極尚大喜屋 (鱷魚恤中心)

營業中

休息中

好耐都無食放題啦，今日朋友放假我地約埋一齊去食午市放題，原來午市放題同晚市食品係一樣，可以食三個鐘而且價錢仲平，超值👍🏻呢到環境大，一點都唔覺得逼，坐得舒適。我地先掃qr code落單再出去拎熟食。飲品種類選擇多，凍飲熱飲都有。先黎食刺身先，刺身方面都新鮮，帆立貝厚肉鮮甜，象拔蚌赤貝爽口，最中意三文魚同油甘魚，厚切啖啖肉。燒牛舌好香，黑椒味濃，有口感。鮑魚蟹膏昆布山鮑魚唔韌，爽口彈牙，蟹膏份量少但鮮甜。燒雞軟骨燒得香口，encore左好多串👍🏻蟹王咖喱軟殻蟹出色，軟殻蟹炸得香脆唔油膩，配上咖喱醬好好食。燒菠蘿呢個次次都一定要叫，香甜多汁。炙燒三文魚壽司，帆立貝壽司，左口魚壽司飯量細可以食多幾件。炸蝦天婦羅粉漿薄身，蝦肉爽口彈牙。食完正餐就開動第二個胃，食甜品！

呢日黎到觀塘呢間極尚大喜屋, 其實觀塘真係好多好野食, 地點又方便, 仲唔駛淋雨! 一入到黎就覺得D 位都好闊下, 同埋有好多唔同款式既野食, 係你落完單之後可以係出面自助區拎下D 前菜, 湯又或者係熟食先, 咁就唔駛餓住等! 但係其實落完單之後D 野食好快黎! 真係叫幾多黎幾多, 所以大家食得哂先好叫! 熟食方面,真係好中意佢既榴槤炸彈同埋芝麻雞翼, 雖然好邪惡,但次次黎一個人都要叫幾隻至夠~ 每次一知道要黎食放題我前一日就會食少D, 等自己有最佳既狀態可以食多DD !hahaha! 佢既刺身好新鮮, 又大塊,勁肥美, 食落真係一塊接一塊停唔到…..而家諗起又想再食過! 佢好多熟食都好好食, 我地都叫左唔少, 但真係太多不能一一盡錄~~~真係要自己去試試!

太耐冇食放題, 又知道極尚大喜屋午市最為抵食, 食物款式一樣, 價錢相對晚市又平, 最正係午市仲可以食足三個鐘, 同朋友慢慢食, 唔洗食到趕頭趕命。難得今日放假, 預早book檯同朋友去嘆返個lunch buffet。 Lunch buffet時段由中午12點至下午3點, 由lobby等lift上3/F已經排咗10分鐘, 一開lift門, 人山人海。排隊等安排入座, 由侍應帶位, 餐廳環境闊落開揚, 自行scan QR code落單, 近門口為自助區, 包括有熟食、沙律吧、甜品, 更設多個大型飲品雪櫃, 供應多款飲品。剛開始時有唔少人都出去搶食咁, 但其實餐廳都會陸續補給, 唔洗緊張。食放題當然首盤一定係刺身啦! 刺身超過十款, 首盤嘅三文魚魚質偏爽, 有點點厚度, 帶子厚切鮮甜, 油甘魚帶甘香魚味, 象拔蚌片爽口, 唯獨赤蝦同北寄貝有腥味。其後再order嘅三文魚魚質偏林, 對比首盤嘅魚香味淡了。每款壽司較為”的式”, 剛好可以一啖一件, 食多幾款。帶子吞拿魚塔, 飯底偏乾, 但吞拿魚蓉同埋帶子口感軟綿, 未知是否特意令口感有區別。鮑魚蟹膏雪昆布山 整個入口味道鮮味帶甘, 鮑魚仔仲好

