平無奇，同出面一般嘅泰國餐廳整嘅差不多，但一食落口，就知道好唔同，真係食到有焦糖嘅脆口口感，肉質好爽口，配上附送嘅酸辣汁，真係非常好味，係我食咁多間豬頸肉之中排頭三位。但可惜嘅係佢嘅份量好少，食幾塊就好快食晒。

朋友都知我每次去大埔 都必定會去榕基仲會斬料返屋企加餸由舊舖食到搬咗新鋪我絕對可以稱自己為大fan屎ヾ(´︶`*)〃而我每次幫襯都必定係揀同一個餐🍽️招牌滷水獅頭鵝 配 鮮鵝油撈麵 配 糖脆花生魚仔 凍檸茶 $73佢哋嘅招牌獅頭鵝真係超好食ㅠㅠㅠ同埋絕對冇敷衍你 成碟鋪滿滿的配佢個醋係好食double up有時我仲要拎多一碟醋先夠用🤣鵝油撈麵又係我嘅最愛 不過要食快少少如果唔係好快乾（同埋嗌外賣絕對唔可以配呢個 拎到返屋企真係會乾晒）食飽通常我會斬料 $138要半庄（上下庄同價） 屋企人都大讚的-🍽️糖脆花生魚仔 / 話梅花雕雞軟骨除了斬料呢兩個都係我經常會買的推薦小食！花生魚仔較為濃味 食唔停口 花雕雞軟骨就超開胃 清爽冇負擔

之前喺細舖嘅時候都已經見到好多人排隊㗎啦，搬咗過去大鋪之後終於扚起心肝去試下。雞鴨鵝豬牛都有齊。唔中意食滷水嘅，都仲有醉雞口水雞沙薑雞，滷肉飯。綜合牛肉都幾吸引，分別有牛腱牛筋牛肚，睇到隔離枱個賣相都好靚！坐低先揀好主食，款款都好吸引，先試最受歡迎嘅滷水鵝滷水鴨，可配搭白粥白飯、鵝油拌麵、雞湯麵。。。我仲以為鵝油拌麵唔會辣，但原來唔係，而且仲有「麻」。。。麻辣我真係唔啱。。。個滷水汁其實都幾入味，但相比元朗新順興嗰種滷水就真係差啲。榕基冇嗰種香。。。。。

呢間小店坐位唔算好多，成日都要等一陣先有位。選擇都多，雞鴨鵝豬牛都有，點都有款岩食😎口水雞餐，d雞好滑，又麻又辣好野味，唔食辣既朋友就小心d la🤣🤣鵝片拼豆腐，呢間嘢出名食滷水，鵝片更加係佢哋嘅招牌菜，滷得入味、鵝片唔會韌、口感佳👍👍同埋我都好推薦佢地個鮮鵝油撈麵，平時唔太愛食撈麵既我都覺得好正，推薦！個撈麵仲可以揀辣度！

#20240303 💛📍 榕基滷水專門店 1992 @yungkee1992 大埔廣福道97-99號地舖➖➖➖➖➖➖➖➖➖➖➖➖➖➖➖➖➖#招牌滷水獅頭鵝 $65💭 食滷水就梗係要食滷水鵝，食滷水鵝就梗係要食獅頭鵝啦！鵝肉質彈牙，唔算好淋，鵝皮帶少少爽脆，底下有啲骨膜連帶位滷得特別入味，如果鐘意食滷水既朋友應該會鐘意🦢.#花雕醉雞 $55💭 酒味幾香，但唔算好濃，可以用尼就咁當餸食都得，有髀位有胸位，肉質都係行彈牙路線，比較容易攝牙罅😅雖然食落有好多骨位，不過都算正常份量🐔. 🥢 #鮮鵝油撈麵 💭 呢個一定要趁新鮮上枱熱辣辣果陣就要撈勻佢，咁啲麵先唔會一餅野咁🙈油香味十足，而且麵身有咬口，就咁食都好好味😋呢啲係要出街先會食既野，係屋企就算識整，望住啲油應該都唔會夠膽落咁多😂. 🥢 #家鄉甜酸菜 🥢 #爽脆醃蘿蔔 💭 食潮州野又點可以漏左啲咸濕野，嗌餐可以揀其中一款，唔夠喉仲可以加$4追加，強烈推薦個甜酸菜，佢唔濃味，所以可以係咁食，食食下唔覺意就無晒，🐷見隔離幾枱都有再追加呢個，醃蘿蔔都好食，但唔夠甜酸菜吸引🤩.#牛三寶拼盤 $69 🫧 #滷金錢展 #牛肚 #牛筋 💭 呢個係一碟入面

今日晚餐叫咗榕基鹵水外賣，食招牌鹵水獅頭鵝。我哋點咗兩分全日套餐，套餐包一款煮食配一碗白飯/白粥/鮮鵝油撈麵同一款小碟(糖醋炒花生魚仔/川椒蓮藕丁/家鄉甜酸菜/爽脆醃蘿蔔)。主食點咗一份招牌鹵水獅頭鵝同一份綜合牛肉(牛展+牛筋+牛肚)。小碟點咗糖醋炒花生魚仔，食落爽口。招牌鹵水獅頭鵝 $65獅頭鵝鹵水夠入味，鵝肉唔韌，獅頭鵝沾甜酸醬，味道唔錯。綜合牛肉(牛展+牛筋+牛肚) $67牛展、牛筋、牛肚都煮得夠淋，牛筋食落有入口即溶嘅感覺，牛展唔韌，牛肚夠爽口，整體唔錯。

😋🦆原隻鴨脾配鮮鵝油撈麵 $80其滷水汁沒有如傳統般很重的藥材味但入口舒服 咸甜適中 鴨脾肉質嫩滑 相當入味 撈麵方面 雖然鵝油未算突出 但麵條尚算爽口彈牙 加上秘制川麻辣 變得惹味跟餐小吃選擇了醃蘿蔔 非常清爽又脆口 中和味道外又開胃😋🦆鵝片配鮮鵝油撈麵 $75鵝片肉質不及鴨脾嫩滑 相對上較為"鞋"口 鵝片的脂肪及肉的比例適中 啖啖肉卻很滋味而跟餐的小食選擇了家鄉甜酸菜 亦是一個清爽開胃的選擇🐙鮮墨魚（一兩） $19墨魚味欠奉但脆口 不過不失

平時都見好多人排隊，今日專登嚟等一等位，試下係唔係真係咁好味😋中規中矩嘅食物味道滷豆腐好味😋家鄉咸酸菜好味😋辣椒沖好味😋但加+$7嘅黃金滷肉 唔夠撈成碗飯，建議可以俾多少少酒醉慢煮滷法國鵝肝全日套餐可以加點$50 二片。。。以為單點$148 會多D份量，原來得5片。即係加點3份仲抵。同店員反映，佢回覆：「咁你下次知加點抵D啦！」 哈哈。。。真係有趣嘅回答豬頸肉脆脆香口好味😋配個點醬好特別😋麵好食😋