一直以來對日式放題沒有太大的興趣，因為本人不大愛吃海鮮、更莫說魚生、刺身，但這天朋友邀約到觀塘的極上大喜屋吃午膳放題，想不到原來不吃海鮮的我還有很多很多的選擇！首先在飲料方面，各式各樣、林林總總的飲料都能看到，不論是熱的維他奶、麥精，檸檬可樂，甚至是各種啤酒、清酒、梅酒，都任君選擇，我並沒有想到餐廳在午膳放題也會如此慷慨大方！在食物方面，朋友對刺身讚不絕口，吃下去鮮甜，不亞於在其他日式餐廳吃的刺身！而我當然就衝着炸物和串燒去，芝麻雞翼實屬水準之上，吃下去香脆、多汁， 而令我驚訝的是炸鮮奶，我一直以為炸鮮奶是順德菜，沒想到原來日式放題店也會做出這度熱的甜品，而且當然合我意！咬下去脆脆甜甜的，炸過的鮮奶比平常喝的鮮奶還要更甜，實屬為一道值得推介的菜！在串燒方面，我極力推薦雞軟骨串燒，以及一口牛。尤其是一口牛，這道恍似中式的菜在日式放題中亦大放異彩，首先外觀上是五顏六色的，而做法，廚師並不馬虎，因為牛肉粒不會韌，又不會有梳打味，而配菜更能帶出牛肉的香氣和甜味！只需200多元便能吃到這多元化的日式放題，大家不妨一試！

今日喺觀塘搵嘢食，諗住食得多啲嘢，就去到一間啱啱開門， 12:30都未夠就已經七成地方坐滿嘅餐廳，就係呢間大喜屋。好多嘢我都好欣賞，先講我最欣賞嘅係佢啲飲品好有誠意，琳琅滿目，雪櫃一字排開，特別係有一啲自製嘅烏龍茶，我最鍾意飲嘅白桃烏龍都有，真係令我打開眼界。更重要嘅係，飲品種類繁多，汽水同埋令人食更多嘢嘅茶都有，冷飲熱飲都會供應，呢一個位真係我覺得佢好有誠意。 食物方面，我覺得每一樣都好出色，而且上菜好快，惜才我覺得都幾新鮮㗎，魚生壽司都好好食，仲可以有12點坐到三點，根本就成個下晝可以喺度慢慢食慢慢嘈，食飽唞一唞再食多兩轉，直程係當埋晚餐都仲得！

有時食嘢，除咗真係食果一下，真係好想同啲朋友坐多陣傾吓計，但係平時防疫條例已經限制咗我哋坐幾耐，又唔好意思坐太耐，總之就好麻煩。但係依間大喜屋嘅放題，竟然可以坐足幾個鐘，真係同朋友一邊吹水一邊食嘢，已經好滿足。仲要有超過50款嘢飲俾我任君選擇，真係超正，食物質素又好好，你見到我啲相你係咪已經食指大動呢？放題來講，基本上每一樣都推介，但係特別推介係佢呢特色壽司，特別得來喺出邊又食唔到同一款嘅壽司，外樣已經好吸引，拎嚟打卡影相好正，食落口感更加正。如果想慳啲錢，早餐都可以唔食， 12點一次過將三餐用呢個價錢搞掂，咁樣食法可能仲向前，仲減到肥😂😂

呢日難得放半日假，就同同事去觀塘極上大喜屋食放題。眾所周知，觀塘都有好多好嘢食，但估唔到呢間會有咁多人去食，好彩早啲上去攞位，如果唔係，就冇辦法享受到呢餐美酒佳餚啦！作為魚生迷，我就梗係order咗好多魚生，啲魚生絕不欺場㗎，魚生片片都好厚，各款鮮味都突出，當日嘅三文魚尤其出色，鮮甜得來又Juicy，所以我哋後續都嗌埋三文魚壽司。除此以外，佢哋嘅串燒都好出色，我哋尤其推介雞軟骨，餐廳做到剛炸好便送上枱，加上調味，鹹鹹的，啱晒鍾意食炸物嘅朋友們。另外佢嘅牛舌串燒亦都一定要嗌啊！咬落去充滿牛味，又唔會覺得油膩，我哋最後都encore左幾碟。佢好食嘅食物唔知以上講嘅幾款，寫到呢度，我都好期待下一次再去食啊！

與中學朋友們相約了很久才有一次機會聚會，可以一起午膳，我們便相約在觀塘的極尚大喜屋吃放題。想不到只是12時多，已經人山人海，幸好我們一早已預訂座位，否則可能吃不到放題，所以提醒大家如果你們想到這裏吃放題的話，必須要預早訂枱。放題的食材選擇十分多，魚身刺身都是十分新鮮的，需燒物及其他料理全都即叫即做，很快便上枱，看得出是剛煮好的， 味道十分棒。在眾多的料理中，我特別推薦煮蜆，蜆煮好時仍是滾燙的，俾一般大排檔玩做得好。吃下去鮮甜，分量不少，但我們也吃了三四鍋，是必定要吃的哦！另外，風味淋燒魚乾，這下酒菜，也是十分出色。吃下去脆口、鮮甜，但不會帶魚腥味，聽聞其他餐廳賣的價錢也不低，多吃幾碟可回本，配上放題所提供的酒類，不論是清酒、梅酒啤酒還是蘋果酒，都是十分合適，簡直是Perfect match。

今晚同朋友聚會，5洗諗食咩，集體決定去食極上大喜屋。其實放題永遠係懶人既好選擇，5洗煩5洗諗。種類又夠多。一入去，前菜已有沙律吧自助，泰式鳳爪，青口，中華沙律等前菜隨便食、係點菜既同時，可以開下胃先。個人推必試鳳爪，夠入味。至於重頭戲刺身，少不免我們重鎚出擊。三文魚，北寄貝，元貝，吞拿魚，牡丹蝦。有得叫既我都至少叫左一次。三文魚永遠係大家既至愛。香濃既魚脂係引人入勝既重點。而且牡丹蝦夠大隻，蝦身都夠彈，有口感。個人最鍾意係呢2款。如果有興趣，更可以一試海膽手卷，幾鮮甜。至於刺身外，仲有一系列熟食。燒雞泡魚乾係我必食，夠香口，脆身，小食必選！另外燒比目魚扒夠滑身，入口即溶，又5容易有飽腹感。另外羊架肉質夠嫩，食落滋味無窮。建議至少食一件。成晚個口基本上無停過，食既飲既都種類多。性價比甚高！

就算打風都阻止唔到我對美食嘅慾望🥰🥰 今日放工就同同事去咗食晚市放題 $288/ person 🥳 用餐時間為兩小時～～時間非常充裕！一入到去就覺得空間感勁大，座位都好多，仲有好大塊玻璃😝望落好舒適，而職員安排我地坐咗卡位梳化，都坐得幾舒服😙😙點餐方式非常方便，採用qr code點餐，唔洗好似以前咁要左剔右剔🙈🙈 我地點完就出去拎咗啲熟食返黎食住先😋😋 呢到嘅自助區種類繁多，有甜品、冷暖飲品、雪糕櫃、日式炸物、時令生果、沙律、海鮮、酒精類飲品（凍熱清酒及梅酒）仲有雞湯同埋熟食😗😗呢到簡直就係微型超市🥰🥰 超多選擇呀～～大部分都叫咗一件左右，食物嘅質素都相當唔錯又新鮮🤔🤔而好多都係細細粒好易入口😝唔驚食到撐飽個胃😆 好推薦龍蝦沙律伴櫻花蝦多士，非常脆口又惹味😋 最後食埋個雪糕甜品🤣 真係完美呀🥳🥳

好耐冇食放題啦，今日心郁郁想食😌😌今次就簡咗極尚大喜屋😌😌野食高質，先$288一位仲可以任食2小時😜經濟又實惠😌位置坐落好寬敞，即刻係2人枱都有1.5張枱咁大🤩除咗可以係QR code內落單之外，仲可以係出現嘅自助區食物食唔同類型嘅冷盤小食、甜品雪糕等等🥺🥺有泡菜、沙律菜、中華沙律、花膠海蜇等等🤤完全任拎唔嬲😌自助飲品區仲有好多花款，有酒精飲品、汽水、茶飲、熱飲等等😹😹真係點都有岩心水😙落單都完全冇漏單情況，野食都好快上枱👍🏻👍🏻食物款式都好多樣式，有唔同類型嘅刺生、壽司、鍋物，炸物、熟食等等🥰我地叫左兩大盤刺食😜😜同埋2個鍋物🤤分別係雪花牛肉鍋同埋粥😆牛肉鍋味道香濃💜💜加埋生雞蛋，撈拌一次食真係夠惹味☺️刺身同壽司都好新鮮☺️每一塊厚度都切到啱啱好😗夠哂肥美👍🏻口感冰涼🥰食落好有口感🥺🥺赤蝦仲已經去哂殼，食得好方便☺️我同朋友都忍唔住一人叫左一大盤😍😍壽司種類都好多款，賣相顏色好吸引，食落口一啲都唔腥😜搞到我地叫到成枱都係😆真係好邪惡呀🤩記得食得哂先好嗌呀😆🥺

由於studio在觀塘，今日我就因利乘便約朋友去「極尚大喜屋」嘆放題！「極尚大喜屋」位處鱷魚恤中心3樓，一開𨋢門就見到大大個招牌，好易搵！朋友和我都超鍾意食壽司，掃QR Code點餐第一件事就係點壽司！款式勁多元化，有魚生有火炙，有些仲有桃和忙果，甜甜地，非常開胃！大大話話我們都點了差不多40件，非常誇張，但又真係食得晒！除了壽司，我朋友更點了10個手卷，有魚子有海膽，真係睇見都飽！但放題食到海膽，真係完全無諗過，非常抵食！食到滿肚飯，再試軟殼蟹、焗蝦等，大滿足！另外，截單後想再食第二輪，可以去外面的自助區再擦，款式都唔錯呢！

好多年冇食過日本放題喇，難得今日weekday約齊4個朋友一齊去食到最抵嘅極尚大喜屋Lunch，好開心。午市放題（12:00 - 3:00pm）最抵，只需要$228/位。去到先知原來而家放題仲包埋清酒&梅酒任飲😍，加埋呢個價錢，唔通真係生意難做？但上到去見到座無虛席😅🤣用QR code 手機落單，唔洗劃紙仔舉手等人埋黎，仲可以4個人各自點自己想食嘅食物添！大家都好興奮咁瘋狂落單，黎到啲嘢食要分係邊個嘅有啲難度😂心水推介：赤蝦、池魚王、海膽手卷、醬燒比目魚、咖哩軟殼蟹汽水區同雪糕櫃都有超多選擇，雪糕都食咗3枝😁上菜同收碟都好快手，不停有職員行過，見到食剩少少已經會問你係咪唔要，唔會搞到食剩少少，好尷尬咁喺枱冇人收嘅情況👍

喺香港要食到高質日式放題，我主要都係幫襯「極尚大喜屋」，平時就同朋友食開銅鑼灣分店，今次一於轉戰觀塘分店！睇下有乜唔同！呢間位於觀塘既「極尚大喜屋」鋪面裝修已經好唔同！好華麗咁！不得了！同樣，呢間既食材都係好高質，餐廳環境衞生，食物種類繁多，上菜速度快，餐廳同樣設有熟食區、凍食區、甜品區、凍飲區，甚至酒類飲品區，全部任飲任食！凍飲區既飲品種類更多！最唔同既佢地有自助軟雪糕機！有雲呢拿同抺茶兩種口味！急不及待，當然一開始就叫左一盤刺身，好新鮮！啲蝦好鮮甜，冇腥味，份量又足！三文魚、希靈魚、海蜇花、吞拿魚都好新鮮！今次我地主力食佢地既壽司！款式多到揀左好耐，一盤盤賣相勁靚，舊舊都好大件 同好好食！佢地有分創意壽司、普通壽司、手卷、燒物等等，呢間都有我最愛既鰻魚芝士玉子燒！仲有一樣好特別好好食既蜜汁鮑魚魚翅創意壽司，同埋火灸左口魚壽司，燒得岩岩好 唔會太燶，入口仲有果陣火灸香！第一次喺放題餐廳會有咖哩軟殼蟹！勁香濃既咖哩汁，加埋啲炸到脆香既軟殼蟹，真係好正，估唔到日式放題都食到！推介大家平時放工或者假期一家大小都一定要試下呢間位於觀塘鱷魚恤中心既「極尚大喜屋」,喺APM 隔離咋～真係神級正！

適逢我個姨甥女放榜，中咗一間心儀嘅學校，咁梗係要請佢食好嘢啦！放題俾佢慢慢食😁😁一早就book咗APM午餐放題，時間12點到3點任食。大家真係要記得book位，因為我去到入邊已經係好多人好多人好似成場都full晒咁，不過位與位之間嘅位置好好，唔算話好窄，同埋好多人嘅情況下都唔算話好嘈吵，仲可以傾到計。小朋友唔係話好鍾意食好多生嘢，所以大喜屋可以適合佢食同埋適合其他大人食。一間餐廳滿足你兩個願望。熟食區都有好多嘢食，仲要真係唔差，我覺得直情好食，尤其是炸雞，熱辣辣，外脆內嫩。同埋值得一讚嘅係，有好多唔同味道嘅雪糕揀，仲要唔係平時食開嗰啲，可以試吓其他口味其他牌子，尤其是雪條，係北歐入口的，味道好味！同埋size啱啱好，細細條唔會話好多！